நீங்கள் தேடியது "tag 95580"

சென்னை:

கொரோனா பாதிப்பு காரணமாக கடந்த 2 ஆண்டுகளாக திருமணங்கள் மிகப்பெரிய அளவில் ஆடம்பரமாக நடைபெறவில்லை. கட்டுப்பாடு மற்றும் பொருளாதார சூழல் காரணமாக எளிமையாக நடந்தது.

கொரோனா பரவல் குறைந்து கட்டுப்பாடுகள் முழுமையாக விலக்கப்பட்டதால் ஆடம்பர திருமணங்கள் நட்சத்திர ஓட்டல்கள், கடற்கரை ரிசார்ட்ஸ் பகுதிகளில் வெகு விமரிசையாக நடைபெறுகிறது.

கடந்த மாதத்தில் இருந்து மிகப்பெரிய நட்சத்திர ஓட்டல்களில் திருமணங்கள் அதிக அளவில் நடைபெற தொடங்கிவிட்டன.

கடந்த வாரம் தாஜ்கோரமண்டல் ஓட்டலில் ராஸ்மாடாஸ் குழுமத்தின் திருமண கண்காட்சி மிகவும் ஆடம்பரமாக நடந்தது. தமிழ்நாட்டில் கோடைக்காலத்தில் நடந்த இந்த திருமணக் கண்காட்சி பொருளாதாரம் வளர்ச்சி அடைந்து வருவதை காட்டியது.

கடந்த ஏப்ரல் மாதத்தில் இருந்து ஜூலை வரை நாடு முழுவதும் 40 லட்சம் திருமண நிகழ்ச்சி நடைபெறுகிறது.

இதை ஐ.டி.சி. கிராண்ட்சோழா நட்சத்திர ஓட்டல் பொதுமேலாளர் கபின் சாங்கட்வான் தெரிவித்தார். இது தொடர்பாக அவர் மேலும் கூறியதாவது:-

2019-ம் ஆண்டின் முதல் காலாண்டுடன் ஒப்பிடும் போது தற்போது ஐ.டி.சி.கிராண்ட் சோலாரில் திருமண நிகழ்ச்சிகள் அதிக அளவில் உள்ளன. அறைகளில் தங்கும் வருவாய் கிட்டதட்ட இரட்டிப்பாகும். விருந்து வருவாய் 20 சதவீதம் அதிகரித்துள்ளது.

வெளிப்புறங்களில் இருந்தும் எங்களுக்கு திருமணங்களுக்கான உணவு ஆர்டர் வருகிறது.

இவ்வாறு அவர் கூறினார்.

திருமணங்கள் மூலம் ஜவுளி, நகைகள், கார்கள் விற்பனை மிகப்பெரிய அளவில் அமோகமாக நடைபெற்று வருகின்றன.

இது தொடர்பாக நகை கடையின் உரிமையாளர் ஒருவர் கூறும்போது:-

இந்த கோடையில் தங்கத்தின் தேவை அதிகமாக இருக்கும். திருமண நிகழ்ச்சிக்காக புதிய வகை பிராண்டுகளை அறிமுகப்படுத்தி உள்ளோம். நகை விற்பனை அதிக அளவில் இருக்கும் என்றார்.

பட்டுப்புடவை கடை உரிமையாளர், ஒருவர் கூறும்போது, மணப்பெண் அணியும் முகூர்த்த பட்டுப்புடவைகள் மட்டுமின்றி செமி காட்டன், ஆர்கான்கள், லைட் சில்க்ஸ் போன்ற இலகுவான புடவைகளுக்கும் அதிக தேவைகள் உள்ளது.

டாடு :

பாகிஸ்தானின் லக்கி ஷா சதார் பகுதியைச் சேர்ந்தவர் சுல்பிகர் ஜிஸ்கானி. இவரது மனைவி பாப்லி ஜிஸ்கானி. சுல்பிகர் ரூ. 1 லட்சத்திற்காக தனது மகள் ஹுமேராவை ஒருவருக்கு திருமணம் செய்து வைக்க முயன்றுள்ளார். இதைத் தடுத்த பாப்லியை சுல்பிகர் கழுத்தை நெறித்து கொன்றுள்ளார்.

இந்த நிலையில் இந்த சம்பவம் குறித்து பாப்லியின் சகோதரர் முனவ்வர் அளித்த புகாரின் பேரில் போலீசார் சுல்பிகரை கைது செய்துள்ளனர். மேலும் ஏற்கெனவே, சுல்பிகர் தன்னுடைய இரண்டு மகள்களையும் இதுபோல பணத்திற்காக விற்று விட்டதாகவும் முனவ்வர் தெரிவித்துள்ளார்.

விரைவில் இதுகுறித்த விசாரணை தொடங்கும் என்று போலீசார் தெரிவித்துள்ளனர். செஹ்வான் மருத்துவமனையில் பிரேதப் பரிசோதனைக்குப் பிறகு, பாப்லி ஜிஸ்கானியின் உடல் அவரது குடும்பத்தினரிடம் ஒப்படைக்கப்பட்டது.

சூரத்:

குஜராத் மாநிலம் வதோதராவை சேர்ந்த ஷாமா பிந்து என்ற 24 வயது இளம்பெண் வருகிற 11-ந்தேதி தனக்குதானே திருமணம் செய்து கொள்வதாக கூறியிருப்பது இந்தியா முழுவதும் பரபரப்பை ஏற்படுத்தி உள்ளது.

மற்ற திருமணங்களைபோல மந்திரங்கள் ஓத வழக்கமான சடங்குகளுடன் இந்த திருமணத்தை அங்குள்ள ஹரி ஹரேஷ்வர் கோவிலில் நடத்தபோவதாகவும் அவர் அறிவித்து உள்ளார். இந்த திருமணத்துக்கு பெற்றோர் குறுக்கே நிற்கவில்லை. அவர்களும் சம்மதம் தெரிவித்து உள்ளனர். திருமணத்திற்காக அவர் அழைப்பிதழ் அச்சடித்து உறவினர்கள் மற்றும் நண்பர்கள் அனைவருக்கும் விநியோகித்து வருகிறார்.

9-ந்தேதி திருமண சடங்குகள் தொடங்கப்பட உள்ளது. இதற்கான ஏற்பாடுகள் தடபுடலாக நடந்து வருகிறது. சமூகவலைதளங்களில் ஷாமா பிந்துவின் இந்த விநோத திருமணம் பற்றி தான் கருத்துகள் பகிரப்பட்டு வருகின்றன. இதனால் அவர் பிரபலமாகிவிட்டார். அவரது இந்த திருமணத்தை தான் தற்போது அனைவரும் ஆவலோடு எதிர்பார்த்து உள்ளனர்.

இந்தநிலையில் ஷாமா திருமணத்தை இந்து கோவிலில் நடத்துவதற்கு பாரதிய ஜனதா கடும் எதிர்ப்பு தெரிவித்து உள்ளது. இது தொடர்பாக பா.ஜனதா நகர துணைத்தலைவர் சுனிதா சுக்லா கூறியதாவது:-

இது போன்ற தனக்கு தானே திருமணம் செய்வது என்பது இந்து மதத்திற்கு எதிரானது. பிந்துவுக்கு மனநிலை பாதிக்கப்பட்டு உள்ளது என்று நினைக்கிறேன்.

ஒரு ஆணை ஆண் திருமணம் செய்வது, பெண்ணை பெண் திருமணம் செய்வது என்பது இந்து கலாச்சாரம் கிடையாது. அது போன்றுதான் பிந்துவின் திருமணமும் சட்டத்துக்கு புறம்பானது. இதுபோன்ற திருமணத்துக்கு அனுமதி அளித்தால் இந்துக்களின் பிறப்பு குறையும், இதனால் அவரது திருமணத்தை இந்து கோவிலில் நடத்துவதை அனுமதிக்க முடியாது.

அவர் எந்த இந்து கோவிலிலும் திருமணத்தை நடத்துவதை நாங்கள் அனுமதிக்க மாட்டோம். அதனை நாங்கள் தடுத்து நிறுத்துவோம்.

இவ்வாறு அவர் தெரிவித்து உள்ளார்.

இதுபோன்று பலரும் பிந்துவின் புதுமையான திருமணத்திற்கு எதிர்ப்பு தெரிவித்து வருகிறார்கள்.

தொடர்ந்து எதிர்ப்பு கிளம்பி வருவதால் ஷாமா பிந்துவின் திருமணம் அவரை போலவே சர்ச்சையில் சிக்கி உள்ளது. இதனால் அவரது திருமணம் திட்டமிட்ட படி 11-ந்தேதி நடைபெறுமா என்பதிலும் சந்தேகம் எழுந்துள்ளது.

பட்டதாரி பெண்ணான ஷாமா பிந்து தற்போது வதோதராவில் உள்ள ஒருதனியார் நிறுவனத்தில் வேலைவாய்ப்பு அதிகாரியாக பணியாற்றி வருகிறார். இவரது பெற்றோர்கள் இருவரும் என்ஜீனியர்கள் ஆவார்கள். தந்தை தென் ஆப்பிரிக்காவிலும், தாய் அகமதாபாத்திலும் வசித்து வருகின்றனர்.