நீங்கள் தேடியது "INDvsBAN"

இந்தியா- வங்கதேச அணிகளுக்கு இடையிலான முதல் டி20 போட்டி நேற்று மத்திய பிரதேச மாநிலம் குவாலியரில் நடைபெற்றது. முதலில் விளையாடிய வங்கதேச அணி 19.5 ஓவரில் 127 ரன்கள் எடுத்து ஆல்அவுட் ஆனது. பின்னர் இந்தியா 11.5 ஓவரில் சேஸிங் செய்து 7 விக்கெட் வித்தியாசத்தில் அபார வெற்றி பெற்றது.

இந்திய வீரர் ஹர்திக் பாண்ட்யா தொடக்கம் முதல் அதிரடி ஆட்டத்தை வெளிப்படுத்தினார். அவர் 16 பந்தில் 5 பவுண்டரி, 2 சிக்சருடன் 39 ரன்கள் எடுத்து ஆட்டமிழக்காமல் இருந்தார். கீப்பருக்கு பின்னால் அடித்த ஷாட் குறித்து அனைவரும் பேசி வருகிறார்கள்.

இதற்கிடையே ஹர்திக் பாண்ட்யா சிக்ஸ் அடித்து அணியை வெற்றி பெற வைத்தார். இப்படி ஐந்தாவது முறையாக சிக்ஸ் அடித்து அணியை வெற்றி பெற வைத்துள்ளார்.

இதற்கு முன் டி20 கிரிக்கெட் போட்டியில் விராட் கோலி 4 முறை இவ்வாறு செய்துள்ளார். தற்போது ஹர்திக் பாண்ட்யா 5-வது முறையாக வெற்றி பெற வைத்து முதல், இந்திய அணியை சிக்ஸ் அடித்து அதிகமுறை வெற்றி பெற வைத்த முதல் இந்திய பேட்ஸ்மேன் என்ற பெருமையை பெற்றுள்ளார்.

அத்துடன் ஒரு விக்கெட் வீழ்த்தியன் மூலம் டி20 கிரிக்கெட்டில் 87 விக்கெட்டுகள் வீழ்த்தி அர்ஷ்தீப் சிங்கை முந்தியுள்ளார். அர்ஷ்தீப் சிங் 86 விக்கெட்டுகள் வீழ்த்தியுள்ளார். சாஹல் 96 விக்கெட்டுகளுடன் முதல் இடத்தில் உள்ளார்.

இந்தியா- வங்கதேச அணிகளுக்கு இடையிலான டி20 கிரிக்கெட் தொடருக்கான இந்திய அணியில் மயங்க் யாதவ் இடம் பிடித்துள்ளார். ஐ.பி.எல். போட்டியில் 156.7 கி.மீட்டர் வேகத்தில் பந்து வீசி அனைவரையும் வியக்க வைத்தவர். காயம் காரணமாக தொடர்ந்து அவரால் ஐ.பி.எல். தொடரில் விளையாட முடியவில்லை.

காயம் சரியான நிலையில், தற்போது 4 மாதம் கழித்து நேரடியாக வங்கதேசம் தொடரில் அறிமுகம் ஆனார். முதல் ஓவரை மெய்டனாக வீசி அசத்தினார். 4 ஓவர்கள் வீசி 21 ரன்கள் விட்டுக்கொடுத்து ஒரு விக்கெட் வீழ்த்தினார்.

இந்திய அணியில் அறிமுகம் ஆனது, தலைமை பயிற்சியாளர் கவுதம் காம்பீர் கூறியது என்ன என்பது குறித்து அவர் விவரித்துள்ளார்.

இது தொடர்பாக மயங்க் யாதவ் கூறியதாவது:-

இந்திய அணியில் அறிமுகம் ஆனது தொடர்பாக நான் உண்மையிலேயே உற்சாகமாக இருந்தேன். ஆனால் சற்று பதட்டம் இருந்தது. காயத்திற்குப் பிறகு நான் திரும்பிய தொடர் இதுவாகும். நான் போட்டி கிரிக்கெட்டில் விளையாடவில்லை. பின்னர் நேரடியாக இந்திய அணியில் அறிமுகம் ஆனேன். இதனால் கொஞ்சம் பதட்டம் இருந்தது.

காயத்தில் இருந்து மீண்டும் வருவதற்கான காலம் மிகவும் கடினமாக இருந்தது. கடந்த 4 மாதங்களில் ஏராளமான ஏற்றம் மற்றும் இறக்கம் இருந்தது. ஆனால், என்னைவிட, என்னோடு பணியாற்றியவர்களுக்கு கடினமான காலகமாக இருந்தது.

இன்று (போட்டி நடைபெற்ற நேற்று) நான் என்னுடைய உடலில் கவனம் செலுத்தினேர். மேலும், வேகமாக பந்து வீசுவதை விட சரியான (துல்லியமான) லெந்தில் பந்து வீச தீர்மானித்தேன். என்னுடைய வேகம் குறித்து சிந்திக்கவில்லை. முடிந்த அளவு ரன் செல்வதை தடுத்து, சரியான லைன், லெந்தில் பந்து வீச முயற்சி செய்தேன்.

தலைமை பயிற்சியாளர் கவுதம் காம்பீர் தன்னிடம் கூடுதலாக எதையும் பற்றி சிந்திக்க வேண்டாம். உங்களுடைய அடிப்படையான விசயத்தில் உறுதியாக இருந்து அதை செய்யவும் என்றார். கடந்த காலத்தில் எனக்கு நேர்மறையான முடிவு தந்ததை செய்யவும் என்றார். வித்தியாசமான விசயத்தை யோசிக்க முயற்சிக்க வேண்டாம். இது சர்வதேச போட்டி என்று கூட நினைத்துக் கொள்ள வேண்டாம் என்றார். இதை பின்பற்றுவது மிகவும் முக்கியமானது.

இவ்வாறு மயங்க் யாதவ் தெரிவித்தார்.

இந்தியா- வங்கதேச அணிகளுக்கு இடையிலான 2-வது டெஸ்ட் கிரிக்கெட் போட்டி கான்பூரில் நடைபெற்றது. இதில் 30 ஓவர்கள் வீசப்பட்ட நிலையில் முதல் நாள் ஆட்டம் மழையால் முடிவடைந்தது. 2-வது மற்றும் 3-வது நாள் ஆட்டம் மழையால் பாதிக்கப்பட்டது.

அதன்பின் 4-வது ஆட்டத்தில் வங்கதேசம் 74.2 ஓவரில் 233 ரன்கள் எடுத்து ஆல்அவுட் ஆனது. இந்தியா அதிரடியாக விளையாடி 9 விக்கெட் இழப்பிற்கு 34.4 ஓவரில் 285 ரன்கள் எடுத்து டிக்ளேர் செய்தது. 2-வது இன்னிங்சில் வங்கதேசம் 146 ரன்னில் சுருண்டது. இந்தியா 95 இலக்கை எளிதாக எட்டி வெற்றி பெற்றது.

இந்த வெற்றிக்கு இந்தியாவின் அதிரடிதான் முக்கிய காரணம். டெஸ்ட் கிரிக்கெட்டில் பொதுவாக வீரர்கள் நிதானமாக விளையாடுவார்கள். தற்போது இந்தியா அதிரடியாக விளையாடியுள்ளது.

இங்கிலாந்து அணியின் பயிற்சியாளராக பிரெண்டன் மெக்கல்லம் நியமிக்கப்பட்டதில் இருந்தே அந்த அணி பாஸ்பால் என்ற அதிரடி ஆட்டம் அணுகுமுறையை கடைபிடித்து வருகிறது. தற்போது இதை இந்தியா காப்பி அடித்துள்ளது என இங்கிலாந்து அணியின் முன்னாள் கேப்டன் மைக்கேல் வாகன் குறிப்பிட்டார். இதற்கு ரசிகர் ஒருவர் சரியாக பதிலடி கொடுத்துள்ளார்.

கில்கிறிஸ் மற்றும் மைக்கேல் வாகன் ஆகியோர் இந்த டெஸ்ட் கிரிக்கெட் போட்டியில் இந்தியாவின் அணுகுமுறை குறித்து பேசினர்.

அப்போது வங்கதேச அணிக்கெதிராக இந்தியா விளையாடியது குறித்து மைக்கேல் வான் கூறுகையில் "இந்தியா- வங்கதேசம் இடையிலான கான்பூர் டெஸ்ட் போட்டியை குறிப்பிடத்தக்க போட்டி என நான் சொல்வேன். வங்கதேசம் 74.2 ஓவரில் 233 ரன்கள் எடுத்து ஆல்அவுட் ஆனது. இந்தியா பின்னர் பேட்டிங் செய்தது மிகவும் அற்புதமாக இருந்தது. இந்தியா தற்போது பாஸ்பாலர்களாகியதை பார்க்க சிறப்பானதாக இருக்கிறது.

அவர்கள் 34.4 ஓவரில் 285 ரன்கள் அடித்தனர். இந்தியா இங்கிலாந்தை காப்பி அடித்துள்ளது. இந்தியா தற்போது இங்கிலாந்தை காப்பி அடிக்கிறது என்று நீங்கள் நினைத்தால் அது பயங்கரமானது. சட்ட விதிகள் பற்றி எனக்குத் தெரியாது, இதற்காக இங்கிலாந்து அவர்களிடம் கட்டணம் வசூலிக்குமா?.

காம்பால் (Gamball-காம்பீர் அணுகுமுறை) எனக்கு பாஸ்பால் போலவே தெரிகிறது. ஒருவேளை ரோகித் சர்மா, பென் ஸ்டோக்ஸ்க்கு போன் செய்து நான் உங்களை காப்பியடிக்க முடியுமா என்று கேட்டிருக்கலாம். இந்தியா பாஸ்பால் விளையாடுவதை நான் காண்கிறேன். இது ஒரு மில்லியனுக்கும் அதிகமான பார்வைகளைப் பெற்றது. நல்ல வரவேற்பை பெற்றது. இது தொடர்பான எனக்கு பல்வேறு கருத்துகள் வந்தன" எனக் கூறியிருந்தார்.

அதில் ஒரு கருத்து "இந்தியா Ro-ball விளையாடிக் கொண்டிருக்கிறது. உங்கள் வாயை மூடிக்கொண்டிருங்கள் முட்டாள்" என குறிப்பிடப்பட்டிருந்தது.

இவ்வாறு மைக்கேல் வாகன் தெரிவித்தார்.

இந்தியா மற்றும் வங்கதேசம் அணிகள் இடையிலான இரண்டாவது டெஸ்ட் போட்டி உத்தர பிரதேச மாநிலத்தின் கான்பூரில் நடைபெறுகிறது. மழை மற்றும் ஆடுகளம் சரியில்லாமல் போனதால், இரண்டு மற்றும் மூன்றாம் நாள் ஆட்டங்கள் கைவிடப்பட்ட நிலையில், இன்றைய நான்காம் நாள் ஆட்டம் பரபரப்பாக நடைபெற்றது.

முதல் இன்னிங்ஸில் பேட் செய்து வந்த வங்கதேசம் அணி 233 ரன்களுக்கு ஆல் அவுட் ஆக இந்திய அணி தனது முதல் இன்னிங்ஸில் பேட் செய்ய களமிறங்கியது. துவக்கம் முதலே அதிரடியாக ஆடிய இந்திய அணி முதல் இன்னிங்ஸில் 34.4 ஓவர்களில் 9 விக்கெட் இழப்புக்கு 285 ரன்களை விளாசி டிக்ளேர் செய்தது.

இதில் இந்திய வீரர் விராட் கோலி 35 பந்துகளில் 47 ரன்களை குவித்து ஆட்டமிழந்தார். இதில் நான்கு பவுண்டரிகளும், ஒரு சிக்சரும் அடங்கும். இந்திய அணியில் துவக்க வீரரான யஷஸ்வி ஜெய்ஸ்வால் 51 பந்துகளில் 72 ரன்களையும், ரோகித் சர்மா 11 பந்துகளில் 23 ரன்களையும், சுப்மன் கில் 36 பந்துகளில் 39 ரன்களைும், கே.எல். ராகுல் 43 பந்துகளில் 68 ரன்களையு விளாசினர்.

இன்றைய இன்னிங்ஸில் விராட் கோலி சர்வதேச கிரிக்கெட்டில் 27 ஆயிரம் ரன்களை கடந்தார். மேலும், சர்வதேச கிரிக்கெட்டில் அதிவேகமாக 27 ஆயிரம் ரன்களை கடந்த முதல் வீரர் என்ற பெருமையை அவர் பெற்றுள்ளார். இதன் மூலம் அவர் சச்சின் டெண்டுல்கரின் சாதனையை முறியடித்துள்ளார். சச்சின் டெண்டுல்கர் 623 இன்னிங்ஸில் 27 ஆயிரம் ரன்களை கடந்த நிலையில், விராட் கோலி 594 இன்னிங்ஸில் இந்த மைல்கல்லை எட்டி அசத்தியுள்ளார்.

விராட் கோலியின் உலக சாதனைக்கு பிசிசிஐ செயலாளர் ஜெய் ஷா வாழ்த்து தெரிவித்துள்ளார். இது குறித்த எக்ஸ் தள பதிவில், "விராட் கோலியின் தலைசிறந்த கிரிக்கெட் வாழ்க்கையில் மற்றொரு மைல்கல் 27 ஆயிரம் சர்வதேச ரன்களை அவர் கடந்துள்ளார். உங்களது ஆர்வம், நிலைத்தன்மை மற்றும் சிறந்து விளங்க வேண்டும் என்ற பேராசை உள்ளிட்டவை கிரிக்கெட் உலகிற்கு உத்வேகம் அளிக்கின்றன. வாழ்த்துக்கள் விராட் கோலி. உங்களது பயணம் பல லட்சம் பேருக்கு ஊக்குவிக்கட்டும்," என்று குறிப்பிட்டுள்ளார். 

வங்காளதேச கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது.

இந்தியா- வங்காளதேசம் அணிகள் மோதும் 2-வது மற்றும் கடைசி டெஸ்ட் போட்டி உத்தரப்பிரதேச மாநிலம் கான்பூரில் வெள்ளிக்கிழமை தொடங்கியது.

முதலில் விளையாடிய வங்காளதேசம் முதல் நாள் ஆட்ட நேர முடிவில் 3 விக்கெட் இழப்புக்கு 107 ரன் எடுத்து இருந்தது. மொமினுல் ஹக் 40 ரன்னும், முஷ்பிகுர் ரகீம் 6 ரன்னும் எடுத்து ஆட்டம் இழக்காமல் இருந்தனர்.

மழையால் முதல் நாள் ஆட்டம் பெரிதும் பாதிக்கப்பட்டது. 90 ஓவர்களில் 35 ஓவர் மட்டுமே வீச முடிந்தது. 2-வது நாள் போட்டியும், நேற்றைய 3-வது நாள் ஆட்டமும் மழையால் ஒரு பந்து கூட வீசப்படாமல் கைவிடப்பட்டது.

மழை இல்லாததால் இன்றைய 4-வது நாள் ஆட்டம் தொடங்கியது. சிறப்பான ஆட்டத்தை வெளிப்படுத்திய மொமினுல் ஹக் அரை சதம் விளாசினார். 11 ரன்கள் எடுத்த நிலையில் முஷ்பிகுர் ரகீமும் 13 ரன்னில் லிட்டன் தாஸும் ஆட்டமிழந்தனர். அதனை தொடர்ந்து வந்த சாஹிப் அல் ஹசன் 9 ரன்னில் வெளியேறினார். தொடர்ந்து சிறப்பான ஆட்டத்தை வெளிப்படுத்தி வந்த மொமினுல் சதம் விளாசி அசத்தினார்.

அடுத்து வந்த வீரர்கள் சொற்ப ரன்னில் வெளியேற வங்கதேச அணி 74.2 ஓவரில் 233 ரன்களுக்கு ஆல் அவுட் ஆனது. இந்தியா தரப்பில் பும்ரா 3 விக்கெட்டும் ஆகாஷ் தீப், அஸ்வின், சிராஜ் தலா 2 விக்கெட்டுகளையும் வீழ்த்தினர்.

இதைதொடர்ந்து முதல் இன்னிஸ்ங்ஸ் விளையாடி வரும் இந்திய அணி தொடக்கம் முதலே அதிரடியாக விளையாடி வருகிறது.

தொடக்க ஆட்டக்காரர்களாக களமிறங்கிய ரோகித் சர்மா மற்றும் ஜெய்ஸ்வால் 3 ஓவர்களில் 50 ரன்களை கடந்து சாதனை படைத்தனர். அப்போது, ரோகித் சர்மா 23 ரன்களில் அவுட்டானார்.

தொடர்ந்து அதிரடியாக விளையாடிய ஜெய்ஸ்வால் அரை சதம் கடந்த 72 ரன்களில் அவுட்டானார்.

இந்நிலையில், அதிவேகமாக 10.1 ஓவர்களில் 100 ரன்களை கடந்து டெஸ்ட் கிரிக்கெட்டில் இந்திய அணி சாதனை படைத்துள்ளது.

இந்தியா- வங்கதேச அணிகளுக்கு இடையிலான 2-வது டெஸ்ட் கான்பூரில் இன்று காலை 9.30 மணிக்கு தொடங்குவதாக இருந்தது. இதற்கான டாஸ் சரியாக 9 மணிக்கு சுண்டப்படும். ஆனால் இன்று காலை லேசான மழை பெய்ததாக தெரிகிறது.

இதனால் அவுட்-பீல்டு ஈரப்பதாக இருப்பதால் டாஸ் சுண்டுவதில் தாமதம் ஏற்பட்டுள்ளது. 9.30 மணிக்கு மைதானத்தில் ஆய்வு செய்த பின் நடுவர்கள் போட்டி தொடங்கும் நேரத்தை முடிவு செய்வார்கள்.

சென்னையில் நடைபெற்ற முதல் டெஸ்டில் இந்தியா 280 ரன்கள் வித்தியாசத்தில் வெற்றி பெற்றது. முதல் இன்னிங்சில் அஸ்வினும் 2-வது இன்னிங்சில் சுப்மன் கில் மற்றும் ரிஷப் பண்ட் ஆகியோரும் சதம் விளாசினர். 2-வது இன்னிங்சில் அஸ்வின் 6 விக்கெட் வீழ்த்தியதுடன் ஆட்ட நாயகன் விருதும் வென்றார்.

இந்தியா- வங்கதேச அணி இடையிலான முதல் டெஸ்ட் போட்டி சென்னை சேப்பாக்கம் மைதானத்தில் நடைபெற்றது. இந்த போட்டியில் இந்தியா 280 ரன்கள் வித்தியாசத்தில் அபார வெற்றி பெற்றது. 2-வது இன்னிங்சில் ரிஷப் பண்ட் அபாரமாக விளையாடி 109 ரன்கள் விளாசினார்.

2-வது இன்னிங்சில் பேட்டிங் செய்து கொண்டிருக்கும்போது, வங்கதேச அணியின் பீல்டிங் செட்-அப் பார்த்தபோது மிட்விக்கெட் திசையில் பீல்டர் இல்லையே... அங்கே ஒரு பீல்டரை நிறுத்துங்கள் என தனக்கு எதிராகவே வங்கதேச அணிக்காக பீல்டிங் செட் செய்தார்.

இது போட்டியை பார்த்துக்கொண்டிருந்த பலரையும் வியப்பில் ஆழ்த்தியது. இந்த நிலையில் பீல்டிங் மாற்றியமைத்தது ஏன்? என்பது தொடர்பாக ரிஷப் பண்ட் விளக்கம் அளித்துள்ளார்.

இது தொடர்பாக ரிஷப் பண்ட் கூறியதாவது:-

நான் முதலில் அஜய் பாய் உடன் மைதானத்தில் வெளியே (விளையாட்டு இல்லாத நேரத்தில்) பேசிக்கொண்டிருந்த போது, கிரிக்கெட் தரம் மேம்படுத்தப்பட வேண்டும். எங்கே விளையாடினாலும் சரி, யாருக்கு எதிராக விளையாடினால் சரி என்றார். மிட் விக்கெட் திசையில் எந்த பீல்டரும் இல்லை. மற்றொரு இடத்தில் ஒரே இடத்தில் இரண்டு பீல்டரை பார்த்தேன். ஆகவே, ஒரு பீல்டரை மிட்விக்கெட் திசைக்கு மாற்ற அவர்களிடம் கூறினேன்.

இவ்வாறு ரிஷப் பண்ட் தெரிவித்துள்ளார்.

ரிஷப் பண்ட்-ன் இந்த செயல் பெரும்பாலான ரசிகர்கள் இதயங்களை ஈர்த்துள்ளது.

இந்தியாவுக்கு சுற்றுப் பயணம் மேற்கொண்டுள்ள வங்கதேசம் அணி இரு போட்டிகள் கொண்ட டெஸ்ட் தொடரில் விளையாடுகிறது. இது இரு அணிகள் இடையிலான முதலாவது டெஸ்ட் போட்டி கடந்த 19 ஆம் தேதி துவங்கியது. இந்த போட்டியின் நான்காம் நாளான இன்று இந்திய அணி வங்கதேசத்தை 280 ரன்கள் வித்தியாசத்தில் வீழ்த்தி வெற்றி பெற்றது.

இந்த வெற்றி மூலம் இரு போட்டிகள் கொண்ட தொடரில் இந்திய அணி வெற்றி பெற்றிருப்பதோடு, 92 ஆண்டு கால காத்திருப்புக்கு முடிவு கட்டியுள்ளது. இந்திய அணி தனது முதலாவது டெஸ்ட் போட்டியை 1932 ஆம் ஆண்டு விளையாடியது. சிகே நாயுடு தலைமையிலான இந்திய அணி முதலாவது டெஸ்ட் போட்டியில் 158 ரன்கள் வித்தியாசத்தில் தோல்வியை தழுவியது.

அன்று துவங்கி இன்று வரை இந்திய அணி பெற்ற வெற்றிகளை விட தோல்விகள் அதிகளவில் இருந்து வந்தன. எனினும், இன்றைய வெற்றியின் மூலம் இந்திய அணி இந்த நிலையை மாற்றியுள்ளது. தற்போது டெஸ்ட் கிரிக்கெட்டில் இந்திய அணி 179 போட்டிகளில் வெற்றிலும், 178 போட்டிகளில் தோல்வியை சந்தித்துள்ளது.

டெஸ்ட் கிரிக்கெட்டில் அதிக வெற்றி பெற்ற அணிகள் பட்டியல்:

ஆஸ்திரேலியா: வெற்றிகள் 414, தோல்விகள் 232

இங்கிலாந்து: வெற்றிகள் 397, தோல்விகள் 325

தென் ஆப்பிரிக்கா: வெற்றிகள் 179, தோல்விகள் 161

இந்தியா: வெற்றிகள் 179, தோல்விகள் 178

பாகிஸ்தான்: வெற்றிகள் 148, தோல்விகள் 144

சென்னை சேப்பாக்கத்தில் நடைபெற்று வந்த டெஸ்ட் போட்டியில் வங்கதேச அணியை 280 ரன்கள் வித்தியாசத்தில் வீழ்த்தி இந்தியா அபார வெற்றி பெற்றது.

இப்போட்டியில் முதல் இன்னிங்சில் சதம் விளாசிய அஷ்வின் 2 ஆவது இன்னிங்சில் 6 விக்கெட்டுகள் வீழ்த்தி இந்திய அணியின் வெற்றிக்கு முக்கிய பங்கு வகித்தார்.

2 ஆவது இன்னிங்சில் 6 விக்கெட்டுகள் வீழ்த்தியதன் மூலம் இந்தியா சார்பில் 2 ஆவது இன்னிங்சில் அதிக விக்கெட்டுகள் வீழ்த்திய பந்துவீச்சாளர் என்ற சாதனையை அஷ்வின் படைத்துள்ளார்.

இந்தியா சார்பில் 2 ஆவது இன்னிங்சில் 94 விக்கெட்டுகள் வீழ்த்திய அனில் கும்ப்ளேவின் சாதனையை 96 விக்கெட்டுகள் வீழ்த்தி அஷ்வின் முறியடித்துள்ளார்.

மேலும், டெஸ்ட் கிரிக்கெட்டில் அதிக முறை 5 விக்கெட்டுக்குள் வீழ்த்தியவர்கள் பட்டியலில் கிரிக்கெட் ஜாம்பவான் ஷேன் வார்னே சாதனையை அஷ்வின் சமன் செய்துள்ளார்.

டெஸ்ட் கிரிக்கெட்டில் அதிக முறை 5 விக்கெட்டுகள் வீழ்த்தியவர்களின் பட்டியலில் அஷ்வின் 2 ஆம் இடத்திற்கு முன்னேறியுள்ளார்.

டெஸ்ட் கிரிக்கெட்டில் அதிக முறை 5 விக்கெட்டுகள் வீழ்த்தியவர்களின் பட்டியல்:

67 - முத்தையா முரளிதரன்

37 - ரவிச்சந்திரன் அஸ்வின்

37 - ஷேன் வார்னே

36 - ரிச்சர்ட் ஹாட்லீ

35 - அனில் கும்ப்ளே

இந்தியா- வங்கதேச அணிகளுக்கு இடையிலான முதல் டெஸ்ட் சென்னை சேப்பாக்கத்தில் நடைபெற்று வருகிறது. டாஸ் வென்ற வங்கதேசம் பந்து வீச்சை தேர்வு செய்தது. அதன்படி முதலில் களம் இறங்கிய இந்தியா அஸ்வின் சதத்தால் 376 ரன்கள் குவித்தது. பின்னர் முதல் இன்னிங்சை தொடங்கிய வங்கதேசம் 149 ரன்னில் சுருண்டது.

பின்னர் 227 ரன்கள் முன்னிலையுடன் இந்தியா 2-வது இன்னிங்சை தொடங்கியது. 4 விக்கெட் இழப்பிற்க 287 ரன்கள் அடித்திருக்கும்போது 2-வது இன்னிங்சை இந்தியா டிக்ளேர் செய்தது. சுப்மன் கில், ரிஷப் பண்ட் ஆகியோர் சதமடித்து அசத்தினர்.

2 ஆவது இன்னிங்ஸ் முடிவில் மொத்தமாக இந்தியா 514 ரன்கள் முன்னிலை பெற்றுள்ளது. பின்னர் 515 ரன்கள் என்ற வெற்றி இலக்குடன் வங்கதேச அணி 2 ஆவது இன்னிங்சில் களம் இறங்கியது.

இந்திய வீரர் அஸ்வினின் சுழலில் சிக்கி அடுத்தடுத்து விக்கெட்டுகளை பறிகொடுத்த வங்கதேச அணி 234 ரன்களுக்கு ஆல் அவுட்டானது. இதன்மூலம் 280 ரன்கள் வித்தியாசத்தில் இந்தியா அபார வெற்றி பெற்றது.

வங்கதேச அணி தரப்பில் அதிகபட்சமாக கேப்டன் சாண்டோ 82 ரன்கள் அடித்தார். இந்திய அணி தரப்பில் அஷ்வின் 6 விக்கெட்டும் ஜடேஜா 3 விக்கெட்டும் வீழ்த்தினர்.

இந்தியா- வங்கதேச அணிகளுக்கு இடையிலான முதல் டெஸ்ட் சென்னை சேப்பாக்கத்தில் நடைபெற்று வருகிறது. டாஸ் வென்ற வங்கதேசம் பந்து வீச்சை தேர்வு செய்தது. அதன்படி முதலில் களம் இறங்கிய இந்தியா அஸ்வின் சதத்தால் 376 ரன்கள் குவித்தது. பின்னர் முதல் இன்னிங்சை தொடங்கிய வங்கதேசம் 149 ரன்னில் சுருண்டது.

பின்னர் 227 ரன்கள் முன்னிலையுடன் இந்தியா 2-வது இன்னிங்சை தொடங்கியது. 4 விக்கெட் இழப்பிற்க 287 ரன்கள் அடித்திருக்கும்போது 2-வது இன்னிங்சை இந்தியா டிக்ளேர் செய்தது. சுப்மன் கில், ரிஷப் பண்ட் ஆகியோர் சதமடித்து அசத்தினர்.

2 ஆவது இன்னிங்ஸ் முடிவில் மொத்தமாக இந்தியா 514 ரன்கள் முன்னிலை பெற்றுள்ளது. பின்னர் 515 ரன்கள் என்ற வெற்றி இலக்குடன் வங்கதேச அணி 2 ஆவது இன்னிங்சில் களம் இறங்கியது.

3-வது நாள் முடிவில் வங்கதேச அணி 4 விக்கெட்டுகளை இழந்து 158 ரன்கள் அடித்துள்ளது. கேப்டன் சாண்டோ 51 ரன்களுடனும், ஷகிப் அல் ஹசன் 5 ரன்களுடனும் களத்தில் உள்ளனர். இந்தியா தரப்பில் அஷ்வின் 3 விக்கெட்டுகள் வீழ்த்தினார். மைதானத்தில் போதிய வெளிச்சம் இல்லாததால் முன்கூட்டியே 3-ம் நாள் ஆட்டம் முடிவுக்கு வந்தது.

வங்காளதேசம் வெற்றி பெற இன்னும் 357 ரன்கள் அடிக்க வேண்டும். அதே சமயம் இந்தியா வெற்றி பெற 6 விக்கெட்டுகளை வீழ்த்த வேண்டும். இன்னும் 2 நாட்கள் மீதமிருப்பதால் இந்தியாவின் வெற்றிவாய்ப்பு பிரகாசமாக உள்ளது.

இந்தியா- வங்கதேச அணிகளுக்கு இடையிலான முதல் டெஸ்ட் சென்னை சேப்பாக்கத்தில் நடைபெற்று வருகிறது. டாஸ் வென்ற வங்கதேசம் பந்து வீச்சை தேர்வு செய்தது. அதன்படி முதலில் களம் இறங்கிய இந்தியா அஸ்வின் சதத்தால் 376 ரன்கள் குவித்தது. பின்னர் முதல் இன்னிங்சை தொடங்கிய வங்கதேசம் 149 ரன்னில் சுருண்டது.

பின்னர் 227 ரன்கள் முன்னிலையுடன் இந்தியா 2-வது இன்னிங்சை தொடங்கியது. சுப்மன் கில், ரிஷப் பண்ட் ஆகியோர் இன்றைய 3-வது நாள் ஆட்ட உணவு இடைவேளைக்கு முன் அரைசதம் அடித்தனர். உணவு இடைவேளை முடிந்து மீண்டும் ஆட்டம் தொடங்கியதும் ரஷிப் பண்ட் சிறப்பாக விளையாடி சதம் அடித்தார். இது அவரின் 6-வது சதம் ஆகும். இதன்மூலம் டோனி சாதனையை சமன் செய்தார்.

டோனி விக்கெட் கீப்பராக 6 சதம் அடித்துள்ளார். அதை ரிஷப் பண்ட் தற்போது சதம் செய்துள்ளார். ரிஷப் பண்ட்-ஐ தொடர்ந்து சுபமன் கில் சதம் அடித்தார்.

இந்தியா 4 விக்கெட் இழப்பிற்க 287 ரன்கள் அடித்திருக்கும்போது 2-வது இன்னிங்சை டிக்ளேர் செய்தது. மொத்தமாக இந்தியா 514 ரன்கள் முன்னிலை பெற்றுள்ளது. இதனால் வங்கதேச அணிக்கு 515 ரன்கள் வெற்றி இலக்காக நிர்ணயிக்கப்பட்டுள்ளது. சுப்மன் கில் 119 ரன்னுடனும், கே.எல். ராகுல் 22 ரன்களுடனும் ஆட்டமிழக்காமல் இருந்தனர்.