உள்ளூர் செய்திகள்
2-ம் நிலை காவலர் பணிக்கு முன்னாள் ராணுவ வீரர்கள் விண்ணப்பிக்கலாம்
- கலெக்டர் தகவல்
- 47 வயதுக்கு மேற்படாதவர்களாக இருக்க வேண்டும்
திருவண்ணாமலை:
திருவண்ணாமலை மாவட்டத்தில் உள்ள முன்னாள் ராணுவ வீரர்கள் இரவு காவலர் மற்றும் தீயணைப்பாளர் பணிக்கு விண்ணப்பி க்கலாம் என கலெக்டர் பா.முருகேஷ் தெரிவித்தார்.
இதுகுறித்து அவர் வெளியிட்டுள்ள செய்தி குறிப்பில் கூறியிருப்பதாவது:-
தமிழ்நாடு சீருடைப் பணியாளர் தேர்வாணையம் சார்பில் இரண்டாம் நிலை காவலர் (ஆயுதப்படை மற்றும் சிறப்பு காவல்படை) இரண்டாம் சிலை சிறை காவலர், தீயணைப்பாளர் பணிகளுக்கான பொதுத்தேர்வு நடைபெற உள்ளது.
ஜூலை மாதம் 1-ந் தேதி வரை 47 வயதுக்கு மேற்படாத தகுதியும் விருப்பமும் உள்ள முன்னாள் படைவீரர்கள் செப்டம்பர் மாதம் 17-ந் தேதிக்குள் www.tnusrb.tn.gov.in என்ற இணையதள முகவரியில் விண்ணப்பிக்கலாம்.
இவ்வாறு அவர் தெரிவித்துள்ளார்.