கொளத்தூரில் பெண்ணிடம் நகை பறிப்பு

கொளத்தூர்:

சென்னை கொளத்தூர் அய்யப்பா நகரைச் சேர்ந்தவர் பாக்கியநாதன். இவரது மனைவி சந்திரிகா (54). இவர் நேற்று மாலை வீட்டின் அருகே நடைபெற்ற ஒரு நிகழ்ச்சியில் கலந்து கொண்டு கணவருடன் நடந்து சென்று கொண்டிருந்தார்.

அப்போது மோட்டார் சைக்கிளில் ஹெல்மெட் அணிந்தபடி வந்த 2 வாலிபர்கள் திடீரென சந்திரிகா கழுத்தில் இருந்த 13 சவரன் தாலி செயினை பறித்துச் சென்றனர்.

இதுகுறித்து சந்திரிகா கொடுத்த புகாரின் ராஜ மங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.