நீங்கள் தேடியது "வியாபாரிகள் எதிர்ப்பு"

பழனி:

பழனி கிரிவீதிகளில் பஞ்சாமிர்த கடைகள், ஓட்டல்கள், அலங்கார பொருள் விற்பனை கடைகள் பல உள்ளன. பழனிக்கு வரும் பக்தர்கள் இங்கு வந்து பொருட்களை வாங்கி செல்கின்றனர். குறிப்பாக சபரிமலை சீசன் காலத்தில் கிரிவீதிகளில் கூட்டம் அலைமோதி காணப்படும். வியாபாரமும் களைகட்டும். அதேபோல் பழனி வடக்கு கிரிவீதியில் உள்ள கோவில் முடிமண்டபம், நூலகம், பொருட்கள் வைப்பறை, தகவல் மையம் ஆகியவை உள்ளன. இங்கும் பக்தர்கள் வந்து பயனடைந்து வருகின்றனர்.

இந்நிலையில் கோவில் சார்ந்த அலுவலகங்கள் முன்பு பக்தர்களுக்கு இடையூறாக பல்வேறு கடைகள் வைத்து ஆக்கிர மிப்பு செய்யப்பட்டு இருந்தது. இதனால் பக்தர்கள் அவதி அடைந்து வந்தனர். அதைத்தொடர்ந்து கோவில் நிர்வாகம் சார்பில் அவ்வப்போது கிரிவீதிகளில் ஆக்கிரமிப்பு அகற்றப்பட்டு வருகிறது. இந்நிலையில் கோவில் சார்ந்த அலுவலகம் முன்பு ஆக்கிரமிப்பை தடுக்க அங்கு தடுப்புகள் வைக்கப்பட்டன. இதனால் அங்கு பக்தர்கள் எளிதில் சென்று வருகின்றனர்.

இந்நிலையில் கோவில் அலுவலகம் முன்பு தடுப்பு கள் வைக்கப்பட்டதற்கு அங்குள்ள சாலையோர வியாபாரிகள் எதிர்ப்பு தெரிவித்தனர். அதாவது கிரவீதிகளில் தடுப்புகள் வைப்பதால் எங்களின் வாழ்வாதாரம் பாதிக்க ப்படுவதாக கூறினர். இதற்கிடையே நகராட்சி தலைவர் உமா மகேஸ்வரி தலைமையில் கவுன்சிலர்கள் அங்கு வந்து கிரிவீதியில் வைக்கப்பட்டு உள்ள தடுப்புகளை பார்வை யிட்டனர். அப்போது சாலையோர வியாபாரிகள் அங்கு வந்து வியாபாரம் பாதிக்காத வகையில் நடவடிக்கை எடுக்க கோரிக்கை வைத்தனர்.

திண்டுக்கல்:

திண்டுக்கல் பஸ்நிலையத்தில் ஏராளமான ஓட்டல்கள், டீ கடைகள் மற்றும் வணிகநிறுவனங்கள் செயல்பட்டு வருகின்றன. பஸ்நிலையம் மற்றும் அதனை சுற்றியுள்ள பகுதிகளில் மட்டும் தினசரி 0.7 மெட்ரிக்டன் குப்பைகள் வருகிறது.

இவற்றை தரம்பிரித்து மறுசுழற்சி செய்வதிலும், ஊழியர்கள் பற்றாக்குறையும் மாநகராட்சிக்கு மிகப்பெரிய சவாலாக உள்ளது. எனவே பஸ்நிலையத்தில் சேலம் பஸ் நிற்கும் இடத்தில் நுண்ணுயிர் கூடம் அமைக்க முடிவு செய்யப்பட்டது.

இதன்மூலம் குப்பைகளை தரம்பிரித்து மறுசுழற்சி செய்ய மாநகராட்சி முடிவு செய்தது. இதற்காக இன்று ஜே.சி.பி எந்திரம் வரவழைக்கப்பட்டு பணிகளுக்கான ஆயத்தம் தொடங்கியது. இதுகுறித்து தகவல் அறிந்ததும் ஏராளமான வியாபாரிகள் அங்கு திரண்டனர். தங்களுக்கு வியாபாரம் செய்ய ஒதுக்கப்பட்ட இடத்தில் நுண்ணுயிர் கூடம் அமைத்தால் தங்கள் வாழ்வாதாரம் பாதிக்கப்படும் என தெரிவித்து மறியலில் ஈடுபட்டனர்.

இதனால் பஸ்நிலையத்தில் பரபரப்பு ஏற்பட்டது. அவர்களிடம் மாநகராட்சி அதிகாரிகள் மற்றும் நகர் வடக்கு போலீசார் பேச்சுவார்த்தை நடத்தினர்.

பொன்னேரி:

மீஞ்சூரை அடுத்த வன்னிபாக்கம் ஊராட்சி மேட்டுப்பாளையம் மூகாம்பிகை நகர், கிராம தெரு சாலையில் டீக்கடை, காய்கறி கடை, சிமெண்ட் கடைகள் உள்ளன.

இந்த கடைகள் ஆக்கரமிப்பு இடத்தில் செயல்பட்டு வருவதாகவும், இதனை அகற்ற வேண்டும் எனவும் அப்பகுதி மக்கள் ஊராட்சி நிர்வாகத்திடம் மனு அளித்தனர். அதன்படி கிராம சபை கூட்டத்தில் தீர்மானம் நிறைவேற்றப் பட்டதாக தெரிகிறது.

இந்த நிலையில் வரு வாய்த்துறை, வட்டார வளர்ச்சி அதிகாரிகள் ஜே.சி.பி. எந்திரத்துடன் ஆக்கிரமிப்பு கடைகளை இடித்துஅகற்ற வந்தனர்.

அவர்களிடம் கடைகளை அகற்ற எதிர்ப்பு தெரிவித்து வியாபாரிகள் கடும் வாக்கு வாதத்தில் ஈடுபட்டனர். இதனால் அங்கு பரபரப்பு ஏற்பட்டது.

பாதுகாப்புக்கு வந்த போலீசார் வியாபாரிகளிடம் பேச்சுவார்த்தை நடத்தினர். அப்போது பத்து நாட்களுக்குள் தாங்களே கடைகளை அகற்றி விடுவதாக எழுத்து மூலமாக வியாபாரிகள் தெரிவித்ததனர்.

இதையடுத்து கடைகளை அகற்றுவது தற்காலிகமாக நிறுத்தப்பட்டது. அப்போது ஊராட்சி மன்றத்தலைவர் மஞ்சுளா பஞ்சாட்சரம் மற்றும் வார்டு உறுப்பினர்கள் உடன் இருந்தனர்.