2023 உலகக்கோப்பை ஹாக்கி தொடரை நடத்தும் வாய்ப்பை பெற்றது இந்தியா

உலகக்கோப்பை ஹாக்கி தொடர் நான்கு வருடத்திற்கு ஒருமுறை நடத்தப்பட்டு வருகிறது. 2023-ம் ஆண்டு நடைபெற இருக்கும் உலகக்கோப்பை தொடரை நடத்த ஏராளமான நாடுகள் விருப்பம் தெரிவித்தது.

இந்நிலையில் சர்வதேச ஹாக்கி பெடரேசன் நிர்வாகக்குழு  கூட்டம் நடைபெற்றது. இதில் இந்தியாவுக்கு உலகக்கோப்பை தொடரை நடத்தும் வாய்ப்பை வழங்க முடிவு செய்யப்பட்டது.

இந்தத் தொடர் 2023 ஜனவரி மாதம் 13-ந்தேதியில் இருந்து 29-ந்தேதி வரை நடக்க இருக்கிறது. போட்டி நடக்கும் இடத்தை இந்தியாவே முடிவு செய்து கொள்ளலாம்.

பெண்களுக்கான உலகக்கோப்பை தொடர் 2022-ம் ஆண்டு ஜூலை 1-ல் இருந்து 17 வரை நடக்கிறது. இந்தத் தொடரை இந்தியாவுடன் ஸ்பெயின் மற்றும் நெதர்லாந்து நாடுகளும் இணைந்து நடத்துக்கிறது.