மக்கள் நல இயக்கத்தினருக்கு நடிகர் விஷால் தங்க மோதிரம்-செயின் வழங்கினார்

திருவள்ளூர் மாவட்ட விஷால் மக்கள் நல இயக்கத்தின் சார்பில் சில தினங்களுக்கு முன்பு மக்கள் நல இயக்கத்தின் செயலாளர் ஹரிகிருஷ்ணன், திருவள்ளூர் மாவட்ட தலைவர் கண்ணன் ஆகியோர் தலைமையில் 11 ஏழை ஜோடிகளுக்கு விஷால் திருமணம் செய்து வைத்து 51 சீர்வரிசை பொருட்கள் வழ்ங்கினார்.

இந்த நிகழ்ச்சியை ஏற்பாடு செய்த திருவள்ளூர் மாவட்ட மக்கள் நல இயக்கத்தின் தலைவர் கண்ணனுக்கு விஷால் தங்க சங்கிலி அணிவித்தார். மக்களுக்கு நலத்திட்ட உதவிகள் வழங்கி சிறப்பாக செயல்பட்டு வரும் மக்கள் நல இயக்கத்தின் பொறுப்பாளர்கள், நிர்வாகிகளுக்கு விஷால் தொடர்ந்து பரிசுகள் வழங்கி உற்சாகப்படுத்தி வருகிறார்.

அந்த வகையில் தற்போது மிகவும் சிறப்பாக சமூக சேவை பணிகள் செய்த சென்னை மாவட்ட விஷால் மக்கள் நல இயக்க தலைவர் ராபர்ட், சென்னை மாவட்ட மக்கள் நல இளைஞர் அணி தலைவர் கருவாயன், வடசென்னை மாவட்ட மக்கள் நல இயக்கத்தின் தலைவர் சீனு, மாவட்ட செயலாளர் யுவராஜ், ராயபுரம் பகுதி தலைவர் அன்பு ஆகியோருக்கு விஷால் தங்க மோதிரம் வழங்கினார்.