நீங்கள் தேடியது "Vishwa Hindu Parishad"

புதுச்சேரி:

விஸ்வ இந்து பரிஷத்தில் இணைத்துக்கொள்ள பொதுமக்களுக்கு அகில இந்திய விஸ்வ இந்து பரிஷத்தின் பொதுச்செயலாளர் மிலிந்த் பரண்டே வேண்டுகோள் விடுத்துள்ளார்.

அதன்படி நாடு முழுவதும் விஸ்வ இந்து பரிஷத் சார்பில் ஆதரவாளர்கள் சேர்க்கை நடைபெற்று வருகிறது. நாட்டில் ஒரு கோடிக்கும் அதிகமான இந்துக்களை இணைக்க இலக்கு நிர்ணயிக்கப்பட்டுள்ளது.

புதுவையில் 8 ஆயிரம் பேர் இணைக்க திட்டமிடப்பட்டுள்ளது. இதன் தொடக்க விழா புதுவை ஈஸ்வன் கோவில் அருகே நடைபெற்றது. நிகழ்ச்சிக்கு நகர மாவட்ட தலைவர் சத்தியமூர்த்தி தலைமை தாங்கினார். புதுவை மாநில தலைவர் ரவிக்குமார் மற்றும் மாநில செயலாளர் ரவிவர்மன் ஆகியோர் முன்னிலை வகித்தனர். மாநில மேலிட பொறுப்பாளர் வேல்முருகன் கலந்து கொண்டு உறுப்பினர் சேர்க்கையை தொடங்கி வைத்தார்.

நிகழ்ச்சியில் துணைத்தலைவர் இளங்கோ, இணை செயலாளர் தினகரன், பொருளாளர் கோவிந்தன், பஜ்ரங்தள் பொறுப்பாளர் சதீஷ், சம்பர்க் பிரமுகர் கார்த்திக்ராஜா, துர்கா வாகினி பொறுப்பாளர் சரஸ்வதி, இணை பொறுப்பா ளர் கோமலவள்ளி, மத மாற்ற தடுப்பு பிரிவு பொறுப்பாளர் சக்தி, கோரக்‌ஷா பொறுப்பாளர் சரவணக்குமார், புனித யாத்திரைகள் பொறுப்பாளர் ஜவகர் உள்பட மாவட்ட நிர்வாகிகள் கலந்து கொண்டனர்.

தென்காசி:

தென்காசி காசி விஸ்வநாதர் கோவில் முன்பு விஸ்வ ஹிந்து பரிஷத் சார்பில் உறுப்பினர் சேர்க்கை நடத்தப்பட்டதாக கூறப்படுகிறது. இதில் தென் பாரத அமைப்பு செயலாளர் ஸ்ரீ கேசவராஜ் என்பவர் சிறப்பு அழைப்பாளராக கலந்து கொண்டு தென்காசி பகுதியைச் சேர்ந்த விஷ்வ ஹிந்து பரிஷத் நிர்வாகிகளுடன் உறுப்பினர் சேர்க்கை நடத்த முற்பட்டுள்ளார்.

இது குறித்து தகவல் அறிந்த தென்காசி போலீசார், எவ்வித அனுமதியும் பெறாமல் கோவில் முன்பு உறுப்பினர் சேர்க்கை நடத்தியதால் அவர்களுடன் திடீர் வாக்குவாதம் ஏற்பட்டது. பின்பு போலீசார் ஸ்ரீ கேசவராஜ் உட்பட விஸ்வ ஹிந்து பரிசத் நிர்வாகிகள் 13 பேர் மீது வழக்குப்பதிவு செய்தனர்.

ஸ்ரீவில்லிபுத்தூர்

ஸ்ரீவில்லிபுத்தூர் தெற்கு ரத வீதியில் விஸ்வ இந்து பரிசத் சார்பில் ஆர்ப்பாட்டம் நடைபெற்றது. மாவட்ட தலைவர் வெங்கிடசாமி தலைமை வகித்தார். திருக்கோவில்கள் திருமடங்கள் பாதுகாப்பு பேரவை தென் பாரத அமைப்பாளர் பாலு சரவண கார்த்திக் பேசினார். இதில் ஜல்லிக்கட்டு மற்றும் கோவில் யானை உள்ளிட்ட விவகாரங்களில் தொடர்ந்து இந்து கலாச்சாரத்தை அளிக்கும் முயற்சியில் ஈடுபடும் பீட்டா அமைப்பை மத்திய, மாநில அரசுகள் தடை செய்ய வேண்டும் என வலியுறுத்தி கோசங்களை எழுப்பினர். பா.ஜ.க. மாவட்ட இளைஞரணி தலைவர் ஜெயகணேஷ், விஎச்பி ஒன்றிய தலைவர் கிருஷ்ண மூர்த்தி, நகர தலைவர் அருண், பா.ஜ.க. மாவட்ட துணை தலைவர்‌ சரவண துரை‌ உள்ளிட்டோர் கலந்து கொண்டனர்.

திருச்சி ஸ்ரீரங்கத்தை சேர்ந்த விஷ்வ இந்து பரிஷத்தின் மாநில இணைச்செயலாளர் பரத் மதுரை ஐகோர்ட்டில் மனுத்தாக்கல் செய்திருந்தார். அதில் கூறப்பட்டுள்ளதாவது: விஷ்வ இந்து பரிஷத் அமைப்பின் சார்பில் நாடு முழுவதும் ஏராளமான பேரணிகள், கூட்டங்கள், கலந்தாய்வுகள் நடத்தப்பட்டு வருகின்றன.

அதன்படி வாகனத்தில் முருகன் சிலையை வைத்து, விஷ்வ இந்து பரிஷத் அமைப்பின் உறுப்பினர்கள் மற்றும் பூசாரிகள் சிலரோடு யாத்திரையை நடத்த முடிவு செய்யப்பட்டுள்ளது. ஜனவரி 1 ந் தேதி, திருச்சி மலைக்கோட்டை பகுதியில் இந்த யாத்திரையை தொடங்கி சமயபுரம், சுவாமிமலை, திருத்துறைப்பூண்டி, ராமநாதபுரம், திருமங்கலம், பொள்ளாச்சி, திண்டுக்கல் வழியாக மீண்டும் திருச்சி விராலிமலையில் 17-ந் தேதி யாத்திரையை முடிக்கும் வகையில் திட்டமிடப்பட்டுள்ளது.

இதற்காக அனுமதி கோரி அனைத்து மாவட்ட கலெக்டர் மற்றும் அதிகாரிகளிடம் மனு அளித்தும் இதுவரை எந்தவித பதிலும் வழங்கப்படஅனுமதி கோரி அனைத்து மாவட்ட கலெக்டர் மற்றும் அதிகாரிகளிடம் மனு அளித்தும் இதுவரை எந்தவித பதிலும் வழங்கப்படவில்லை. எனவே ஜனவரி 1 முதல் 17-ந் தேதி வரை விஷ்வ இந்து பரிஷத் அமைப்பின் சார்பில் தமிழகத்தில் பல்வேறு பகுதிகளில் நடத்தப்படும் யாத்திரைக்கு அனுமதி வழங்கி உத்தரவிட வேண்டும். இவ்வாறு அதில் கூறப்பட்டுள்ளது.

இந்த வழக்கு இன்று விசாரணைக்கு வந்தது. வழக்கை விசாரித்த நீதிபதி ஜி.ஆர்.சுவாமிநாதன், இந்த வழக்கு தனக்கு வழங்கப்பட்ட வழக்குகளை விசாரிக்கும் அதிகாரத்திற்குள் இல்லை என்று கூறி வேறு நீதிபதிக்கு மாற்ற உத்தர விட்டார்.

சென்னை:

ஆர்.எஸ்.எஸ். அமைப்பின் துணை அமைப்புகளாக சேவாபாரதி, ஏ.பி.வி.பி, தர்மரக்ஷண சமிதி, விசுவ இந்துபரிசத் என 200 அமைப்புகள் உள்ளன.

இந்த அமைப்புகளில் இருப்பவர்கள் அனைவரும் ஒன்று கூடுவது மற்றும் குடும்பத்தினர், உறவினர்கள், நண்பர்களை கூட்டி வரும் நிகழ்ச்சி 'கூடுவோம், கூட்டுவோம்' என்ற தலைப்பில் நாடு முழுவதும் ஆண்டுதோறும் கடைபிடிக்கப்படுகிறது.

இந்த ஆண்டின் நிகழ்ச்சி நாளை மறுநாள் (1-ந்தேதி) நாடு முழுவதும் ஒரே நேரத்தில் நடக்கிறது.

தமிழ்நாட்டிலும் வார்டுகள் அளவில் நடத்துகிறார்கள். அந்த வார்டுகளில் இருக்கும் எந்தெந்த அமைப்புகளை சேர்ந்தவர்கள் இருக்கிறார்களோ அவர்கள் அனைவரும் குடும்பத்துடன் கலந்து கொள்ள வேண்டும்.

அவ்வாறு கலந்து கொள்ளும் இந்த கூட்டத்தில் 5 செயல்கள் பற்றி பேசுகிறார்கள். போதை ஒழிப்பு- ஒரு தனி மனிதனாக என்ன செய்ய முடியும் என்ற எண்ணத்தை கைவிட்டு தானும் தன் குடும்பத்தை சேர்ந்தவர்களும் போதை பழக்கத்துக்கு ஆளாகாமல் பார்த்து கொள்ள வேண்டும்.

குடும்பங்களில் ஒற்றுமையை உருவாக்குதல்-குடும்ப உறுப்பினர்கள் அனைவரும் ஒரு நாளைக்கு ஒரு முறையாவது வீட்டில் ஒன்றாக அமர்ந்து சாப்பிடுவது, பேசுவது போன்ற பழக்கத்தை ஏற்படுத்த வேண்டும்.

சமூக நல்லிணக்கம்- நமது குடும்ப உறுப்பினர்கள் அனைவரும் சாதி, மொழி, அந்தஸ்து என்ற பேதமில்லாமல் அனைவருடனும் பழகும் சூழ்நிலையை உருவாக்க வேண்டும்.

சுற்றுசூழல் பாதுகாப்பு- வீடுகளில் தண்ணீரின் சிக்கனம், வீட்டையும் சுற்றுப்புறத்தையும் தூய்மையாக பராமரித்தல், பிளாஸ்டிக் கை தவிர்த்து துணி பை களை பயன்படுத்த பழகி கொள்தல்.

சுதேசி வாழ்வியல்-வீட்டிலும், முடிந்த இடங்களிலும் தாய்மொழியில் பேசும் பழக்கத்தை வளர்த்தல், பாரம்பரிய உடைகள் அணிவது, உள்ளூர் தயாரிப்பு பொருட்கள் வாங்குதல் ஆகியவற்றை கடைபிடிக்க வேண்டும்.

குடிமகனின் கடமைகளாக சட்டத்தை மதித்து நடப்பது. உதாரணமாக ஹெல்மெட் அணிய வேண்டும் என்பது அரசின் சட்டம். அதை கடைபிடிக்க வேண்டும்.

இப்படி எல்லாவிதமான மாற்றங்களையும் ஒவ்வொருவரும் தங்கள் குடும்பங்களில் கடைபிடிக்க வேண்டும் என்று முடிவு எடுக்கிறார்கள்.

காலை 10 மணி முதல் 12.30 மணி வரை நடை பெறும் இந்த நிகழ்ச்சிகளில் தலைவர்கள் முதல் முக்கிய நிர்வாகிகள் வரை அனைவரும் தங்கள் பகுதியில் நடக்கும் கூட்டங்களில் பங்கேற்க வேண்டும்.

திருப்பதி:

ஆந்திர மாநிலம், கிருஷ்ணா மாவட்டம், கன்னவரம் அடுத்த கேசரி பள்ளியில் விஸ்வ இந்து பரிஷத் சார்பில் பிரமாண்ட மாநில மாநாடு வருகிற ஜனவரி 5-ந் தேதி நடைபெறுகிறது.

முன்பு எப்போதும் இல்லாத வகையில் மாநாட்டில் 7 லட்சம் பேர் கலந்து கொள்ள உள்ளனர். இதற்காக ஆந்திராவில் உள்ள அனைத்து கிராமங்களிலும் பிரச்சாரம் நடந்து வருகிறது.

மாநிலம் முழுவதிலும் இருந்து பொதுமக்கள் மாநாட்டில் கலந்து கொள்வதற்காக சிறப்பு பஸ்கள் ஏற்பாடு செய்யப்பட்டு வருகின்றன. மேலும் மாநாடு நடைபெறும் இடம் அருகே உள்ள உப்பலூர் ரெயில் நிலையத்திற்கு 15 சிறப்பு ரெயில்கள் இயக்க ஏற்பாடு செய்யப்பட்டுள்ளது.

7 லட்சம் பேர் கலந்து கொள்ள உள்ளதால் மாநாட்டு மேடை மற்றும் பிரமாண்டமான பந்தல் அமைக்கும் பணி விறுவிறுப்பாக நடந்து வருகின்றன.

பணிகளை விஷ்வ ஹிந்து பரிஷத் மாநில தலைவர் துர்கா பிரசாத், அதோனி எம்.எல்.ஏ பார்த்தசாரதி, பா.ஜ.க ஒருங்கிணைப்பாளர் திலீப் ஆகியோர் பார்வையிட்டு ஆய்வு செய்தனர். 

திருப்பூர் :

தமிழ்நாடு விஸ்வ இந்து பரிஷத் பூஜாரிகள் மற்றும் பூ கட்டுவோர் பேரவை நிர்வாகிகள் ஆலோசனை கூட்டம் அனுப்பர்பாளையத்தில் நடைபெற்றது. மாவட்ட தலைவர் திருச்செல்வம் தலைமை வகித்தார்.

செயலாளர் சிவா முன்னிலை வகித்தார். மாவட்ட துணை அமைப்பாளர் வெள்ளமுத்து வரவேற்றார். மாநில இணை பொது செயலாளர் விஜயகுமார், கோட்ட அமைப்பாளர் குமரவேல் ஆகியோர் பேசினர். கூட்டத்தில் ஆகஸ்டு 14-ந்தேதி முதல், 16ந்தேதி வரை நிர்வாகிகள் அனைவரும் தனது வீட்டின் முன் தேசியக்கொடி ஏற்ற வேண்டும். கோகுலாஷ்டமி விழாவை முன்னிட்டு குழந்தைகளுக்கு விளையாட்டு போட்டிகள் நடத்துவது.விநாயகர் சதுர்த்தி விழாவையொட்டி திருப்பூரில் 75 இடங்களில் விநாயகர் சிலை பிரதிஷ்டை செய்வது, சாலை விரிவாக்கம் என்ற பெயரில்இந்து ஆலயங்களை இடிக்கும் திட்டங்களை உடனடியாக அரசு கைவிட வேண்டும்உள்ளிட்ட தீர்மானங்கள் நிறைவேற்றப்பட்டது.