12.01.2025 முதல் 18.01.2025 வரை

முடங்கி கிடந்த, தடைபட்ட அனைத்து முயற்சிகளும் வெற்றி வாய்ப்பை தேடித்தரும் வாரம். ராசி அதிபதி சனியுடன் 4, 9-ம் அதிபதியாகிய சுக்ரன் சேர்க்கை. எத்தகைய சூழலையையும் எதிர்கொள்ளும் ஆற்றலைப் பெறுவீர்கள். புதிய முயற்சிகள் சாதகமாக முடியும். குடும்பத்தில் நிலவிய உட்பூசல் குறைந்து அமைதிப் பூங்காவாகும். பண வரவு அதிகரிக்கும். சிலருக்கு வேலை மாற்றம் பற்றிய சிந்தனை மேலோங்கும். ஜென்மச் சனி முடிவுக்கு வரப் போவதால் திருமணத்தடை அகலும்.

சிலருக்கு பெற்றோரின் சம்மதத்துடன் விருப்பத் திருமணம் நடக்கும். பிள்ளைகளின் திருமணம், வளைகாப்பு, பூப்புனித நீராட்டு விழா, உயர் கல்வி என சுப மங்களச் செலவுகள் அதிகரிக்கும். புதிய வீடு, மனை வாங்குவீர்கள். வீண் செலவுகள், விரயங்கள் குறையும். மலைபோல் வந்த பிரச்சனைகள் பனி போல் விலகும். புதிய சேமிப்பு திட்டங்கள் பற்றிய எண்ணம் உண்டாகும். பெற்றோர்கள், பெரியோர்கள், முன்னோர்களின் நல்லாசிகள் கிடைக்கும். மாணவர்களுக்கு விரும்பிய உயர் கல்வி வாய்ப்பு கிடைக்கும். ஆரோக்கியத்தில் முன்னேற்றம் உண்டாகும்.

`பிரசன்ன ஜோதிடர்'

ஐ.ஆனந்தி

செல்: 98652 20406