நீங்கள் தேடியது "காலணி"

உத்தரபிரதேச மாநிலம் ரேபரேலி தொகுதியில் காங்கிரஸ் எம்.பி. ராகுல் காந்தி கடந்த 26-ந்தேதி சுல்தான்பூரில் வழக்கு ஒன்றிற்காக கோர்ட்டுக்கு சென்றிருந்தார்.

அப்போது சுல்தான்பூரில் கோர்ட்டுக்கு வெளியே 40 ஆண்டுகளுக்கு மேலாக செருப்பு தைக்கும் தொழில் செய்து வரும் ராம்சேட் என்ற தொழிலாளியை சந்தித்து கலந்துரையாடினார்.

அப்போது ராம்சேட்டின் வேலைகள், அவர் அன்றாடம் சந்திக்கும் சவால்கள் குறித்து அவரிடம் ராகுல் காந்தி கேட்டறிந்தார். மேலும் காலணிகளை சரி செய்வது தொடர்பாகவும் ராகுல் காந்தி, ராம்சேட்டிடம் கற்றுக்கொண்டார்.

பின்னர் மறுநாள் செருப்பு தைக்கும் தொழிலாளி ராம்சேட்டுக்கு ராகுல் காந்தி புதிதாக தையல் எந்திரம் ஒன்றை அனுப்பி வைத்துள்ளார்.

கடைக்கு வந்த ராகுல் காந்திக்கு தொழிலாளி ராம்சேட் குளிர்பானம் வழங்கிய காட்சி.

ராகுல் காந்தி வழங்கிய பரிசால் இன்ப அதிர்ச்சி அடைந்த ராம்சேட், இனி கைகளால் செருப்பு தைக்க தேவையில்லை என மகிழ்ச்சியுடன் கூறினார். அதோடு ராகுல் காந்திக்கு 2 ஜோடி காலணிகளை பரிசாக அனுப்பி வைத்தார்.

ராகுல் காந்தியுடனான சந்திப்பை தொடர்ந்து தொழிலாளி ராம்சேட் அந்த பகுதி மக்களிடம் பிரபலமானார்.

இந்த நிலையில் ராகுல் காந்தி சரி செய்த செருப்பு மற்றும் ஷூவை ரூ.1 லட்சத்திற்கு ராம்சேட்டிடம் பலரும் விலைக்கு கேட்டுள்ளனர். ஆனால் ராம்சேட் அதனை கொடுக்க மறுத்துவிட்டார். இதுகுறித்து ராம்சேட் கூறியதாவது:-

என்னை பொறுத்தவரை ஜூலை 26-ந்தேதி எனக்கு அதிர்ஷ்ட நாளாகும். ராகுல் காந்தி எனது கடைக்கு வந்தது கடவுளே என் கடையில் வந்து இறங்கியது போன்று இருந்தது. நான் காலணிகளை எவ்வாறு சரி செய்கிறேன் என்பதை செய்து காட்டும்படி ராகுல் காந்தி என்னிடம் கேட்டார்.

சிறிது நேரத்தில் அவர் ஒரு செருப்பை எடுத்து என்னிடம் கொடுத்து அதை எப்படி தைப்பது என்று எனக்கு கற்றுக் கொடுக்கும்படி கேட்டார். நான் அவருக்கு செருப்பை தைப்பது குறித்து செய்து காட்டினேன்.

பின்னர் அவருக்கு ஒரு குளிர்பானம் கொடுத்தேன். அவர் அதை ஏற்றுக்கொண்டு என்னுடன் பகிர்ந்து கொண்டார். அப்போது ராகுல் காந்தி எனது தினசரி சம்பாத்தியம் குறித்து விசாரித்தார்.

அவரிடம் நான் மாதம் ரூ.5 ஆயிரம் முதல் ரூ.6 ஆயிரம் வரை சம்பாதிக்கிறேன் என கூறினேன். அதோடு அவரிடம் செருப்பு தைக்கும் எந்திரம் வழங்குமாறு உதவி கேட்டேன். அவரும் வழங்குவதாக உறுதி அளித்தார். மறுநாளே செருப்பு தைக்கும் மின்சார எந்திரத்தை ராகுல் காந்தி எனக்கு பரிசாக அனுப்பினார்.

அவருக்கு நான் தைப்பதற்காக கற்றுக்கொடுத்த செருப்பு மற்றும் ஷூவை ஒரு லட்சத்திற்கு மேல் பலர் கேட்கிறார்கள். ஆனால் அவை விலைமதிப்பற்ற உடமைகள். பணத்தின் அடிப்படையில் அவற்றை எடைபோட முடியாது. கோடி ரூபாய் கொடுத்தாலும் நான் அவற்றை விற்க மாட்டேன்.

நான் வாழும் வரை அவற்றை பிரேம் செய்து என் கண்முன்னே வைத்திருப்பேன்.

இவ்வாறு அவர் கூறினார்.

சென்னை:

நடப்பு கல்வியாண்டில் (2024-25) பள்ளிகள் திறக்கப்பட்டு 1½ மாதம் ஆகிவிட்ட நிலையில், இலவச சீருடைகள், காலணி போன்ற பொருட்கள் சில அரசு பள்ளி மாணவ-மாணவிகளுக்கு வழங்கப்படவில்லை என்ற குற்றச்சாட்டு எழுந்துள்ளது. இதுபற்றி பள்ளிக்கல்வித்துறை அதிகாரிகளிடம் கேட்டபோது, அவர்கள் கூறியதாவது:-

பள்ளிகள் திறக்கப்பட்டதும் பாடநூல்கள், நோட்டுப்புத்தகங்கள், புவியியல் வரைபடம், கிரையான்கள் வழங்கப்பட்டுள்ளன. இலவச சைக்கிள் வழங்கும் பணியும் கடந்த வாரம் முதல் தொடங்கப்பட்டு இருக்கிறது. சீருடைகள், காலணிகள் வழங்கும் விவகாரத்தில் மாணவர்களின் சரியான அளவுகளை கணக்கெடுத்து அதற்கேற்ப கொள்முதல் செய்யும் பணிகள் நடப்பாண்டு முதல் மேற்கொள்ளப்பட்டு இருப்பதால், சற்று தாமதம் ஏற்பட்டுள்ளது.

இதில் சீருடை தயாரிப்பு பணிகள் முடிவடைந்து மாணவர்களுக்கு வருகிற 29-ம் தேதி முதல் பள்ளிகளிலேயே வினியோகம் செய்யப்பட உள்ளன. அதற்கான ஏற்பாடுகள் அந்தந்த மாவட்ட முதன்மைக்கல்வி அதிகாரிகள் மூலமாக முடுக்கிவிடப்பட்டு உள்ளன.

இடையில் பாராளுமன்ற தேர்தல் பணிகள் இருந்ததாலும் தாமதம் ஏற்பட்டது. அடுத்த மாதம் (ஆகஸ்டு) இறுதிக்குள் மாணவர்களுக்கு புத்தகப்பை, காலணி, வண்ண பென்சில்கள் உளபட இதர இலவச பொருட்களும் படிபடியாக வழங்கப்படும்.

இவ்வாறு அவர்கள் தெரிவித்தனர்.

நீரிழிவு என்பது மிகவும் பொதுவான நோயாகும், இது உடலின் இரத்த குளுக்கோஸ் அளவு ஏற்றுக்கொள்ளக்கூடிய அளவைத் தாண்டி உயரும் போது ஏற்படுகிறது. நீரிழிவு என்பது ஒரு வளர்சிதை மாற்ற நோயாகும், இது இன்சுலின் உற்பத்தி செய்யும் உடலின் திறனைத் தடுக்கிறது அல்லது இன்சுலினை திறம்பட பயன்படுத்துகிறது. இன்சுலின் - சர்க்கரையை இரத்தத்திலிருந்து உயிரணுக்களுக்கு ஆற்றலாக மாற்றுவதற்கு பொறுப்பான ஹார்மோன் ஆகும். நீரிழிவு நோயை முறையாகக் கட்டுப்படுத்தாவிட்டால் அது உடல் நலத்திற்கு மிகவும் கேடு விளைவிக்கும். நீண்ட கால நீரிழிவு நோய் நரம்புகள், கண்கள், சிறுநீரகங்கள் மற்றும் பிற உறுப்புகளை சேதப்படுத்தும்.

இது பாதங்களுக்கு மிகவும் தீங்கு விளைவிக்கும், ஏனெனில் இது பாதங்களுக்கு இரத்த ஓட்டத்தை குறைக்கிறது மற்றும் ஆக்ஸிஜன் மற்றும் அத்தியாவசிய ஊட்டச்சத்துக்களை இழக்கிறது. மேலும், நீரிழிவு நோயானது பாதங்களில் ஒருபோதும் சேதமடையாமல் (பெரிஃபெரல் நியூரோபதி என அறியப்படுகிறது) இது உணர்வின்மையை ஏற்படுத்தும். நீரிழிவு நோயால் புண்கள், காயங்கள், கொப்புளங்கள் மற்றும் வெட்டுக்கள் மிக மெதுவாக குணமடைகின்றன, இது நோய்த்தொற்றுக்கான வாய்ப்புகளை அதிகரிக்கிறது மற்றும் கடுமையான சந்தர்ப்பங்களில் துண்டிக்கப்படுகிறது. நீரிழிவு நரம்பியல் கால்களில் கூர்மையான வலியை ஏற்படுத்தும், இது அனைத்து தொடுதல்களிலும் தீவிரமடையும். எனவே, முன்னெச்சரிக்கையாக நீரிழிவு பாத பராமரிப்பு மிகவும் முக்கியமானது.

உங்கள் பாதங்களை தினமும் பகுப்பாய்வு செய்யுங்கள்: நீரிழிவு நோயாளிகள் எடுக்க வேண்டிய முதன்மையான முன்னெச்சரிக்கை நடவடிக்கை, வெட்டுக்கள், புண்கள், கொப்புளங்கள், சிவத்தல், கால்சஸ், தடிப்புகள் அல்லது வேறு ஏதேனும் பிரச்சனைகளைக் கண்டறிய தினமும் பாதங்களைச் சரிபார்ப்பது. உங்கள் கால்விரல்களுக்கு இடையில் சரியாகச் சரிபார்க்க நினைவில் கொள்ளுங்கள். தீவிர நரம்பு சேதம் அல்லது மோசமான இரத்த ஓட்டம் ஏற்பட்டால், இது உயிரைக் காப்பாற்றும், ஏனெனில் இது போன்ற சந்தர்ப்பங்களில், காயம் அல்லது ஊசிகள் தொற்று அல்லது கடுமையான எரிச்சல் ஏற்படும் வரை கண்டறியப்படாது. நோயாளி சுய பரிசோதனை செய்ய முடியாவிட்டால், வேறு யாராவது உதவலாம்.

உங்கள் கால்களை வெதுவெதுப்பான நீரில் கழுவவும். இதை அன்றாட பழக்கமாக எடுத்துக் கொள்ளுங்கள், ஏனெனில் சூடான (சூடான) நீரில் கால்களை ஊறவைப்பது அவற்றை சுத்தமாக வைத்திருக்கவும், சிக்கியுள்ள பாக்டீரியாக்களை அகற்றவும் உதவுகிறது. வெப்பநிலையை மந்தமாக வைத்திருப்பதை நினைவில் வைத்துக் கொள்ளவும், கால்களில் ஊறவைக்கும் முன் கையை முதலில் நனைத்து அதை உறுதிப்படுத்தவும். மேலும், கால்களை அதிக நேரம் தண்ணீரில் வைத்திருக்க வேண்டாம், உடனடியாக அவற்றை முழுமையாக உலர வைக்கவும், தொற்று மற்றும் நீர் தேங்கிய புண்களைத் தவிர்க்கவும்.

உங்கள் கால்களை வெதுவெதுப்பான நீரில் கழுவிய பின், குறிப்பாக கால்விரல்களுக்கு இடையில் அவற்றை முழுமையாக உலர வைக்கவும். பல சந்தர்ப்பங்களில், நீரிழிவு நோயாளிகள் இரத்தத்தில் குளுக்கோஸின் அதிக அளவு காரணமாக விரிசல் மற்றும் வறண்ட சருமத்தால் பாதிக்கப்படலாம். வெடிப்பு தோல் பாக்டீரியா தொற்றுகள் தோலை பாதிக்க எளிதாக்குகிறது மற்றும் நோய்த்தொற்றுகளின் குணப்படுத்தும் செயல்முறையை மெதுவாக்குகிறது. எனவே, கால்களை உலர்த்திய பின், வறட்சியைத் தடுக்க போதுமான அளவு தோல் லோஷனைப் பயன்படுத்துங்கள், ஆனால் அதை ஒட்டும் அல்லது ஈரமாக்குவதைத் தவிர்க்கவும். மேலும், கால் நகங்களுக்கு இடையில் லோஷனைப் போடுவதைத் தவிர்க்கவும்.

நீரிழிவு பாதங்களைப் பராமரிக்கும் போது மிகவும் அவசியமான குறிப்புகளில் ஒன்று, கொப்புளங்கள், புண்கள் அல்லது வேறு ஏதேனும் சிக்கல்களைத் தடுக்கும் மிகவும் வசதியான மற்றும் நன்கு பொருத்தப்பட்ட காலணிகளை எப்போதும் அணிவது. சிறிதளவு தேய்த்தல் அல்லது பொருத்தமற்றது கூட கொப்புளங்களை ஏற்படுத்தும், இது குணப்படுத்த மிகவும் கடினமாக இருக்கும். கொப்புளம் புண் இருந்தால், அது தொற்று ஏற்படலாம். பாதங்கள் மிக உயர்ந்த அளவில் இருக்கும் போது நாள் முடிவில் காலணிகளை வாங்குவது சிறந்தது. மேலும், வாங்கும் ஆரம்ப வாரத்தில் 1-2 மணிநேரம் மட்டுமே புதிய காலணிகளை அணிவதன் மூலம் மெதுவாக அவற்றை மாற்றிக்கொள்ளுங்கள். ஒவ்வொரு நாளும் உங்கள் காலணிகளை அணிவதற்கு முன், கூர்மையான பொருள்கள், சறுக்கும் மூலைகள் அல்லது உங்கள் கால்களைப் புண்படுத்தும் எதையும் சரிபார்க்கவும். மேலும், கொப்புளங்களைத் தவிர்க்க எப்போதும் எளிதான சாக்ஸ் அல்லது முழங்கால் வரையிலான காலுறைகளை அணிவது சிறந்தது.

எவ்வளவு அவசரமோ, திடீரெனவோ, தேவையோ அல்லது தூரமோ எதுவாக இருந்தாலும் - சர்க்கரை நோயாளிக்கு வெறுங்காலுடன் நடப்பது கண்டிப்பாக கூடாது. முக்கியமாக, வெறுங்காலுடன் ஒருவர் நடந்தால் காயம் மற்றும் வெட்டுக்களுக்கு ஆளாக நேரிடுகிறது, இது நீரிழிவு நோயாளிகளுக்கு மிகவும் கடினமாகவும் மெதுவாகவும் குணமாகும். எனவே, நடக்கும்போது எப்போதும் காலணிகள் அல்லது செருப்புகளை அணியுங்கள்; காலணிகளின் இயற்கையான துணியான தோல், ரப்பர் போன்றவை கால்களை எரிச்சலடையச் செய்து கொப்புளங்களை உண்டாக்கும் என்பதால் எப்போதும் சாக்ஸ் அணிவது சிறந்தது. தடிமனான, மெத்தையான காலுறைகளை அணிய மறக்காதீர்கள்.

உங்கள் நகங்களை ஒழுங்கமைத்து பராமரிக்கவும். இந்த அற்பமான முன்னெச்சரிக்கையை நீங்கள் புறக்கணித்தாலும், நீண்ட காலமாக கால் விரல் நகங்கள் வீக்கம் மற்றும் பூஞ்சை தொற்றை ஏற்படுத்தும் என்பதால், அது மோசமாகிவிட்டால் அது பாதங்களை கடுமையாக பாதிக்கும். எனவே, கால் நகங்களை ஒழுங்கமைத்து, வளர்ச்சியைத் தடுப்பது எப்போதும் சிறந்தது. நகங்களை ட்ரிம் செய்வதற்கு முன் லோஷனைப் பயன்படுத்தி க்யூட்டிகல்ஸை மென்மையாக்கவும்.

சோளம், சுத்தியல், பனியன், கால்சஸ் போன்றவற்றை நீங்களே சிகிச்சை செய்ய வேண்டாம். நீரிழிவு நோயாளிகள் சோளம், சுத்தியல், பனியன், கால்சஸ் போன்றவற்றை அனுபவிப்பதில் மிகவும் பாதிக்கப்படக்கூடியவர். இருப்பினும், இவற்றில் சிலவற்றை வீட்டிலேயே எளிதாகக் குணப்படுத்தலாம், இது முக்கியம். எந்தவொரு தவறும் சிக்கலை தீவிரமாக்கும் மற்றும் கடுமையான தொற்றுநோயை ஏற்படுத்தும் என்பதை நினைவில் கொள்க. எனவே, இந்த விஷயங்களில் ஏதேனும் தோன்றினால், எப்போதும் மருத்துவரை அணுகுவது நல்லது. மேலும், சிக்கலைப் பரிசோதிப்பதற்கு கூட, பாதங்கள் மற்றும் வெட்டுக்காயங்கள் மென்மையாக இருக்கும்போது குளித்த பிறகு இதைச் செய்வது நல்லது.

நரம்பு வலி அல்லது பலவீனமான கால் தசைகள் பாதிக்கப்படாத நீரிழிவு நோயாளிகள், பாதங்களைத் தாங்குவதற்கு ஆர்த்தோடிக்ஸ் அணிய உங்களுக்கு வழிகாட்டும் பாதநல மருத்துவரைப் பார்ப்பது நல்லது. மேலும், நடைபயிற்சி மிகவும் வலி அல்லது சாத்தியமற்ற சந்தர்ப்பங்களில், ஒரு கால் பிரேஸ் அல்லது எலும்பியல் காலணிகள் மிகவும் கைக்கு வரும்.

நீரிழிவு நோயாளிக்கு, உடற்பயிற்சி செய்வது மிகவும் முக்கியம் ஆனால் கால்களில் அழுத்தம் ஏற்படாமல் இருக்க எந்தப் பயிற்சிகளை மேற்கொள்ள முடியாது என்பதை அறிந்து கொள்வதும் அவசியம். நீச்சல், சைக்கிள் ஓட்டுதல், யோகா போன்ற பாதிப்பில்லாத பயிற்சிகள் பாதங்களில் மிகவும் இலகுவாக இருப்பதால், எந்தப் பாதிப்பையும் ஏற்படுத்தாமல் எளிதாகப் பயிற்சி செய்யலாம். அதிகப்படியான வியர்வையைத் தவிர்க்க எப்போதும் உள்ளங்கால்களில் ஆன்டிபெர்ஸ்பிரண்டைப் பயன்படுத்துங்கள்.

அனைத்து நீரிழிவு நோயாளிகளும் நினைவில் கொள்ள வேண்டிய முக்கியமான உதவிக்குறிப்பு, பாதங்களில் ஏற்படும் தீங்கு விளைவிக்கும் தாக்கத்தை குறைக்க அவர்களின் இரத்த சர்க்கரை அளவை நிர்வகிக்க வேண்டும். இரத்த குளுக்கோஸின் அளவைக் கட்டுக்குள் வைத்திருப்பது, புகைபிடிப்பதைத் தவிர்ப்பது, அவ்வப்போது கால் பரிசோதனைகள் செய்வது மற்றும் சிக்கல்களைத் தவிர்க்க பாதங்களை சூடாகவும் உலர்வாகவும் வைத்திருப்பது நல்லது. உங்கள் பிரச்சனைகளை மருத்துவரிடம் வெளிப்படையாகப் பேசுவது மிகவும் அவசியம்.

நீரிழிவு பாத பராமரிப்புக்கான முன்னெச்சரிக்கை குறிப்புகள் சிக்கல்களைத் தவிர்ப்பதில் கணிசமாக உதவும்.

மத்திய பிரதேசத்தின் உஜ்ஜைனி சாந்தி பானி நகரை சேர்ந்தவர் ரவுனக் குர்ஜார். பல்வேறு வழக்குகளில் தொடர்புடைய இவரை ரவுடிகள் பட்டியலில் போலீசார் கண்காணித்து வந்தனர். இந்நிலையில் அவர் தனது சொந்த தோலில் இருந்து செய்யப்பட்ட காலணிகளை தனது தாய்க்கு பரிசாக வழங்கிய சம்பவம் சமூக வலைதளங்களில் பேசுபொருளாகி வருகிறது.

ரவுனக் குர்ஜார் ஒரு முறை போலீசாரால் சுட்டு பிடிக்கப்பட்டவர் ஆவார். அப்போது அவரது தொடைப்பகுதி பாதிக்கப்பட்ட நிலையில், அதில் தோல் அகற்றப்பட்டது. அந்த தோலை செருப்பு தொழிலாளியிடம் கொடுத்து காலணியாக தைக்குமாறு ரவுனக் குர்ஜார் கூறி உள்ளார். அதன்படி அந்த தொழிலாளி அவரது தோலை காலணியாக வடிவமைத்து கொடுக்க, அதனை அவர் தாய்க்கு பரிசாக வழங்கினார். சாந்தி பானி நகரில் நடந்த ஒரு நிகழ்ச்சியின் போது அவர் தனது இந்த காலணி பரிசை தாய்க்கு வழங்கிய சம்பவம் நடந்துள்ளது.

இதுகுறித்து அவர் கூறுகையில், நான் ராமாயணத்தை தவறாமல் பாராயணம் செய்வேன். மேலும் ராமரின் கதாபாத்திரத்தால் மிகவும் ஈர்க்கப்பட்டேன். தாயாருக்கு தன் தோலினால் செருப்பை செய்தாலும் போதாது என்று ராமரே கூறி உள்ளார். எனவே இந்த யோசனை என் மனதில் தோன்றியது. அதன்படி எனது தோலில் இருந்து காலணிகளை உருவாக்கி என் அம்மாவுக்கு பரிசளிக்க முடிவு செய்தேன். சொர்க்கம் பெற்றோரின் காலடியில் உள்ளது என்பதை நான் சமூகத்துக்கு சொல்ல விரும்புகிறேன் என்றார்.

குர்ஜாரின் தாயார் கூறுகையில், ரவுனக் போன்ற ஒரு மகனை பெற்றதை நான் பாக்கியமாக கருதுகிறேன். கடவுள் அவரை எல்லா கஷ்டங்களில் இருந்தும் பாதுகாத்து எந்த துக்கமும் இல்லாத வாழ்க்கையை அவருக்கு ஆசீர்வதிக்கட்டும் என்றார்.

நீரிழிவு நோய் கால்களில் ஏராளமான பிரச்சினைகளை ஏற்படுத்தி விடுவது உண்டு. உடலில் சர்க்கரையின் அளவு அதிகரிக்கும் போது நரம்புகள் மற்றும் ரத்த நாளங்களும் பாதிப்புக்கு உள்ளாகின்றன. இதனால் உணர்வு இழப்புகள், குறிப்பாகப் பாதங்களில் ஏற்படும் சிறு காயங்களைக்கூட உணர முடியாமல் போகின்றன. இதன் காரணமாகப் பாதங்களில் புண்களும், தொற்றுகளும் ஏற்படுவதைத் தடுக்க முடியாமல் போகின்றன.

இதுபோன்ற பிரச்சினைகளைத் தடுக்க அதற்குரிய காலணிகளை அணியும் போது பாதங்களுக்கு ஏற்றதாகவும், பாதங்கள் காயங்கள் ஏற்படுவதில் இருந்தும் காக்கப்படுகின்றன. இதுபோன்ற சிறப்பு காலணிகளைத் தேர்வு செய்வதற்கு முன்பு எந்த வகையான சர்க்கரை நோய் ஏற்பட்டுள்ளது என்பதை மருத்துவருடன் அல்லது பாத நோய்களைக் குணப்படுத்தும் மருத்துவருடன் ஆலோசிக்க வேண்டும். தற்போது சந்தையில் நீரிழிவு நோயாளிக்காகச் சிறப்புக் காலணிகள் ஏராளமாக விற்கப்படுகின்றன.

சிறப்பு காலணிகளை வாங்குவதற்கும் இப்போது பரிந்துரைக்கப்படுகிறது. இந்த வகையான காலணிகளைத் தயாரிப்பதற்காகப் பயன்படுத்தப்படும் பொருட்கள் பாதங்களைப் பாதுகாக்கும் வகையிலும், நமது உயரத்துக்கு ஏற்பவும் உள்ளன.

நீரிழிவு நோயாளிகள் தங்கள் பாதங்களில் பிரச்சினைகள் உள்ளனவா? என்பதைக் கண்காணிக்க வேண்டும். பாதங்களில் காயங்கள் ஏற்படாமல் இருக்கப் போதுமான முன்னெச்சரிக்கை நடவடிக்கைகளை மேற்கொள்ள வேண்டும். பாதங்களில் உணர்வுகள் குறைவது, பாத வடிவத்தில் மாற்றம், கால்களில் ஏற்படும் புண்கள் அல்லது ஆறாத புண்கள் தென்பட்டால் உடனடியாக மருத்துவரை அணுக வேண்டும்.

நீரழிவு தற்போது எங்கும் வியாபித்திருக்கும் ஒரு நோயாக உள்ளது. எனவே விழிப்புடன் இருந்து முன்னெச்சரிக்கை நடவடிக்கையில் ஈடுபடுவதன் மூலம் அதன் வீரியத்தைக் குறைத்து நம் கால்களில் ஊனம் ஏற்படாமல் பார்த்துக் கொள்வது மிகவும் அவசியம். கால்களில் எந்தப் பிரச்சினை இல்லாவிட்டாலும்கூட மருத்துவரையோ அல்லது பாத நோய்களைக் குணப்படுத்தும் நிபுணரையோ சந்தித்து வழக்கமான பரிசோதனைகளை மேற்கொள்ள வேண்டும்.

ராஜஸ்தான் மாநிலம், ஜெய்ப்பூரில் இருந்து தௌசாவுக்கு ஆம்புலன்ஸில் மூட்டை மூட்டைகளாக காலணிகளை வைத்து ஏற்றிச் செல்லும் சம்பவம் அதிர்ச்சியை ஏற்படுத்தி உள்ளது. இதன் வீடியோ சமூக வலைத்தளத்தில் வைரலானதை அடுத்து, தௌசா அரசு மருத்துவமனையின் ஆம்புலன்ஸ் ஓட்டுநர் பணியில் இருந்து நீக்கம் செய்யப்பட்டுள்ளார்.

இதுகுறித்து, தௌசா அரசு மருத்துவமனையின் முதன்மை மருத்துவ அதிகாரி டாக்டர் ஷிவ்ராம் மீனா கூறியதாவது:-

ஒரு தன்னார்வ தொண்டு நிறுவனத்தால் நியமிக்கப்பட்ட ஆம்புலன்ஸ் டிரைவர் பணியில் இருந்து நீக்கம் செய்யப்பட்டார். அதே நேரத்தில் இதுதொடர்பாக விசாரிக்க ஆய்வு குழு ஒன்றும் அமைக்கப்பட்டுள்ளது. குழு அதன் அறிக்கையை சமர்ப்பித்த பிறகு நடவடிக்கை எடுக்கப்படும்.

தேவைப்பட்டால், குற்றம்சாட்டப்பட்டவர்கள் மீது தொடர்புடைய பிரிவுகளின் கீழ் வழக்குப் பதிவு செய்யப்படும். இது ஒரு பயங்கரமான விஷயம். ஆம்புலன்ஸில் காலணிகளை ஏற்றிச் சென்ற சம்பவம் இன்று காலை என் கவனத்திற்குக் கொண்டு வரப்பட்டது. இது குறித்து உரிய விசாரணை நடத்தப்படும் என்று உறுதியளிக்கிறேன்.

இவ்வாறு அவர் கூறினார்.

கோடை வெயில் முடிந்து, பருவ மழை ஆரம்பித்திருக்கிறது. வெயில் காலத்தைப் போலவே, மழைக்காலத்திலும் சரும பராமரிப்பு, சரியான உடைகளை தேர்ந்தெடுப்பது போன்றவற்றில் கவனம் செலுத்துவது முக்கியம். குறிப்பாக மழைக்காலத்திற்கு ஏற்ற காலணிகளை அணிவதில் கவனம் செலுத்த வேண்டும். காலணிகள் தேர்ந்தெடுப்பு மற்றும் பராமரிப்பு குறித்து இந்தக் கட்டுரையில் தெரிந்துகொள்வோம்.

 மழைக்காலத்தில் காலணிகளை உலர்வாக வைத்திருப்பது முக்கியம். ஈரமான காலணிகளை அப்படியே அணியக் கூடாது. வெளியில் போய் வந்த பிறகு காலணிகளுக்குள் இருக்கும் நீரை வடிய வைத்து, உலர வைக்க வேண்டும். வாய்ப்பில்லாதவர்கள் காலணிகளை உலர வைக்க ஹேர் டிரையரை உபயோகிக்கலாம்.

 ஈரப்பதத்தை உலர வைக்கத் தவறினால் பாதத்திலும், விரல்களின் இடுக்குகளிலும் பூஞ்சைத் தொற்றுகள், சேற்றுப்புண் பாதிப்புகள் வரக்கூடும்.

 ஈரமான காலணிகளில் இருந்து துர்நாற்றம் வராமல் இருக்க சிலிக்கா ஜெல், கற்பூரம், நாப்தலின் உருண்டைகள் போன்றவற்றை போட்டு வைக்கலாம். இவை ஈரப்பதத்தை உறிஞ்சுவது மட்டுமில்லாமல், காலணிகளில் இருந்து துர்நாற்றத்தை நீக்கவும் வழி செய்யும்.

 மழைக்காலத்தில், பாதங்களுக்கு சரியான அளவில் பொருந்தும் வகையில் காலணிகளை வாங்க வேண்டும். ஏனெனில் சாக்கடை நீர், மழைநீர் போன்றவை பாதங்களில் படிந்து கிருமித் தொற்றை உண்டாக்கும் வாய்ப்புகள் அதிகம். இதைத் தவிர்க்க தண்ணீர் புகாத, வாட்டர் புரூப் வகை காலணிகளைத் தேர்ந்தெடுக்க வேண்டும். இதன்மூலம் நோய்த்தொற்று, கால்களில் வெடிப்பு போன்றவை வராமல் தடுக்கலாம்.

 மழைக்காலத்தில் ஹீல்ஸ் வகை காலணிகளைத் தவிர்க்க வேண்டும். இவை எதிர்பாராமல் மழை நீரில் மாட்டிக் கொண்டால், நடக்கும்போது சிரமத்தை ஏற்படுத்தும்.

 ஷூ உபயோகிப்பவர்கள், மழை நீர் புகாத ஷூக்களை வாங்கிப் பயன்படுத்தலாம். இல்லையெனில் ஷூவுக்குள் தண்ணீர் புகாத வண்ணம் பிளாஸ்டிக் கவர்களை வாங்கி அணிந்து கொள்ளலாம்.  ரப்பர் அல்லது பிளாஸ்டிக்கால் செய்யப்பட்ட 'பிளிப் பிளாப்' வகை காலணிகள், மழைக்காலத்தில் அணிவதற்கு ஏற்றவை. இவை தண்ணீரை உறிஞ்சாமல் கால்களை உலர்வாக வைக்கும்.

 ரப்பர்-சோல்ட் செருப்புகள், மழைக்கால சாலைகளில் நடக்கும்போது நல்ல பிடிமானத்தைக் கொடுக்கும். பாசி, சகதி போன்றவை வழுக்கி விடாமல் தடுக்கும்.

 பட்டையுடன் கூடிய காலணிகள் மழைக்காலத்தில் அணிவதற்கு பொருத்தமானவை. ஈரம்படும்போது கால்களின் பிடியில் இருந்து வழுக்காமல் இருப்பதற்கு இவை உதவும்.

நெல்லை:

நெல்லையப்பர் கோவிலில் 'காந்திமதி' என்ற பெண் யானை வளர்க்கப்பட்டு வருகிறது.

நெல்லையப்பர் கோவிலின் ஆனித்திருவிழா உள்பட பல்வேறு திருவிழாக்களில் சுவாமி வீதிஉலாவின் போது காந்திமதி யானை முன் செல்வதோடு பக்தர்களுக்கு ஆசியும் வழங்கி வருகிறது.

இந்நிலையில் 52 வயதான காந்திமதி யானை தற்போது மூட்டு வலியால் அவதிப்பட்டு வருகிறது. இதனால் சப்பர வீதி உலாவில் சேதமான சாலையில் செல்லும்போது பாதம் பாதிப்படைகிறது.

இதனையறிந்த சிவனடியார்கள் யானையின் மூட்டு வலியை குறைக்கவும், பாதத்தை பாதுகாக்கவும் எண்ணினர். இதைத்தொடர்ந்து யானையின் கால்களில் பொருத்துவதற்காக பிரத்யேகமாக தயார் செய்யப்பட்ட காலணிகளை பாகனிடம் ஒப்படைத்தனர்.

இதுதொடர்பாக யானை பாகன் கூறும்போது, இந்த காலணிகள் யானையின் கால்களில் பொருத்தி பயிற்சி அளிக்கப்படும். அதன் பிறகு திருவிழாக்களில் சுவாமி சப்பர வீதி உலாவின்போது யானைக்கு காலணிகள் பொருத்தப்படும் என்றார்.

அதிக வேலைப்பாடுகள் இல்லாத, எளிமையான வகையில் இருக்க வேண்டும். வியர்க்க வைக்கும் இறுக்கமான காலணிகளை அணியும்போது, அது பாதங்களை உறுத்தி புண்கள் ஏற்படுத்த வாய்ப்புள்ளது.

வெப்பம் அதிகமாக இருக்கும் கோடை காலத்தில், பாதங்களில் உள்ள சருமம் வியர்வை, வறட்சி காரணமாக பாதிப்பு அடையும். இந்த சமயத்தில் பொருத்தமில்லாத காலணிகளை அணியும்போது, அவை மேலும் பாதங்களுக்கு பாதிப்பை ஏற்படுத்தும். எனவே கோடையில் காலணிகளை கவனமாக தேர்வு செய்ய வேண்டும். அதற்கான சில யோசனைகள் இதோ:

இறுக்கமாக காலணிகள் அணியும் போது கால்களில் வீக்கம் ஏற்படலாம். காலின் பெருவிரலுக்கு இடையில் காற்றோட்டம் கிடைக்கும் வகையில், காலணிகளைப் பொருத்தமாகத் தேர்வு செய்ய வேண்டும். கோடையில், அணியும் காலணிகள் வழக்கமாக அணிவதை விட, அளவில் சற்று பெரியதாக இருக்க வேண்டும்.

அதிக வேலைப்பாடுகள் இல்லாத, எளிமையான வகையில் இருக்க வேண்டும். வியர்க்க வைக்கும் இறுக்கமான காலணிகளை அணியும்போது, அது பாதங்களை உறுத்தி புண்கள் ஏற்படுத்த வாய்ப்புள்ளது. எனவே, தட்டையான காலணிகளைத் தவிர்த்து, மெத்தென்று இருக்கும் வகையிலான மென்மையான காலணியையே தேர்வு செய்ய வேண்டும்.

தோல் சுவாசிக்க அனுமதிக்கும் வகையிலும், இயற்கை வெப்ப பரிமாற்றத்திற்கு ஏற்ற வகையிலும், காற்றோட்டமான காலணிகளைத் தேர்வு செய்வதும் கட்டாயம். தூய்மையான மெல்லிய தோலால் செய்யப்பட்ட காலணிகளை மருத்துவர்கள் பரிந்துரைக்கின்றனர்.

நாம் எந்த வகையான காலணிகளை அணிந்தாலும், அன்றைய நாள் முடிவில், கால்களுக்குச் சிறிது நேரம் மசாஜ் தேவை. பருவ நிலைக்கேற்ப குளிர்ந்த நீரிலோ அல்லது வெது வெதுப்பான நீரிலோ கால்களை சிறிது நேரம் வைத்திருந்த பின், லேசாக மசாஜ் செய்யலாம்.

சில வகை காலணிகள்:

கிளாடியேட்டர்கள்:

இது பெண்களுக்கு மிகவும் பொருந்தக்கூடிய கோடைக்கேற்ற காலணி. அந்தக் காலத்தில், போரின் போது கிரேக்க மற்றும் ரோமானியர்கள் அணிந்திருந்த காலணி போன்றதாகும். இந்தக் காலணி, கீழ்ப் பகுதி தட்டையாகவும், உள்ளங்கால் முதல் மேல் பகுதி வரை அகலமான குறுக்குப் பட்டைகளுடனும் இருக்கும். இது அணிவதற்கு மிகவும் வசதியானது. வெளியூர் பயணத்தில் நீண்ட தூரம் நடக்கவும் ஏற்றது.

பிளிப்-பிளாப்ஸ்:

இவை முன்பக்கத்திலிருந்து தொடங்கி பக்கவாட்டில் முடிவடையும் வரை, ஆங்கில எழுத்து 'ஒய்' வடிவில் பட்டைகளைக் கொண்டிருக்கும். இறுக்கமாக இல்லாததால், பெண்களின் தினசரி பயன்பாட்டிற்கு ஏற்றதாகவும், பாதங்களை உறுத்தாமலும் இருக்கும்.

ஸ்டைஸ்லைடர்கள்:

கடந்த சில ஆண்டுகளாக பெண்களிடம் பிரபலமாக இருக்கும் காலணி இது. இவை, பின்பக்கம் உயரம் குறைவாகவும், கால்களை மறைக்காமல் திறந்தபடி இருக்கும் வகையிலான காலணிகள்.