மருத்துவத்துறை சார்ந்த குற்றச்சாட்டு குறித்து விவாதிக்க தயார்: இபிஎஸ்-க்கு மா.சுப்பிரமணியன் சவால்

சென்னை:

மருத்துவத்துறை 41 மாதங்களாக சீரழிந்துள்ளதாகவும், டெங்கு காய்ச்சல் பரவி வரும் நிலையில் அரசு நடவடிக்கை எடுக்கவில்லை என்றும் எதிர்க்கட்சி தலைவர் எடப்பாடி பழனிசாமி குற்றம்சாட்டி இருந்தார்.

இந்நிலையில் மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் செய்தியாளர்களுக்கு பேட்டி அளித்தார். அப்போது அவர் கூறியதாவது:

* மருத்துவத்துறை சார்பான எந்த குற்றச்சாட்டுக்கும் எதிர்க்கட்சி தலைவர் இபிஎஸ் உடன் நேரடியாக விவாதிக்கத்தயார்.

* இபிஎஸ் மட்டுமல்ல எத்தனை பேர் வந்தாலும் அவர்களுடன் அமர்ந்து மருத்துவத்துறை தொடர்பாக விவாதிக்கத்தயார்.

* நேரத்தையும் இடத்தையும் நீங்களே முடிவு செய்து சொல்லுங்கள்.

* டெங்கு கட்டுப்படுத்தப்பட்ட ஆண்டாக இந்த ஆண்டு உள்ளது என்று கூறினார்.

மருத்துவத்துறையில் உள்ள குறைபாடுகளை இபிஎஸ் சுட்டிக்காட்டிய நிலையில் அமைச்சர் மா.சுப்பிரமணியன் விவாதிக்க அழைப்பு விடுத்துள்ளார்.