நீங்கள் தேடியது "நகை-பணம் திருட்டு"

பெருந்துறை, 

பெருந்துறை அடுத்த காஞ்சிக்கோவில் கரட்டுப்பாளையம் பகுதியை சேர்ந்தவர் மாதேஸ்வரன் (54). இவர் பெருந்துறையில் உள்ள அரசு போக்குவரத்து கழகத்தில் மெக்கானிக்காக பணியாற்றி வருகிறார்.

இவர் சம்பவத்தன்று அவரது மனைவியுடன் துணி எடுக்க ஈரோடு சென்றார். பின்னர் மீண்டும் மாலை 4 மணியளிவில் வீடு திரும்பினார்.

அப்போது அவர்களது வீட்டின் கதவு திறந்து இருந்தது. இதை கண்டு அதிர்ச்சி அடைந்த அவர்கள் வீட்டிற்குள் சென்று பார்த்தனர்.

அப்போது பீரோ உடைக்கப்பட்டு பீரோவில் இருந்த 3 பவுன் தங்க நகை மற்றும் ரூ.30 ஆயிரம் ரொக்கம் திருடப்பட்டு இருந்தது தெரியவந்தது.

இதையடுத்து மாதேஸ்வ ரன் காஞ்சிக்கோ வில் போலீஸ் நிலையத்தில் புகார் அளித்தார். இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். 

ஈரோடு:

ஈரோடு மாவட்டம் பெருந்துறை அடுத்துள்ள விஜயமங்கலம் சேரன் நகரை சேர்ந்தவர் பசுபதி. இவரது மனைவி மைதிலி. பசுபதி தர்மபுரியில் டாஸ்மாக் மேலாளராக வேலை பார்த்து வருகிறார்.

இவருடைய மனைவி மைதிலி அத்திக்கடவு- அவினாசி திட்ட அலுவலகத்தில் இளநிலை உதவியாளராக பணிபுரிந்து வருகிறார்.

நேற்று முன்தினம் வீட்டில் அனைவரும் வெளியூர் சென்று விட்டனர். நேற்று காலை மைதிலி வீட்டுக்கு வந்தார். அப்போது வீட்டின் கதவு உடைக்கப்பட்டு இருப்பதைக் கண்டு அதிர்ச்சி அடைந்தார்.

உள்ளே சென்று பார்த்தபோது பீரோ உடைக்கப்பட்டு இருந்தது. பீரோவில் இருந்த 37 பவுன் நகைகள் மற்றும் ரூ.4 லட்சம் ரொக்க பணம் திருட்டு போயிருந்தது.

வீட்டில் ஆள் இல்லாததை நோட்டமிட்ட மர்ம நபர்கள் நள்ளிரவில் வீட்டுக்குள் புகுந்து கைவரிசை காட்டி இருப்பது தெரிய வந்தது. இது குறித்து பெருந்துறை போலீசுக்கு தகவல் அளிக்கப்பட்டது.

அதன் பேரில் பெருந்துறை துணை போலீஸ் சூப்பிரண்டு ஜெயபாலன், போலீஸ் இன்ஸ்பெக்டர் மசூதா பேகம் மற்றும் போலீசார் சம்பவ இடத்துக்கு விரைந்து வந்து விசாரணை நடத்தினார்கள்.

கைரேகை நிபுணர்களும் வந்து தடயங்களை சேகரித்தனர். மோப்ப நாயும் வரவழைக்கப்பட்டது. அது சிறிது தூரம் ஓடியது. ஆனால் யாரையும் கவ்வி பிடிக்கவில்லை.

இது குறித்து பெருந்துறை போலீசார் வழக்கு பதிவு செய்து விசாரணை நடத்தி வருகின்றனர்.

மேலும் வீட்டில் பொருத்தப்பட்டிருக்கும் சி.சி.டி.வி. கேமிரா காட்சிகளையும் ஆய்வு செய்து அதன் அடிப்படையில் விசாரணையை நடத்தி வருகின்றனர்.

சி.சி.டி.வி. கேமிரா காட்சியில் கொள்ளை நடந்த அன்று நள்ளிரவில் ஒரு சிகப்பு கலர் காரும், ஒரு மோட்டார் சைக்கிளும் செல்வது பதிவாகி இருந்தது. இதன் பேரில் விசாரணையை போலீசார் தீவிரப்படுத்தி உள்ளனர்.

செங்கம்:

செங்கம் அடுத்த தாழையூத்து மற்றும் அதன் அருகே உள்ள போயம்பள்ளி தண்டா பகுதியில் உள்ள மாரியம்மன் கோவில்களில் பூட்டை உடைத்து மர்ம நபர்கள் கொள்ளையடித்துச் சென்றுள்ளனர்.

அதேபோல நேற்று முன்தினம் பொன்னித்தண்டா கிராம பகுதியில் உள்ள கோவிலிலும் பூட்டை உடைத்து திருட்டு சம்பவம் நடைபெற்றுள்ளதாக அப்பகுதி மக்கள் தரப்பில் கூறப்படுகிறது.

இந்த சம்பவங்கள் குறித்து செங்கம் போலீசார் விசாரணை செய்து வருகின்றனர்.

வேடசந்தூர்:

வேடசந்தூர் அருகே உள்ள தம்மணம்பட்டியை சேர்ந்தவர் வடிவேல். இவர் தனியார்மில்லில் வேலை பார்த்து வருகிறார். நேற்று இவர்வேலைக்கு சென்றுவிட்டார். மனைவியும் வீட்டைபூட்டிவிட்டு வெளியே சென்றுவிட்டார்.

மீண்டும் திரும்பி வந்து பார்த்தபோது வீட்டின் கதவு உடைக்கப்பட்டு பீரோவில் இருந்த 12 பவுன் நகை, ரூ.52 ஆயிரம் திருடுபோயிருந்தது. இதுகுறித்து வேடசந்தூர் போலீசில் புகார் அளிக்கப்பட்டது.

இன்ஸ்பெக்டர் பாலமுருகன் தலைமையிலான போலீசார் விசாரணை நடத்தி வருகின்றனர்.

ஆண்டிபட்டி:

ஆண்டிபட்டி அருகே உள்ள பிச்சம்பட்டியைச் சேர்ந்தவர் வேல்ராஜ் (வயது 54). இவருடைய தாய் முத்தம்மாள், தந்தை வடிவேலு ஆகியோர் அதே பகுதியில் தனியாக வசித்து வருகின்றனர்.

சம்பவத்தன்று அவர்களது வீட்டு பீரோவில் இருந்த 5 பவுன் நகை மற்றும் ரூ.6 ஆயிரம் ரொக்கபணத்தை மர்ம நபர்கள் திருடிச் சென்று விட்டனர். இது குறித்து வேல்ராஜ் ராஜதானி போலீஸ் நிலையத்தில் புகார் அளித்தார்.

அதன் பேரில் போலீசார் வழக்கு பதிவு செய்து விசாரணை நடத்தி வருகின்றனர்.