பாலியல் புகார் எதிரொலி: ராஜஸ்தான் முன்னாள் எம்.எல்.ஏ. காங்கிரசில் இருந்து நீக்கம்

ஜெய்ப்பூர்:

ராஜஸ்தான் மாநிலத்தின் பார்மரைச் சேர்ந்த மேவாராம் ஜெயின் உள்ளிட்ட 9 பேர் பாலியல் வன்கொடுமை செய்ததாகக்கூறி கடந்த சில தினங்களுக்கு முன் ஒரு பெண் புகார் அளித்தார். அதில், மேவாராம் ஜெயின் பாலியல் பலாத்காரம் செய்ததாகவும், மானபங்கம் செய்ததாகவும் குற்றம் சாட்டினார். அதன் அடிப்படையில் போலீசார் எப்.ஐ.ஆர். பதிவு செய்தனர்.

காங்கிரஸ் கட்சியின் முன்னாள் எம்.எல்.ஏ. மேவாராம் ஜெயின் மீது ஏற்கனவே பாலியல் குற்றச்சாட்டு சுமத்தப்பட்டுள்ள நிலையில், சமீபத்தில் அவரது 2 வீடியோக்கள் சமூக வலைதளங்களில் வைரலாகின.

இந்நிலையில், ஒழுங்கு நடவடிக்கை காரணமாக முன்னாள் எம்.எல்.ஏ.வான மேவாராம் ஜெயின் இன்று காங்கிரஸ் கட்சியில் அடிப்படை உறுப்பினரில் இருந்து சஸ்பெண்ட் செய்யப்பட்டுள்ளார் என மாநில காங்கிரஸ் அறிவிப்பு வெளியிட்டுள்ளது.