உதயநிதி ஸ்டாலினை சந்தித்த விஜய் வசந்த்

நடந்து முடிந்த பாராளுமன்ற தேர்தலில் தி.மு.க. தலைமையிலான கூட்டணியில் காங்கிரஸ் சார்பில் கன்னியாகுமரி பாராளுமன்ற தொகுதியில் போட்டியிட்ட விஜய் வசந்த் வெற்றி அடைந்தார். தேர்தலில் வெற்றி பெற்றதை அடுத்து தலைவர்களை சந்தித்து விஜய் வசந்த் வாழ்த்து பெற்று வருகிறார்.

அந்த வகையில், அமைச்சர்கள் உதயநிதி ஸ்டாலின் மற்றும் அன்பில் மகேஷ் பொய்யாமொழி ஆகியோரை சந்தித்து விஜய் வசந்த் வாழ்த்து பெற்றார்.

மேலும் தேர்தல் பிரசாரத்திற்காக குமரிக்கு வருகை தந்து எழுச்சிமிகு பிரசாரம் செய்ததற்கு அமைச்சர் உதயநிதி ஸ்டாலினுக்கு, விஜய் வசந்த் தனது நன்றியினை தெரிவித்துக்கொண்டார்.