சேத்துப்பட்டு:
சேத்துப்பட்டு அருகே கங்காபுரம் கிராமத்தை சேர்ந்தவர் விஜய் அரசன் (வயது 30). இவர் பைக்கில் நேற்று மாலை வேலை முடிந்து கங்காபுரத்துக்கு திரும்பிக்கொண்டிருந்தார்.
பெரிய கொழப்பலூர் கூட்ரோடு அருகே வந்தபோது சாலை ஓரத்தில் நின்று கொண்டிருந்த மினி வேன் மீது இவரது மோட்டார்சைக்கிள் மோதியது.
இதில் அவர் பலத்த காயம் அடைந்தார். அக்கம்பக்கத்தில் இருந்தவர்கள் படுகாயம் அடைந்தவரை மீட்டு 108 ஆம்புலன் மூலம் மருத்துவமனைக்கு அனுப்பி வைத்தனர்.
ஆனால் வழியிலேயே இறந்து விட்டார். இதுகுறித்து சேத்துப்பட்டு போலீசாருக்கு தகவல் தெரிவிக்கப்பட்டது.
சம்பவ இடத்திற்கு விரைந்து சென்ற போலீசார் விஜய் அரசன் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.
