அமெரிக்க அதிபர் தேர்தல் முடிவுகள்: காரணத்திற்காகவே என் உயிரை கடவுள் காப்பாற்றினார்.. டொனால்டு டிரம்ப்

அமெரிக்க தேர்தல் முடிவுகளில் டொனால்டு டிரம்ப் தற்போதைய நிலவரப்படி 277 இடங்களிலும், கமலா ஹாரிஸ் 224 இடங்களிலும் வெற்றி பெற்றுள்ளனர். 

அமெரிக்க அதிபர் தேர்தலில் வெற்றிக்கு பின் பேசிய டொனால்டு டிரம்ப், "இது அமெரிக்க மக்களுக்கு கிடைத்த மாபெரும் வெற்றி. கடவுள் ஒரு காரணத்திற்காக என் உயிரைக் காப்பாற்றினார். என் உடலின் ஒவ்வொரு மூச்சிலும் உங்களுக்காகவும், உங்கள் குடும்பத்துக்காகவும் போராடுவேன்," தெரிவித்தார்.

பென்சில்வேனியா (19), அலாஸ்கா (3) மாகாணங்களில் டொனால்டு டிரம்ப் வெற்றி பெற்று 270 எலக்டோரல் வாக்குகளை பெற்று அதிபர் தேர்தலில் வெற்றி பெற்றுள்ளார்.

தேர்தலில் பின்தங்கி வரும் நிலையில் ஜனநாயக கட்சி வேட்பாளரான கமலா ஹாரிஸ் தனது உரையை ரத்து செய்துள்ளார்.

ஹவாய் தீவில் கமலா ஹாரிஸ் வெற்றி பெற்றார். இங்கு 4 எலக்டோரல் வாக்குகள் உள்ளன.

16 எலக்ரோல் வாக்குகளை கொண்டு முக்கியமான ஸ்விங் மாகாணமாக கருதப்படும் ஜார்ஜியாவில் டொனால்டு டிரம்ப் வெற்றி பெற்றதாக தகவல் வெளியாகியுள்ளது.

நியூ மெக்சிகோ மாகாணத்தில் கமலா ஹாரிஸ் 51.7 சதவீதம் வாக்குகள் பெற்று வெற்றி பெற்றுள்ளார். இங்கு 5 எலக்டோரல் வாக்குகள் உள்ளன.

விர்ஜினியா மாகாணத்தில் கமலா ஹாரிஸ் 51.4 சதவீதம் வாக்குகள் பெற்று வெற்றி பெற்றார். இங்கு 13 எலக்டோரல் வாக்குகள் உள்ளன.