கடைசியாக உள்ளூர் போட்டிகளில் எப்போது விளையாடினார்?- கோலியை கடுமையாக சாடிய பதான்

ஆஸ்திரேலியாவில் சுற்றுப்பயணம் மேற்கொண்ட இந்திய கிரிக்கெட் அணி 5 போட்டிகள் கொண்ட தொடரை 1-3 என்ற கணக்கில் இழந்துள்ளது. இந்த தோல்விக்கு இந்திய அணியின் சீனியர் பேட்ஸ்மேன்கள் விராட் கோலி, ரோகித் சர்மா, கே.எல். ராகுல் ஆகியோர் முக்கிய காரணம் என விமர்சனங்கள் என தொடங்கியுள்ளன.

குறிப்பாக மூத்த வீரரான விராட் கோலியின் பேட்டிங் கடுமையான விமர்சனத்திற்கு உள்ளாகியுள்ளது. அவர் இந்த டெஸ்ட் தொடரில் 9 இன்னிங்ஸ்களில் மொத்தமே 190 ரன்கள் மட்டுமே எடுத்திருக்கிறார். அவரது சராசரி 24 ரன்களுக்கு குறைவாக உள்ளது.

இந்நிலையில் விராட் கோலியின் ஆட்டம் குறித்து முன்னாள் வீரரும் கிரிக்கெட் விமர்சகருமான இர்பான் பதான்

இந்தியாவுக்கு சூப்பர் ஸ்டார் கலாச்சாரம் தேவையில்லை. அவர்களுக்கு அணி கலாச்சாரம் தேவை. கடைசியாக விராட் கோலி உள்ளூர் போட்டிகளில் எப்போது விளையாடினார் என்று உங்களால் சொல்ல முடியுமா? அவர் உள்ளூர் போட்டிகளில் விளையாடி 10 ஆண்டுகளுக்கும் மேல் ஆகிறது.

லெஜெண்ட் சச்சின் டெண்டுல்கர் பலமுறை சர்வதேச போட்டிகளில் விளையாடும் போது உள்ளூர் போட்டிகளிலும் விளையாடி இருக்கிறார். கோலியை குறைத்து மதிப்பிடுவதற்காக நான் இதனை சொல்லவில்லை. ஒரே மாதிரியாக அவர் அவுட் ஆகி வெளியேறுகிறார் என சுனில் கவாஸ்கர் கூறியிருக்கிறார். சுனில் கவாஸ்கரிடம் விராட் கோலி ஆலோசனை கேட்டால் நிச்சயமாக அவர் நல்ல தீர்வை கொடுப்பார்.

தவறிலிருந்து பாடம் பெற்று அதனை திருத்திக் கொள்ள கடுமையாக உழைக்க வேண்டும். ஆனால் விராட் கோலி அதில் ஆர்வம் காட்டவில்லை.

என்று பதான் கூறியுள்ளார்.

பார்டர் கவாஸ்கர் தொடரில் விராட் கோலி 9 இன்னிங்ஸ்களில் விளையாடி உள்ளார். அவற்றில் 8 முறை அவர் ஆட்டம் இழந்தார். அவை அனைத்தும் ஒரே மாதிரியாக நடந்தவை என்பதால் முன்னாள் கிரிக்கெட் வீரர்களும் ரசிகர்களும் கடுமையாக விமர்சித்துள்ளனர்.