2 அடி நீளம் கொண்ட அதிசய பீன்ஸ்

புதுப்பாளையம்:

செங்கம் சுற்றுவட்ட பகுதிகளில் முழுக்க முழுக்க விவசாய பணிகளில் பொதுமக்கள் அதிக அளவில் ஈடுபட்டு வருகின்றனர்.

செங்கம் சுற்றுவட்ட பகுதிகளில் இருந்து கீரை வகைகள், தக்காளி, பீட்ரூட், முருங்கைக்காய், அவரை, பீர்கங்காய், பீன்ஸ் உள்ளிட்ட காய்கறிகள் விவசாயிகள் பயிர் செய்து வருகின்றனர்.

இந்நிலையில் இன்று காலை விவசாயி ஒருவர் தனது விளை நிலத்திலிருந்து விற்பனைக்காக நகருக்கு பீன்ஸ் கொண்டு வந்தார். அவர் கொண்டு வந்திருந்த பீன்ஸ் சுமார் 2 அடிக்கு மேல் நீளம் இருந்தது.

சுமார் மூன்று கிலோ அளவிற்கு விவசாயி கொண்டு வந்திருந்த பீன்ஸ் ஒவ்வொன்றும் 2 அடி நீளம் இருந்தது. இந்த நீள மான பீன்சை காய்கறி வாங்க வந்த பொதுமக்கள் வியப்புடன் பார்த்து வாங்கி சென்றனர்.