நீங்கள் தேடியது "வாக்குப்பதிவு"

மகாராஷ்டிரா மாநிலத்தில் 288 தொகுதிகளுக்கு இன்று தேர்தல் நடைபெற்று வருகிறது. காலை 7 மணிக்கு வாக்குப்பதிவு தொடங்கியது.

காலை 9 மணி வரை 6.61 சதவீதம் வாக்குகளும் 11 மணி வரை 18.14 சதவீத வாக்குகளும் பதிவான நிலையில் மதியம் 1 மணி நேர நிலவரப்படி 32.18 சதவீத வாக்குகள் பதிவாகியுள்ளன.

மகாராஷ்டிரா சட்டமன்ற தேர்தல் மந்தமாக நடைபெற்று வரும் நிலையில், 113 வயதான கஞ்சன்பென் பாட்ஷா என்ற பெண்மணி இந்த தேர்தலில் நேரில் வந்து வாக்களித்துள்ளது அனைவரின் கவனத்தையும் ஈர்த்துள்ளது.

வாக்குப் பதிவு மையத்திற்கு வீல்சேரில் வந்த கஞ்சன்பென் பாட்ஷா உற்சாகத்துடன் தனது வாக்கை பதிவு செய்தார். மகாராஷ்டிராவில் நடைபெற்ற அனைத்து தேர்தல்களிலும் அவர் தவறாமல் வாக்களித்துள்ளார் என்பது குறிப்பிடத்தக்கது.

மகாராஷ்டிரா மாநிலத்தில் 288 தொகுதிகளுக்கு இன்று தேர்தல் நடைபெற்று வருகிறது. காலை 7 மணிக்கு வாக்குப்பதிவு தொடங்கியது.

காலை 9 மணி வரை 6.61 சதவீதம் வாக்குகளும் 11 மணி வரை 18.14 சதவீத வாக்குகளும் பதிவான நிலையில் மதியம் 1 மணி நேர நிலவரப்படி 32.18 சதவீத வாக்குகள் பதிவாகியுள்ளன.

ஜார்க்கண்டில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்று வருகிறது. இங்கு காலை 11 மணி வரை 31.37 சதவீத வாக்குகள் பதிவான நிலையில் மதியம் 1 மணி நிலவரப்படி 47.92 சதவீத வாக்குகள் பதிவாகியுள்ளது.

மகாராஷ்டிரா மாநிலத்தில் 288 தொகுதிகளுக்கு இன்று தேர்தல் நடைபெற்று வருகிறது. காலை 7 மணிக்கு வாக்குப்பதிவு தொடங்கியது. காலை 9 மணி வரை 6.61 சதவீதம் வாக்குகள் பதிவாகியிருந்தனர். இந்த நிலையில் 11 மணி வரை நிலவரப்படி 18.14 சதவீத வாக்குகள் பதிவாகியுள்ளன.

ஜார்க்கண்டில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்று வருகிறது. இங்கு காலை 11 மணி வரை 31.37 சதவீத வாக்குகள் பதிவாகியுள்ளது. காலை 9 மணி வரை 12.71 சதவீதம் வாக்குகள் பதிவாகியிருந்தன.

மகாராஷ்டிரா, ஜார்க்கண்ட் மாநில சட்டசபைகளின் பதவிகாலம் விரைவில் நிறைவு பெறுகிறது. இதையொட்டி புதிய சட்டசபைகளை தேர்வு செய்ய தலைமை தேர்தல் ஆணையம் தேர்தல் அட்டவணை வெளியிட்டது.

அதன்படி மகாராஷ்டிராவில் 288 தொகுதிகளுக்கும் நவம்பர் 20-ந் தேதி ஒரே கட்டமாக தேர்தல் நடைபெறும் என்று அறிவிக்கப்பட்டது. 81 தொகுதிகள் கொண்ட ஜார்க்கண்ட் மாநிலத்தில் நவம்பர் 13 மற்றும் 20-ம் தேதிகளில் 2 கட்டமாக தேர்தல் நடைபெறும் என்று அறிவிக்கப்பட்டது.

அதன்படி ஜார்க்கண்ட் மாநிலத்தில் 43 தொகுதிகளில் கடந்த 13-ம் தேதி முதல் கட்ட தேர்தல் நடந்தது. அதில் சுமார் 67 சதவீதம் வாக்குகள் பதிவானது. இதையடுத்து அங்கு 2-வது கட்டமாக 38 தொகுதிகளில் விறுவிறுப்பான தேர்தல் பிரசாரம் நடந்தது.

அதுபோல மகாராஷ்டிரா மாநிலத்தில் கடந்த 2 வாரங்களாக அனல் பறக்கும் பிரசாரம் நடந்தது. பா.ஜனதா கூட்டணிக்கு ஆதரவாக ஆர்.எஸ்.எஸ். அமைப்பும், காங்கிரஸ் கூட்டணிக்கு ஆதரவாக இஸ்லாமிய அமைப்புகளும் மறைமுகமாக வேலை செய்தன.

இந்த நிலையில் இன்று (திங்கட்கிழமை) மாலையுடன் பிரசாரம் நிறைவு பெற்றது. 2 மாநிலங்களிலும் தலைவர்கள் இறுதிகட்ட ஓட்டு வேட்டை ஆடினார்கள். நாளை வாக்குச் சாவடிகளுக்கு மின்னணு எந்திரங்கள் கொண்டு செல்லும் பணி நடைபெறும். 20-ந் தேதி (புதன்கிழமை) ஓட்டுப்பதிவு நடைபெற உள்ளது.

இதையொட்டி இரு மாநிலங்களிலும் பலத்த பாதுகாப்பு ஏற்பாடுகள் செய்யப்பட்டு உள்ளன. ஓட்டுப்பதிவு முடிந்ததும் மின்னணு எந்திரங்கள் ஓட்டு எண்ணும் மையங்களுக்கு எடுத்துச் செல்லப்படுகிறது. 23-ந் தேதி (சனிக்கிழமை) ஓட்டுக்கள் எண்ணி முடிவுகள் அறிவிக்கப்படும்.

இந்தியாவில் 10 மாநிலங்களில் உள்ள 31 சட்டமன்ற தொகுதிகளுக்கும், கேரளாவின் வயநாடு நாடாளுமன்ற தொகுதிக்கும் இன்று [நவம்பர் 13] இடைத்தேர்தல் வாக்குப்பதிவு நடைபெற்றன. அந்த வகையில் ராஜஸ்தானில் உள்ள 7 தொகுதிகளில் இடைத்தேர்தல் வாக்குப்பதிவு நடந்தது.

இந்நிலையில் டோங்க் மாவட்டம் தியோலி - யூனியாரா சட்டமன்றத் தொகுதியில் உள்ள வாக்குச்சாவடியில் சுயேச்சை வேட்பாளர் தேர்தல் பணியில் ஈடுபட்டிருந்த சப் கலெக்டர் மீது தாக்குதல் நடத்திய சம்பவம் அப்பகுதியில் பரபரப்பை ஏற்படுத்தியுள்ளது.

இந்த தொகுதியில் சுயேட்சையாக நின்ற முன்னாள் காங்கிரஸ் பிரமுகர் நாரேஷ் மீனா சாம்ராவதாவில் உள்ள வாக்குச் சாவடியில் தேர்தல் பணிகளில் ஈடுபட்டிருந்த சப் கலெக்டர் அமித் சவுத்ரி தனது ஆட்கள் 3 பேரை அழைத்துவந்து கள்ள ஒட்டு போட முயன்றதாக குற்றம்சாட்டி அவரது அவரது கன்னத்தில் அறைந்து சரமாரியாகத் தாக்கினார். இதனைத்தொடர்ந்து போலீசார் மீனாவை அங்கிருந்து அகலச் செய்தனர். இதுதொடர்பான வீடியோ இணையத்தில் வைரலானது.

இந்த விவகாரம் பூதாகரமான நிலையில், நேற்று இரவு நரேஷ் மீனாவை போலீசார் கைது செய்ய வந்தனர். ஆனால் அவரை கைது செய்ய விடாமல் தடுத்து அவரது ஆதரவாளர்கள் எதிர்ப்பு தெரிவித்தனர். இதனால் போலீசாருக்கும், வேட்பாளரின் ஆதரவாளர்களுக்கும் இடையே மோதல் ஏற்பட்டது. வேட்பாளரின் ஆதரவாளர்கள், போலீசார் மீது கற்களை வீசி தாக்கியதுடன், வாகனங்களுக்கும் தீ வைத்தனர். இதனால் அப்பகுதியில் பெரும் பரபரப்பும் பதற்றமும் ஏற்பட்டது.

பின்னர் அங்கு ஏராளமான போலீசார் குவிக்கப்பட்டு நிலைமை கட்டுக்குள் கொண்டு வரப்பட்டது. இதனைத்தொடர்ந்து வேட்பாளர் நரேஷ் மீனா இன்று கைது செய்யப்பட்டார். இதனால் ஆத்திரமடைந்த அவரது ஆதரவாளர்கள், கிராமத்திற்கு வெளியே உள்ள நெடுஞ்சாலைக்கு சென்று மறியல் போராட்டத்தில் ஈடுபட்டனர்.

சாலையின் மத்தியில் விறகு கட்டைகளை அடுக்கி தீ வைத்தனர். இந்த வன்முறை தொடர்பாக சுமார் 60 பேர் கைது செய்யப்பட்டுள்ளனர். எனவே அப்பகுதி போர்க்களமாக காட்சியளிக்கிறது..

திருவனந்தபுரம்:

மக்களவை தேர்தலில் வயநாடு மற்றும் ரேபரேலி தொகுதியில் போட்டியிட்டு வெற்றி பெற்ற காங்கிரஸ் கட்சியின் முன்னாள் தலைவர் ராகுல் காந்தி, ரேபரேலி தொகுதி எம்.பி.யாக பதவியேற்றார். அவர் வயநாடு தொகுதி எம்.பி. பதவியை ராஜினாமா செய்தார்.

இதனால் வயநாடு தொகுதிக்கு இடைத்தேர்தல் அறிவிக்கப்பட்டது. நாடு முழுவதும் பலத்த எதிர் பார்ப்புக்கு மத்தியில் நேற்று இடைத்தேர்தல் நடைபெற்றது. இங்கு காங்கிரஸ் கட்சி சார்பில் ராகுல் காந்தியின் சகோதரி பிரியங்கா காந்தி, இந்திய கம்யூனிஸ்டு கட்சி சார்பில் சத்யன் மொகேரி, பாரதிய ஜனதா சார்பில் நவ்யா ஹரிதாஸ் உள்ளிட்ட 16 பேர் போட்டியிட்டனர்.

வயநாடு தொகுதியை பொருத்தவரை காங்கிரஸ், பாஜக, இந்திய கம்யூனிஸ்டு கட்சிகளுக் கிடையே தான் கடும் போட்டி நிலவியது. இதனால் அந்த கட்சிகளின் சார்பில் போட்டியிட்ட வேட்பாளர்கள் தீவிர பிரசாரத்தில் ஈடுபட்டனர். நட்சத்திர வேட்பாளரான பிரியங்கா காந்தி 3 கட்டங்களாக பிரசாரம் செய்தார்.

அவருடன் அவரது சகோதரரான ராகுல் காந்தியும் பிரசாரத்தில் ஈடுபட்டார். அவர்கள் பிரசாரம் சென்ற இடங்களில் எல்லாம் கட்சி தொண்டர்கள் மற்றும் மக்கள் கூட்டம் அலைமோதியது. இதனால் இடைத்தேர்தலில் பிரியங்கா காந்திக்கு அதிக வாக்குகள் கிடைக்கக்கூடும் என்றும், வாக்குப்பதிவு சதவீதம் அதிகரிக்கும் எனவும் எதிர்பார்க்கப்பட்டது.

தேர்தலுக்கு முந்தைய பல கணிப்புகளிலும் அவ்வாறே கூறப்பட்டன. ஆனால் வயநாடு இடைத்தேர்தலில் கடந்த தேர்தல்களை விட வாக்குப்பதிவு சதவீதம் குறைந்தது. வாக்குப்பதிவு தொடங்கிய போது வாக்காளர்கள் ஆர்வமாக வந்து ஓடடுப் போட்ட நிலையில், நேரம் செல்லச்செல்ல வாக்காளர்களின் வருகை எதிர்பார்த்தபடி இல்லை.

அனைத்து வாக்குச்சாவடிகளிலும் வாக்காளர்களில் வருகை மிகவும் குறைவாகவே இருந்தது. இதன் காரணமாக வாக்குப்பதிவு சதவீதம் குறைந்தது. அங்கு 14 லட்சத்து 71 ஆயிரத்து 742 வாக்காளர்கள் உள்ள நிலையில், 64.69 சதவீத வாக்குகளே பதிவாகின. 2019-ம் ஆண்டு நடந்த மக்களவை தேர்தலில் வயநாடு தொகுதியில் 80.33 சதவீதம் வாக்குப்பதிவு ஆகியிருந்தது.

கடந்த மே மாதம் நடைபெற்ற மக்களவை தேர்தலில் 73.48 சதவீத வாக்குகள் பதிவாகியிருந்தன. அதனை ஒப்பிடுகையில் தற்போது நடந்த இடைத்தேர்தலில் வாக்குப்பதிவு 8.79 சதவீதம் குறைந்திருக்கிறது. ராகுல் காந்தி மற்றும் பிரியங்கா காந்தி பிரசாரத்தின் போது காணப்பட்ட உற்சாகம் கூட, நேற்று நடந்த இடைத்தேர்தலின் போது வாக்குச்சாவடிகளில் காணப்படவில்லை.

வயநாடு மக்களவை தொகுதியில் உள்ள 7 சட்டமன்ற தொகுதிகளிலும் வாக்குப்பதிவு மந்தமாகவே இருந்தது. இளம் வயதினர் பலர் மேற்படிப்புக்காக வெளி நாடுகளில் இருப்பதால், வாக்குச்சாவடிகளுக்கு இளைஞர்களின் வருகை மிகவும் குறைவாகவே இருந்தது. வாக்குப்பதிவு சதவீதம் குறைந்ததற்கு இது ஒரு காரணமாக கருதப்படுகிறது.

அதே நேரத்தில் கடந்த மே மாத இறுதியில் நடந்த வயநாடு நிலச்சரிவு அதிர்ச்சியில் இருந்து மக்கள் இன்னும் மீளவில்லை என்பதன் வெளிப்பாடாக இருக்கலாம் என்றும் கருதப்படுகிறது. நிலச்சரிவால் மிக அதிகமாக பாதிக்கப்பட்ட மேப்பாடியில் அமைக்கப்பட்டிருந்த வாக்குச்சாவடியில் மிக குறைந்த வாக்காளர்களே ஓட்டுப்போட வந்தனர்.

அவ்வாறு வந்தவர்களும் சோகத்துடனே காணப்பட்டனர். இப்படி பல்வேறு காரணங்களால் வாக்குப் பதிவு சதவீதம் குறைந்திருக்கிறது. வாக்குப்பதிவு சதவீதம் குறைந்திருப்பது வேட்பாளர்களின் வெற்றி வாய்ப்பை பாதிக்கக்கூடும் என்று அஞ்சப்படுகிறது. எப்படியும் வயநாடு தேர்தல் களத்தில் வெற்றிவாகை சூடப்போவது யார்? என்பது ஓட்டுக்கள் எண்ணிக்கை நடைபெற இருக்கும் வருகிற 23-ந்தேதி தெரிந்துவிடும்.

கொழும்பு:

இலங்கையில் கடந்த செப்டம்பர் மாதம் நடைபெற்ற அதிபர் தேர்தலில் தேசிய மக்கள் சக்தி கட்சியின் தலைமையில் அனுரா குமர திசநாயகா வெற்றிப் பெற்று அதிபரானார். அப்போது இருந்த பாராளுமன்றத்தில் அனுரா குமர திசநாயகாவின் தேசிய மக்கள் சக்தி கட்சிக்கு வெறும் 3 இடங்கள் மட்டுமே இருந்தன. புதிய சட்டங்களை இயற்றுவதற்கு ஆளும் கட்சிக்கு பெரும்பான்மை இடங்கள் தேவை என்பதால் பாராளுமன்றத்தை கலைத்து, புதிய தேர்தலை நடத்த அனுரா குமர திசநாயகா முடிவு செய்தார். அதன்படி அதிபராக பதவியேற்ற மறுநாளே பாராளுமன்றத்தை கலைத்தார். அதனை தொடர்ந்து நவம்பர் 14-ந் தேதி பாராளுமன்ற தேர்தல் நடத்தப்படும் என இலங்கை தேர்தல் கமிஷன் அறிவித்தது.

இந்த தேர்தலில் ஆளும் தேசிய மக்கள் சக்தி, முன்னாள் அதிபர் ரணில் விக்ரமசிங்கே தலைமையிலான ஐக்கிய தேசிய கட்சி, சஜித் பிரேமதாசா தலைமையிலான ஐக்கிய மக்கள் சக்தி கூட்டணி உள்ளிட்ட பல கட்சிகள் களம் காண்கின்றன.

அதே சமயம் முக்கிய அரசியல் தலைவர்கள் பலரும் தேர்தலில் இருந்து விலகியுள்ளனர். அந்த வகையில் அதிபர் தேர்தலில் திசநாயாகவிடம் தோல்வியடைந்த ரணில் இந்த தேர்தலில் போட்டியிடவில்லை. 1977-ம் ஆண்டுக்கு பின்னர் அவர் பாராளுமன்ற தேர்தலில் போட்டியிடாதது இதுவே முதல்முறையாகும்.

அதேபோல ராஜபக்சே சகோதரர்களான மஹிந்த, கோத்தபய, சமல் மற்றும் பசில் ஆகியோரும் இந்த தேர்தலில் போட்டியிடவில்லை. மேலும் கடந்த ஆட்சியில் இருந்த ஏராளமான மந்திரிகள் மற்றும் பிரதிநிதிகள் போட்டியில் இருந்து விலகியுள்ளனர்.

225 இடங்கள் கொண்ட இலங்கை பாராளுமன்றத்துக்கு 196 உறுப்பினர்களை மக்கள் நேரடியாக வாக்களித்து தேர்வு செய்வார்கள். மீதமுள்ள 29 இடங்கள், கட்சிகள் தேசிய அளவில் பெற்ற வாக்கு சதவீதத்தின் அடிப்படையில் விகிதாச்சார அடிப்படையில் பகிர்ந்தளிக்கப்படும்.

பெரும்பான்மைக்கு 113 இடங்களில் வெற்றிப் பெற வேண்டும். அதேநேரத்தில், 150 இடங்களுக்கு மேல் வெற்றி பெற்றால் 'சிறப்பு பெரும்பான்மை' கிடைக்கும்.

சிறப்பு பெரும்பான்மை இருந்தால் அரசியலமைப்பு சட்டத்தில் மாற்றங்களை கொண்டு வருவது போன்ற பெரிய நடவடிக்கைகளையும் மேற்கொள்ள முடியும். எனவே அதிபர் திசநாயகாவின் தேசிய மக்கள் சக்தி கட்சிக்கு சிறப்பு பெரும்பான்மை கிடைக்குமா என்ற எதிர்பார்ப்பு எழுந்துள்ளது.

இந்நிலையில் இலங்கையில் காலை 7 மணிக்கு பாராளுமன்ற தேர்தல் தொடங்கியது. காலை 7 மணிக்கு தொடங்கிய வாக்குப்பதிவு மாலை 4 மணி வரை நடைபெறுகிறது. வாக்காளர்கள் ஆர்வத்துடன் வாக்களித்து வருகின்றனர்.

தேர்தலை பாதுகாப்பாக நடத்த நாடு முழுவதும் 90 ஆயிரத்துக்கும் மேற்பட்ட பாதுகாப்பு படையினர் குவிக்கப்பட்டுள்ளனர். வாக்களிக்க தகுதியுடைய 1 கோடியே 17 லட்சம் வாக்காளர்களுக்காக நாடு முழுவதும் 13 ஆயிரத்துக்கும் அதிகமான வாக்குச் சாவடிகள் அமைக்கப்பட்டுள்ளன.

இந்தியாவில் 10 மாநிலங்களில் உள்ள 31 சட்டமன்ற தொகுதிகளுக்கும், கேரளாவின் வயநாடு நாடாளுமன்ற தொகுதிக்கும் இன்று [நவம்பர் 13] இடைத்தேர்தல் வாக்குப்பதிவு நடைபெற்று வருகிறது. அந்த வகையில் ராஜஸ்தானில் உள்ள 7 தொகுதிகளுளில் இடைதேர்தல் வாக்குப்பதிவு நடந்து வருகிறது.

இந்நிலையில் தியோலி - யூனியாரா சட்டமன்றத் தொகுதியில் உள்ள வாக்குச்சாவடியில் சுயேச்சை வேட்பாளர் தேர்தல் பணியில் ஈடுபட்டிருந்த சப் டிவிஷனல் மாஜிஸ்திரேட்(SDM) மீது தாக்குதல் நடத்திய சம்பவம் அப்பகுதியில் பரபரப்பை ஏற்படுத்தியுள்ளது. இந்த தொகுதிக்கு கஷ்தோர் சந்த் என்பவரை காங்கிரஸ் வேட்பாளராக நிறுத்தியது.

ஆனால் அப்பகுதியை சேர்ந்த காங்கிரஸ் பிரமுகர் நாரேஷ் மீனா கட்சி முடிவை எதிர்த்து சுயேட்சையாக மனுத் தாக்கல் செய்தார். இதனால் கட்சியில்இருந்து மீனா சஸ்பெண்ட் செய்யப்பட்டார். இதனைத் தொடர்ந்து பாரத் - ஆதிவாசி கட்சி ஆதரவுடன் பிரசாரம் சுயேட்சை கேண்டிடேட்டாக பிரசாரம் செய்தார்.

இந்நிலையில் சாம்ராவதாவில் உள்ள வாக்குச் சாவடியில் தேர்தல் பணிகளில் ஈடுபட்டிருந்த துணை நீதிபதி அமித் சவுத்ரிதனது ஆட்கள் 3 பேரை அழைத்துவந்து கள்ள ஒட்டு போட முயன்றதாக குற்றம்சாட்ய மீனா, அவரது அவரது கன்னத்தில் அறைந்து சரமாரியாக தாக்கியுள்ளார். இதனைத்தொடர்ந்து போலீசார் மீனாவை அங்கிருந்து அகலச் செய்தனர். இதுதொடர்பான வீடியோ இணையத்தில் வைரலாகி வருகிறது.

திருவனந்தபுரம்:

கேரள மாநிலத்தில் கடந்த ஏப்ரல் மாதம் நடந்த மக்களவை தேர்தலில் வயநாடு தொகுதியில் போட்டியிட்டு வெற்றி பெற்ற ராகுல்காந்தி, தனது எம்.பி. பதவியை ராஜினாமா செய்தார். இதனால் வயநாடு தொகுதிக்கு இடைத்தேர்தல் அறிவிக்கப்பட்டது.

அங்கு காங்கிரஸ் கட்சி யின் சார்பில் ராகுல் காந்தி யின் சகோதரி பிரியங்கா காந்தி, இந்திய கம்யூனிஸ்டு கட்சி சார்பில் சத்யன் மொகேரி, பா.ஜ.க. சார்பில் நவ்யா ஹரிதாஸ் உள்ளிட்ட 16 பேர் போட்டியிட்டனர். இடைத்தேர்தலுக்கான பிரசாரம் நேற்று முன்தினம் முடிவுக்கு வந்தது.

இந்தநிலையில் இடைத்தேர்தலுக்கான வாக்குப்பதிவு இன்று நடந்தது. இதற்காக தொகுதி முழுவதும் மொத்தம் 1,354 வாக்குச்சாவடிகள் அமைக்கப்பட்டிருந்தன.

மின்னணு வாக்குப்பதிவு எந்திரத்தில் கோளாறு ஏற்பட்டதால் ஒரு சில வாக்குச்சாவடிகளை தவிர, அனைத்து வாக்குச்சாவடிகளிலும் காலை 7 மணிக்கு வாக்குப்பதிவு தொடங்கியது.

அனைத்து வாக்குச்சாவடிகளிலும் வாக்காளர்கள் ஆர்வமுடன் வந்து வாக்களித்தனர். பல வாக்குச்சாவடிகளில் ஓட்டுப்பதிவு தொடங்குவதற்கு முன்னதாகவே வாக்காளர்கள் வந்து காத்து நின்றதை காண முடிந்தது. ஏராளமான இளம் வாக்காளர்கள் மற்றும் பெண்கள் காலையிலேயே ஆர்வமாக வந்து ஓட்டு போட்டனர்.

நகர்ப்புறங்களை காட்டிலும் கிராமப்புறங்களில் வாக்காளர்கள் அதிக ஆர்வத்துடன் வந்து ஓட்டு போட்டனர். ஓட்டுப்பதிவு தொடங்கிய ஒன்றரை மணி நேரத்தில் வயநாடு மக்களவை தொகுதியில் 6.97 சதவீதம் வாக்குப்பதிவு ஆகியிருந்தது.

காங்கிரஸ் வேட்பாளர் பிரியங்கா காந்தி கல்பெட்டாவில் உள்ள ஒரு பள்ளியில் செயல்பட்ட வாக்குச்சாவடிக்கு இன்று காலை வந்து ஓட்டுப் பதிவை பார்வையிட்டார்.

இதேபோல் இந்திய கம்யூனிஸ்டு மற்றும் பா.ஜ.க. வேட்பாளர்களும் சில வாக்குச்சாவடிகளுக்கு சென்று பார்வையிட்டார்கள்.

அனைத்து வாக்குச் சாவடிகளிலும் பலத்த பாதுகாப்பு ஏற்பாடுகள் செய்யப்பட்டிருந்தன. பதட்டமான வாக்குச்சாவடிகளில் கூடுதல் போலீசார் பாதுகாப்பு பணியில் ஈடுபட்டிருந்தனர். மேலும் துணை ராணுவப் படையினரும் பாதுகாப்பு பணியில் ஈடுபட்டார்கள்.

வயநாடு தொகுதி இடைத்தேர்தலில் மொத்தம் 14 லட்சத்து 71 ஆயிரத்து 742 வாக்காளர்கள் வாக்களிக்கின்றனர். மாலை 6 மணி வரை வாக்குப்பதிவு நடைபெறுகிறது.

வாக்குச்சாவடிகளில் வாக்காளர்களுக்கு குடிநீர் வசதி உள்ளிட்ட அனைத்து அடிப்படை வசதிகளும் செய்யப்பட்டிருந்தன.

வயநாடு மக்களவை தொகுதியில் கடந்த தேர்த லில் ராகுல்காந்தி 6லட்சத்து 47 ஆயிரத்து 445 வாக்குகளும், அவரை எதிர்த்து போட்டியிட்ட இந்திய கம்யூனிஸ்டு வேட்பாளர் அன்னி ராஜா 2 லட்சத்து 83 ஆயிரத்து 23 வாக்குகளும், பா.ஜ.க. வேட்பாளர் சுரேந்திரன் 1 லட்சத்து 41 ஆயிரத்து 45 வாக்குகளும் பெற்றிருந்தனர் என்பது குறிப்பிடத்தக்கது.

அதேபோன்று செலக்கரா சட்டசபை தொகுதியின் எம்.எல்.ஏ.வாக இருந்த மார்க்சிஸ்ட் கம்யூனிஸ்டு கட்சியின் ராதாகிருஷ்ணன் ஆலத்தூர் மக்களவை தொகுதியிலும், பாலக்காடு சட்டசபை தொகுதி எம்.எல்.ஏ.வாக இருந்த காங்கிரஸ் கட்சியை சேர்ந்த ஷாபி பரம்பில் வடகரா மக்களை தொகுதியிலும் போட்டியிட்டு வெற்றி பெற்று எம்.பி. ஆகினர்.

இதனால் அவர்கள் தங்களின் எம்.எல்.ஏ. பதவியை ராஜினாமா செய்தனர். இதன் காரணமாக அந்த இரு சட்டசபை தொகுதிகளுக்கும் இடைத்தேர்தல் அறிவிக்கப்பட்டது.

அந்த தொகுதிகளுக்கும் வயநாடு மக்களவை தொகுதியுடன் சேர்த்து இடைத்தேர்தல் நடக்கும் என்று அறிவிக்கப்பட்டிருந்தது.

ஆனால் பாலக்காடு தொகுதிக்கான இடைத்தேர்தல் வருகிற 20-ந்தேதிக்கு மாற்றப்பட்டது. செலக்கரா சட்டசபை தொகுதிக்கு மட்டும் இன்று இடைத் தேர்தல் நடைபெற்றது. அங்கும் வாக்காளர்கள் ஆர்வமாக வந்து வாக்களித்தனர்.

இடைத் தேர்தல் காரணமாக செலக்கரா சட்டமன்ற தொகுதிக்குட்பட்ட பகுதிகளுக்கு இன்று பொதுவிடுமுறை விடப்பட்டிருந்தது.

பெங்களூரு:

கர்நாடக சட்டசபையில் காலியாக உள்ள சென்னபட்டணா, சிக்காவி, சண்டூர் ஆகிய 3 தொகுதிகளுக்கு இன்று இடைத்தேர்தல் நடைபெற்றது.

இந்த 3 தொகுதிகளிலும் சேர்த்து மொத்தம் 7 லட்சத்து 4 ஆயிரத்து 673 வாக்காளர்கள் உள்ளனர். இவர்கள் வாக்களிக்க வசதியாக 3 தொகுதிகளிலும் 557 வாக்குச்சாவடிகள் அமைக்கப்பட்டு இருந்தது.

இன்று காலை 7 மணிக்கு வாக்குப்பதிவு தொடங்கியதும் வாக்காளர்கள் ஆர்வத்துடன் வந்து ஓட்டு போட்டனர். ஒவ்வொரு வாக்குச்சாவடியிலும் காலை முதலே வாக்காளர்கள் கூட்டம் அதிகமாக காணப்பட்டது.

மேலும் ஒவ்வொரு தொகுதியிலும் 5 சக்தி வாக்குச்சாவடிகள் அமைக்கப்பட்டுள்ளன. இந்த வாக்குச்சாவடிகளில் பெண் ஊழியர்கள் மட்டுமே தேர்தல் பணியில் ஈடுபட்டனர். இந்த தேர்தலில் 45 வேட்பாளர்கள் களத்தில் உள்ளனர்.

இந்த தேர்தலில் பதிவாகும் வாக்குகள் வருகிற 23-ந்தேதி எண்ணப்பட்டு முடிவுகள் அறிவிக்கப்படும்.

3 தொகுதிகளில் உள்ள வாக்காளர்கள் வாக்களிக்க வசதியாக இன்று அரசு மற்றும் தனியார் நிறுவனங்கள், கல்வி நிலையங்களுக்கு அரசு விடுமுறை விடப்பட்டு இருந்தது. 

பெங்களூரு:

கர்நாடக சட்டசபையில் சென்னபட்டணா, சிக்காவி, சண்டூர் ஆகிய 3 தொகுதிகள் காலியாக உள்ளன. இந்த 3 தொகுதிகளுக்கு நாளை இடைத்தேர்தல் நடைபெறுகிறது.

சென்னபட்டணாவில் பா.ஜ.க கூட்டணியில் ஜனதா தளம் (எஸ்) சார்பில் முன்னாள் பிரதமர் தேவேகவுடாவின் பேரனும், மத்திய மந்திரி குமாரசாமியின் மகனுமான நிகில் குமாரசாமி, காங்கிரஸ் சார்பில் முன்னாள் மந்திரி யோகேஷ்வர், சிக்காவியில் பா.ஜ.க. சார்பில் முன்னாள் முதல்-மந்திரி பசவராஜ் பொம்மையின் மகன் பரத் பொம்மை, காங்கிரஸ் சார்பில் யாசிர் அகமதுகான் பதான், சண்டூரில் காங்கிரஸ் சார்பில் துகாராம் எம்.பி.யின் மனைவி அன்னபூர்ணா துகாராம், பா.ஜ.க. சார்பில் பங்காரு ஹனுமந்து ஆகியோர் உள்பட 45 வேட்பாளர்கள் களத்தில் உள்ளனர்.

3 தொகுதிகளிலும் சேர்த்து 7 லட்சத்து 4 ஆயிரத்து 673 வாக்காளர்கள் வாக்களிக்க வசதியாக 557 வாக்குச்சாவடிகள் அமைக்கப்பட்டுள்ளன. இந்த தேர்தலில் பதிவாகும் வாக்குகள் வருகிற 23-ந் தேதி எண்ணப்பட்டு முடிவுகள் அறிவிக்கப்படும்.

மக்களவை தேர்தலில் வயநாடு மற்றும் ரேபரேலி தொகுதியில் போட்டியிட்டு வெற்றிபெற்ற காங்கிரஸ் கட்சியின் முன்னாள் தலைவர் ராகுல்காந்தி, வயநாடு தொகுதி எம்.பி. பதவியை ராஜினாமா செய்தார். இதையடுத்து அந்த தொகுதிக்கு இடைத்தேர்தல் அறிவிக்கப்பட்டது.

அங்கு காங்கிரஸ் கட்சி சார்பில் பிரியங்கா காந்தி, இந்திய கம்யூனிஸ்டு கட்சி சார்பில் சத்தியன் மொகேரி, பாரதிய ஜனதா சார்பில் நவ்யா ஹரிதாஸ் உள்ளிட்ட 16 பேர் போட்டியிடுகின்றனர். அவர்கள் தொகுதியில் தீவிர பிரசாரத்தில் ஈடுபட்டு வந்தனர்.

பிரியங்கா காந்தியை பொருத்தவரை வேட்பு மனு தாக்கல் செய்த தினத்தில் தனது முதற்கட்ட பிரசாரத்தை தொடங்கினார். பின்பு கடந்த 3-ந்தேதி முதல் 7-ந்தேதி வரை இரண்டாம் கட்ட பிரசாரத்தில் ஈடுபட்டார்.

நேற்று தனது 3-ம் கட்ட பிரசாரத்தை தொடங்கினார். அதேபோன்று இந்திய கம்யூனிஸ்ட் மற்றும் பாரதிய ஜனதா கட்சிகளின் வேட்பாளர்களும் தொகுதியில் தீவிர பிரசாரத்தில் ஈடுபட்டார்கள்.

வயநாடு மக்களவை தொகுதிக்கான இடைத்தேர்தல் நாளை மறுநாள் (13-ந்தேதி) நடைபெறுகிறது. இதையடுத்து அங்கு தேர்தல் பிரசாரம் இன்று ஓய்ந்தது. பிரியங்கா காந்தி உள்ளிட்ட வேட்பாளர்கள் இன்று இறுதிக்கட்ட பிரசாரத்தில் ஈடுபட்டார்கள்.

பிரியங்கா காந்தி இன்று காலை வயநாடு பத்தேரி பகுதியில் பிரசாரத்தில் ஈடுபட்டார். பிற்பகல் கோழிக்கோடு திருவம் பாடியில் நடைபெற்ற ரோடு-ஷோவிலும் கலந்து கொண்டார். பிரியங்கா காந்திக்கு ஆதரவாக ராகுல் காந்தியும் பிரசாரம் செய்தார். அவர் பிரியங்கா காந்தியுடன் சென்று ஓட்டு வேட்டையில் ஈடுபட்டார்.

இதேபோல் இந்திய கம்யூனிஸ்ட் வேட்பாளரான சத்தியன் மொகேரி கல்பெட்டாவில் ரோடு- ஷோவில் பங்கேற்று இறுதிக்கட்ட ஓட்டு வேட்டையில் ஈடுபட்டார். பாரதிய ஜனதா வேட்பாளர் நவ்யா ஹரி தாஸ் பத்தேரி சுங்கச்சாவடி பகுதியில் தனது பிரசாரத்தை நிறைவு செய்தார்.

பிரசாரம் ஓய்ந்ததையடுத்து பிரசாரத்துக்காக வந்திருந்த தொகுதிக்கு சம்பந்தமில்லாத நபர்கள் வெளியேற தொடங்கினர். வெளி நபர்கள் யாரும் தொகுதியில் தங்கியிருக்கிறார்களா? என்று கண்காணிக்கும் பணியில் தேர்தல் பிரிவு அதிகாரிகள் மற்றும் போலீசார் ஈடுபட்டனர்.