பள்ளி மாணவி உள்பட 2 பெண்கள் மாயம்

தருமபுரி,

தருமபுரி மாவட்டம் அரூரில் திரு.வி.க. நகரைச் சேர்ந்தவர் 16 வயது சிறுமி. இவர் தனியார் பள்ளியில் பிளஸ்-1 வகுப்பு படித்து வருகிறார். இந்த நிலையில் கடந்த 15-ந் தேதி மாணவி வீட்டில் தூக்க சென்றார். காலையில் எழுந்துபார்த்தபோது மாணவி வீட்டில் காணவில்லை.

இதனால் பதறிப்போன பெற்றோர் மாணவி உறவினர்கள் வீடுகளில் தேடிபார்த்தனர். எங்கும் தேடியும் அவர் கிடைக்காததால், மாணவி மாயமானது தெரியவந்தது.

இதுகுறித்து மாணவியின் தந்தை அரூர் அனைத்து மகளிர் போலீஸ் நிலையத்தில் புகார் தெரிவித்தார். புகாரின்பேரில் போலீசார் வழக்கு பதிவு செய்து விசாரணை நடத்தி வருகின்றனர்.

மற்றொரு சம்பவம்

தருமபுரி மாவட்டம் காரிமங்கலம் பெருமாள் கொட்டாய் பகுதியைச் சேர்ந்தவர் நாராயணன். இவரது மகள் அருள்மொழி (வயது20). இவர் பி.ஏ. படித்து விட்டு வீட்டில் இருந்து வந்தார். இந்த நிலையில் கடந்த 18-ந் தேதி வீட்டைவிட்டு வெளியே சென்றவர். மீண்டும் அவர் மீண்டும் வீடு திரும்பவில்லை. இதுகுறித்து நாராயணன் காரிமங்கலம் போலீஸ் நிலையத்தில் புகார் தெரிவித்தார். புகாரின்பேரில் போலீசார் வழக்கு பதிவு செய்து மாயமான அருள்மொழியை தேடிவருகின்றனர்.