நெல்லையில் மின்சாரம் தாக்கி சமையல்காரர் பலி

நெல்லை:

நெல்லை அருகே உள்ள ராமையன்பட்டியை சேர்ந்தவர் சுதன் (வயது 50). இவர் சமையல்காரராக வேலை பார்த்து வந்தார். நேற்று இவர் தச்சநல்லூரில் ஒரு வீட்டில் நடந்த நிகழ்ச்சிக்கு சமையல் செய்ய சென்றார். அங்கு கிரைண்டர் போடும் போது எதிர்பாராத விதமாக சுதன் மீது மின்சாரம் தாக்கியது.

இதில் தூக்கி வீசப்பட்டு உயிருக்கு போராடிய அவரை பாளை ஐகிரவுண்டு அரசு ஆஸ்பத்திரியில் அனுமதித்தனர். அங்கு சிகிச்சை பலன் அளிக்காமல் சுதன் பரிதாபமாக இறந்தார்.

இது குறித்து  தச்சநல்லூர் போலீசார் வழக்கு பதிவு செய்து விசாரணை நடத்தி வருகிறார்கள்.