என் மலர்
நீங்கள் தேடியது "ஜெய்சங்கர்"
- இலங்கை அதிபர் அனுராகுமார திசநாயகா தனது முதல் வெளிநாட்டுப் பயணமாக இந்தியா வந்தார்.
- பிரதமர் மோடியை இலங்கை அதிபர் திசநாயகா சந்தித்துப் பேசினார்.
இலங்கையில் கடந்த செப்டம்பர் மாதம் அதிபர் தேர்தல் நடந்தது. இந்த தேர்தலில் இடதுசாரி கட்சியான 'தேசிய மக்கள் சக்தி' கட்சியின் தலைவர் அனுராகுமார திசநாயகா வெற்றி பெற்று இலங்கையின் 9-வது அதிபராக பதவியேற்றுக் கொண்டார்.
இதைத்தொடர்ந்து கடந்த அக்டோபர் மாதம் இலங்கை சென்ற இந்திய வெளியுறவுத்துறை மந்திரி ஜெய் சங்கர், அதிபர் திசநாயகாவை சந்தித்து பேசினார். அப்போது இந்தியா வருமாறு அவருக்கு அழைப்பு விடுத்தார்.
அதை ஏற்று இலங்கை அதிபர் அனுராகுமார திசநாயகா தனது முதல் வெளிநாட்டுப் பயணமாக இந்தியா வந்தார். இதைத் தொடர்ந்து பிரதமர் மோடியை இலங்கை அதிபர் திசநாயகா சந்தித்துப் பேசினார்.
இந்நிலையில், தமிழக மீனவர்கள் பிரச்சனை தொடர்பாக மத்திய வெளியுறவுத்துறை அமைச்சர் ஜெய்சங்கருக்கு மக்களவை எதிர்க்கட்சித் தலைவர் ராகுல் காந்தி கடிதம் ஒன்றை எழுதியுள்ளார்.
அக்கடிதத்தில், "இலங்கையில் கடற்படையால் கைது செய்யப்பட்டுள்ள இந்திய மீனவர்களை விடுவிக்கவும், மீனவர்களுக்கு விதிக்கப்பட்டுள்ள அபராதத் தொகையை ரத்து செய்யவும் இலங்கை அதிபரிடம் வலியுறுத்த வேண்டும்" என்று ராகுல் காந்தி வலியுறுத்தியுள்ளார்.
- இலங்கை அதிபர் அனுர குமார திசநாயக இந்தியா வந்துள்ளார்.
- அனுர குமார திசநாயக்கை மத்திய இணை மந்திரி முருகன் வரவேற்றார்.
புதுடெல்லி:
இலங்கையில் சமீபத்தில் நடந்த பாராளுமன்ற தேர்தலில் தேசிய மக்கள் சக்தி கட்சி சார்பில் போட்டியிட்ட அனுர குமார திசநாயக அபார வெற்றி பெற்றார். இதையடுத்து அவர் புதிய அதிபராக பதவியேற்றுக் கொண்டார்.
இதற்கிடையே, இலங்கை சென்ற இந்திய வெளியுறவுத்துறை மந்திரி எஸ்.ஜெய்சங்கர், அந்நாட்டு அதிபரை இந்தியா வருமாறு அழைப்பு விடுத்தார். அந்த அழைப்பை ஏற்று இலங்கை அதிபர் அனுர குமார திசநாயக இந்தியா வந்துள்ளார்.
டெல்லி வந்தடைந்த அனுர குமார திசநாயக்கை மத்திய இணை மந்திரி எல்.முருகன் வரவேற்றார்.
இந்நிலையில், இலங்கை அதிபர் அனுர குமார திசநாயகவை மத்திய வெளியுறவுத்துறை மந்திரி எஸ்.ஜெய்சங்கர் சந்தித்தார்.
தனது சுற்றுப்பயணத்தில் அதிபர் திசநாயக ஜனாதிபதி திரவுபதி முர்மு மற்றும் பிரதமர் மோடி ஆகியோரை சந்திக்கிறார். அப்போது இருநாடுகள் இடையே நிலவும் மீனவர்கள் பிரச்சனை உள்ளிட்ட பல்வேறு பிரச்சனைகள் குறித்தும், எதிர்கால திட்டங்கள் பற்றியும் ஆலோசிக்கப்படலாம் என கூறப்படுகிறது.
- கத்தாரில் நடந்த தோஹா மாநாட்டில் இந்திய வெளிவிவகார துறை மந்திரி ஜெய்சங்கர் பங்கேற்றார்.
- அமெரிக்க டாலரை பலவீனப்படுத்துவதில் இந்தியாவுக்கு ஆர்வமில்லை என தெரிவித்தார்.
தோஹா:
கத்தார் நாட்டில் 22-வது தோஹா மாநாடு நடந்தது. இதில் இந்திய வெளியுறவுத்துறை மந்திரி ஜெய்சங்கர் பங்கேற்றார். கத்தார் மற்றும் நார்வே நாடுகளின் வெளியுறவுத்துறை மந்திரிகள் கலந்துகொண்டனர்.
அமெரிக்க அதிபராக தேர்வு செய்யப்பட்ட டொனால்டு டிரம்ப், சமீபத்தில் பேசுகையில், பிரிக்ஸ் நாடுகளுக்கு 100 சதவீத வரி விதிக்கப்படும் என கூறினார். பிரிக்ஸ் நாடுகளுக்கு என தனியாக கரன்சி நோட்டுகள் அறிமுகம் என வெளிவந்த செய்தி பற்றி பேசுகையில் இதனை குறிப்பிட்டார்.
இந்நிலையில், மத்திய மந்திரி ஜெய்சங்கர் தோஹா மாநாட்டில் பேசியதாவது:
டிரம்பின் முதல் நிர்வாகத்தின்போது, அமெரிக்காவுடன் நாங்கள் நல்ல, வலுவான உறவை கொண்டிருந்தோம்.
சில பிணக்குகள் உள்ளன. அவை, வர்த்தகம் சார்ந்தவையாக உள்ளன. டிரம்ப் அதிகாரத்தின் கீழ்தான் குவாட் அமைப்பு மீண்டும் தொடங்கப்பட்டது என நினைவுப்படுத்த விரும்புகிறேன்.
பிரதமர் மோடி மற்றும் டிரம்ப் இடையே தனிப்பட்ட நட்புறவு உள்ளது. அது இரு நாடுகளுக்கு இடையேயான வலுவான இருதரப்பு உறவுக்கு பங்காற்றியது.
இந்தியா ஒருபோதும் டாலரின் மதிப்பை பலவீனப்படுத்தியதில்லை என எப்போதும் கூறிவருகிறோம். பிரிக்ஸ் கரன்சிக்காக எந்தவித முன்மொழிவும் இதுவரை இல்லை. நிதிப்பரிமாற்ற விஷயங்களைப் பற்றியே பிரிக்ஸில் விவாதிக்கப்பட்டு வருகிறது.
அமெரிக்கா எங்களுடைய மிக பெரிய வர்த்தக நட்பு நாடு. டாலரை பலவீனப்படுத்த எங்களுக்கு ஆர்வம் இல்லை என தெரிவித்தார்.
- உயிரிழந்த மாணவரின் பெயர் சாய் தேஜா என்று தகவல் வெளியாகியுள்ளது.
- சாய் தேஜா சிகாகோவில் உள்ள பெட்ரோல் பங்கில் பகுதி நேர வேலை செய்து வந்துள்ளார்.
அமெரிக்காவின் சிகாகோ நகரில் உள்ள பெட்ரோல் பங்க் அருகே தெலுங்கானாவைச் சேர்ந்த மாணவர் ஒருவர் மர்மநபர்களால் துப்பாக்கியால் சுட்டுக் கொல்லப்பட்டார்.
உயிரிழந்த மாணவரின் பெயர் சாய் தேஜா என்று தகவல் வெளியாகியுள்ளது. சாய் தேஜா இந்தியாவில் தனது பட்டப்படிப்பை முடித்துவிட்டு எம்.பி.ஏ. படிப்பதற்காக அமெரிக்கா சென்றுள்ளார். அவர் சிகாகோவில் உள்ள பெட்ரோல் பங்கில் பகுதி நேர வேலை செய்து வந்துள்ளார்.
இந்த சம்பவம் தொடர்பாக சிகாகோவில் உள்ள இந்திய துணைத் தூதரகம் தனது எக்ஸ் பக்கத்தில் பதிவிட்டுள்ளது. அந்த பதிவில், "இந்திய மாணவர் சாய் தேஜா கொலை செய்யப்பட்ட செய்தியை கேட்டு நாங்கள் அதிர்ச்சியும் ஆழ்ந்த வருத்தமும் அடைந்துள்ளோம். குற்றவாளிகள் மீது உடனடியாக நடவடிக்கை எடுக்கக் கோருகிறோம். பாதிக்கப்பட்டவரின் குடும்பத்தினர் மற்றும் நண்பர்களுக்கு தூதரகம் அனைத்து உதவிகளையும் செய்யும்" என்று தெரிவிதிக்கப்பட்டுள்ளது.
இந்திய துணைத் தூதரக பதிவை பகிர்ந்துள்ள வெளியுறவுத்துறை அமைச்சர் ஜெய்சங்கர், "இந்தச் செய்தியால் நான் மிகவும் வருத்தப்படுவதாக" பதிவிட்டுள்ளார்.
Deeply grieved at this news. Our Consulate is rendering all possible assistance to the family. https://t.co/6qEY5yHjfx
— Dr. S. Jaishankar (@DrSJaishankar) November 30, 2024
- பதவிக்கு வந்த 15 நாட்களில் வெளிநாட்டு வங்கிகளில் உள்ள கறுப்புப் பணத்தை எல்லாம் திரும்பக் கொண்டு வருவேன் என்று கூறியதே அதற்கு உதாரணம்
- டிரம்பின் ஷூவை துடைக்க மோடிக்கு அனுமதி கிடைத்துள்ளது என்றும் வெயிட்டர் [ ஜெய்சங்கர்] கூறக்கூடும்
பொய் பேசும் மோடிக்கு ஆதரவாக தேர்தலில் பிரச்சாரம் செய்ததற்குப் பிராயச்சித்தம் தேட உள்ளதாக பாஜக மூத்த தலைவர் சுப்ரமணிய சுவாமி தெரிவித்துள்ளார். அக்பருக்கு பீர்பால் போல் தான் மோடிக்கு இருக்க வேண்டும் அவர் விரும்பினார் என்றும் அதனை தான் ஏற்கவில்லை என்பதற்காக மோடி தன்மீது கோபமடைந்தார் என்றும் சுவாமி தெரிவித்துள்ளார்.
2014 மக்களவை தேர்தலில் மோடிக்காக பிரச்சாரம் செய்ததற்காகத் தான் தற்போது பரிகாரம் செய்ய உள்ளேன். மோடி எப்படிப்பட்ட பொய்யராக மாறியிருக்கிறார். பதவிக்கு வந்த 15 நாட்களில் வெளிநாட்டு வங்கிகளில் உள்ள கறுப்புப் பணத்தை எல்லாம் திரும்பக் கொண்டு வருவேன் என்று கூறியதே அதற்கு உதாரணம் என்று தெரிவித்துள்ளார்.
முன்னதாக மோடி மற்றும் அமித் ஷாவை பல சந்தர்ப்பங்களில் சுப்ரமணிய சுவாமி விமர்சித்துள்ளார். அமெரிக்க அதிபர் தேர்தலில் டிரம்ப் வெற்றி பெற்ற பின்னர் அவருக்கு வந்த அழைப்புகளில் மூன்றாவதாக அட்டண்ட் செய்தது மோடியின் அழைப்பைத்தான் என்று வெளியுறவு அமைச்சர் ஜெய்சங்கர் மோடியின் செல்வாக்கு குறித்து சிலாகித்திருந்தார்.
இதற்கு பதிலடி கொடுத்த சுப்ரமணிய சுவாமி, மோடியின் அழைப்பை டிரம்ப் மூன்றாவதாக ஏற்றார் என்றால் முதல் 2 அழைப்பு யாருடையது, 1.43 பில்லியன் மக்கள் வாழும் நாட்டில் ஜெய்சங்கர் கூறிய இந்த விஷயத்தை தலைப்புச் செய்தியாக போடுகிறார்கள். விரைவில் டிரம்பின் ஷூவை துடைக்க மோடிக்கு அனுமதி கிடைத்துள்ளது என்றும் வெயிட்டர் [ஜெய்சங்கர்] கூறக்கூடும் என்று தெரிவித்துள்ளார்.
- இரு நாடுகளுக்கு இடையேயான உறவில் விரிசல் ஏற்படும் நிலை ஏற்பட்டது.
- சம்பவம் தொடர்பாக இந்த ஆண்டின் தொடக்கத்தில் 4 இந்தியர்களை கனடா அதிகாரிகள் கைது செய்தனர்.
இந்தியா - கனடா இடையிலான உறவில் பெரும் பதற்றத்தை ஏற்படுத்திய சீக்கிய பிரிவினைவாத தலைவர் ஹர்தீப் சிங் நிஜ்ஜார் கொலையில் இந்தியாவிற்கு தொடர்பு இருப்பதாக கனடாவில் வெளியாகும் செய்தித்தாளில் செய்திகள் வெளியாகின.
இதனை தொடர்ந்து நிஜ்ஜாரின் கொலையில் எந்தத் தொடர்பும் இல்லை என்று இந்தியா தொடர்ந்து மறுப்பு தெரிவித்தது. மேலும் அந்தக் குற்றச்சாட்டுகளை "அபத்தமானது" மற்றும் அரசியல் உள்நோக்கம் கொண்டது என்று நிராகரித்தது.
இதனால் இரு நாடுகளுக்கு இடையேயான உறவில் விரிசல் ஏற்படும் நிலை ஏற்பட்டது.
இந்த நிலையில், கனடாவை சேர்ந்த நாளிதழ் ஒன்று நிஜ்ஜார் கொலை தொடர்பாக மத்திய உள்துறை அமைச்சர் அமித்ஷா ஆகியோர் திட்டமிட்டார் எனவும் இந்திய பிரதமர் மோடி, வெளியுறவுத்துறை அமைச்சர் ஜெய்சங்கர், தேசிய பாதுகாப்பு ஆலோசகர் அஜித் தோவல் ஆகியோருக்கு இதுதொடர்பாக தெரிவிக்கப்பட்டது என்றும் செய்தி வெளியிட்டு இருந்தது. இது பெரும் பரபரப்பை ஏற்படுத்தியது. இந்த செய்தி அடிப்படை ஆதாரமற்றது என்றும் பிரதமர் மோடி ஈடுபட்டதற்கான ஆதாரங்கள் எதுவும் இல்லை என்று கனடா அரசாங்கம் உடனடியாக மறுப்பு தெரிவித்துள்ளது.
முன்னதாக கடந்த ஆண்டு ஜூன் மாதம் பிரிட்டிஷ் கொலம்பியாவில் உள்ள சர்ரேயில் உள்ள குருத்வாராவிற்கு வெளியே நிஜ்ஜார் சுட்டுக் கொல்லப்பட்டார். இந்த சம்பவம் தொடர்பாக இந்த ஆண்டின் தொடக்கத்தில் 4 இந்தியர்களை கனடா அதிகாரிகள் கைது செய்தனர்.
- தற்போது துபாயில் சிம்பயோசிஸ் சர்வதேச பல்கலைக்கழகத்தின் வளாகம் அமைக்கப்பட்டுள்ளது.
- கல்வித்துறை வளர்ச்சிக்கும் அதிக கவனம் செலுத்தப்பட்டு வருகிறது.
துபாய்:
இந்தியா மற்றும் அமீரகம் ஆகிய இரு நாடுகளுக்கு இடையே சிறப்பான நட்புறவு நிலவி இருகிறது. இதன் ஒரு பகுதியாக இந்திய வெளியுறவுத்துறை மந்திரி எஸ்.ஜெய்சங்கர் அரசுமுறை பயணமாக நேற்று அமீரகம் வருகை புரிந்தார். அவரை துபாய் சர்வதேச விமான நிலையத்தில் அமீரகத்துக்கான இந்திய தூதர் சஞ்சய் சுதிர் வரவேற்றார்.
இந்த வருகையின் மூலம் இரு நாடுகளுக்கு இடையிலான ஒத்துழைப்பு மேலும் அதிகரிக்கும் என தெரிவிக்கப்பட்டது.
சிம்பயோசிஸ் சர்வதேச (டீம்ட் யுனிவர்சிட்டி) என்ற தனியார், நிகர்நிலை பல்கலைக்கழகம் இந்தியாவின் புனே நகரில் அமைந்துள்ளது. இந்த பல்கலைக்கழகம் பெங்களூரு, ஐதராபாத், நாசிக், நொய்டா, நாக்பூர் போன்ற பல்வேறு நகர வளாகங்களில் அமைந்துள்ளது.
தற்போது துபாயில் சிம்பயோசிஸ் சர்வதேச பல்கலைக்கழகத்தின் வளாகம் அமைக்கப்பட்டுள்ளது. இந்த புதிய பல்கலைக்கழகத்தை இந்திய வெளியுறவுத்துறை மந்திரி எஸ்.ஜெய்சங்கர் தலைமை விருந்தினராக கலந்து கொண்டு திறந்து வைத்து பேசினார்.
அப்போது அவர் கூறியதாவது:-
இந்தியா மற்றும் அமீரகம் ஆகிய இரு நாடுகளுக்கு இடையே மாற்று எரிசக்தி, உள்கட்டமைப்பு, பாதுகாப்பு மற்றும் பல்வேறு துறைகளில் ஒத்துழைப்பு அதிகம் இருந்து வருகிறது. கடந்த 2015-ம் ஆண்டு இந்திய பிரதமர் நரேந்திர மோடி முதல் முறையாக அமீரகத்துக்கு வந்ததையடுத்து இரு நாடுகளுக்கு இடையிலான உறவில் ஒரு புதிய அத்தியாயம் தொடங்கப்பட்டது.
அதைத்தொடர்ந்து குறிப்பிட்ட காலத்தில் சாதனை முயற்சியாக கூட்டு பொருளாதார ஒப்பந்தம் ஏற்படுத்தப்பட்டது. இதன் தொடர்ச்சியாக தற்போது இந்த புதிய பல்கலைக்கழகம் துபாயில் தொடங்கப்பட்டுள்ளது. உலகளாவிய அளவில் பணியிடங்களுக்கு ஏற்ற வகையில் இந்தியா தயாராகி வருகிறது.
மேலும் இருநாடுகளுக்கு இடையே மின்சார வாகனம், தூய்மை மற்றும் பசுமை தொழில்நுட்பங்கள், மாற்று எரிசக்தி, விண்வெளி, சாலை உள்ளிட்ட உள்கட்டமைப்பு பணிகளுக்கு அதிக முக்கியத்துவம் அளிக்கப்பட்டு வருகிறது. இதன் மூலம் சுற்றுச்சூழலுக்கு பாதிப்பில்லாத வகையில் மேம்பட உதவியாக இருக்கும். கல்வித்துறை வளர்ச்சிக்கும் அதிக கவனம் செலுத்தப்பட்டு வருகிறது.
இவ்வாறு அவர் தெரிவித்தார்.
விழாவில் அமீரக சகிப்புத்தன்மை மற்றும் சகவாழ்வுத்துறை மந்திரி ஷேக் நஹ்யான் பின் முபாரக் அல் நஹ்யான், பல்கலைக்கழக அதிகாரிகள் பங்கேற்றனர். தொடர்ந்து துபாய் அல் ஜடாப் பகுதியில் அமைந்துள்ள முகம்மது பின் ராஷித் நூலகத்தில் நடந்த நிகழ்ச்சியில் இந்திய மந்திரி பங்கேற்று 'ஒய் பாரத் மேட்டர்ஸ்' என்ற புத்தகத்தை வெளியிட்டு பேசினார்.
இதையடுத்து துபாய் துறைமுக பகுதியில் அமைய இருக்கும் 'பாரத் மார்ட்' என்ற வணிக வளாகத்தின் திட்டப்பணிகளை துறைமுக அதிகாரிகளுடன் இந்திய வெளியுறவுத்துறை மந்திரி எஸ்.ஜெய்சங்கர் ஆய்வு செய்தார்.
- வெளியுறவு மந்திரி ஜெய்சங்கர் ஆஸ்திரேலியாவில் சுற்றுப்பயணம் மேற்கொண்டார்.
- அந்நாட்டு வெளியுறவு மந்திரி பென்னி வோங் உடன் இணைந்து செய்தியாளர்களைச் சந்தித்தார்.
புதுடெல்லி:
கனடாவின் பிராம்ப்டன் பகுதியில் உள்ள இந்துக் கோவிலில் பக்தர்கள் மீது காலிஸ்தான் ஆதரவாளர்கள் சமீபத்தில் தாக்குதல் நடத்தினர். இதற்கு இந்திய வெளியுறவுத்துறை அமைச்சகம் கண்டனம் தெரிவித்தது. பிரதமர் நரேந்திர மோடியும் இந்த விவகாரத்தில், கனடாவிடம் இருந்து நியாயத்தை எதிர்பார்க்கிறோம் என கூறியிருந்தார்.
இதற்கிடையே, வெளியுறவு மந்திரி ஜெய்சங்கர் ஆஸ்திரேலியாவில் சுற்றுப்பயணம் மேற்கொண்டார். அந்நாட்டு வெளியுறவு மந்திரி பென்னி வோங் உடன் இணைந்து செய்தியாளர்களைச் சந்தித்தார். அப்போது ஜெய்சங்கர் கூறியதாவது:
கனடா உடனான உறவில் மூன்று முக்கிய கேள்விகள் எழுந்துள்ளன. முதலில், எவ்வித ஆதாரமும் அளிக்காமல் இந்தியாமீது பொய் குற்றச்சாட்டுகளை கூறியது. அடுத்தது, அங்குள்ள இந்திய தூதரக அதிகாரிகள் கண்காணிக்கப்படுவது ஏற்புடையதல்ல. தற்போது கோவிலில் நடத்தப்பட்ட தாக்குதலும் முக்கிய பிரச்சனையாக உள்ளது. இதிலிருந்து பயங்கரவாதத்தில் ஈடுபட்ட பிரிவினைவாத அமைப்புக்கு அங்கு அரசியல் ரீதியில் ஆதரவு அளிக்கப்படுவது உறுதி செய்யப்பட்டுள்ளது என தெரிவித்தார்.
இந்தப் பேட்டியை ஒளிபரப்பு செய்ததற்காக ஊடகத்தின் சமூக வலைதள பக்கத்துக்கு கனடா அரசு தடை விதித்தது.
இந்நிலையில், தலைநகர் டெல்லியில் மத்திய வெளியுறவுத்துறை அமைச்சகத்தின் செய்தித் தொடர்பாளர் ரன்தீர் ஜெய்ஸ்வால் கூறியதாவது:
குறிப்பிட்ட ஊடகத்தின் சமூக வலைதள பக்கத்திற்கு கனடா அரசு தடை விதித்துள்ளது. ஜெய்சங்கர் பேட்டி அளித்த சில மணி நேரத்தில் இது நடந்துள்ளது. இது எங்களுக்கு ஆச்சர்யத்தை அளிக்கிறது. விசித்திரமாக உள்ளது. பேச்சு சுதந்திரம் குறித்து கனடா போடும் நாடகத்தை இது எடுத்துக்காட்டுகிறது.
அந்தக் கூட்டத்தில் எந்தவித ஆதாரங்கள் இல்லாமல் கனடா குற்றம்சாட்டுவதையும், இந்திய தூதரக அதிகாரிகளை கனடா கண்காணிப்பதையும், இந்தியாவிற்கு எதிரான அமைப்புகளுக்கு அந்நாடு அளித்துள்ள அரசியல் அடைக்கலத்தையும் எடுத்துக் கூறினார். இதன்மூலம் ஆஸ்திரேலியா ஊடகத்திற்கு கனடா அரசு தடை விதித்ததற்கான காரணத்தை அனைவரும் புரிந்து கொள்ளலாம் என தெரிவித்தார்.
- வளர்ச்சிப் பாதையில் செல்லும் இந்தியா, உலகத்துடன் வளர விரும்புகிறது.
- ஆஸ்திரேலியாவில் மகாத்மா சிலைக்கு மத்திய வெளியுறவுத்துறை அமைச்சர் ஜெய்சங்கர் மரியாதை செலுத்தினார்.
மத்திய வெளியுறவுத்துறை அமைச்சர் ஜெய்சங்கர் அரசு முறை சுற்றுப்பயணமாக ஆஸ்திரேலியா மற்றும் சிங்கப்பூர் ஆகிய நாடுகளுக்கு சுற்றுப்பயணம் மேற்கொண்டுள்ளார்.
இரண்டு நாடுகள் பயணத்தின் அங்கமாக முதலில் ஆஸ்திரேலியா சென்றுள்ளார். அங்கு அவருக்கு உற்சாக வரவேற்பு அளிக்கப்பட்டது.
அதன்பிறகு அங்குள்ள இந்திய வம்சாவளியினர் இடையே உரையாற்றிய அவர், வளர்ச்சிப் பாதையில் செல்லும் இந்தியா, உலகத்துடன் வளர விரும்புகிறது என்றும் இந்தியாவுடன் இணைந்து பணியாற்றுவதற்கு நாடுகளிடையே உண்மையான நல்லெண்ணமும் விருப்பமும் உள்ளது என்று தெரிவித்தார்.
இந்நிலையில் ஆஸ்திரேலியாவின் குயின்ஸ்லாந்து மாகாணத்தின் பிரிஸ்பேன் நகரில் ரோமா சாலை பார்க்லேண்ட்ஸில் உள்ள மகாத்மா சிலைக்கு மத்திய வெளியுறவுத்துறை அமைச்சர் ஜெய்சங்கர் மரியாதை செலுத்தினார்.
இதைத்தொடர்ந்து அவர் தனது எக்ஸ் தள பதிவில், மகாத்மா காந்தியின் அமைதி மற்றும் மதநல்லிணக்க செய்தி உலகம் முழுவதும் எதிரொலிக்கிறது என்று தெரிவித்துள்ளார்.
EAM Dr S Jaishankar tweets, "Offered my tribute this morning to Mahatma Gandhi at Roma Street Parklands in Brisbane. His message of peace and harmony resonate through the world."(Pic: EAM/X) pic.twitter.com/Ebz8cyWIsw
— ANI (@ANI) November 4, 2024
- நாடுகளிடையே உண்மையான நல்லெண்ணமும் விருப்பமும் உள்ளது.
- அந்த உணர்வைப் பயன்படுத்திக் கொள்வது முக்கியம்.
மத்திய வெளியுறவுத் துறை அமைச்சர் ஜெய்சங்கர் இரண்டு நாடுகள் பயணத்தின் அங்கமாக முதலில் ஆஸ்திரேலியா சென்றுள்ளார். அங்கு அவருக்கு உற்சாக வரவேற்பு அளிக்கப்பட்டது. அதன்பிறகு அங்குள்ள இந்திய வம்சாவளியினர் இடையே மத்திய அமைச்சர் ஜெய்சங்கர் உரையாற்றினார்.
அப்போது, வளர்ச்சிப் பாதையில் செல்லும் இந்தியா, உலகத்துடன் வளர விரும்புகிறது என்றும் இந்தியாவுடன் இணைந்து பணியாற்றுவதற்கு நாடுகளிடையே உண்மையான நல்லெண்ணமும் விருப்பமும் உள்ளது என்று தெரிவித்தார்.
இதுகுறித்து பேசும் போது, "இந்தியா வளரும். இந்தியா வளர்ந்து வருகிறது, ஆனால் இந்தியா உலகத்துடன் வளர விரும்புகிறது. நாங்கள் நம்பிக்கையுடன் இருக்கிறோம். பிரச்சனைகள் இருக்கலாம், ஆனால் ஒட்டுமொத்தமாக, உலகம் முழுவதும் நல்லெண்ணமும், இந்தியாவுடன் இணைந்து பணியாற்றும் விருப்பமும் உள்ளதாக நாங்கள் நினைக்கிறோம். இந்தியா வெற்றிபெற உலகம் முழுவதும் ஒரு உணர்வைக் காண்கிறோம், அந்த உணர்வைப் பயன்படுத்திக் கொள்வது முக்கியம்," என்று தெரிவித்தார்.
இதைத் தொடர்ந்து அவர் வெளியிட்ட எக்ஸ் தள பதிவில்,"வணக்கம் ஆஸ்திரேலியா! இன்றுதான் பிரிஸ்பேன் வந்தேன். இந்தியா மற்றும் ஆஸ்திரேலியா இடையிலான நட்புறவை முன்னெடுத்துச் செல்ல அடுத்த சில நாட்களில் ஆக்கப்பூர்வமான ஈடுபாடுகளை எதிர்நோக்கி இருங்கள்," என்று குறிப்பிட்டுள்ளார்.
- மத்திய மந்திரி ஜெய்சங்கர் ஆஸ்திரேலியா, சிங்கப்பூருக்கு சுற்றுப்பயணம் மேற்கொள்ள உள்ளார்.
- பிரிஸ்பேனில் அமைக்கப்பட்டுள்ள 4-வது இந்திய தூதரகத்தை ஜெய்சங்கர் திறந்து வைக்கிறார்.
புதுடெல்லி:
மத்திய வெளியுறவுத்துறை மந்திரி ஜெய்சங்கர் நாளை முதல் 8-ம் தேதி வரை அரசுமுறை பயணமாக ஆஸ்திரேலியா மற்றும் சிங்கப்பூர் ஆகிய நாடுகளுக்கு சுற்றுப்பயணம் மேற்கொள்ள உள்ளார்.
முதலில் ஆஸ்திரேலியா செல்லும் அவர், அங்குள்ள பிரிஸ்பேன் நகரில் ஆஸ்திரேலியாவில் அமைக்கப்பட்டுள்ள 4-வது இந்திய தூதரகத்தை திறந்து வைக்கிறார். அதன்பின், கான்பெர்ரா நகரில் ஆஸ்திரேலிய வெளியுறவுத்துறை மந்திரி பென்னி வாங்குடன் இணைந்து 15-வது வெளியுறவு மந்திரிகளின் கட்டமைப்பு உரையாடல் நிகழ்ச்சியில் கலந்துகொள்கிறார்.
மேலும், ஆஸ்திரேலிய பாராளுமன்றத்தில் உரையாற்றவுள்ள மந்திரி ஜெய்சங்கர், அங்கு வசிக்கும் இந்திய வம்சாவளியினர், தொழில் துறையினர், ஊடக அமைப்பினர் மற்றும் அந்நாட்டு மந்திரிகளைச் சந்தித்து கலந்துரையாடுகிறார்.
இதையடுத்து, 8-ம் தேதி சிங்கப்பூர் செல்லும் வெளியுறவு மந்திரி ஜெய்சங்கர், அங்கு நடைபெறும் 8-வது ஆசியான் வட்டமேசை மாநாட்டில் பங்கேற்று உரையாற்ற உள்ளார். அதன்பின், அந்நாட்டின் அரசியல் தலைவர்களைச் சந்தித்து, இந்தியா-சிங்கப்பூர் இடையிலான இருதரப்பு உறவுகளை மேம்படுத்துவது தொடர்பாக பேச்சுவார்த்தை நடத்துகிறார்.
- இலங்கை கடற்படை கைது செய்த நாகை மீனவர்கள் 12 பேரையும் விடுவிக்க நடவடிக்கை எடுக்க வேண்டும்.
- தற்போது வரை 140 மீனவர்கள் இலங்கை சிறையில் உள்ளனர்.
நாகப்பட்டினம் மாவட்டத்தைச் சேர்ந்த 12 மீனவர்கள் நேற்று முன்தினம் (26.10.2024) மீன்பிடிக்கச் சென்றிருந்தபோது, இலங்கை கடற்படையினரால் கைது செய்யப்பட்டனர்.
இந்நிலையில், இந்த விவகாரம் தொடர்பாக தமிழ்நாடு முதலமைச்சர் மு.க. ஸ்டாலின் வெளியுறவுத் துறை அமைச்சர் ஜெய்சங்கருக்கு கடிதம் எழுதியுள்ளார்.
அக்கடிதத்தில், இந்திய மீனவர்கள் இலங்கை அதிகாரிகளால் தொடர்ந்து இதுபோன்று கைது செய்யப்படும் சம்பவங்களைச் சுட்டிக்காட்டியுள்ள மாண்புமிகு முதலமைச்சர் அவர்கள், இத்தகைய கைது நடவடிக்கைகள், இந்தியா- இலங்கை இடையிலான ஆக்கப்பூர்வமான தூதரக முயற்சிகளுக்கு அழைப்பு விடுக்கும் ஒரு முக்கியப் பிரச்சனையாக மாறியுள்ளதாகவும் கூறியுள்ளார். மேலும் மீனவர்கள் இதுபோன்று கைது செய்யப்படுவது, இந்தியாவில், குறிப்பாக தமிழ்நாட்டில் உள்ள மீனவர்கள் மற்றும் அவர்களது குடும்பத்தினரின் வாழ்வாதாரம் மற்றும் பாதுகாப்பிற்குக் கடுமையான அச்சுறுத்தலைத் தொடர்ந்து ஏற்படுத்தி வருவதாகவும் குறிப்பிட்டுள்ளார்.
அதோடு நாகப்பட்டினத்தைச் சேர்ந்த 12 மீனவர்கள் கடந்த 26-10-2024 அன்று IND-TN-06-MM-5102 என்ற பதிவெண் கொண்ட படகில் மீன்பிடிக்கச் சென்றிருந்த நிலையில், இலங்கைக் கடற்படையினரால் கைது செய்யப்பட்டுள்ளனர் என்று தெரிவித்துள்ள முதலமைச்சர் ஸ்டாலின், 2024 ஆம் ஆண்டில் மட்டும் இதுபோன்று 30 சம்பவங்கள் நடந்துள்ளன என்றும், 27.10.2024 அன்றைய நிலவரப்படி 140 மீனவர்கள் மற்றும் 200 மீன்பிடிப் படகுகள் இலங்கை அரசு வசம் உள்ளனர் என்றும் முதல்வர் ஸ்டாலின் தெரிவித்துள்ளார்.
எனவே, இந்தப் பிரச்சனையை முன்னுரிமை அடிப்படையில் எடுத்துச் சென்று, இலங்கை அரசால் கைது செய்யப்பட்டுள்ள அனைத்து மீனவர்களையும், அவர்களது மீன்பிடிப் படகுகளையும் உடனடியாக விடுவித்திட உரிய நடவடிக்கை எடுக்குமாறு தமிழக முதல்வர் ஸ்டாலின், மத்திய வெளியுறவுத் துறை அமைச்சர் ஜெய்சங்கரை வலியுறுத்திக் கேட்டுக் கொண்டுள்ளார்.
