தமிழ்நாடு (Tamil Nadu)
தமிழ்நாட்டில் அக்டோபர் 1 முதல் இன்றுவரை 84% கூடுதலாக பருவமழை பெய்துள்ளது
- சென்னையில் தொடர்ச்சியாக கனமழை பெய்து வருகிறது.
- தமிழ்நாடு மற்றும் புதுவையில் அக்டோபர் 1 ஆம் தேதி முதல் இன்று வரை 123.7 மி மீ மழை பெய்துள்ளது.
தமிழகத்தில் வடகிழக்கு பருவமழை இன்று தொடங்கியது.
இதனையொட்டி தமிழகத்தில் பல மாவட்டங்களில் கனமழை பெய்து வருகிறது. சென்னையில் தொடர்ச்சியாக பெய்து வரும் கனமழையால் பல இடங்களில் மழைநீர் தேங்கியுள்ளது .
இந்நிலையில் அக்டோபர் 1 ஆம் தேதி முதல் இன்று வரை தமிழகத்தில் வழக்கத்தை விட 84% அதிகமாக மழை பெய்துள்ளதாக சென்னை வானிலை மையம் அறிவித்துள்ளது.
தமிழ்நாடு மற்றும் புதுவையில் அக்டோபர் 1 ஆம் தேதி முதல் இன்று வரை 123.7 மி மீ மழை பெய்துள்ளது. இந்த காலகட்டத்தில் வழக்கமாக 67.3 மி மீ மழை தான் பெய்யும் என்று சென்னை வானிலை மையம் தெரிவித்துள்ளது.