அந்தியூரில் ரூ.1½ லட்சத்துக்கு வாழைத்தார் ஏலம்

அந்தியூர்:

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார் ஏலம் நடைபெற்றது.

இந்த ஏலத்துக்கு சென்னம்பட்டி, ஜரத்தல், எண்ணமங்கலம், ஆப்பக்கூடல், அத்தாணி பகுதிகளில் இருந்து விவசாயிகள் 1,100 வாழைத்தார்களை விவசாயிகள் விற்பனைக்கு கொண்டு வந்திருந்தார்கள்.

இதில் கதலி ஒரு கிலோ ரூ.40-க்கும், நேந்திரம் ரூ.25-க்கும், பூவன் ஒரு தார் ரூ.525-க்கும், செவ்வாழை ரூ.680-க்கும், தேன்வாழை ரூ.640-க்கும், மொந்தன் ரூ.300-க்கும், பச்சை நாடன் ரூ.380-க்கும், ரொபஸ்டா ரூ.400-க்கும் ஏலம் போனது. மொத்தம் ரூ.1½ லட்சத்துக்கு வாழைத்தார்கள் விற்பனையானது.

அந்தியூர் மற்றும் சுற்றுப்புற பகுதிகளைச்சேர்ந்த வியாபாரிகள் போட்டிப்போட்டு வாழைத்தார்களை ஏலம் எடுத்துச்சென்றனர்.