நீங்கள் தேடியது "மகாராஷ்டிரா சட்டசபை தேர்தல்"

மும்பை:

மகாராஷ்டிரா மாநிலத்தில் நவம்பர் 20-ம் தேதி சட்டசபைத் தேர்தல் நடைபெற உள்ளது. மகாவிகாஸ் கூட்டணி தலைவர்கள் கூட்டம் நேற்று நடைபெற்றது. அப்போது, மொத்தமுள்ள 288 தொகுதிகளில் 255 இடங்களுக்கு கூட்டணியில் உடன்பாடு எட்டியது. காங்கிரஸ், தேசியவாத காங்கிரஸ் சரத் சந்திரபவார் மற்றும் உத்தவ் தாக்கரே சிவசேனா கட்சி ஆகியவை தலா 85 தொகுதிகளில் போட்டியிடுகின்றன.

இந்நிலையில், உத்தவ் கட்சி சார்பில் சட்டசபைத் தேர்தலுக்கான முதல் கட்டமாக 66 பேர் அடங்கிய வேட்பாளர் பட்டியல் வெளியிடப்பட்டது.

உத்தவ் தாக்கரே மகன் ஆதித்ய தாக்கரேவுக்கு ஒர்லி தொகுதியில் போட்டியிடுகிறார்.

மகாராஷ்டிர முதல் மந்திரி ஏக்நாத் ஷிண்டே போட்டியிடும் கோப்ரி-பஞ்பகாடி தொகுதியில் உத்தவ் கட்சி சார்பில் ஆனந்த் திகேவின் தம்பி மகன் கேதார் திகே களமிறக்கப்படுகிறார்.

முதல் மந்திரி ஏக்நாத் ஷிண்டேவின் அரசியல் குரு ஆனந்த் திகே என்பது குறிப்பிடத்தக்கது.

மும்பை:

மகாராஷ்டிரா மாநிலத்தில் நவம்பர் 20-ம் தேதி சட்டசபைத் தேர்தல் நடைபெற உள்ளது. மகாவிகாஸ் கூட்டணி தலைவர்கள் கூட்டம் சமீபத்தில் நடைபெற்றது. அப்போது, மொத்தமுள்ள 288 தொகுதிகளில் 255 இடங்களுக்கு கூட்டணியில் உடன்பாடு எட்டியது.

காங்கிரஸ், தேசியவாத காங்கிரஸ் சரத் சந்திரபவார் மற்றும் உத்தவ் தாக்கரே சிவசேனா கட்சி ஆகியவை தலா 85 தொகுதிகளில் போட்டியிடுகின்றன.

இதற்கிடையே, உத்தவ் கட்சி சார்பில் சட்டசபைத் தேர்தலுக்கான முதல் கட்டமாக 65 பேர் அடங்கிய வேட்பாளர் பட்டியல் வெளியிடப்பட்டது. உத்தவ் தாக்கரே மகன் ஆதித்ய தாக்கரேவுக்கு ஒர்லி தொகுதியில் போட்டியிடுகிறார்.

இந்நிலையில், காங்கிரஸ் சார்பில் முதல் கட்ட 48 பேர் அடங்கிய வேட்பாளர் பட்டியல் நேற்று இரவு வெளியிடப்பட்டது.

மாநில தலைவர் நானா படோலே சகோலி தொகுதியிலும், எதிர்க்கட்சி தலைவரான விஜய் வடேடிவார் பிரம்மபுரி தொகுதியிலும், முன்னாள் முதல் மந்திரி பிரிதிவிராஜ் சவான் கரோட் தெற்கு தொகுதியிலும் போட்டியிடுகின்றனர்.

மகாராஷ்டிரா மாநிலத்தில் உள்ள 288 சட்டசபை தொகுதிகளுக்கும் அடுத்த மாதம் 20-ந்தேதி தேர்தல் நடைபெற இருக்கிறது. கூட்டணி கட்சிகளுக்கு இடையில் தொகுதி பங்கீடு முடிவடைந்த நிலையில் ஒவ்வொரு கட்சிகளும் தங்களுடைய வேட்பாளர்களை அறிவித்து வருகிறது.

காங்கிரஸ், தேசியவாத காங்கிரஸ் (சரத்சந்திரா பவார்), சிவசேனா (உத்தவ் தாக்கரே) ஆகிய கட்சிகள் அடங்கிய கூட்டணியில் வொர்லி தொகுதியில் உத்தவ் தாக்கரேயின் மகன் ஆதித்யா தாக்கரே களம் இறக்கப்பட்டுள்ளார்.

இந்த நிலையில் ஏக்நாத் ஷிண்டே தலைமையிலான சிவசேனா, ஆதித்யா தாக்கரேவை எதிர்த்து எம்.பி.யான மிலிந்த் தியோராவை களம் இறக்கியுள்ளது. மிலிந்த் தியோரா மாநிலங்களவை எம்.பி. ஆவார்.

மலிந்த் தியோரா காங்கிரஸ் கட்சியை சேர்ந்தவர், முன்னாள் மத்திய அமைச்சர் ஆவார். மக்களவை தேர்தலுக்கு முன்னதாக ஏக்நாத் ஷிண்டே தலைமையிலான சிவசேனா கட்சியில் இணைந்தார். அதனைத் தொடர்ந்து மாநிலங்களவை எம்.பி. ஆனார்.

தற்போதைய எம்.எல்.ஏ.வான ஆதித்யா தாக்கரேவுக்கு எதிராக மிலிந்த் தியோரா நிறுத்தப்பட்டுள்ளதால் வொர்லி தொகுதி மிகவும் போட்டிவாய்ந்த வி.ஐ.பி. தொகுதியாக மாறியுள்ளது. ஏக்நாத் ஷிண்டே தலைமையிலான சிவசேனா நேற்று 20 இடங்களுக்கான வேட்பாளர் பட்டியலை அறிவித்தது.

பா.ஜ.க. கட்சியின் மாநிலங்களவை எம்.பி. நாராயன் ரானேயின் மகன் நிலேஷ் ரானே கூடல் தொகுதியில் நிறுத்தப்பட்டுள்ளார். அவரது இளைய சகோதரரும், தற்போதைய எம்.எல்.ஏ.வுமான நிதேஷே் ரானே கன்கவாளி தொகுதியில் மீண்டும் நிறுத்தப்பட்டுள்ளார்.

மகாராஷ்டிரா மாநிலத்தில் மாகாயுதி கூட்டணி ஆட்சி செய்து வருகிறது. இந்த கூட்டணியில் பா.ஜ.க., ஏக்நாத் ஷிண்டே தலைமையிலான சிவசேனா, அஜித் பவார் தலைமையிலான தேசியவாத காங்கிரஸ் ஆகிய கட்சிகள் உள்ளன.

தற்போது இந்த கட்சிகளுக்கு இடையில் தொகுதி பங்கீடு ஏற்பட்டு, வேட்புமனு தாக்கல் செய்துள்ளனர். மகாராஷ்டிரா மாநிலத்தில் பா.ஜ.க.வின் செய்தி தொடர்பாளர்களாக இருந்தவர் ஷைனா என்.சி. இவர் நேற்று திடீரென பா.ஜ.க.-வில் இருந்து விலகி ஏக்நாத் ஷிண்டே தலைமையிலான சிவசேனா கட்சியில் இணைந்தார்.

கட்சியில் சேர்ந்த உடனே மும்பாதேவி தொகுதியில் போட்டியிட வாய்ப்பு வழங்கப்பட்டுள்ளது. இதனைத் தொடர்ந்து வேட்புமனு தாக்கல் செய்ய இருக்கிறார்.

மும்பாதேவி தொகுதி மும்பை மக்களவை தொகுதிக்குள் வருகிறது. இந்த தொகுதியில் 2009-ல் இருந்து காங்கிரசை சேர்ந்த அமின் பட்டேல் எம்.எல்.ஏ.வாக இருந்து வருகிறார்.

முன்னதாக பா.ஜ.க. ஷைனா என்.சி.-ஐ வொர்லி தொகுதியில் ஆதித்யா தாக்கரேவை எதிர்த்து களம் இறக்க விரும்பியது. ஆனால் சிவசேனா அந்த தொகுதியில் மிலிந்த் தியோராவை களம் இறக்கியது.

பா.ஜ.க. முன்னாள் மந்திரி ராவ்சாஹேப் தன்வே மகள் சஞ்ஜனா ஜாதவ் கன்னத் தொகுதியில் போட்டியிட வாய்ப்பு வழங்கப்பட்டள்ளது. முன்னாள் எம்.எல்.எ. அஷோக் பாட்டீல் பந்தப் மேற்கு தொகுதியில் போட்டியிட வாய்ப்ப வழங்கப்பட்டுள்ளது.

மகாராஷ்டிரா மாநிலத்தில் 288 தொகுதிகளுக்கு ஒரே கட்டமாக நவம்பர் 20-ந்தேதி தேர்தல் நடைபெற இருக்கிறது. நேற்றுடன் வேட்புமனு தாக்கல் முடிவடைந்தது. என்ற போதிலும் மகாயுதி மற்றும் மகா விகாஸ் அகாடி ஆகிய இரண்டு கூட்டணிகளில் உள்ள கட்சிகள் எத்தனை இடங்களில் போட்டியிடுகின்றன என்பது இன்னும் தெளிவாகவில்லை.

மகா விகாஸ் அகாடியில் காங்கிரஸ், உத்தவ் தாக்கரேயின் சிவசேனா, சரத் பவாரின் தேசியவாத காங்கிரஸ் ஆகிய கட்சிகள் உள்ளன.

இந்த கட்சிகளுக்கு இடையே தொகுதிகளை பங்கீடு செய்வதில் மிகப்பெரிய இழுபறி நீடித்தது. தொகுதி பங்கீடு முடிவடைந்ததாலும், அந்த தொகுதியில் உள்ள கட்சி தலைவர்கள் இந்த தொகுதியை எப்படி கூட்டணிக்கு கட்சிக்கு விட்டுக்கொடுக்கலாம். நாங்கள் இங்கே போட்டியிடுவோம் என எதிர்த்து தெரிவித்த சம்பவங்கள் நடைபெற்றன.

இதெல்லாம் சமாளிக்கப்பட்டு வேட்புமனுதாக்கல் முடிவடைந்துள்ளது. இருந்த போதிலும் பலர் கூட்டணி வேட்பாளர்களை எதிர்த்து மனு தாக்கல் செய்துள்ளனர். இந்த நிலையில் மகா விகாஸ் கூட்டணியில் 90 சதவீத இடங்களில் இதுபோன்ற எதிர்ப்பாளர்களை சமாதானம் செய்து வெற்றி பெற்றுள்ளோம் என சிவசேனா கட்சி தலைவர் சஞ்சய் ராவத் தெரிவித்துள்ளார்.

இது தொடர்பாக சஞ்ச ராவத் கூறுகையில் "கட்சியின் அதிகாரப்பூர்வ வேட்பாளர்களுக்கு எதிராக போட்டியிடுவதாக தெரிவித்த எதிர்ப்பாளர்களை 90 சதவீத இடங்களில் சமாதானம் செய்துவிட்டோம். தேர்தலில் இதுபோன்றவை கூட்டணியில் நடக்கத்தான் செய்யும். எதிர்ப்பாளர்களை சமாதானம் செய்ய நாங்கள் உட்கார்ந்து பேசுவோம். நாங்கள் மாற்றத்தை கொண்டு வர விரும்புகிறோம். மாற்றம் கொண்டு வர ஒவ்வொருவரும் இணைய வேண்டும்" என்றார்.

வேட்புமனுவை திரும்பப் பெற நவம்பர் 4-ந்தேதி கடைசி நாளாகும்.

மகாராஷ்டிரா மாநிலத்தில் 388 தொகுதிகளுக்கும் நவம்பர் 20-ந்தேதி ஒரே கட்டமாக தேர்தல் நடைபெற இருக்கிறது. நேற்றோடு வேட்புமனு தாக்கல் முடிவடைந்தது. சுமார் 8 ஆயிரம் பேர் வேட்புமனு தாக்கல் செய்துள்ளனர்.

இவர்கள் தாக்கல் செய்தி பிரமாண பத்திரத்தின் அடிப்படையில் பா.ஜ.க. வேட்பாளர் பராக் ஷா மிகப்பெரிய கோடீஸ்வரர் வேட்பாளர் எனத் தெரியவந்துள்ளது.

இவர் கடந்த 2019-ம் ஆண்டு நடைபெற்ற தேர்தலின்போது காட்கோபார் தொகுதியில் போட்டியிட்டு வெற்றி பெற்றார். தற்போது அதே தொகுதியில் போட்டியிட வாய்ப்பு வழங்கப்பட்டுள்ளது.

2019-ல் அவரது சொத்து மதிப்பு 550.62 கோடி ரூபாய் என பிரமாண பத்திரத்தில் தெரிவித்திருந்தார். தற்போது 575 சதவீதம் உயர்ந்து 3383.06 கோடி ரூபாய் ஆக உயர்ந்துள்ளது. அவரது பிரமாண பத்திரம் மூலம் இது தெரியவந்துள்ளது.

மகாராஷ்டிரா மாநிலத்தில் போட்டியிடும் மிகப்பெரிய பணக்கார வேட்பாளர் இவர்தான். பராக் ஷா என்.டி.டி.வி.-க்கு அளித்த பேட்டியில் "நான் நேர்மையான வேட்பாளர்கள். நான் நேர்மையானவன் இல்லை என என்னுடைய எதிரியால் கூட குற்றம்சாட்ட முடியாது. நிறைய பேர் செல்வங்கள் பெற்றுள்ளனர். ஆனால் அவர்கள் அதை நல்ல விதமாக பயன்படுத்த வேண்டும் என வலியுறுத்துகிறேன்.

கடவுள் எனக்கு எல்லாவற்றையும் கொடுத்துள்ளார். நாடு எனக்கு எல்லாவற்றையும் கொடுத்துள்ளது. ஆகவே, நான் சிலவற்றை கொடுக்க வுண்டும் என நம்புகிறேன். நான் ஒரு தலைவர். தொழில் அதிபர். மேலும் சமூக சேவகர். நான் என்னுடைய சேமிப்பில் இருந்து 50 சதவீதத்தை சமூக சேவைக்காக கொடுக்கிறேன்" எனத் தெரிவித்துள்ளார்.

மகாராஷ்டிரா மாநிலத்தில் அடுத்த மாதம் 20-ந்தேதி 288 தொகுதிகளுக்கும் ஒரே கட்டமாக தேர்தல் நடைபெற இருக்கிறது. இதற்கான வேட்புமனு தாக்கல் நேற்றுடன் முடிவடைந்தது. மகாயுதி, மகா விகாஸ் அகாடி ஆகிய இரண்டு கூட்டணிகளிலும் அதிருப்தி தலைவர்கள் எதிர்த்து மனுதாக்கல் செய்துள்ளனர். இந்த விவகாரத்தை சுமூகமாக முடிக்க இரு கூட்டணி தலைவர்களும் ஆலோசனை நடத்தி வருகின்றனர்.

அதன்பின் நவம்பர் முதல் வார இறுதியில் இருந்து கட்சி தலைவர்கள் தீவிர தேர்தல் பிரசாரத்தை மேற்கொள்ள இருக்கிறார்கள்.

ஒவ்வொரு மாநில தேர்தலின்போதும் காங்கிரஸ் தலைவரான ராகுல் காந்தி தேர்தல் வாக்குறுதிகள் அடங்கிய உத்தரவாத கார்டு (guarantee card) ரிலீஸ் செய்து வருகிறார். அந்த வகையில் மகாராஷ்டிரா மாநில தேர்தலுக்கான உத்தரவாத கார்டையும் ரிலீஸ் செய்வார் என காங்கிரஸ் தலைவர்கள் தெரிவித்துள்ளனர்.

இந்த நிலையில் பா.ஜ.க. தலைவரும், மகாராஷ்டிரா துணை முதல்வருமான தேவேந்திர பட்நாவிஸ், ராகுல் காந்தியின் உத்தரவாத கார்டு இங்கு செல்லுபடியாகாது எனத் தெரிவித்துள்ளார்.

இது தொடர்பாக பட்நாவிஸ் கூறியதாவது:-

ராகுல் காந்தியின் உத்தரவாத கார்டு ராஜஸ்தானில் மீண்டும் ஆட்சியை பிடிக்கவும், சத்தீஸ்கரில் வெற்றி பெறவும் உதவவில்லை. தெலுங்கானா மற்றும் இமாச்சல பிரதேசத்தில் உத்தரவாத கார்டு ஏன் அமல்படுத்தப்படவில்லை என்பதை ராகுல் காந்தி தெளிவுப்படுத்த வேண்டும். அவருடைய உத்தரவாத கார்டு இங்கேயும் தோல்வியடையும்.

ஏராளமான அதிருப்தி கட்சி தலைவர்கள் எதிர் வேட்புமனு தாக்கல் செய்துள்ளனர். நாங்கள் ஒன்றாக அமர்ந்து அந்த பிரச்சனைகளை பேசி சமூகமாக முடித்துள்ளோம். நவம்பர் 4-ந்தேதி அதிப்தி தலைவர்கள் வேட்புமனுவை திரும்பப் பெறுவதை நீங்கள் பார்க்கலாம்.

நவம்பர் 5-ந்தேதியில் இருந்து முழு வீச்சில் தேர்தல் பிரசாரத்தை மேற்கொள்வோம்" என்றார்.

திருப்பதி:

மகாராஷ்டிரா மாநில சட்டமன்றத் தேர்தலில் போட்டியிடும் இந்தியா கூட்டணி கட்சிகள் இடையே பேச்சுவார்த்தை நடந்து வருகிறது.

தொகுதிகள் ஒதுக்கீடு சம்பந்தமாக இழுபறி நீடித்து வரும் நிலையில் எந்த விதமான பிரச்சனையும் இல்லை என காங்கிரஸ் சார்பில் தெரிவிக்கப்பட்டுள்ளது.

மகாராஷ்டிரா மாநிலத்தில் இந்த முறை எப்படியாவது ஆட்சியை பிடிக்க வேண்டும் என்ற ஆர்வத்தில் ராகுல் காந்தி, காங்கிரஸ் தலைவர் மல்லிகார்ஜுன கார்கே ஆகியோர் தலைமையில் தீவிர ஆலோசனை நடத்தி வருகின்றனர்.

பாராளுமன்ற தேர்தலுக்கு முன்பு நடந்த கர்நாடகா மற்றும் தெலுங்கானா மாநில சட்டமன்ற தேர்தலில் கவர்ச்சிகரமான திட்டங்களை அறிவித்து காங்கிரஸ் ஆட்சியை பிடித்தது.

கர்நாடகா, தெலுங்கானாவில் பெண்களுக்கு மாதம் ரூ.2,500 உதவித்தொகை. ரூ.500-க்கு சமையல் கியாஸ் வழங்கப்படும். அரசு பஸ்களில் பெண்களுக்கு இலவச பயணம்.

விவசாயிகளுக்கு ரூ.25 லட்சம் வரை கடன் தள்ளுபடி மற்றும் ரூ. 25 லட்சம் மருத்துவ காப்பீடு, காலியாக உள்ள அரசு பணியிடங்களை நிரப்புவதற்கான திட்டம்.

அனைத்து வீடுகளுக்கும் 200 யூனிட் இலவச மின்சாரம் உள்ளிட்ட 6 முக்கிய வாக்குறுதிகளை அளித்தனர்.

இந்த வாக்குறுதிகள் 2 மாநிலங்களிலும் காங்கிரஸ் வெற்றிக்கு அடித்தளமாக அமைந்தது. இதே பார்முலாவை மகாராஷ்டிரா தேர்தலிலும் கையில் எடுக்க காங்கிரஸ் முடிவு செய்துள்ளது.

வருகிற 6-ந் தேதி புனேவில் ராகுல் காந்தி, மல்லிகார்ஜுன கார்கே மற்றும் சரத் பவார், சிவசேனா தலைவர் உத்தவ் தாக்கரே ஆகியோர் பங்கேற்கும் பிரம்மாண்ட கூட்டு பேரணி நடைபெற உள்ளது.

இதில் ராகுல் காந்தி கலந்து கொண்டு சிறப்புரையாற்றுகிறார். இதற்கு பிறகு காங்கிரஸ் தேர்தல் அறிக்கையை காங்கிரஸ் தலைவர் மல்லிகார்ஜுன கார்கே வெளியிட உள்ளார்.

பா.ஜ.க. செய்தி தொடர்பாளராக இருந்தவர் பெண் தலைவர் ஷைனா என்.சி.. இவர் வேட்புமனு தாக்கலுக்கு ஒரு நாள் முன்னதாக பா.ஜ.க. கூட்டணியைச் சேர்ந்த ஏக்நாத் ஷிண்டேயின் சிவசேனா காட்சியில் இணைந்தார். உடனே அவருக்கு மும்பாதேவி தொகுதியில் போட்டியிட ஏக்நாத் ஷிண்டே வாய்ப்பு வழங்கினார்.

இதனைத் தொடர்ந்து உத்தவ் தாக்கரே கட்சியின் தலைவரும், எம்.பி.யுமான அரவிந்த் சாவந்த், ஷைனா எம்.சி. ஒரு இறக்குமதி பொருள் ((imported maal)- மும்பாதேவி தொகுதிக்கு தொடர்பில்லாத வெளிப்பகுதியில் இருந்து வந்தவர்) என விமர்சித்திருந்தார்.

இதற்கு மகாயுதி கூட்டணியில் இருந்து கடுயைமான எதிர்ப்பு கிளம்பியது. இறக்குமதி பொருள் என இழிவுப்படுத்தியதாக கடும் எதிர்ப்பை தெரிவித்தனர்.

இந்த நிலையில் உத்தவ் தாக்கரேயின் மூத்த தலைவரும், எம்.பி.யுமான சஞ்சய் ராவத், அவ்வாறு பேசிய இழிவுப்படுத்தியது ஆகாது எனத் தெரிவித்துள்ளார்.

இது தொடர்பாக அவர் கூறுகையில் "அங்கே இழிப்புப்படுத்துவது என்பது இல்லை. அரவிந்த் சாவந்த் எங்களுடைய சீனியர் எம்.பி.. ஷைனா என்.சி. மும்பாதேவி தொகுதிக்கு வெளியில் இருந்து வந்தவர் என்பதை, அவர் ஒரு இறக்குமதி பொருள் எனக் கூறினார். அவ்வளவுதான். அவள் இறக்குமதி பொருள் என்றார். அது எப்படி இழிவுப்படுத்தியது ஆகும்?. சோனியா காந்தி மற்றும் பிரியங்கா காந்தியை பற்றி நீங்கள் என்ன பேசுனீர்கள். ஒருமுறை நீங்கள் வரலாறை ஒருமுறை திரும்பி பார்க்க வேண்டும்.

தொகுதிக்கு சம்பந்தம் இல்லாத ஒரு நபர் வெளியில் இருந்து வந்து போட்டியிட்டால், மக்கள் அவர்களை வெளியில் இருந்து வந்தவர் என்றுதான் சொல்வார்கள். இதை மிகப்பெரிய பிரச்சனையாக உருவாக்க தேவையில்லை" என்றார்.

மும்பை:

மகாராஷ்டிரா மாநிலத்தில் மொத்தமுள்ள 288 தொகுதிகளுக்கும் ஒரே கட்டமாக வரும் 20-ம் தேதி தேர்தல் நடைபெற உள்ளது. தேர்தலில் பதிவாகும் வாக்குகள் 23-ம் தேதி எண்ணப்பட்டு அன்றைய தினமே முடிவுகள் அறிவிக்கப்பட உள்ளன.

பா.ஜ.க. செய்தி தொடர்பாளராக இருந்தவர் பெண் தலைவர் ஷைனா என்.சி. இவர் வேட்புமனு தாக்கலுக்கு ஒரு நாள் முன்னதாக பா.ஜ.க. கூட்டணியைச் சேர்ந்த ஏக்நாத் ஷிண்டேயின் சிவசேனா கட்சியில் இணைந்தார். உடனே அவருக்கு மும்பாதேவி தொகுதியில் போட்டியிட ஏக்நாத் ஷிண்டே வாய்ப்பு வழங்கினார்.

இதற்கிடையே, உத்தவ் தாக்கரே கட்சியின் தலைவரும், எம்.பி.யுமான அரவிந்த் சாவந்த், ஷைனா எம்.சி. ஒரு இறக்குமதி பொருள் (imported maal). மும்பாதேவி தொகுதிக்கு தொடர்பில்லாத வெளிப்பகுதியில் இருந்து வந்தவர் என விமர்சித்திருந்தார். இதற்கு மகாயுதி கூட்டணி கடும் எதிர்ப்பு தெரிவித்தது.

இந்நிலையில், உத்தவ் சிவசேனா எம்.பி அரவிந்த் சவந்த் தனது பேச்சுக்காக இன்று மன்னிப்பு கோரினார்.

இதுதொடர்பாக செய்தியாளர்களிடம் பேசிய அரவிந்த் சாவந்த், யாருடைய உணர்வுகளையும் புண்படுத்தும் நோக்கம் எனக்கு இல்லை. இருந்தும் ஒரு பெண்ணை அவமதித்து விட்டேன். என் வாழ்நாளில் இப்படிச் செய்ததில்லை. நான் ஆபாச அர்த்தத்தில் பேசவில்லை. எனினும், நான் அந்த அர்த்தத்தில் பேசியதாக பலரும் என்னை குறிவைக்கிறார்கள். எனது பேச்சு யாருடைய மனதையாவது புண்படுத்தியிருந்தால் வருத்தத்தைத் தெரிவித்துக் கொள்கிறேன் என தெரிவித்தார்.

மகாராஷ்டிரா மாநிலத்தில் 288 தொகுதிகளுக்கு ஒரே கட்டமாக வருகிற 20-ந்தேதி சட்டமன்ற தேர்தல் நடைபெற இருக்கிறது. தற்போது தேர்தல் பிரசாரம் சூடுபிடித்துள்ளது. சிவசேனா கட்சியில் இருந்து பிரிந்து ஏக்நாத் ஷிண்டே அந்த கட்கியை தனக்காக்கி கொண்டார். இதனால் உத்தவ் தாக்கரே சிவசேனா (UBT) என்ற கட்சியை தொடங்க வேண்டிய நிலை ஏற்பட்டது.

அதேபோல் சரத்பவாரின் தேசியவாத கட்சியை பிரித்தது மட்டுமல்லாமல் அந்த கட்சியை தனக்காக்கி கொண்டார் அஜித் பவார். கட்சி மற்றும் கட்சி சின்னம் கடிகாரம் இரண்டும் அவரது பக்கம் உள்ளது. ஷிண்டே தலைமையிலான ஆட்சியில் பங்கேற்று துணை முதல்வராக உள்ளார்.

இதனால் இரண்டு கட்சிகளிலும் கட்சியை பிரித்துச் சென்றவர்கள் மீது கடுமையான விமர்சனம் வைத்து பிரசாரம் மேற்கொள்ளப்படுகிறது. அதற்கு பிரிந்து சென்றவர்களும் கடுமையாக பதிலடி கொடுத்து வருகிறார்கள்.

இந்த வகையில் சரத் பவாரின் தேசியவாத காங்கிரஸ் கட்சி சார்பில் மும்பை-கல்வா தொகுதியில் கடந்த 2009-ம் ஆண்டில் இருந்து போட்டியிட்டு வருபவர் ஜிநே்திர அவாத், அஜித் பவார் கட்சியை பிக்பாக்கெட் கும்பல் என கடுமையாக விமர்சித்துள்ளார்.

பிரசாரத்தில் ஈடுபட்டபோது ஜிதேந்திர அவாத் இது தொடர்பாக கூறும்போது "தேசியவாத காங்கிரஸ் கட்சி யாரைச் சார்ந்தது? சரத் பவரை சார்ந்தது. ஒருநாள், அஜித் பவார் வந்தார். அவர் சரத்பவாரை கட்சியில் இருந்து வெளியேற்றி விட்டு, அவருடைய கடிகாரம் சின்னத்தை பறித்துக் கொண்டார். இது பிக்பாக்கெட் கும்பல். நீங்கள் ஒரு ஆணாக இருந்தால், தைரியம் உள்ளவராக இருந்தால், நீங்கள் வெறு சின்னத்தில் நின்று போட்டியிட்டிருக்க வேண்டும்" என்றார்.

இந்த நிலையில் ஜிதேந்திர அவாத் விமர்சனத்திற்கு அஜித் பவார் கட்சியின் செய்தி தொடர்பாளர் சுராஜ் சவுகான் பதிலடி கொடுத்துள்ளார் "ஜிதேந்திர அவாத் மனநிலை தொடர்பாக பாதிப்பு அடைந்துள்ளார். அவருடைய தோல்வியை அவர் பார்கக் முடியும் என நினைக்கிறேன். அவருடைய சிகிச்சைக்கு நாங்கள் நிதி அளிக்க தயாராக இருக்கும். இதன் மூலம் அவர் விளம்பர தேடிக்கொள்ள முயற்சிக்கிறார்" எனத் தெரிவித்துள்ளார்.

கடிகாரம் சின்னம் தொடர்பாக உச்சநீதிமன்றம் இரு கட்சிகள் சார்பில் முறையிடப்பட்டது. அப்போது அஜித் பவார் தலைமையிலான தேசியவாத காங்கிரஸ் கட்சி கடிகாரம் சின்னத்தை பயன்படுத்த நீதிமன்றம் அனுமதி அளித்தது.

மகாராஷ்டிரா மாநிலத்தில் 288 தொகுதிகளுக்கும் ஒரே நேரத்தில் தேர்தல் நடைபெற இருக்கிறது. மகா விகாஸ் அகாடி கூட்டணியில் உத்தவ் தாக்கரே தலைமையிலான சிவசேனா, காங்கிரஸ், சரத் பவார் தலைமையிலான தேசியவாத காங்கிரஸ் கட்சிகள் உள்ளன.

இந்த மூன்று கட்சிகளுக்கும் இடையில் தொகுதி பங்கீடு நடைபெற்றது. அப்போது மூன்று கட்சிகளில் உள்ள தலைவர்களில் சிலர் கூட்டணி கட்சிகளுக்கு ஒதுக்கிய தொகுதியில் மனுதாக்கல் செய்தனர்.

இது கூட்டணி கட்சிக்குள் குழப்பதை ஏற்படுத்தியது. என்றபோதிலும் இவைகள் அனைத்தும் பேசி தீர்த்துக் கொள்ளப்படும் எனக் கூறினர்.

கடந்த சில நாட்களாக உத்தவ் தாக்கரே, சரத்பவார் மற்றும் காங்கிரஸ் கட்சி தலைவர்கள் அவர்களுடைய கட்சியில் எதிர்த்து மனுதாக்கல் செய்த தலைவர்களிடையே பேச்சுவார்த்தை நடத்தினர். இதில் பல தலைவர்கள் வேட்புமனுவை திரும்பப் பெற சம்மதித்தனர்.

ஆனால், சில எதிர்ப்பு தலைவர்கள் வேட்பு மனுவை திரும்பப் பெற மறுத்துவிட்டனர். அப்படி திரும்பப் பெற மறுப்பு தெரிவித்த ஐந்து தலைவர்களை உத்தவ் தாக்கரே கட்சியில் இருந்து விலக்கியளளார். பிவாண்டி கிழக்கு எம்.எல்.ஏ. ரூபேஷ் மத்ரே, விஷ்வாஸ் நந்தேகர், சந்திரகாந்த் குகுல், சஞ்சய் அவாரி, பிரசாத் தாக்கரே ஆகிய தலைவர்களை நீக்கியுள்ளார்.