வண்ணாரப்பேட்டையில் வீட்டின் பூட்டை உடைத்து கொள்ளை முயற்சி

ராயபுரம்:

புதுவண்ணாரப்பேட்டை போலீஸ் ஏட்டு ரேனியஸ் இன்று அதிகாலை 2 மணியளவில் புதுவண்ணாரப்பேட்டை புச்சம்மாள் தெருவில் ரோந்து சென்று கொண்டிருந்தார்.

அப்போது 3 பேர் மோட்டார் சைக்கிளில் வந்து பூட்டியிருந்த வீட்டை உடைத்து கொள்ளை முயற்சியில் ஈடுபட்டனர். போலீஸ் ஏட்டை பார்த்ததும் 3 பேரும் மோட்டார் சைக்கிளை போட்டு விட்டு தப்பி ஓடிவிட்டனர்.

இதையடுத்து போலீஸ் ஏட்டு ரேனியஸ் மோட்டார் சைக்கிளை பறிமுதல் செய்து போலீஸ் நிலையத்தில் ஒப்படைத்தார். சரியான நேரத்தில் போலீஸ் ஏட்டு ரோந்து சென்றதால் கொள்ளை முயற்சி தடுக்கப்பட்டது.