பட்டுக்கோட்டை அருகே பெண்ணிடம் நகை பறிப்பு

பட்டுக்கோட்டை:

பட்டுக்கோட்டை அருகே உள்ள ஆலத்தூர் தெற்கு தெருவை சேர்ந்தவர் திருமுருகன். இவரது மனைவி பொற்கொடி(வயது 40). இவர் நேற்று இரவு தனது தங்கையுடன் திருமண மண்டப சாலை அருகே நடந்து சென்று கொண்டிருந்தார். அப்போது அவரை பின் தொடர்ந்து மோட்டார் சைக்கிளில் வந்த 2 மர்ம நபர்கள் பொற்கொடி அணிந்து இருந்த 3 பவுன் தங்க செயினை பறித்துவிட்டு தப்பி சென்று விட்டனர்.

இது குறித்து பொற்கொடி அளித்த புகாரின் பேரில் பட்டுக்கோட்டை தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.