நீங்கள் தேடியது "விலை குறைப்பு"

டாடா மோட்டார்ஸ் நிறுவனம் இந்திய சந்தையில் தனது கார் மாடல்கள் விலையை அதிரடியாக குறைத்துள்ளது. பண்டிகை காலத்தை முன்னிட்டு விலை குறைப்பு அறிவிக்கப்பட்டு இருக்கிறது. விலை குறைப்பு காரணமாக அக்டோபர் 31 ஆம் தேதி வரை டாடா டியாகோ, டிகோர், நெக்சான், ஹேரியர் மற்றும் சஃபாரி மாடல்களின் விலை குறைந்துள்ளது.

இவற்றில் சஃபாரி மாடலுக்கு அதிகபட்சமாக ரூ. 1.80 லட்சம் விலை குறைப்பு வழங்கப்படுகிறது. தற்போது சஃபாரி காரின் என்ட்ரி லெவல் மாடல் விலை ரூ. 16.19 லட்சத்தில் இருந்து ரூ. 15.49 லட்சமாக குறைந்துள்ளது. இதே போன்று ஹேரியர் மாடல் விலை ரூ. 1.60 லட்சம் குறைந்துள்ளது. இதன் விலை ரூ. 15.49 லட்சத்தில் இருந்து ரூ. 14.99 லட்சமாக மாறியுள்ளது.

டாடா நெக்சான் விலை ரூ. 80 ஆயிரம் குறைந்துள்ளது. அல்ட்ரோஸ் மாடலின் விலை ரூ. 45 ஆயிரம் குறைந்துள்ளது. டாடா டியாகோ மற்றும் டிகோர் மாடல்களின் துவக்க விலை தற்போது முறையே ரூ. 5 லட்சம் மற்றும் ரூ. 6 லட்சம் என மாறி இருக்கிறது. இதில் டியாகோ மாடலின் விலை ரூ. 65 ஆயிரமும், டிகோர் மாடலின் விலை ரூ. 30 ஆயிரமும் குறைந்துள்ளது.

தமிழ் திரையுலகில் வித்தியாசமான படைப்புகளை தொடர்ந்து எடுத்து வருபவர் இயக்குநர், நடிகர் பார்த்திபன். இவர் இயக்கிய முதல் படத்திலேயே சிறந்த படத்திற்கான தேசிய விருதை வென்று இருக்கிறார். இயக்கம் மட்டுமின்றி படங்களில் நடிப்பதிலும் கவனம் செலுத்து வருகிறார்.

பல்வேறு திரைப்படங்களில் ஏராளமான கதாபாத்திரங்களில் நடிகர் பார்த்திபன் ரசிகர்களை மகிழ்வித்துள்ளார். இவர் கடைசியாக தயாரித்து, இயக்கிய ஒத்த செருப்பு சைஸ் 7 பல்வேறு விருதுகளை வென்று குவித்தது. இதைத் தொடர்ந்து இவர் தயாரித்து, இயக்கிய படம் இரவின் நிழல் ரசிகர்கள் மத்தியில் கலவையான விமர்சனத்தை பெற்றது.

இந்த நிலையில், இவர் இயக்கி, தயாரித்திருக்கும் அடுத்த படம் டீன்ஸ். குழந்தைகளை மையமாக வைத்து எடுக்கப்பட்டு இருக்கும் இந்த படம் ஜூலை 12 ஆம் தேதி வெளியாகும் என்று படக்குழு அறிவித்து இருக்கிறது. இந்த படத்திற்கு டி இமான் இசையமைத்துள்ளார். இப்படம் ஒரு திரில்லர் பாணியில் கதைக்களம் அமைந்துள்ளது.

இப்படம் வரும் ஜூலை 12 ஆம் தேதி வெளியாகவுள்ளது. அதே நாளில் ஷங்கர் இயக்கத்தில் கமல் நடிப்பில் உருவாகியுள்ள இந்தியன் 2 திரைப்படம் உருவாகியுள்ளது.

அண்மையில் படத்தை குறித்து சர்ச்சை ஒன்று எழுந்தது. படத்தின் VFX காட்சிகளை கையாண்ட நிறுவனம் குறித்த நேரத்தில் கிராபிக்ஸ் காட்சிகளை செய்து தரவில்லை எனவும், ஒப்பந்தத்தில் போடப்பட்ட தொகையை விட அதிகமாக கேட்கிறார்கள் என கோயம்பத்தூர் காவல் நிலையத்தில் புகாரளித்தார் பார்த்திபன். அதற்கு பதிலளிக்கும் வகையில் அந்த நிறுவனமும் பதிலுக்கு படத்தின் மீது புகார் அளித்துள்ளனர்.

இந்நிலையில் பார்த்திபன் படத்தின் ப்ரோமோஷன் பணிகளில் ஈடுப்பட்டு வருகிறார். அதன்படி படத்தின் டிக்கெட் விலையை 100 ரூபாய்க்கு குறைத்துள்ளார். படம் வெளியாகி சில நாட்களுக்கு மட்டுமே இச்சலுகை என குறிப்பிட்டுள்ளார்.

தற்பொழுது அனைத்து தனியார் கார்பரேட் திரையரங்குகளிலும் ஒரு சிக்கெட்டின் விலை சராசரியாக 150 முதல் 200 ரூபாய் வரை இருக்கிறது. இதனால் பார்த்திபனின் இந்த முடிவு பாராட்டுக்குறியது.

இதுக் குறித்து அவர் சமூக வலைத்தளத்தில் " எதற்காகவும் என்னை நான் குறைத்துக் கொண்டதே இல்லை, பட் டீன்ஸ் படத்தின் டிக்கெட் விலை முதல் சில நாட்களுக்கு 100/- மட்டுமே, இதில் நட்டமே இல்லை, வசதி குறைவானவர்களும் காண வசதியாக இருப்பதன் நாட்டமே" என்று பதிவிட்டுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

எண்ணெய் நிறுவனங்கள் கச்சா எண்ணெய் விலை உயர்வு, சர்வதேச சந்தை ஆகியவற்றை கருத்தில் கொண்டு பெட்ரோல், டீசல் மற்றும் கியாஸ் விலையை மாதந்தோறும் 1 ஆம் தேதி மாற்றியமைக்கப்படும். அந்த வகையில், ஜூலை 1 ஆம் தேதியான இன்று வணிக பயன்பாட்டுக்கான கியாஸ் சிலிண்டர் விலை மாற்றப்பட்டது.

அதன்படி சென்னையில் வணிக பயன்பாட்டுக்கான கியாஸ் சிலிண்டர் விலை ரூ. 31 குறைந்துள்ளது. இதன் காரணமாக இதன் விலை ரூ. 1809.50 ஆக மாறியுள்ளது. இந்த மாதமும் விலை குறைக்கப்பட்டதை அடுத்து கியாஸ் சிலிண்டர் விலை தொடர்ச்சியாக 4 ஆவது மாதமாக குறைக்கப்பட்டு இருக்கிறது. 

ரியல்மி நிறுவனம் தனது GT 6 ஸ்மார்ட்போனினை இன்று இந்தியாவில் அறிமுகப்படுத்தியது. இது குவால்காம் நிறுவனத்தின் ஸ்னாப்டிராகன் 8 பிளஸ் ஜென் 3 பிராசஸர் கொண்ட ஸ்மார்ட்போனாகும்.

விலை விவரங்கள்:

ரியல்மி GT 6 8 ஜி.பி. ரேம், 256 ஜி.பி. மெமரி ரூ. 40,999

ரியல்மி GT 6 12 ஜி.பி. ரேம், 256 ஜி.பி. மெமரி ரூ. 42,999

ரியல்மி GT 6 16 ஜி.பி. ரேம், 512 ஜி.பி. மெமரி ரூ. 44,999

இந்த ரியல்மி GT 6 ஸ்மார்ட்போனை ஜூன் 24 வரை ரியல்மி மற்றும் பிளிப்கார்ட் இணையதளங்களில் முன்பதிவு செய்து கொள்ளலாம். ஜூன் 25 முதல் இந்த ஸ்மார்ட்போன் விற்பனைக்கு வருகிறது.

புதிய ஸ்மார்ட்போன் வாங்குவோர் ஐ.சி.ஐ.சி.ஐ, ஹெ.ச்.டி.எஃ.ப்.சி மற்றும் எஸ்.பி.ஐ வங்கி அட்டைகள் மூலம் ரூ. 4 ஆயிரம் வரையிலான தள்ளுபடி பெற முடியும்.

மேலும், இந்த ஸ்மார்ட்போனை வாங்கிய 6 மாதத்தில் மொபைல் ஸ்க்ரீன் உடைந்தால் புது ஸ்க்ரீன் மாற்றி தரப்படும் என்றும் மொபைல் எக்ஸ்சேஞ்ச் செய்தால் 1000 வரை தள்ளுபடி கிடைக்கும் என்று ரியல்மி நிறுவனம் தெரிவித்துள்ளது. ஈ.எம்.ஐ மூலமாகவும் இந்த ஸ்மார்ட்போனை வாங்கலாம். 12 மாதங்கள் ஈ.எம்.ஐ செலுத்த வேண்டியிருக்கும்.

ரியல்மி GT 6 மாடலில் 6.78 இன்ச் HD+ LTPO AMOLED ஸ்கிரீன் கொண்ட ப்ரோ HDR 10+ டிஸ்ப்ளே, 120Hz ரிப்ரெஷ் ரேட், 6000nits பிரைட்னஸ் பாதுகாப்பு வழங்கப்பட்டு இருக்கிறது.

இந்த ஸ்மார்ட்போன் ஸ்னாப்டிராகன் 8 பிளஸ் ஜென் 3 பிராசஸர், அதிகபட்சம் 16 ஜி.பி. ரேம், 512 ஜி.பி. மெமரி, 3D tempered dual VC லேயர் கூலிங் சிஸ்டம், ஆண்ட்ராய்டு 14 சார்ந்த ரியல்மி யு.ஐ. 5, 50MP பிரைமரி கேமரா, OIS, 8MP அல்ட்ரா வைடு கேமரா, 32MP செல்ஃபி கேமரா வழங்கப்பட்டு இருக்கிறது.

இந்த ஸ்மார்ட்போன் 5500 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 120 வாட் சூப்பர்வூக் பாஸ்ட் சார்ஜிங் வசதி வழங்கப்படுகிறது.

இதனோடு ரியல்மி Buds Air6 Pro வயர்லெஸ் இயர்பட்ஸ் அறிமுகப்படுத்தப்பட்டுள்ளது. இதன் விலை ரூ. 4,999 ஆக நிர்ணயிக்கப்பட்டுள்ளது. இது ஜூன் 27 ஆம் தேதி விற்பனைக்கு வரவுள்ளது. இதை ஒருமுறை சார்ஜ் செய்தால் 40 மணிநேரம் பயன்படுத்தலாம்.

ஸ்கோடா நிறுவனம் தனது ஸ்லாவியா மிட்சைஸ் செடான் மற்றும் குஷாக் மிட்சைஸ் எஸ்யூவியின் மாடல்களின் விலையை குறிப்பிட்ட காலத்திற்கு சுமார் ரூ.1 லட்சம் வரை குறைத்துள்ளது. இத்துடன் கார் வேரியண்ட்களுக்கு புதிய பெயர்களையும் ஸ்கோடா வைத்துள்ளது.

மேற்கூறிய மாடல்கள் குறிப்பிட்ட காலத்திற்கு இந்தக் குறைவான விலையிலேயே விற்பனை செய்யப்படும் எனவும் அந்நிறுவனம் அறிவித்திருக்கிறது.

குஷாக் மாடல் இப்போது ரூ.10.89 லட்சம் முதல் ரூ.18.79 லட்சம் வரையிலும், ஸ்லாவியாவின் விலை ரூ.10.69 லட்சம் முதல் ரூ.18.69 லட்சம் வரையிலும் விற்பனை செய்யப்படுகிறது. ரூ. 11.99 லட்சமாக இருந்த குஷாக் ஆக்டிவ் தொடக்க விலை இப்போது ரூ.1.1 லட்சம் குறைந்துள்ளது.

இந்த காரின் டாப் எண்ட் மாடல் இப்போது ப்ரெஸ்டீஜ் என்று அழைக்கப்படுகிறது. இதன் விலை ரூ. 16.09 லட்சம் முதல் ரூ. 18.79 லட்சம் வரை உள்ளது. இது முந்தைய டாப்-எண்ட் வேரியண்ட் உடன் (ரூ. 17.29 லட்சம்-20.49 லட்சம்) ஒப்பிடும்போது குறிப்பிடத்தக்க வகையில் குறைவு ஆகும்.

அதிக அம்சங்கள் கொண்ட டாப்-எண்ட் மான்ட் கார்லோ தற்போது ப்ரெஸ்டீஜ் வேரியண்டின் கீழே உள்ளது. மேலும் இதன் விலை ரூ.15.60 லட்சம் முதல் ரூ.18.30 லட்சம் வரை இருக்கும்.

ஸ்லாவியா ஆக்டிவ், மிட்சைஸ் செடான் பிரிவில் எண்ட்ரி லெவல் மாடலாக இருந்தது. இதன் விலை ரூ.11.63 லட்சம். இருப்பினும், புதிய ஸ்லாவியா கிளாசிக் தொடக்க நிலை விலையை ரூ.94,000 குறைந்து ரூ.10.69 லட்சமாகக் கொண்டுள்ளது.

இதற்கிடையே, டாப் 10-ல் முதலிடம் வகிக்கும் ஸ்லாவியாவின் விலைகள் கூட கணிசமான அளவு குறைந்துள்ளன.

ஜீப் இந்தியா நிறுவனம் தனது குறைந்த விலை எஸ்.யு.வி. மாடல் காம்பஸ் விலையை இந்திய சந்தையில் குறைத்துள்ளது. இந்த விலை குறைப்பு ஜூன் மாதம் வரை மட்டும் அமலில் இருக்கும் என்று தெரிகிறது. தற்போதைய விலை குறைப்பின் படி ஜீப் காம்பஸ் மாடலின் விலைரூ. 18 லட்சத்து 99 ஆயிரம் என மாறி இருக்கிறது.

முன்னதாக ஜீப் காம்பஸ் என்ட்ரி லெவல் ஸ்போர்ட் வேரியண்ட் விலை ரூ. 20 லட்சத்து 69 ஆயிரம் என நிர்ணயம் செய்யப்பட்டு இருந்தது. தற்போது இந்த காரின் விலை ரூ. 1 லட்சத்து 70 ஆயிரம் வரை குறைந்துள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்திய சந்தையில் ஜீப் காம்பஸ் மாடல்: ஸ்போர்ட், லாங்கிடியூட், நைட் ஈகிள், லிமிடெட், பிளாக் ஷார்க் மற்றும் மாடல் எஸ் என மொத்தம் ஆறு வேரியண்ட்களில் கிடைக்கிறது. இவற்றில் ஸ்போர்ட் வேரியண்டின் விலை அதிரடியாக குறைக்கப்பட்டு இருக்கும் நிலையில், மற்ற வேரியண்ட்களின் விலை ரூ. 14 ஆயிரம் குறைக்கப்பட்டு உள்ளது.

தற்போது ஜீப் காம்பஸ் மாடல் 2.0 லிட்டர் டர்போ சார்ஜ் செய்யப்பட்ட டீசல் எஞ்சின் ஆப்ஷனில் மட்டுமே கிடைக்கிறது. இத்துடன் 6 ஸ்பீடு மேனுவல் மற்றும் 9 ஸ்பீடு ஆட்டோமேடிக் டார்க் கன்வெர்ட்டர் டிரான்ஸ்மிஷன் வழங்கப்படுகிறது.

ஒன்பிளஸ் நிறுவனத்தின் மிட்ரேஞ்ச் ஸ்மார்ட்போன் பிரிவில் R சீரிஸ் மாடல்கள் விற்பனை செய்யப்பட்டு வருகின்றன. அந்த வகையில், ஒன்பிளஸ் நிறுவனம் கடந்த ஆண்டு அறிமுகம் செய்யப்பட்ட மாடல் ஒன்பிளஸ் 11R. இந்த ஸ்மார்ட்போன் தற்போது இதுவரை இல்லாத அளவுக்கு மிகக் குறைந்த விலையில் விற்பனை செய்யப்பட்டு வருகிறது.

அமேசான் இந்தியா வலைதளத்தில் ஒன்பிளஸ் 11R ஸ்மார்ட்போனிற்கு ரூ. 2 ஆயிரம் வரை தள்ளுபடி வழங்கப்படுகிறது. இதன் காரணமாக இந்த ஸ்மார்ட்போனின் விலை ரூ. 27 ஆயிரத்து 999 என மாறி இருக்கிறது. இதுதவிர இந்த ஸ்மார்ட்போனிற்கு இதர சலுகைகளும் வழங்கப்படுகிறது.

கடந்த ஆண்டு பிப்ரவரி மாதம் அறிமுகம் செய்யப்பட்ட ஒன்பிளஸ் 11R ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் விலை ரூ. 39 ஆயிரத்து 999 என நிர்ணயம் செய்யப்பட்டது. தற்போது அமேசான் வலைதளத்தில் இந்த ஸ்மார்ட்போனிற்கு 30 சதவீதம் தள்ளுபடி வழங்கப்படுகிறது. அதன்படி இந்த ஸ்மார்ட்போனின் விலை ரூ. 27 ஆயிரத்து 999 என மாறி இருக்கிறது.

இத்துடன் வட்டியில்லா மாத தவணை முறை சலுகை, முதல் முறை அமேசான் பே ஐ.சி.ஐ.சி.ஐ. கார்டு பயன்படுத்துவோருக்கு அறிமுக சலுகை, கனரா வங்கி கிரெடிட் கார்டு பயன்படுத்தும் போது ரூ. 500 தள்ளுபடி வழங்கப்படுகிறது.

ரியல்மி நிறுவனம் தனது GT 6T ஸ்மார்ட்போனினை கடந்த வாரம் இந்திய சந்தையில் அறிமுகம் செய்தது. இந்தியாவில் குவால்காம் நிறுவனத்தின் ஸ்னாப்டிராகன் 7 பிளஸ் ஜென் 1 பிராசஸர் கொண்ட முதல் ஸ்மார்ட்போனாக ரியல்மி GT 6T ஸ்மார்ட்போன் அறிமுகமாகி இருக்கிறது. இந்த ஸ்மார்ட்போனின் விற்பனை மே 29 ஆம் தேதி துவங்க இருக்கிறது.

இந்த நிலையில், புதிய ரியல்மி ஸ்மார்ட்போன் வாங்க விரும்புவோருக்காக நாளை (மே 28) Early Access முறையில் ரியல்மி GT 6T மாடல் விற்பனை செய்யப்பட உள்ளது. அந்த வகையில், ரியல்மி GT 6T மாடலின் சிறப்பு விற்பனை நாளை மதியம் 12 மணிக்கு துவங்கி மதியம் 2 மணி வரை நடைபெற இருக்கிறது. விற்பனை ரியல்மி மற்றும் அமேசான் இந்தியா வலைதளங்களில் நடைபெற உள்ளது.

விலை விவரங்கள்:

ரியல்மி GT 6T 8 ஜி.பி. ரேம், 128 ஜி.பி. மெமரி ரூ. 30 ஆயிரத்து 999

ரியல்மி GT 6T 8 ஜி.பி. ரேம், 256 ஜி.பி. மெமரி ரூ. 32 ஆயிரத்து 999

ரியல்மி GT 6T 12 ஜி.பி. ரேம், 256 ஜி.பி. மெமரி ரூ. 35 ஆயிரத்து 999

ரியல்மி GT 6T 12 ஜி.பி. ரேம், 512 ஜி.பி. மெமரி ரூ. 39 ஆயிரத்து 999

புதிய ஸ்மார்ட்போன் வாங்குவோர் வங்கி சலுகைகள் மற்றும் கூப்பன்களை சேர்க்கும் போது ரூ. 6 ஆயிரம் வரையிலான தள்ளுபடி பெற முடியும்.

ரியல்மி GT 6T மாடலில் 6.78 இன்ச் 1.5K 8T LTPO AMOLED ஸ்கிரீன் கொண்ட ப்ரோ XDR டிஸ்ப்ளே, 120Hz ரிப்ரெஷ் ரேட், கார்னிங் கொரில்லா கிளாஸ் விக்டஸ் 2 பாதுகாப்பு வழங்கப்பட்டு இருக்கிறது.

இந்த ஸ்மார்ட்போன் ஸ்னாப்டிராகன் 7 பிளஸ் ஜென் 3 பிராசஸர், அதிகபட்சம் 12 ஜி.பி. ரேம், 512 ஜி.பி. மெமரி, 9-லேயர் கூலிங் சிஸ்டம், ஆண்ட்ராய்டு 14 சார்ந்த ரியல்மி யு.ஐ. 5, 50MP பிரைமரி கேமரா, OIS, 8MP அல்ட்ரா வைடு கேமரா, 32MP செல்ஃபி கேமரா வழங்கப்பட்டு இருக்கிறது.

இந்த ஸ்மார்ட்போன் 5500 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 129 வாட் சூப்பர்வூக் பாஸ்ட் சார்ஜிங் வசதி வழங்கப்படுகிறது.

டாடா மோட்டார்ஸ் நிறுவனத்தின் ஆடம்பர கார் உற்பத்தி பிரிவாக ஜாகுவார் லேண்ட் ரோவர் செயல்பட்டு வருகிறது. இந்த நிறுவனம் தனது விலை உயர்ந்த ஆடம்பர கார் மாடல்களை இந்தியாவிலேயே அசெம்பில் செய்ய முடிவெடுத்துள்ளது. இந்தியாவில் ரேஞ்ச் ரோவர் கார்களை அசெம்பில் செய்யும் போது, இவற்றின் விலை பெருமளவு குறையும்.

மேலும், பிரிட்டனின் சொலிஹல் ஆலையை தவிர்த்து வேறொரு பகுதியில் ரேஞ்ச் ரோவர் கார்கள் அசெம்பில் செய்யப்படுவது இதுவே முதல்முறையாக இருக்கும். புதிய முன்னெடுப்பின் மூலம், ரேஞ்ச் ரோவர் கார்களின் விலை கிட்டத்தட்ட ரூ. 56 லட்சம் வரை குறையும் வாய்ப்புகள் உருவாகி இருக்கிறது. மேலும், இவற்றை டெலிவரி எடுக்க காத்திருக்கும் காலமும் பெருமளவு சரிந்துவிடும்.

உள்நாட்டில் அசெம்பில் செய்யப்படும் ரேஞ்ச் ரோவர் ஆட்டோபயோகிராஃபி வேரியண்டில் 3.0 லிட்டர் பெட்ரோல் எஞ்சின், HSE வேரியண்டில் 3.0 லிட்டர் டீசல் எஞ்சின் வழங்கப்படுகிறது. இதில் பெட்ரோல் எஞ்சின் 394 ஹெச்.பி. பவர், 550 நியூட்டன் மீட்டர் டார்க் வெளிப்படுத்துகிறது. டீசல் எஞ்சின் 346 ஹெச்.பி. பவர், 700 நியூட்டன் மீட்டர் டார்க் இழுவிசையை வெளிப்படுத்துகிறது.

ரேஞ்ச் ரோவர் ஸ்போர்ட் மாடல் டைனமிக் SE வேரியண்டில் கிடைக்கிறது. இந்த வேரியண்ட் பெட்ரோல் மற்றும் டீசல் பவர்டிரெயின் ஆப்ஷன்களில் கிடைக்கிறது. இந்த காருக்கான வினியோகம் ஏற்கனவே துவங்கிவிட்டன.

விலை விவரங்கள்:

ரேஞ்ச் ரோவர் ரூ. 2 கோடியே 36 லட்சம்

ரேஞ்ச் ரோவர் ஸ்போர்ட் ரூ. 1 கோடியே 40 லட்சம்

ரேஞ்ச் ரோவர் வெலர் ரூ. 87 லட்சத்து 90 ஆயிரம்

ரேஞ்ச் ரோவர் இவோக் ரூ. 67 லட்சத்து 90 ஆயிரம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது. 

ஸ்மார்ட்போன், ஸ்மார்ட்வாட்ச், ஹெட்போன், இயர்பட்ஸ் என மின்னணு சாதனங்கள் சந்தை உலகளவில் எப்படி செயல்பட்டு வருகிறது என்பதை ஆய்வு செய்து அறிக்கை மூலம் அறிவிக்கும் அமைப்பு தான் சர்வதேச டேட்டா கார்ப்பரேஷன் (ஐ.டி.சி.).

ஒவ்வொரு சாதனமும் எந்த அளவுக்கு விற்பனையாகின்றன, அவற்றின் விலை எப்படி இருக்கிறது, பயனர்கள் அதை வாங்கும் விதம் என மின்னணு சாதனங்கள் விற்பனை குறித்த ஒவ்வொரு விவரமும், ஐ.டி.சி. வெளியிடும் அறிக்கையில் துல்லியமாக இடம்பெற்று இருக்கும்.

அந்த வரிசையில், ஐ.டி.சி. சமீபத்தில் வெளியிட்டுள்ள அறிக்கையில், ஸ்மார்ட்வாட்ச், இயர்பட்ஸ் விற்பனை மற்றும் அவற்றின் விலை குறித்த விவரங்கள் இடம்பெற்றுள்ளன. இதில், உலகளவில் அணிக்கூடிய சாதனங்கள் (Wearables) விலை முந்தைய ஆண்டுடன் ஒப்பிடும் போது 17 சதவீதம் வரை குறைந்துள்ளது தெரியவந்துள்ளது.

ஒட்டுமொத்தத்தில் அணியக்கூடிய சாதனங்களின் சராசரி விற்பனை விலை 2024 ஆண்டின் முதல் காலாண்டில் 22.62 டாலர்களில் இருந்து 18.59 டாலர்கள் ஆக சரிந்துள்ளது. இந்த விலை இதுவரை இல்லாத அளவுக்கு மிகவும் குறைவு ஆகும். ஆன்லைனில் அதிகப்படியான ஸ்டாக் இருப்பு மற்றும் குறைந்தளவு புதிய சாதனங்கள் அறிமுகம் செய்யப்பட்டதே விலை குறைப்புக்கு முக்கிய காரணம் ஆகும்.

ஸ்மார்ட்வாட்ச்களின் சராசரி விற்பனை விலை கடந்த ஆண்டுடன் ஒப்பிடும் போது 29.24 டாலர்களில் இருந்து 20.65 டாலர்களாக சரிந்துள்ளது. இதேபோன்று மேம்பட்ட ஸ்மார்ட்வாட்ச்களின் பங்கு 2.0 சதவீதத்தில் இருந்து 3.2 சதவீதமாக அதிகரித்துள்ளது. இந்திய அணியக்கூடிய சாதனங்கள் சந்தை முந்தைய ஆண்டுடன் ஒப்பிடும் போது 2.1 சதவீதம் அதிகரித்து இருக்கிறது.

ஐ.டி.சி. வெளியிட்டுள்ள அறிக்கையின் படி அணியக்கூடிய சாதனங்கள் சந்தையில் போட், நாய்ஸ், பயர்-போல்ட், பௌல்ட் மற்றும் ஒப்போ உள்ளிட்டவை முன்னணி இடத்தில் உள்ளன. கடந்த ஆண்டும் இதே நிறுவனங்கள் முன்னணியில் இருந்தது குறிப்பிடத்தக்கது.

ஒன்பிளஸ் நிறுவனத்தின் 12R ஸ்மார்ட்போனிற்கு ப்ளிப்க்ராட் வலைதளத்தில் விலை குறைப்பு அறிவிக்கப்பட்டு இருக்கிறது. இந்த ஆண்டு துவக்கத்தில் அறிமுகம் செய்யப்பட்ட நிலையில், ஒன்பிளஸ் 12R மாடலுக்கு தற்போது சிறப்பு சலுகைகள் வழங்கப்படுகின்றன. ஒன்பிளஸ் சாதனங்களை ஆன்லைனில் அதிகாரப்பூர்வமாக விற்பனை செய்யும் தளமாக அமேசான் உள்ளது.

இந்த நிலையில், ப்ளிப்கார்ட் வலைதளத்தில் ஒன்பிளஸ் 12R ஸ்மார்ட்போனின் 128 ஜி.பி. மெமரி மாடல் விலை ரூ. 36 ஆயிரத்து 366 என குறிப்பிடப்பட்டு இருககிறது. இந்த ஸ்மார்ட்போனின் உண்மை விலை ரூ. 39 ஆயிரத்து 999 ஆகும். அந்த வகையில், இதன் விலை ரூ. 3 ஆயிரம் வரை குறைக்கப்பட்டு இருக்கிறது.

அமேசான் தளத்தில் இந்த ஸ்மார்ட்போனின் விலையில் எந்த மாற்றமும் மேற்கொள்ளப்படவில்லை. எனினும், இந்த ஸ்மார்ட்போனை வாங்குவோர் தேர்வு செய்யப்பட்ட வங்கி கார்டுகளை பயன்படுத்தும் போது ரூ. 2 ஆயிரம் வரை கூடுதல் தள்ளுபடி பெற முடியும். இதனால், ஒன்பிளஸ் 12R விலை ரூ. 37 ஆயிரத்து 999 என மாறிவிடும்.

அம்சங்களை பொருத்தவரை ஒன்பிளஸ் 12R மாடலில் 6.78 இன்ச் 120Hz AMOLED ஸ்கிரீன், குவால்காம் நிறுவனத்தின் ஸ்னாப்டிராகன் 8 ஜென் 2 பிராசஸர், அதிகபட்சம் 16 ஜி.பி. ரேம், 50MP பிரைமரி கேமரா, 5500 எம்.ஏ.ஹெச். பேட்டரி, ஆக்சிஜன் ஓ.எஸ். 14 உள்ளிட்டவை வழங்கப்பட்டு இருக்கிறது.

குறிப்பு: ஸ்மார்ட்போனின் விலை எவ்வளவு நேரம் குறைக்கப்பட்டு இருக்கும் என்பது பற்றி எவ்வித தகவலும் இல்லை. ஸ்டாக் இருப்புக்கு ஏற்ப இதன் விலை எப்போது வேண்டுமானாலும் மாற்றப்படலாம்.

சியோமி நிறுவனம் தனது ரெட்மி நோட் 13 சீரிஸ் ஸ்மார்ட்போன்களை இந்த ஆண்டு துவக்கத்தில் அறிமுகம் செய்தது. ரெட்மி நோட் 13, ரெட்மி நோட் 13 ப்ரோ மற்றும் ரெட்மி நோட் 13 ப்ரோ பிளஸ் என மூன்று மாடல்கள் இதில் இடம்பெற்றுள்ளன. மூன்று மாடல்களுடன் ரெட்மி நோட் 13 ப்ரோ பிளஸ் வொர்ல்டு சாம்பியன்ஸ் எடிஷன் இந்தியாவில் அறிமுகம் செய்யப்பட்டது.

புது வெர்ஷனுடன் ரெட்மி நோட் 13 சீரிஸ் மாடல்களின் விலை குறைக்கப்படுவதாக சியோமி தெரிவித்து இருக்கிறது. அதன்படி ரெட்மி நோட் 13 ஸ்மார்ட்போனின் விலை ரூ. 17 ஆயிரத்து 999 இல் இருந்து ரூ. 15 ஆயிரத்து 499 என்று மாறியுள்ளது.

ரெட்மி நோட் 13 ப்ரோ ஸ்மார்ட்போன் விலை ரூ. 25 ஆயிரத்து 999 இல் இருந்து ரூ. 21 ஆயிரத்து 999 என்று மாறியுள்ளது. ரெட்மி நோட் 13 ப்ரோ பிளஸ் ஸ்மார்ட்போனின் விலை ரூ. 31 ஆயிரத்து 999 இல் இருந்து ரூ. 27 ஆயிரத்து 999 என்று மாறியுள்ளது.

இந்த ஸ்மார்ட்போன்கள் ப்ளிப்கார்ட், அமேசான் மற்றும் சியோமி ரிடெயில் ஸ்டோர்களில் விற்பனை செய்யப்படுகிறது. இந்த விலையில் ஐ.சி.ஐ.சி.ஐ. கார்டு மூலம் பணம் செலுத்தும் போது வழங்கப்படும் ரூ. 3 ஆயிரம் வங்கி தள்ளுபடியும் சேர்க்கப்பட்டு இருக்கிறது.