நீங்கள் தேடியது "நாகப்பாம்பு"

உத்தரபிரதேசத்தின் ஈர நிலங்களில் புதிய வகை நாகப்பாம்பு இனம் வனவிலங்கு ஆர்வலர்கள் மற்றும் ஆராய்ச்சியாளர்களின் கண்டுபிடிப்பில் அடையாளம் காணப்பட்டுள்ளது.

அல்பினோ ஸ்பெக்டாக்கிள்ட் கோப்ரா என்று பெயரிடப்பட்ட இந்த பாம்பு வெள்ளை மற்றும் இளஞ்சிவப்பு நிற உடலாலும், சிவப்பு நிற கண்களையும் கொண்டுள்ளது. அதன் அரிய தோற்றம் கவனத்தை ஈர்க்கிறது.

சுற்றுச்சூழல், வனம் மற்றும் காலநிலை மாற்ற அமைச்சகத்தின் கீழ் செயல்படும் பிரயாக்ராஜில் உள்ள இந்திய வனவியல் ஆராய்ச்சி கல்வி பயிற்சி மற்றும் சூழலியல் மறுசீரமைப்பு மையத்தின் ஆராய்ச்சி மாணவர் ராகுல் நிஷாத் இதனை கண்டுபிடித்துள்ளார்.

அவரது கண்டுபிடிப்புகள் சர்வதேச இதழான "ரெப்டைல்ஸ் அண்ட் அம்பிபியன்ஸ்" இல் ஆவணப்படுத்தப்பட்டுள்ளன.

இந்த நாகப்பாம்புகளில் உள்ள அல்பினிசத்தின் மரபணு நிகழ்வுகளை வெளிச்சம் போட்டுக் காட்டுகிறது. அங்கு இயற்கை நிற நிறமியான மெலனின் இல்லை.

பிரயாக்ராஜை பூர்வீகமாகக் கொண்ட ராகுல் நிஷாத் டேராடூனில் உள்ள டூன் பல்கலைக்கழகத்தில் வனவியல் படிப்பை தொடர்ந்தார், மேலும் பிரயாக்ராஜின் நைனியில் உள்ள ஷுவாட்ஸ் பல்கலைக்கழகத்தில் முதுகலை பட்டம் பெற்றார்.

இதுதொடர்பாக ராகுல் நிஷாத் கூறுகையில்,

இந்த கண்டுபிடிப்பு பல்லுயிர் பற்றிய புரிதலை விரிவுபடுத்தியது மட்டுமல்லாமல் ஈரநிலங்களின் சுற்றுச்சூழல் ஆரோக்கியத்தையும் அடிக்கோடிட்டு காட்டுகிறது.

நாகப்பாம்புகள் விருப்பமான இரையில் கரையான்கள் மற்றும் தவளைகள் உள்ளடங்குவதாகக் குறிப்பிட்டார். இது பெரும்பாலும் ஈரநிலங்கள் மற்றும் சமவெளிகள் போன்ற இரைகள் நிறைந்த பகுதிகளில் வாழ்கிறது.

அல்பினோ ஸ்பெக்டாக்கிள்ட் கோப்ராவின் கண்டுபிடிப்பு, நாட்டில் வனவிலங்கு ஆராய்ச்சி மற்றும் பாதுகாப்பு முயற்சிகளின் தற்போதைய முக்கியத்துவத்தை எடுத்துக்காட்டுகிறது.

சமூக வலைதளங்களில் நாள்தோறும் புதுப்புது வீடியோக்கள் பதிவிடப்பட்டாலும் விலங்குகள் தொடர்பான வீடியோக்கள் பயனர்களை அதிகம் கவரும். குறிப்பாக பாம்புகள் பற்றிய வீடியோக்களுக்கு பார்வையாளர்கள் அதிகம் உள்ளனர்.

இந்நிலையில் தென் ஆப்ரிக்காவில் கோல்ப் மைதானத்தில் ஒரு ராட்சத நாகப்பாம்பு படமெடுத்து ஆடிய வீடியோ சமூக வலைதளங்களில் வைரலாகி வருகிறது. தொழிலதிபரும், கோல்ப் வீரருமான எலிதா பீட்சே தனது இன்ஸ்டாகிராமில் அந்த வீடியோவை பகிர்ந்துள்ளார்.

அதில், புதரில் இருந்து வெளிவரும் ராட்சத நாகப்பாம்பு மைதானத்தில் படமெடுத்து ஆடுவதையும், அங்கிருந்த பெண் வீரர்கள் டீ பாக்சை குறிவைப்பதையும் காட்டுகிறது. வீடியோவை பார்த்த பயனர்கள் பலரும் தங்களது கருத்துக்களை பதிவிட்டு வருகின்றனர்.

ஆம்பூர்:

மாதனூர் அடுத்த கீழ்முருங்கை ஊராட்சியில் ஸ்ரீ சுயம்பு பிரம்மபுரீஸ்வரர் சிவன் கோவில் உள்ளது. இந்த சிவன் கோவிலில் மூலவர் மற்றும் நந்தி மீது நுமார் 5 அடி நீளம் உள்ள நாகப்பாம்பு பின்னி, பிணைந்து படம் எடுத்து ஆடியது.

இதனைப் பார்த்த கிராம மக்கள் மற்றும் கோவில் பூசாரி பாம்பிற்கு கற்பூர தீபாரணை காட்டி சிறப்பு பூஜை செய்து வழிபட்டனர்.

இந்த நிகழ்வு குறித்த தகவல் சுற்றுவட்டார கிராமங்களில் காட்டு தீ போல் பரவியது. ஏராளமான பக்தர்கள் இந்த கோவிலில் நடந்த அதிசய நிகழ்வை வந்து பார்வையிட்டு சாம தரிசனம் செய்தனர்.

வயல்வெளிகள், தோட்டம், பூங்காக்களில் காற்றுக்காக ஆசைப்பட்டு சிலர் தூங்குவதை பார்க்க முடியும். அது சில நேரங்களில் ஆபத்தாகவும் மாறிவிடும் என்பதை உணர்த்தும் வகையில் ஒரு வீடியோ இணையத்தில் வைரலாகி வருகிறது.

பார்ப்பவர்களின் இதயத்தை உறைய வைக்கும் வகையிலான அந்த வீடியோவில் திக்திக் காட்சிகள் உள்ளன. அதாவது வயல்வெளி ஒன்றில் இளைஞர் ஒருவர் தூங்கி உள்ளார். அவருக்கு தெரியாமல் நைசாக ஒரு நாகப்பாம்பு அவரது சட்டைக்குள் புகுந்துள்ளது. பின்னர் திடுக்கிட்டு விழித்த அவர் அதிர்ச்சியில் உரைந்து போய் உள்ளார். சத்தம் போட்டால் பாம்பு கொத்தி விடும் என்ற பயத்தால் அவரால் எதுவும் செய்ய முடியாத நிலையில் அக்கம் பக்கத்தினர் அதை பார்த்து அவரது சட்டை பட்டன் ஒவ்வொன்றாக கழற்றுகின்றனர். அப்போது பதைபதைப்புடன் காணப்படும் அந்த வாலிபரின் சட்டையில் இருந்து நாகப்பாம்பு நைசாக வெளியே இறங்கி செல்கிறது. இந்த காட்சிகள் வைரலாகி வருகிறது.

கவுண்டம்பாளையம்,

கோவை மாநகர் மற்றும் புறநகர் பகுதிகளில் கடந்த 10 நாட்களுக்கும் மேலாக மாலை நேரங்களில் கன மழை பெய்து வருகிறது.

இந்நிலையில் கோவை குறிச்சி சக்தி நகர் பகுதியில் மிகவும் அரிதாக பார்க்கப்படும் வெள்ளை நிறமுடைய சுமார் 5 அடி நீளம் கொண்ட நாகப்பாம்பு மழை வெள்ளத்தில் எங்கிருந்தோ அடித்து வரப்பட்டுள்ளது.

இதனைப் பார்த்த அப்பகுதி மக்கள் வனவிலங்கு மற்றும் இயற்கை பாதுகாப்பு அறக்கட்டளை அமைப்பினருக்கு தகவல் தெரிவித்துள்ளனர். இதனையடுத்து அங்கு வந்த வன ஆர்வலர்கள் பாம்பை பத்திரமாக மீட்டு மாங்கரை வனப்பகுதிக்குள் பத்திரமாக விடுவித்தனர்.

வெள்ளை நிறத்தில் காணப்படும் அந்த பாம்பை வெள்ளை நாகம் என பொதுமக்கள் பலரும் கூறிய நிலையில் வன ஆர்வலர் அது மரபணு பிரச்சனையால் தோல் நிறமி குறைபாடு காரணமாக இவ்வாறு தோற்றமளிப்பதாக தெரிவித்துள்ளனர். மேலும் இது போன்று தோல் நிறமி குறைபாடுடன் காணப்படும் வெள்ளை நாகபாம்புகள் மிகவும் அரிதானது எனவும் தெரிவிக்கின்றனர்.

வடவள்ளி:

கோவை தொண்டாமுத்தூர் அடுத்துள்ளது தென்னமநல்லூர்.

இந்த பகுதியில் உள்ள காந்தி காலனியில் பட்டத்தரசியம்மன் கோவில் உள்ளது. இந்த கோவில் 50 ஆண்டுகள் பழமை வாய்ந்த கோவில் ஆகும். இந்த கோவிலுக்கு தினமும் சுற்றுவட்டார பகுதியை சேர்ந்த மக்கள் சாமி தரிசனம் செய்ய வருவார்கள்.

நேற்று செவ்வாய்க்கிழமை என்பதால், காலை முதலே மக்கள் கோவிலுக்கு வந்த வண்ணம் இருந்தன. அவர்கள் கோவிலில் சாமி தரிசனம் செய்தனர்.

அப்போது கோவிலுக்கு எதிரே உள்ள மழைநீர் வடிகால் கான்கிரீட் மீது 5 அடி நீளம் கொண்ட நாகப்பாம்பு வந்தது.

அந்த பாம்பு வெகு நேரமாக அங்கிருந்து செல்லாமல் அங்கேயே படம் எடுத்து ஆடியது. அந்த இடத்தை விட்டு நகராமல் வெகுநேரமாக அங்கேயே நின்றிருந்தது.

இந்த நிலையில் கோவிலின் எதிரே நாகப்பாம்பு படம் எடுத்து நிற்கும் தகவல் அந்த பகுதியில் வேகமாக பரவியது. இதையடுத்து அப்பகுதி பெண்கள் அங்கு கூடினர்.

பாம்பிற்கு மஞ்சள், குங்குமம் தூவி, பால் ஊற்றி முட்டையும் வைத்தனர். மேலும் கற்பூரம் ஏற்றி பெண்கள் வழிபட்டனர்.

இதற்கிடையே ஒருவர் வனத்துறையினருக்கு தகவல் தெரிவித்தார். பகல் 12 மணிக்கு சம்பவ இடத்திற்கு வந்த போளுவாம்பட்டி வனசரக ஊழியர்கள், நாகப்பாம்பை பத்திரமாக மீட்டு, முள்ளங்காடு வனப்பகுதியில் விடுவித்தனர். கோவில் முன்பு நாகப்பாம்பு சுமார் 7 மணி நேரமாக ஒரே இடத்தில் படமெடுத்து நின்ற சம்பவம் அப்பகுதியில் பரபரப்பை ஏற்படுத்தியது.

தொண்டாமுத்தூர் பகுதியில் கோவில் முன்பு படமெடுத்து ஆடிய நாகப்பாம்புக்கு பொதுமக்கள் பால் ஊற்றி வழிபட்டனர்.

கடலூர்:

காட்டுமன்னார்கோவில் பேரூராட்சி பகுதிக்குட்பட்ட வாத்தியார் தெருவில் குடியிருப்பு பகுதியில் 3 அடி நீளம் நாகப்பாம்பு புகுந்ததுஇதனை பார்த்த பொதுமக்கள் கூச்சலிட்டு தீயணைப்பு துறையினருக்கு தகவல் கொடுத்தனர். தகவல் அறிந்த தீயணைப்பு துறையினர் கொளஞ்சிநாதன் தலைமையிலான குழுவினர் அந்த வீட்டிற்கு சென்று பாம்பை மீட்டு அடர்ந்த காட்டுப் பகுதியில் விட்டனர்.