நீங்கள் தேடியது "தெலுங்கானா"

தெலுங்கானா முன்னாள் முதல்-மந்திரி சந்திரசேகர ராவின் மகன் கே.டி.ராமராவ் ஆளும் காங்கிரஸ் கட்சிக்கு எதிராக பகிரங்க குற்றச்சாட்டுகளை தெரிவித்து வருகிறார்.

தெலுங்கானாவில் காங்கிரஸ் கட்சி அளித்த 6 முக்கிய வாக்குறுதிகளை நிறைவேற்றவில்லை. காங்கிரஸ் அரசு தெலுங்கானாவுக்கு சாபம் ஆகிவிட்டது.

போலீஸ் அதிகாரிகள் முதல் காவலர்கள் வரை துன்புறுத்தப்படுகின்றனர். காங்கிரஸ் அரசின் தோல்விகளை வெளிச்சம் போட்டு காட்டவும், மக்களை சந்தித்து நேரடியாக குறைகளை கேட்பதற்காகவும் தெலுங்கானா முழுவதும் கே.டி.ராமராவ் பாத யாத்திரை செல்ல உள்ளதாக அறிவித்துள்ளார்.

பார்வையற்ற தம்பதியினர் தங்களது மகன் இறந்தது தெரியாமல் 4 நாட்கள் அவருடைய சடலத்துடன் வாழ்ந்து வந்த சம்பவம் ஐதராபாத்தில் பெரும் அதிர்ச்சியை ஏற்படுத்தியுள்ளது.

ஓய்வு பெற்ற அரசு ஊழியர் கலுவா ரமணா அவரது மனைவி சாந்திகுமாரி ஆகியோர் தங்களுடைய இளைய மகன் பிரமோத்துடன் ஐதராபாத்தின் பிளைண்ட்ஸ் காலனியில் உள்ள ஒரு வாடகை வீட்டில் குடியிருந்து வந்தனர்.

இந்த பார்வையற்ற தம்பதியினரின் வீட்டில் இருந்து துர்நாற்றம் வீசியதை அடுத்து அக்கம்பக்கத்தினர் போலீசாருக்கு தகவல் தெரிவித்ததை அடுத்து இந்த அதிர்ச்சி சம்பவம் தெரிய வந்துள்ளது.

4 நாட்களுக்கு முன்பு தூக்கத்திலேயே பிரமோத் இறந்துவிட்டதாக தெரிவித்த போலீசார் அவரது உடலை பிரேதப் பரிசோதனைக்கு அனுப்பியுள்ளனர்.

இந்த விவகாரம் தொடர்பாக பார்வையற்ற தம்பதியின் மூத்த மகன் பிரதீப் என்பவருக்கு போலீசார் தகவல் தெரிவித்தனர். பின்னர் பிரதீப்பிடம் அவரது பெற்றோர்கள் ஒப்படைக்கப்பட்டனர்.

30 வயதான பிரமோத்தை விட்டு அவரது மனைவி பிரிந்து சென்றுள்ளார். மேலும் அவரது 2 மகள்களையும் அவரது மனைவி தன்னுடன் அழைத்து சென்றுள்ளார். இதனால் மன உளைச்சலுக்கு ஆளான பிரமோத் மதுப்பழக்கத்திற்கு அடிமையாகியுள்ளார் என்று சொல்லப்படுகிறது.

தெலுங்கானா மாநிலம், ஐதராபாத், புவனகிரியை சேர்ந்தவர் நிஹாரிகா (வயது 29). இவருடைய 16-வது வயதில் தந்தை இறந்துவிட்டார்.

அவருடைய தாயார் மறுமணம் செய்து கொண்டார். தந்தை இழப்பு, தாய் மறுமணம் என மனம் உடைந்த நிஹாரிகா படிப்பில் தீவிர கவனம் செலுத்தினார். என்ஜினியரிங் படித்து முடித்த அவர் இளம் வயதிலேயே திருமணம் செய்து கொண்டார்.

பெங்களூரை சேர்ந்த சாப்ட்வேர் என்ஜினியர் ஒருவரையும், பின்னர் அரியானாவை சேர்ந்த மற்றொருவரையும் திருமணம் செய்து விவாகரத்து பெற்றார்.

நிஹாரிகவின் மோசடி குறித்து 2-வது கணவர் போலீசில் புகார் செய்தார். போலீசார் நிஹாரிகாவை கைது செய்து ஜெயிலில் அடைத்தனர். ஜெயிலில் இருந்த சக பெண் கைதியுடன் நிஹாரிகாவுக்கு பழக்கம் ஏற்பட்டது.

ஜெயிலில் இருந்து வெளியே வந்தபோது ஜெயிலில் பழக்கமான கைதியின் மகன் ராணா என்பவருடன் நிஹாரிகாவுக்கு கள்ளக்காதல் ஏற்பட்டது. பின்னர் பெங்களூரு சென்றபோது அங்குள்ள கால்நடை டாக்டர் நிகில் ரெட்டி என்பவருடன் பழக்கம் ஏற்பட்டது.

இந்த நிலையில் ஆன்லைன் திருமண விளம்பரம் மூலம் ஐதராபாத் துகாரகேட்டை சேர்ந்த ரியல் எஸ்டேட் அதிபர் ரமேஷ் குமாருடன் நிஹாரிகாவுக்கு தொடர்பு ஏற்பட்டது.

நிஹாரிகா தான் பெங்களூரில் உள்ள தனியார் நிறுவனத்தில் சாப்ட்வேர் என்ஜினியராக வேலை செய்வதாக அவரிடம் தெரிவித்தார்.

ரமேஷ் குமாருக்கு ஏற்கனவே திருமணம் ஆகி மனைவி மற்றும் ஒரு மகள் உள்ளனர். மனைவி மகளை தவிக்கவிட்டு கடந்த 2018-ம் ஆண்டு ரமேஷ் குமார் நிஹாரிகாவை பதிவு திருமணம் செய்து கொண்டார்.

பின்னர் இருவரும் காட்கேசர் ,போச்சவரத்தில் வீடு எடுத்து குடும்பம் நடத்தி வந்தனர். ரமேஷ் குமார் நிஹாரிகாவுக்கு ஒரு ஆடம்பரமான வாழ்க்கையை வழங்கினார். கேட்ட போதெல்லாம் செலவுக்கு பணம் கொடுத்தார். இதனால் நிஹாரிகா ஆடம்பரமான வாழ்க்கை வாழ தொடங்கினார்.

நிஹாரிகா அடிக்கடி பெங்களூர் சென்று கள்ளக்காதலர்களை சந்தித்து வந்தார். ரமேஷ் குமாருக்கு அவர் நடத்தை மீது சந்தேகம் ஏற்பட்டது. இது குறித்து கேட்டதால் இருவருக்கும் இடையே தகராறு ஏற்பட்டது.

இந்த நிலையில் நிஹாரிகா ரமேஷ் குமாரிடம் ரூ.8 கோடி கேட்டார். மிகப்பெரிய தொகையாக இருப்பதாக நினைத்த ரமேஷ் குமார் பணம் தர மறுத்தார். இது நிஹாரிகாவுக்கு கடும் கோபத்தை ஏற்படுத்தியது.

கள்ளக்காதலனுடன் சேர்ந்து கணவரை கொலை செய்ய திட்டமிட்டார். இதற்காக அவருடைய கள்ளக்காதலன் ராணாவை வரவழைத்தார். சம்பவத்தன்று இரவு ரமேஷ் குமார் வீட்டில் மது குடித்துவிட்டு மயங்கியபடி கிடந்தார்.

அந்த நேரத்தில் ஏற்கனவே திட்டமிட்டபடி ரமேஷ் குமாரை கழுத்தை இறுக்கி கொலை செய்தனர். இதுகுறித்து கர்நாடகாவில் உள்ள கள்ளக்காதலன் நிகில் ரெட்டிக்கு நிஹாரிகா தகவல் தெரிவித்தார்.

பின்னர் ரமேஷ் குமார் பிணத்தை காரில் ஏற்றிக்கொண்டு 800 கிலோமீட்டர் பயணம் செய்தனர். கர்நாடகா மாநிலம் குடகு மாவட்டம், சுண்டிகுப்பாவில் உள்ள காபி தோட்டத்திற்கு சென்றனர். அங்கு ரமேஷ் குமார் உடலை துண்டு துண்டாக வெட்டி தீ வைத்து எரித்தனர். பின்னர் அங்கிருந்து தப்பி சென்றனர்.

பாதி எரிந்த நிலையில் உடல் பாகங்கள் கிடந்ததை கண்டு அதிர்ச்சி அடைந்த பொதுமக்கள் அங்குள்ள போலீசாருக்கு தகவல் தெரிவித்தனர். போலீசார் உடல் பாகங்களை கைப்பற்றி அங்கு உள்ள கண்காணிப்பு கேமராக்களை ஆய்வு செய்தனர்.

அதில் பிணத்துடன் சென்ற கார் பதிவு எண் பதிவாகி இருந்தது. அதன் மூலம் நிஹாரிகா மற்றும் அவருடைய கள்ளக்காதலர்களை போலீசார் கைது செய்தனர்.

ரமேஷ் குமார் பெயரில் உள்ள பல கோடி ரூபாய் மதிப்புள்ள சொத்துக்களை அபகரிக்க அவரை கொலை செய்ததாக வாக்குமூலத்தில் நிஹாரிகா தெரிவித்துள்ளார்.

இது குறித்து குடகு போலீசார் கூறுகையில், " உடல் பாகங்கள் போர்வையால் சுற்றி எரிக்கப்பட்டுள்ளது. ஆதாரங்கள் அனைத்தும் அழிக்கப்பட்டதால் கொலை செய்யப்பட்டவர் யார் என்பதை கண்டுபிடிக்க முடியவில்லை.

முதற்கட்டமாக அந்த பகுதியில் உள்ள 500 கண்காணிப்பு கேமராக்களை ஆய்வு செய்தோம். அதில் நள்ளிவு 12 மணிக்கு காப்பி தோட்டத்திற்குள் சென்ற கார் பதிவு எண் தெளிவாகத் தெரிந்தது. அதன்மூலம் விசாரணையை தொடங்கினோம்.

அப்போது கார் தெலுங்கானா மாநிலத்தைச் சேர்ந்த ரமேஷ் குமார் என்பவருடையது என தெரியவந்தது. மேலும் அவரைக் காணவில்லை என அங்குள்ள போலீசில் புகார் அளித்துள்ளனர்.

சந்தேகம் ஏற்பட்டதால் நிஹாரிகாவிடம் விசாரித்தோம். இதில் அனைத்து உண்மைகளும் வெளிவந்தது" என்றனர்.

தெலுங்கானா மாநிலம் ஐதராபாத்தில் குடிபோதையில் சிகரெட் லைட்டரால் பெட்ரோல் நிலையத்துக்கு தீவைத்த நபரால் பரபரப்பு ஏற்பட்டுள்ளது. நேற்று மாலை ஐதராபாத்தில் நாச்சரம் [Nacharam] பகுதியில் உள்ள பெட்ரோல் பங் ஒன்றுக்கு சிரன் என்ற நபர் குடிபோதையில் வந்துள்ளார்.

கையில் சிகரெட் லைட்டரை வைத்துக்கொண்டு அவர் வந்த நிலையில் பெட்ரோல் நிலையத்தில் வேலை பார்த்து வந்த அருண் என்ற ஊழியர், தைரியம் இருந்தால் நிலையத்துக்கு தீவைக்குமாறு அவரை தூண்டியுள்ளார். குடிபோதையில் இருந்த சிரன் நிஜமாகவே பெட்ரோல் போட்டுக்கொண்டிருந்த ஸ்கூட்டர் மீது தீ வைத்துவிட்டார்.

இதனால் அங்கு தீ கொழுந்துவிட்டு எரிந்தது. தீப்பற்றிய சமயத்தில் அங்கு 10 முதல் 11 பேர் வரை இருந்துள்ளனர். ஒரு தாயும் அவரது குழந்தையும் தீயில் இருந்து நூலிழையில் தப்பினர்.

நிலையத்தில் தீப்பற்றி எரியும் சிசிடிவி காட்சிகள் வெளியாகியுள்ளது. இந்நிலையில் தீ வைத்த சிரன் ,மற்றும் அவரை தூண்டிய பங்க் ஊழியர் அருண் ஆகிய இருவரையும் போலீசார் கைது செய்துள்ளனர். இருவரும் பீகாரை சேர்ந்தவர்கள் என்று தெரியவந்துள்ளது.

திருப்பதி:

தெலுங்கானா மாநிலம், மெகபூபாபாத் மாவட்டம், பழங்குடியினத்தை சேர்ந்தவர் யஷ்வந்த். இவர் அங்குள்ள கல்லூரியில் 2-ம் ஆண்டு படித்து வருகிறார். கடந்த மாதம் 19-ந் தேதி யஷ்வந்த் மகாராஷ்டிரா, குஜராத், அருணாச்சல பிரதேசம், ஆந்திரா மாநிலங்களை சேர்ந்த 7 பேர் குழுவாக சேர்ந்து அருணாச்சல பிரதேசத்தில் உள்ள கோரிசென் மலைக்கு சென்றனர்.

6,488 மீட்டர் உயரம் உள்ள கரடு முரடான மலையில் ஏறி உச்சிக்கு சென்றார். யஷ்வந்துடன் வந்தவர்கள் மலையேற முடியாமல் பாதி வழியில் தவித்தனர். மலையின் உச்சிக்குச் சென்ற யஷ்வந்த் அங்கிருந்த உச்சியில் இந்திய தேசிய கொடியை நாட்டினார்.

ஏற்கனவே 2016-ம் ஆண்டு ராணுவ வீரர்கள் மட்டுமே கோரிசென் மலை ஏறினர். ராணுவ வீரர் அல்லாத கல்லூரி மாணவர் ஒருவர் இந்த மலையை ஏறியது இதுவே முதல்முறை.

மலை உச்சியில் மாணவர்கள் போதைக்கு அடிமையாகக் கூடாது. பெண்களை மதிப்போம். வன்முறையை நிராகரிப்போம் என்ற விழிப்புணர்வு பதாகைகளை காட்டினார். மேலும் தற்போது 8,849 மீட்டர் உயரம் உள்ள எவரெஸ்ட் சிகரத்தை ஏறுவதில் கவனம் செலுத்தி வருகிறார்.

திருப்பதி:

தெலுங்கானா மாநிலம், ராஜ்ண்ணா சிர்சில்லா மாவட்டம், நம்பள்ளி கிராமத்தின் புறநகர் பகுதியில் 30 குரங்குகள் மர்மமான முறையில் இறந்து கிடந்தன. இதுகுறித்து வனத்துறையினருக்கு அப்பகுதி மக்கள் தகவல் தெரிவித்தனர்.

வனத்துறையினர் மற்றும் போலீசார் சம்பவ இடத்திற்கு வந்தனர். இறந்து கிடந்த குரங்குகளை மீட்டு பிரேத பரிசோதனைக்காக கால்நடை ஆஸ்பத்திரிக்கு அனுப்பி வைத்தனர்.

இதுகுறித்து போலீசார் வழக்கு பதிவு செய்து குரங்குகளை யாராவது விஷம் வைத்து கொன்றார்களா? அல்லது வேறு எதாவது காரணமா? என விசாரணை நடத்தி வருகின்றனர்.

மேலும் அப்பகுதியில் பொருத்தப்பட்டுள்ள கண்காணிப்பு கேமராக்களை ஆய்வு செய்து வருகின்றனர்.

போலீசார் கூறுகையில், பிரேத பரிசோதனை அறிக்கை வந்த பிறகு குரங்குகள் இறந்ததற்கான காரணம் தெரிய வரும் என்றனர்.

திருப்பதி:

தெலுங்கானா முன்னாள் முதல் மந்திரி சந்திரசேகரராவின் மகன் கே. டி. ராமராவ் அளித்த பேட்டியில் கூறியதாவது:-

தெலுங்கானா முதல் மந்திரி ரேவந்த் ரெட்டி எதிர்க்கட்சித் தலைவர்கள் மற்றும் அவரது சொந்த அமைச்சர்களின் செல்போன் உரையாடல்களை ஒட்டு கேட்கிறார்.

நான் அவருக்கு பகிரங்க சவால் விடுக்கிறேன். செல்போன்கள் ஒட்டு கேட்பதில் ஈடுபடுவதில்லை என்பதை நிரூபிக்க கேமராக்களுக்கு முன்பாக அவருக்கு பொய் கண்டறியும் சோதனை நடத்த வேண்டும். அதற்கு ரேவந்த் ரெட்டி முன் வருவாரா?

காங்கிரஸ் அரசு தனது முதல் 100 நாட்களுக்குள் முக்கிய வாக்குறுதிகள் மற்றும் உத்தரவாதங்கள் எதையும் நிறைவேற்றவில்லை.

காங்கிரஸ் தலைவர் ராகுல் காந்தி டெல்லியில் நீதி சமத்துவம் மற்றும் அரசியல் அமைப்பு பற்றி அடிக்கடி பேசுகிறார். ஆனால் தெலுங்கானாவில் விளிம்பு நிலை சமூகங்களுக்கு எதிரான காங்கிரஸ் தலைமையிலான அரசின் நடவடிக்கைகள் குறித்த அவர் மவுனம் காக்கிறார்.

ஏழைகளை அச்சுறுத்தும் காங்கிரஸ் தலைமையிலான புல்டோசர் ஆட்சியில் இருந்து தெலுங்கானாவில் பாதிக்கப்படக்கூடிய சமூகங்களை பாதுகாப்பதற்கு ராகுல் காந்தி முன்னுரிமை அளிக்க வேண்டும்.

இவ்வாறு அவர் கூறினார்.

சினிமாவவில் காதலர்களைப் பிரித்ததால் வில்லன் நடிகரை ஆத்திரத்தில் பெண் ஒருவர் கன்னத்தில் அறைந்த சம்பவம் தெலங்கானாவில் நிகழ்ந்துள்ளது. தெலுங்கில் சமீபத்தில் வெளியான, 'லவ் ரெட்டி' என்ற படம் ஐதராபாத்தில் உள்ள திரையரங்கு ஒன்றில் திரையிடப்பட்டது.

படம் முடிந்ததும் அதில் நடித்தவர்கள் மேடையில் தோன்றி பேசினர். அப்போது மேடையில் ஏறிய நடுத்தர வயது பெண் ஒருவர் படத்தில் வில்லனாக நடித்த ராமசாமி யை சட்டையை கன்னத்தில் அறைந்து சரமாரியாகத் தாக்கத் தொடங்கினார். ஏன் காதலர்களுக்கு பிரச்சனை தருகிறாய் என்று கேட்டவாறே அவர் தாக்கினார்.

இதை சற்றும் எதிர்பாராமல் ராமசாமி திகைத்து நிற்க சக நடிகர்கள் அந்த பெண்ணை தடுத்து நிறுத்த முயன்றனர். இதனால் சற்று நேரம் அங்கு பரபரப்பான சூழல் ஏற்பட்டது.

படத்தில் காதலர்களை சேர விடாமல் வில்லன் பிரித்ததால் ஆத்திரமடைந்த பெண் நடிகர் ராமசாமியை தாக்கியுள்ளார். இதுதொடர்பான வீடியோ இணையத்தில் வைரலாக பரவி வருகிறது.

திருப்பதி:

மயோனைஸ் இதனுடன் சவர்மா, பீட்சா உள்ளிட்ட துரித உணவுகள் கலந்து சாப்பிட்டால் அதிக ருசி கிடைக்கிறது.

நகர பகுதிகளில் மயோனைஸ் பயன்பாடு அதிகரித்து வருகிறது. இது முழுக்க முழுக்க முட்டை வெள்ளைக்கரு, எண்ணெய், சர்க்கரை, உப்பு, எலுமிச்சை சாறு போன்ற மூலப்பொருட்கள் பயன்படுத்தி மிக்சியில் அரைத்து தயாரிக்கப்படுகிறது.

அப்படி தயாரிக்கப்படும் மயோனைஸ் பாக்டீரியாக்கள் இனப்பெருக்கம் செய்ய ஏதுவான உணவுப்பொருள் என்கின்றனர்.

தெலுங்கானா மாநிலம் செகந்திராபாத்தில் மயோனைஸ் நிரப்பப்பட்ட சவர்மா சாப்பிட்ட 4 பேருக்கு கடுமையான வயிற்றுப்போக்கு ஏற்பட்டது.

இதேபோல் அடுத்தடுத்து 10 சம்பவங்கள் மாநிலத்தில் நடைபெற்றன. இதனை தொடர்ந்து மயோனைஸ் விற்பனை செய்யப்படும் கடைகள் மற்றும் தயாரிப்பு கூடங்களில் உணவு பாதுகாப்பு அதிகாரிகள் ஆய்வு செய்தனர்.

அதில் பாக்டீரியாக்கள் இருப்பது தெரியவந்துள்ளது. இதனை தொடர்ந்து தெலுங்கானா மாநிலத்தில் முட்டை மயோனைஸ் விற்பனைக்கு தடை செய்ய அரசு அதிகாரிகள் பரிசீலித்து வருகின்றனர்.

தெலுங்கானா மாநிலம், ஜல்லபுரத்தை சேர்ந்தவர் கிருஷ்ணய்யர். இவரது மனைவி மாதம்மா. தம்பதிக்கு 3 மகன்கள், 1 மகள் உள்ளனர். அனைவருக்கும் திருமணமாகி தனித்தனியாக வசித்து வருகின்றனர்.

மாதாம்மா கடந்த சில ஆண்டுகளுக்கு முன்பு இறந்துவிட்டார். இதனால் கிருஷ்ணய்யர் இளைய மகனுடன் வசித்து வந்தார்.

நேற்று முன்தினம் இரவு இளைய மகனின் மனைவி கிருஷ்ணய்யருக்கு சாதம் பரிமாறினார். பழைய சாதம் என்பதால் குளிர்ச்சியாக இருந்தது. இதனைப் பார்த்த கிருஷ்ணய்யர் மருமகளிடம் சூடான சாப்பாடு வேண்டும் என கூறினார்.

இதனைக் கேட்டு ஆத்திரம் அடைந்த மருமகள் அவருடன் வாக்குவாதத்தில் ஈடுபட்டார். மேலும் கணவருக்கும், அவரது அண்ணனுக்கும் போன் செய்து உங்களது தந்தை சூடான சாதம் கேட்கிறார் என தெரிவித்தார்.

சம்பவ இடத்திற்கு வந்த மகன்கள் இருவரும் தந்தையை கடுமையாக தாக்கினர். கிருஷ்ணய்யர் வலியால் அலறி துடித்தார். இவரது அலறல் சத்தம் கேட்ட அக்கம் பக்கத்தினர் மகன்களிடமிருந்து கிருஷ்ணய்யரை மிட்டனர்.

மகன்களின் தாக்குதலால் உயிருக்கு பயந்த கிருஷ்ணய்யர் ஜல்லாபுரத்திலிருந்து மணவபாடு வரை 6 கிலோ மீட்டர் நள்ளிரவில் தனியாக நடந்தே வந்தார்.

இரவு முழுவதும் பஸ் நிலையத்தில் தங்கி இருந்த கிருஷ்ணய்யர் நேற்று காலை மணவபாடு போலீஸ் நிலையத்தில் மகன்கள் மீது புகார் செய்தார்.

நிலத்தை விற்று வைத்திருந்த ரூ. 3 லட்சத்தை வாங்கிக் கொண்டு சாப்பாடு போடுவதாக கூறிவிட்டு தற்போது தன் மீது தாக்குதல் நடத்துவதாக புகாரில் கூறி இருந்தார். போலீசார் வழக்கு பதிவு செய்து விசாரணை நடத்தி வருகின்றனர்.

தெலுங்கானா மாநிலம் ஜங்கானில் குளத்தை ஒட்டிய வயல்வெளிக்கு அருகில் கார் ஓட்டுவதற்காக ஒருவர் பயிற்சியெடுத்து வந்துள்ளார். அப்போது அவருக்கு கார் ஓட்ட சொல்லிக்கொடுத்த நபர் பிரேக் போட சொல்லியுள்ளார். அப்போது பிரேக்கிற்கு பதிலா ஆக்சிலேட்டரை அந்த நபர் அழுத்தியுள்ளார்.

இதனால் கார் பக்கத்தில் இருந்த ஒரு குளத்திற்குள் விழுந்துள்ளது. குளத்திற்குள் கார் மூழ்க தொடங்கியதை அடுத்து இருவரும் காரை விட்டு குளத்திற்குள் குதித்துள்ளனர். அப்போது அக்கம் பக்கத்தில் இருந்தவர்கள் அவர்களை காப்பற்றியுள்ளனர்.

இருவருக்குமே நீச்சல் தெரியும் என்பதாலும், குளம் ஆழமாக இல்லாததாலும் இருவரும் உயிர் பிழைத்துள்ளனர். இந்த சம்பவத்தில் யாருக்கும் காயம் ஏற்படவில்லை. அதிவேகமாகவும், கவனக்குறைவாகவும் வாகனம் ஓட்டியதாக போலீசார் அவர்கள் வழக்குப்பதிவு செய்துள்ளனர்.

திருப்பதி:

தெலுங்கானா மாநில பத்ராத்திரி கொத்த குடேம் மாவட்டத்தில் மானச விகாசா பகுதியில் பள்ளி இயங்கி வருகிறது. இந்த பள்ளியில் ஆசிரியர் ஒருவர் பள்ளி சிறுவனை கொடூரமாக தாக்கி உள்ளார்.

ஆசிரியர் சிறுவனை பிடித்து முதுகில் பலமாக அடித்தார். சிறுவன் வலியால் கதறி அழுதபடி அவனது முதுகை இரு கைகளையும் பின்புறமாக வைத்து தடவினான்.

அப்போது அவனது கைகளை பிடித்து ஆசிரியர் தர தரவென இழுத்துச் சென்று மாறி மாறி தாக்கி உள்ளார். அப்போது அவருடைய பாக்கெட்டில் இருந்து செல்போன் வெளியே வந்தது.

அதை சரி செய்து கொண்ட ஆசிரியர் மேலும் சிறுவனை 4 முறை கைகளால் அடித்தார். அப்போது சிறுவன் நிற்க முடியாமல் கீழே சரிந்து விழுந்தான்.

சிறுவன் கையில் வைத்திருந்த ஒரு நோட்டுப் புத்தகத்தை பிடுங்கி அதை வீசி எறிந்து அந்த புத்தகத்தை எடுத்து வருமாறு கூறினார்.

கீழே விழுந்த சிறுவன் புத்தகத்தை எடுப்பதற்காக எழுந்ததும் மீண்டும் ஆசிரியர் சிறுவனை தரையில் இழுத்து போட்டு அடித்தார்.

ஆசிரியரின் தாக்குதலில் இருந்து மீள முடியாத சிறுவன் அழுது கொண்டே வீட்டிற்கு சென்றான். நடந்த விஷயங்களை பெற்றோர்களிடம் தெரிவித்தான்.

எந்தவித காரணமும் இல்லாமல் ஆசிரியர் தன்னை அடித்ததாக கூறினான். இதனால் ஆத்திரமடைந்த பெற்றோர்கள் மற்றும் உறவினர்கள் பள்ளியில் திரண்டனர். ஆசிரியர் மீது நடவடிக்கை எடுக்க வேண்டும் என கோரிக்கை விடுத்தனர்.

அப்போது பள்ளியில் இருந்த கண்காணிப்பு கேமராக்களை ஆய்வு செய்தனர். அதில் ஆசிரியர் சிறுவனை கொடூரமாக தாக்கும் காட்சிகள் இருந்தன. இதனை கண்டதும் பெற்றோர்களுக்கு கண்ணீர் பெருக்கெடுத்தது.

இந்த வீடியோ பரவி வருகிறது. ஆசிரியர் மீது நடவடிக்கை எடுக்க வேண்டும் என பல்வேறு தரப்பினர் வலியுறுத்தியுள்ளனர்.