நீங்கள் தேடியது "ISRO"

அமெரிக்காவின் நாசா ஆய்வு மையமும், இந்திய விண்வெளி ஆராய்ச்சி நிறுவனமும் (இஸ்ரோ) இணைந்து பூமியை கண்காணிக்கும் செயற்கைக்கோள் பணியை 'நிசார்' என அழைக்கின்றன. அதிநவீன ரேடார் இமேஜிங் தொழில்நுட்பத்தைப் பயன்படுத்தி உலகளவில் நிலப்பரப்புகளில் ஏற்படும் மாற்றங்களைக் கண்காணிப்பதே இந்த பணியின் நோக்கமாகும்.

பூமியின் சுற்றுச்சூழல் அமைப்புகள், மேற்பரப்புகள் மற்றும் பனிக்கட்டிகளில் ஏற்படும் மாற்றங்களை ஆய்வு செய்து, உயிரி, இயற்கை பேரழிவுகள், கடல் மட்ட உயர்வு, நிலத்தடி நீர் மற்றும் பலவற்றின் தரவுகளை இந்த திட்டம் மூலம் பெற முடியும்.

குறிப்பாக, பூமியின் நிலம் மற்றும் பனியால் மூடப்பட்ட மேற்பரப்புகளை ஒவ்வொரு 12 நாட்களுக்கு ஒரு முறை மேலும், கீழுமாக சென்று ஆய்வு செய்கிறது. தொடர்ந்து அதனுடைய பணிக்காலமான 3 ஆண்டுகளுக்கு ஒவ்வொரு 6 நாட்களுக்கு ஒரு முறை தரவுகளை நிசார் செயற்கைக்கோள் சேகரிக்க உள்ளது.

நிசார் என்பது ஒரு புதுமையான செயற்கைக்கோள் பணியாகும். பூமியின் மேற்பரப்பில் ஏற்படும் மாற்றங்களைத் துல்லியமாகக் கண்காணிக்க, எல்-பேண்ட் மற்றும் எஸ்-பேண்ட் ஆகிய இரண்டு ரேடார் அலைவரிசைகள் பயன்படுத்தப்பட உள்ளது. நாசா எல்-பேண்ட் ரேடார் மற்றும் பிற தொழில்நுட்பங்களை வழங்குகிறது. அதே நேரத்தில் இஸ்ரோ விண்கல பஸ், எஸ்-பேண்ட் ரேடார் மற்றும் ஏவுதல் சேவைகளுக்கு பங்களிக்கிறது.

பனிப்பாறை இயக்கம் மற்றும் பூகம்பம் போன்ற பல்வேறு பூமி செயல்முறைகளை ஆராய்ச்சி செய்ய இந்த திட்டம் உதவும். அத்துடன், இவற்றின் இயக்கங்கள் சென்டிமீட்டர் அளவுக்கு சிறியதாக இருந்தாலும் அற்றையும் இந்த பணி மூலம் அடையாளம் காண முடியும். செயற்கை துளை ரேடார் தொழில்நுட்பத்துடன், நிசார் செயற்கைகோள், பகல் அல்லது இரவு மற்றும் எந்த வானிலையிலும் கிடைக்கும் விரிவான படங்களை உருவாக்க முடியும்.

அத்துடன், 150 மைல்களுக்கு மேல் பரந்த இமேஜிங் வரம்பில் 12 நாட்களில் முழு பூமியின் படங்களையும் கைப்பற்றும் திறன் நிசார் செயற்கைக்கோளுக்கு உள்ளது.

பணியில் இருந்து வரும் ரேடார் படங்கள் பயிர் வயல்களில் ஏற்படும் மாற்றங்கள், ஆபத்தான மண்டலங்கள் மற்றும் எரிமலை வெடிப்புகள் போன்ற தற்போதைய இயற்கை பேரழிவுகளை கண்காணிக்க உதவும். காலப்போக்கில் இந்த சிக்கலான படங்களை ஆய்வு செய்வதன் மூலம், நில மேற்பரப்பில் ஏற்படும் மாற்றங்கள் மற்றும் அவை சுற்றுச்சூழலை எவ்வாறு பாதிக்கின்றன? என்பதைப் பற்றிய ஆழமான நுண்ணறிவை ஆராய்ச்சியாளர்கள் பெற முடியும். நிசார் செயற்கைக்கோள் 2025-ம் ஆண்டு ஜி.எஸ்.எல்.வி- மார்க்2 ராக்கெட் மூலம் பூமி சுற்றுப்பாதையில் செலுத்த திட்டமிடப்பட்டு உள்ளது.

பூமி அறிவியலுக்கான நாசாவின் திறந்த தரவுக் கொள்கையைப் பின்பற்றி, அலாஸ்கா சாட்டிலைட் வசதி மூலம் அனைத்து நிசார் செயற்கைக்கோள் தரவையும் பொதுமக்கள் இலவசமாகப் பெற முடியும். நாசா மற்றும் இஸ்ரோ முக்கியமான தரவுகளை சேகரிக்க பல வருட அறிவியல் பணிகளுக்கு தயாராகி வருகின்றன என்று இஸ்ரோ விஞ்ஞானிகள் கூறினர்.

'பாரதிய அந்தரிக்சா நிலையம்' (பி.ஏ.எஸ்.) என்று அழைக்கப்படும் முழுமையாக செயல்படும் இந்திய விண்வெளி நிலையத்தை, இந்திய விண்வெளி ஆராய்ச்சி நிறுவனம் (இஸ்ரோ) வருகிற 2035-ம் ஆண்டுக்குள் முழுமையாக செயல்பாட்டுக்கு கொண்டு வரும் ஒரு லட்சிய இலக்கை நிர்ணயித்துள்ளது. இந்த நிலையம், அடித்தளம், ஆய்வு மையம், அறிவியல் ஆய்வகம் மற்றும் 2 பணிகள் நடக்கும் பகுதி என 5 தொகுதி வடிவமைப்புடன் நிறுவப்பட உள்ளது.

இதில் ஒரு தொகுதி தவிர மீதம் உள்ள 4 தொகுதிகளிலும் தனிப்பட்ட சோலார் பேனல்கள் இருக்கும், '52 டன் எடை கொண்ட முதல் தொகுதியான 'பேஸ் மாட்யூல் (பி.ஏ.எஸ்-1) க்கான வடிவமைப்பு இறுதி செய்யப்பட்டு உள்ளது. இதனை எல்.வி.எம்-3 ராக்கெட் மூலம் வருகிற 2028-ம் ஆண்டுக்குள் விண்ணில் செலுத்தப்பட உள்ளது. பி.ஏ.எஸ்.-1 என்ற முதல் தொகுதி, உயிர் அமைப்புகள் மற்றும் பணியாளர் குடியிருப்புகள் போன்ற அத்தியாவசிய தொழில்நுட்பங்களுக்கான சோதனை அமைப்பாக செயல்படும், இது நுண் புவியீர்ப்பு விசையில் நீண்ட காலம் தங்குவதற்கும் உதவுகிறது' என்று மனித விண்வெளிப் பயணத்திட்டத்தின் (டி.எச்.எஸ்.பி.) இயக்குனர் ஹனுமந்த்ரே பாலுராகி கூறினார்.

விண்வெளி நிலையம் பூமிக்கு மேலே சுமார் 400 கிலோமீட்டர் தொலைவில் ஒரு சுற்றுப்பாதையில் பராமரிக்கப்படுகிறது. இதில் விண்வெளி வீரர்கள் 3 முதல் 6 மாதங்கள் வரை தங்கி ஆய்வு செய்ய முடியும். இதற்கான முதல் தொகுதியானது தொடர்ச்சியான வெற்றிகரமான சோதனை நடவடிக்கைகளுக்குப் பிறகு எதிர்காலத்தில் பணியாளர்கள் பணிகளுக்கு இடமளிக்கும் வகையில் வடிவமைக்கப்படும்.

இந்த முன்னோடி பணியானது உள்நாட்டில் உருவாக்கப்பட்ட உள்-வாகன செயல்பாடு மற்றும் 'எக்ஸ்ட்ராவெஹிகுலர்' செயல்பாடுகளை உள்ளடக்கியது, தற்போது மற்ற விண்வெளி நிறுவனங்களிலிருந்து பெறப்படுகிறது.

இந்தியாவிற்கான தனி ஆய்வு மையம் வருகிற 2035-ம் ஆண்டுக்குள் விண்வெளியில் அமைக்கப்படும். இந்த ஆய்வு மையத்தில் புவி மற்றும் இயற்கை சார்ந்த சீற்றங்களை முன்கூட்டியே கணிக்கும் வகையில் ஆய்வுகள் செய்யப்படும். அத்துடன், மனித விண்வெளிப் பணிகளுக்கும் பி.ஏ.எஸ்-1 என்ற முதல் தொகுதி உதவிகரமாக இருக்கும் என்று இஸ்ரோ விஞ்ஞானிகள் கூறினர்.

சூரியக்குடும்பத்தில் சூரியனில் இருந்து இரண்டாவதாக அமைந்துள்ள ஒரு கோள் வீனஸ் என்ற வெள்ளி கோளாகும். வானத்தில் நிலவுக்கு அடுத்து வெள்ளியே ஒளி மிகுந்ததாக காணப்படும். சூரியனின் உதயத்துக்கு முன்னும், மறைவிற்குப் பின்னும் வெள்ளி தன் உச்ச ஒளிநிலையை அடைகிறது. எனவே இது காலை நட்சத்திரம், விடிவெள்ளி மற்றும் மாலை நட்சத்திரம் என்றெல்லாம் அழைக்கப்படுகிறது. சூரியக் குடும்பத்திலே மிகவும் வெப்பமான வளிமண்டலத்தைக் கொண்ட கோள் வெள்ளியாகும்.

வெள்ளி பற்றி ஆய்வு செய்ய இந்திய விண்வெளி ஆராய்ச்சி நிறுவனம் முடிவு செய்துள்ளது. இதற்காக சுக்ரயான்-1 என்ற விண்கலமும் தயார் செய்யும் பணியில் இஸ்ரோ ஈடுபட்டு உள்ளது.

இதுகுறித்து இஸ்ரோ விஞ்ஞானிகள் கூறும் போது, 'வளிமண்டலம் மற்றும் புவியியல் ஆய்வுக்கான இந்தியாவின் வீனஸ் திட்டம் வருகிற 2028-ம் ஆண்டு மார்ச் 29-ந்தேதி விண்ணில் ஏவ திட்டமிடப்பட்டு உள்ளது. கிரகங்களுக்கு இடையேயான பணி என்பதால், இஸ்ரோவின் அதிக எடையை தாங்கி செல்லும் எல்.வி.எம்-3 ரகத்திலான பாகுபலி ராக்கெட்டை பயன்படுத்தப்பட உள்ளது. ஏவப்பட்ட 4 மாதங்களுக்குப் பிறகு, 112 நாட்கள் பயணத்திற்கு பிறகு அதே ஆண்டு ஜூலை மாதம் 19-ந்தேதி சுற்றுப்பாதை வழியாக வெள்ளிக்கோளை சுக்ரயான்-1 விண்கலம் சென்றடையும் என்று எதிர்பார்க்கப்படுகிறது.

இந்த ராக்கெட் பூமியில் இருந்து குறைந்த பட்சம் 170 கிலோ மீட்டரிலும் அதிகப்பட்சம் 36 ஆயிரம் கிலோ மீட்டர் நீளமுள்ள நீள்வட்ட சுற்றுப்பாதையில் விண்கலத்தை நிலை நிறுத்தும். ரூ.1,236 கோடி மதிப்பில் செயல்படுத்தப்படும் இந்த திட்டத்தில், ரூ.824 கோடி விண்கலத்தை உருவாக்குவதற்காக செலவிடப்பட உள்ளது' என்று தெரிவித்தனர்.

அபோபிஸ் [Apophis] என்பது எகிப்திய நாகரிகத்தில் அழிவின் கடவுளுக்கு [God of Chaos] வழங்கப்பட்டுள்ள பெயர். தற்போது இந்த பெயர் தற்போது பூமியை நோக்கி வேகமாக நகர்ந்து வரும் பெரிய விண்கல் ஒன்றுக்கு சூட்டப்பட்டுள்ளது. இந்த விண்கல் மனித குலத்துக்கு பெரும் அச்சுறுத்தலாக இருக்கும் என்று இஸ்ரோ விஞ்ஞானிகள் எச்சரித்துள்ளனர்.

கடந்த 2002 ஆம் ஆண்டு கண்டுபிடிக்கப்பட்ட இந்த விண்கல் ஆனது வரும் 2029 ஆம் ஆண்டு மே 13 ஆம் தேதி பூமியைத் தாக்கும் என்று அஞ்சப்படுகிறது. இந்த விண்கல்லை Space Objects Tracking and Analysis (NETRA) உன்னிப்பாக கவனித்து வருவதாகவும் இந்த அச்சறுத்தலில் இருந்து தப்பிக்க இந்தியா அனைத்து முயற்சிகளையும் எடுக்கும் என்று இஸ்ரோ தலைவர் சோம்நாத் தெரிவித்துள்ளார்.

தற்போது பூமிக்கு 32,000 கிலோமீட்டர் தூரத்தில் இருக்கும் இந்த விண்கல் அளவுக்கு பெரியதாக இதுவரை வேறு எந்த விண்கல்லும் பூமிக்கு மிக அருகில் வந்ததில்லை என்று அவர் தெரிவித்தார். குஜராத்தின் அகமதாபாத்தில் நரேந்திர மோடி கிரிக்கெட் மைத்தனத்தை விட இந்த விண்கல் பெரியது என்று கூறப்படுகிறது. சுமார் 350 முதல் 450 மீட்டர்கள் வரை இதன் விட்டம் இருப்பதாக கண்டறியப்பட்டுள்ளது. 2029 இல் பூமிக்கு மிக அருகில் வரும் இந்த விண்கல் பூமி மீது மோதும் பட்சத்தில் பேரழிவு ஏற்படும் என்று விஞ்ஞானிகள் தெரிவிக்கின்றனர்.

கிராமத்தில் இருந்து வெகுதூரத்தில் எளிதில் தொடர்பு கொள்ள முடியாத இடத்தில் வசித்து வரும் மக்களை தலைநகரில் உள்ள மக்களுடன் இணைக்கும் மிகப்பெரிய முயற்சிகளை மேற்கொண்டு வரும் உலகளவாவிய செயற்கைக்கோள் தொடர்பு நிறுவமானக வியாசட் உள்ளது. இந்த நிறுவனம் இந்திய ஆயுதப்படைகளுக்கு நம்பத்தகுந்த வகையிலான இணையதள தொடர்பை வழங்கி வருகிறது.

இந்திய வான் எல்லையில் பறக்கக்கூடிய விமானத்தில், இணையதள சேவைக்கு மத்திய அரசால் சில வருடங்களுக்கு முன் அனுமதி வழங்கப்பட்டது. அதுவும் லிமிடெ் இண்டர்நெட் இணைப்பு மட்டும்தான். இது விரைவில் மாறப்போகிறது. கலிபோர்னியாவை அடிப்படையாக கொண்ட தொலைத்தொடர்பு நிறுவனமான வியாசட் இந்திய வான் எல்லையில் இண்டர்நெட் இணைப்புகளை கொடுக்க இருக்கிறது.

இஸ்ரோவின் ஒரு பகுதியாக உள்ள பெங்களூருவில் உள்ள யு.ஆர். ராவ் செயற்கைக்கோள் மையம் ஜிசாட்-20 (GSAT-20) என்ற நவீன செயற்கைக்கோளை உருவாக்கி வருகிறது. திட்டமிட்டபடி அனைத்து நடவடிக்கைகளும் இந்த வருட இறுதிக்குள் முடிவடைந்தால், இந்த இண்டர்நெட் இணைப்பு விரைவில் சாத்தியமாகும்.

மற்ற செயற்கைக்கோள்களை விட இந்த செயற்கைக்கோளால் அதிக அளவிலான டேட்டாக்களை அனுப்ப முடியும். இது செயற்கைக்கோள் அடிப்படையிலான இணைய இணைப்பை வழங்குவது மட்டுமின்றி, ஐந்தில் ஒரு பங்கு திறனில் விமானத்தில் இணையத்தை வழங்குவதற்கு ஒதுக்கப்பட்டுள்ளது.

விமானத்தில் இண்டர்நெட் வசதி பெற முடியாத நிலையில் வியாசட் மற்றம் இஸ்ரோ அந்த கவலையை விரைவில் நிவர்த்தி செய்யும்.

தற்போது உள்நாட்டு விமானங்களில், விமானங்கள் புறப்பட்டதும் இண்டர்நெட் கிடைக்காது. சர்வதேச விமானங்களில், இந்திய எல்லைக்குள் விமானம் நுழைந்ததும் இண்டர்நெட் இணைப்பு துண்டிக்கப்படும் என அறிவிக்கப்படும்.

எட்டாததை அடைவதுதான் வியாசட்டின் மிகப்பெரிய உந்துதல். வியாசட் ஏற்கனவே இந்தயிாவில் பாதுகாப்புத் துறையில் நற்பெயரை பெற்றுள்ளது. தற்போது 1.4 பில்லியன் மக்களை இணைப்பது மிகப்பெரிய வாய்ப்பு என வியாசட் தலைவர் கே. குரு கவுரப்பன் தெரிவித்துள்ளார்.

இஸ்ரோ தலைவர் சோம்நாத் சமீபத்தில் அளித்த பேட்டி ஒன்றில் வேற்றுகிரக வாசிகள் பற்றி கருத்து தெரிவித்துள்ளார். அப்போது, "பிரபஞ்சத்தில் ஏலியன்கள் நிச்சயம் உள்ளன. அவைகள் நமது பூமிக்கு நிச்சயம் வந்து சென்றிருக்க வாய்ப்புகள் அதிகம்."

"100 ஆண்டுகளுக்கு முன் நமது நிலைமை மிகவும் மோசமாக இருந்தது. ஆனால், இன்று அந்த நிலை அடியோடு மாறியிருக்கிறது. இத்தகைய மைக்ரோபோன், கேமரா, லைட் மற்றும் தகவல் பரிமாற்ற வசதிகள், தொலைகாட்சி என எதுவும் இல்லாமல் இருந்தது. இவை அனைத்தையும் நாம் 100 ஆண்டுகளில் அடைந்திருக்கிறோம்."

"அந்த வகையில் இதே போன்ற நாகரீகம் இருக்கிறது என நினைத்துக் கொள்ளுங்கள். அவைகள் நம்மை விட 1000 ஆண்டுகள் முன்னேறி இருக்கின்றார்கள் எனில் அவர்கள் எந்த அளவுக்கு வளர்ச்சி பெற்றிருக்க வேண்டும். வெறும் 100 ஆண்டுகளில் நாம் இந்த அளவுக்கு வளர்ச்சி பெற முடியும் என்றால், அடுத்த 100 ஆண்டுகளில் நம் வளர்ச்சி எப்படி இருக்கும் என்று யோசித்து பாருங்கள்."

"நம்மை விட 1000 ஆண்டுகள் முன்தோன்றி இருக்கும் வேற்றுகிரக வாசிகள் எத்தகைய வளர்ச்சி பெற்றிருப்பார்கள் என்று யோசித்து பாருங்கள். அவர்கள் நிச்சயம் இங்கு இருக்க வேண்டும். அவர்கள் நமது பாட்காஸ்ட்-டை கேட்டால் கூட ஆச்சரியமில்லை."

"அவர்கள் உங்களை புழுவாகவே நடத்துவார்கள். நம்மை விட 10000 மடங்கு வளர்ச்சி பெற்ற தொழில்நுட்பம் கொண்டவர்கள் எப்படி இருப்பார்கள் என்று நினைத்துக் கொள்ளுங்கள். அவர்கள் நிச்சயம் இங்கு இருப்பதற்கு வாய்ப்பு உண்டு," என்று தெரிவித்தார்.

ஸ்ரீஹரிகோட்டா:

ஆந்திர மாநிலம் ஸ்ரீஹரிகோட்டாவில் இருந்து பூமி கண்காணிப்பு இ.ஓ.எஸ். 08 என்ற செயற்கைகோளை எஸ்.எஸ்.எல்.வி- 3டி ராக்கெட் திட்டமிட்ட இலக்கில் நிலை நிறுத்தியது. இதனைத் தொடர்ந்து இஸ்ரோ தலைவர் சோமநாத் நிருபர்களிடம் கூறியதாவது:-

எஸ்.எஸ்.எல்.வி-டி 3 ராக்கெட் வெற்றிகரமாக செயல்படுத்தப்பட்டதை அடுத்து இனி வணிகரீதியாக செயல்படுத்தப்படும். பி.எஸ்.எல்.வி., ஜி.எஸ்.எல்.வி. ரக ராக்கெட்டுகளுக்கு இதுவரை தேவையான உதிரி பாகங்களை தனியாரிடம் பெற்று வந்தோம். தொழில்துறையை மேலும் மேம்படுத்துவதற்காக இனி ராக்கெட் தொழில் நுட்பத்தை தனியாரிடம் ஒப்படைக்க முடிவு செய்யப்பட்டுள்ளது.

தொழில்நுட்பம் பரிமாற்றம் தொடர்பாக பல நிறுவனங்களிடம் கருத்து கேட்கப்பட்டது. எதிர்பார்த்த படி பல நிறுவனங்கள் ஆர்வம் காட்டினர். அதில் தகுதியான நிறுவனங்கள் தேர்ந்தெடுக்கப்பட்டு அவர்களுடன் தொழில்நுட்ப பரிமாற்றம் நடைபெறும்.

தனியார் நிறுவனங்களின் வணிக ரீதியான செயற்கைகோள்கள் இனி இஸ்ரோவின் கீழ் செயல்படும் என்.எஸ்.ஐ.எல். நிறுவன மூலம் ஏவப்படும். உள்நாட்டு நிறுவனங்களுக்கு மட்டுமே இந்த தொழில்நுட்பம் வழங்கப்படும்.

எஸ்.எஸ்.எல்.வி- டி3 ராக்கெட் செலுத்தப்பட்ட செயற்கைகோள்கள் விண்வெளியில் புற ஊதா கதிர்கள், காமா கதிர்கள் விண்வெளியில் எப்படி இருக்கிறது? என்பதை கண்டறிந்து தகவல் தெரிவிக்கும். இது ககன்யான் திட்டத்திற்கு உதவியாக இருக்கும்.

மனிதர்களை விண்வெளிக்கு அனுப்பும் ககன்யான் திட்டம் அடுத்த ஆண்டு செயல்படுத்தப்படும். அதற்கு முன்னதாக ஆளில்லா முதல் சோதனை ராக்கெட் திட்டம் வருகிற டிசம்பரில் செயல்படுத்தப்படும். இந்தத் திட்டத்திற்கான ராக்கெட் ஸ்ரீஹரிகோட்டாவிற்கு வந்துள்ளது. அதற்கான ஒருங்கிணைப்பு பணிகள் அடுத்த சில மாதங்களில் முடிக்கப்படும்.

தூத்துக்குடி மாவட்டம் குலசேகரப்பட்டினத்தில் ராக்கெட் ஏவுதளம் அமைப்பதற்கான இடத்தை தமிழக அரசு வழங்கியுள்ளது. இதற்கான ஆரம்ப கட்ட பணிகள் தற்போது நடந்து வருகிறது. அடுத்த 2 ஆண்டுகளில் செயல்பாட்டுக்கு வரும்.

தெற்கு திசைக்கு அனுப்ப வேண்டிய செயற்கைகோள்கள் அனைத்தும் குலசேகரப்பட்டினத்தில் இருந்து அனுப்புவது தான் நல்லது.

இவ்வாறு அவர் கூறினார்.

பேட்டியின்போது விஞ்ஞானிகள் ராஜராஜன், நாராயணன், சங்கரன், வினோத், அவினாஷ் உள்பட பலர் இருந்தனர்.

சென்னை:

த.மா.கா. தலைவர் ஜி.கே.வாசன் வெளியிட்டுள்ள அறிக்கையில் கூறியிருப்பதாவது:-

இஸ்ரோ விஞ்ஞானிகள் விண்வெளி ஆராய்ச்சியில் மேலும் ஒரு மைல் கல்லாக செயற்கைக்கோள்களை எஸ்.எஸ்.எல்.வி.டி3 ராக்கெட் மூலம் விண்ணில் வெற்றிகரமாக செலுத்தி, புவி சுற்றுவட்டப்பாதையில் நிலைநிறுத்தியிருக்கிறார்கள். இதன் மூலம் நாட்டு மக்கள் பெரும் பயனடைவார்கள். இஸ்ரோ விஞ்ஞானிகளின் தொடர் வெற்றியானது உலக அளவில் பெரும் பாராட்டைப் பெறுகிறது. இஸ்ரோ விஞ்ஞானிகளின் விண்வெளி ஆராய்ச்சி தொடர்ந்து சிறக்க, வளர, உயர தமிழ் மாநில காங்கிரஸ் சார்பில் வாழ்த்துகிறேன். இதற்காக கடுமையாக உழைத்த விஞ்ஞானிகளுக்கும், அவர்களுக்கு உறுதுணையாக பணியாற்றிவர்களுக்கும் பாராட்டுக்கள், வாழ்த்துக்கள்.

இவ்வாறு அவர் கூறியுள்ளார்.

இந்திய விண்வெளி ஆராய்ச்சி நிறுவனம் (இஸ்ரோ) வடிவமைத்துள்ள பூமி கண்காணிப்பு செயற்கைகோள் இ.ஓ.எஸ்.08. இந்த செயற்கைகோளை சுமந்தப்படி எஸ்.எஸ்.எல்.வி டி-3 ராக்கெட் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து இன்று காலை 9.17 மணிக்கு திட்டமிட்டபடி விண்ணில் பாய்ந்தது.

3 நிலைகளைக் கொண்ட இந்த ராக்கெட்டுக்கான எரிபொருள் திட வகையை சேர்ந்ததாகும். இதனை ராக்கெட்டில் நிரப்பும் பணி நிறைவடைந்து உள்ளது. இந்த ராக்கெட்டில் 175 கிலோ எடை கொண்ட 3 ஆராய்ச்சி கருவிகள் பொருத்தப்பட்டுள்ளன. ஒவ்வொரு கருவிகளும் ஒவ்வொரு பயன்பாடுகளுக்காக செயல்பட இருக்கிறது.

ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து விண்ணில் செலுத்தப்பட்ட எஸ்.எஸ்.எல்.வி டி-3 ராக்கெட் திட்டமிட்ட திசையில் சரியாக பயணித்தது.

பூமியிலிருந்து 475 கிலோ மீட்டர் உயரத்தில் குறைந்த புவி வட்ட சுற்றுப்பாதையில் இந்த செயற்கைகோள் வெற்றிகரமாக நிலைநிறுத்தப்பட்டது.

குறைந்த புவி வட்ட சுற்றுப்பாதையில் நிலைநிறுத்தப்பட்ட இந்த செயற்கைக்கோள் 24 மணி நேரமும் பூமியை கண்காணிக்கும்.

சுற்றுச்சூழல் கண்காணிப்புக்காக இரவிலும் துல்லியமான படம் எடுக்க உதவும். பேரிடர் கண்காணிப்பு, சுற்றுச்சூழல் கண்காணிப்புக்கு பயனுள்ளதாக இருக்கும்.

இந்திய விண்வெளி ஆராய்ச்சி நிறுவனம் (இஸ்ரோ) வடிவமைத்துள்ள பூமி கண்காணிப்பு செயற்கைகோள் இ.ஓ.எஸ்.08. இந்த செயற்கைகோளை சுமந்தப்படி எஸ்.எஸ்.எல்.வி டி-3 ராக்கெட் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து இன்று காலை 9.17 மணிக்கு திட்டமிட்டபடி விண்ணில் பாய்ந்தது.

பூமியிலிருந்து 475 கிலோ மீட்டர் உயரத்தில் குறைந்த புவி வட்ட சுற்றுப்பாதையில் இந்த செயற்கைகோள் 13 நிமிடத்தில் வெற்றிகரமாக நிலைநிறுத்தப்பட உள்ளது.

3 நிலைகளைக் கொண்ட இந்த ராக்கெட்டுக்கான எரிபொருள் திட வகையை சேர்ந்ததாகும். இதனை ராக்கெட்டில் நிரப்பும் பணி நிறைவடைந்து உள்ளது. இந்த ராக்கெட்டில் 175 கிலோ எடை கொண்ட 3 ஆராய்ச்சி கருவிகள் பொருத்தப்பட்டுள்ளன. ஒவ்வொரு கருவிகளும் ஒவ்வொரு பயன்பாடுகளுக்காக செயல்பட இருக்கிறது.

இந்திய விண்வெளி ஆராய்ச்சி நிறுவனம் (இஸ்ரோ) வடிவமைத்துள்ள பூமி கண்காணிப்பு செயற்கைகோள் இ.ஓ.எஸ்.08. இந்த செயற்கைகோளை சுமந்தப்படி எஸ்.எஸ்.எல்.வி டி-3 ராக்கெட் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து இன்று காலை 9.17 மணிக்கு திட்டமிட்டபடி விண்ணில் பாய்கிறது.

பூமியிலிருந்து 475 கிலோ மீட்டர் உயரத்தில் குறைந்த புவி வட்ட சுற்றுப்பாதையில் இந்த செயற்கைகோள் 13 நிமிடத்தில் வெற்றிகரமாக நிலைநிறுத்தப்பட உள்ளது.

3 நிலைகளைக் கொண்ட இந்த ராக்கெட்டுக்கான எரிபொருள் திட வகையை சேர்ந்ததாகும். இதனை ராக்கெட்டில் நிரப்பும் பணி நிறைவடைந்து உள்ளது. இந்த ராக்கெட்டில் 175 கிலோ எடை கொண்ட 3 ஆராய்ச்சி கருவிகள் பொருத்தப்பட்டுள்ளன. ஒவ்வொரு கருவிகளும் ஒவ்வொரு பயன்பாடுகளுக்காக செயல்பட இருக்கிறது.

இந்திய விண்வெளி ஆராய்ச்சி நிறுவனமான இஸ்ரோ சார்பில் கார்டோ சாட், ஸ்காட்சாட், ரிசர்ட் உள்ளிட்ட பல்வேறு செயற்கைக்கோள்கள் தொலைத்தொடர்பு பயன்பாட்டுக்காக விண்ணில் நிலைநிறுத்தப்பட்டு வருகின்றன.

அந்த வரிசையில் புவிக்கண்காணிப்பு செயல்பாடுகளுக்காக அதிநவீன இ.ஓ.எஸ்.-08 எனும் செயற்கைக்கோளை இஸ்ரோ தற்போது வடிவமைத்துள்ளது. இந்த செயற்கைக்கோளை சிறிய ரக எஸ்.எஸ்.எல்.வி. டி-3 ராக்கெட் மூலம் ஆந்திர மாநிலம் ஸ்ரீஹரிகோட்டாவில் இருந்து விண்ணில் ஏவுவதற்கான முன்னேற்பாடுகள் மேற்கொள்ளப்பட்டுள்ளன.

நாளை ஆகஸ்ட் 16 ஆம் தேதி காலை 9.17 மணிக்கு சதீஷ் தவன் ஏவுதளத்தில் இருந்து எஸ்.எஸ்.எல்.வி. டி-3 ராக்கெட்டை விண்ணில் செலுத்தப்பட உள்ளது. இந்த நிலையில், புதிய செயற்கைக்கோள் ஏவப்படுவதை ஒட்டி இஸ்ரோ குழுவினர் திருப்பதியில் உள்ள ஏழுமலையான் கோவிலில் சாமி தரிசனம் செய்தனர்.

இ.ஓ.எஸ்.-08 செயற்கைக்கோள் மொத்தம் 176 கிலோ எடை கொண்டது. இதன் ஆயுட்காலம் ஓராண்டாகும். இது தரையில் இருந்து 475 கி.மீ. தொலைவில் உள்ள புவி தாழ் வட்டப்பாதையில் நிலைநிறுத்தப்பட உள்ளது.

இதில் எலக்ட்ரோ ஆப்டிகல் இன்ப்ராரெட் பேலோடு, குளோபல் நேவிகேஷன் சாட்டிலைட் சிஸ்டம்- ரிப்ளெக்டோமெட்ரி பேலோடு மற்றும் சிக் யுவி டோசிமீட்டர் ஆகிய 3 ஆய்வு சாதனங்கள் பொருத்தப்பட்டுள்ளன. இ.ஓ.ஐ.ஆர். கருவி பேரிடர் மேலாண்மை சுற்றுச்சூழல் கண்காணிப்புக்காக இரவிலும் துல்லியமான படம் எடுக்க உதவும்.

இதேபோல் ஜி.என்.எஸ்.எஸ்-ஆர் கருவி மேற்பரப்பு காற்றின் செயல்பாடு, மண்ணின் ஈரப்பதம் மதிப்பீடு, நீர்நிலைகளை கண்டறிதல் போன்ற பணிகளுக்கு பயன்படும். சிக் யுவி டோசி மீட்டர் (SiC UV Dosimeter) விண்ணில் புற ஊதா கதிர்வீச்சு அளவை கண்காணித்து எச்சரிக்கை அளிக்கும்.