மணல்மேடு அருகே தூக்குப்போட்டு புதுப்பெண் தற்கொலை

மணல்மேடு:

மணல்மேடு அருகே முடிகண்டநல்லூர் மேலத்தெருவை சேர்ந்தவர் முருகன். இவரின் மனைவி மதுபாலா (வயது24) இவர்களுக்கு திருமணமாகி 5 மாதங்கள் ஆகிறது. இந்த நிலையில் இவர்களுக்கு இடையே குடும்ப பிரச்சினை ஏற்பட்டு தகராறு நடந்துள்ளது. இந்தநிலையில் நேற்று மதுபாலா வீட்டில் உள்ள மின் விசிறியில் சேலையால் தூக்குப்போட்டு தற்கொலை செய்து கொண்டார். இதுகுறித்து மதுபாலாவின் தந்தை மணி கொடுத்த புகாரின்பேரில் மணல்மேடு போலீசார் சம்பவ இடத்திற்கு விரைந்து வந்து தூக்கில் தொங்கிய மதுபாலாவின் உடலை கைப்பற்றி பிரேத பரிசோதனைக்காக மயிலாடுதுறை அரசு மருத்துவமனைக்கு அனுப்பி வைத்தனர். மேலும் இதுதொடர்பாக போலீசார் வழக்குப்பதிவு செய்து, விசாரணை நடத்தி முருகனை கைது செய்தனர். திருமணமாகி 5 மாதங்களே ஆவதால் மேல் விசாரணை நடத்த உதவி கலெக்டருக்கு உத்தரவிடப்பட்டு உள்ளது.