தங்கம் விலை சவரனுக்கு ரூ.152 உயர்வு

சென்னை:

தங்கம் விலை ரூ.152 உயர்ந்து ஒரு பவுன் ரூ.22,272-க்கு விற்கிறது.

சில நாட்களாக தங்கம் விலை நிலையற்ற தன்மையுடன் இருந்து வருகிறது. கடந்த மாதம் (மார்ச்) 27-ந்தேதி பவுன் ரூ.22 ஆயிரத்து 288 ஆக இருந்தது. பின்னர் விலை குறைந்து 31-ந்தேதி ரூ.22 ஆயிரத்து 8 ஆக சரிந்தது.

மறுநாள் (1-ந்தேதி) பவுனுக்கு ரூ.112 அதிகரித்து ரூ.22 ஆயிரத்து 120 ஆக இருந்தது. இன்று பவுனுக்கு ரூ.152 உயர்ந்துள்ளது. ஒரு பவுன் ரூ. 22 ஆயிரத்து 272 ஆக உள்ளது. கிராமுக்கு ரூ.19 அதிகரித்துள்ளது. ஒரு கிராம் ரூ.2,784-க்கு விற்கிறது.

வெள்ளி ஒரு கிலோ ரூ.44 ஆயிரத்து 100 ஆக உள்ளது. ஒரு கிராம் ரூ.45.90-க்கு விற்கிறது.