டெல்லி

புதுடெல்லி:

சத்தீஸ்கர் மாநிலம் கவர்தா பகுதியில் பைகா பழங்குடியின மக்கள் வசித்து வருகின்றனர். இந்தியா சுதந்திரம் அடைந்து 78 ஆண்டு கடந்துள்ள நிலையில், பைகா பழங்குடியின மக்கள் தங்களது கிராமங்களில் இன்றுவரை அடிப்படை வசதிகள் இல்லாமல் வாழ்ந்து வருகின்றனர்.

இந்நிலையில், குடியரசு தினத்தை முன்னிட்டு தலைநகர் டெல்லியில் நடைபெறும் விழாவில் பங்கேற்பதற்காக சத்தீஸ்கரில் உள்ள பைகா பழங்குடியினத்தைச் சேர்ந்த 3 குடும்பங்களுக்கு ஜனாதிபதி திரவுபதி முர்மு அழைப்பு விடுத்துள்ளார். இதனால் அவர்கள் மகிழ்ச்சி அடைந்துள்ளனர்.

குடியரசு தினவிழாவில் பங்கேற்கும் பைகா பழங்குடியின குடும்பத்தினர், ஜனாதிபதி திரவுபதி முர்முவுடன் உணவருந்த உள்ளனர். அதன்பின் டெல்லியில் உள்ள பிரதமர் இல்லம், பாராளுமன்றம் மற்றும் ஜனாதிபதி இல்லம் உள்ளிட்ட இடங்களை அவர்கள் பார்வையிட ஏற்பாடு செய்யப்பட்டுள்ளது.

5,300 ஆண்டுகளுக்கு முன்னாடியே உருக்கு இரும்பு தொழில்நுட்பம் தமிழ் நிலத்தில் அறிமுகம் ஆகிவிட்டது. இப்போது தமிழ்நாட்டில் மேற்கொள்ளப்பட்ட அகழாய்வுகள் மூலம், அண்மையில் கிடைக்கப்பெற்ற காலக் கணக்கீடுகள், இரும்பு அறிமுகம் ஆன காலத்தை கி.மு.4000 ஆண்டின் முதற்பகுதிக்கு கொண்டு சென்றிருக்கிறது.

தென் இந்தியாவில் குறிப்பாக தமிழ்நாட்டில் 5,300 ஆண்டுகளுக்கு முன்னால் இரும்பு அறிமுகம் ஆகி இருக்கும் என்று உறுதியாக சொல்லலாம். இதை ஆய்வின் முடிவுகளாகவே நான் அறிவிக்கிறேன் என தமிழக முதலமைச்சர் மு.க. ஸ்டாலின் இன்று அறிவித்திருந்தார்.

இந்த நிலையில் ராகுல் காந்தி வெளியிட்டுள்ள எக்ஸ் பக்க பதிவில் கூறியிருப்பதாவது:-

இந்தியாவின் வளமான பாரம்பரியம் உலகிற்கு தொடர்ந்து உத்வேகம் அளிக்கிறது. தமிழகத்தில் 5300 ஆண்டுகளுக்கு முன்பு இரும்பின் பயன்பாட்டை உறுதி செய்த சமீபத்திய தொல்பொருள் கண்டுபிடிப்புகள் இரும்பு யுகத்தில் இந்தியாவின் ஆரம்பகால முன்னேற்றங்களை காட்டுகிறது. தமிழ்நாட்டின் பங்களிப்புகள், நம் நாடு எண்ணற்ற மைல் கற்களுடன் இந்தியாவின் புதுமை, ஒற்றுமையை பிரதிபலிக்கின்றன. ஒவ்வொரு மாநிலத்திலும், சமூகத்திலும், குரலிலும் செழித்து வளரும் இந்தியாவின் உத்வேகத்தை கொண்டாடுவோம்.

இவ்வாறு ராகுல் காந்தி தெரிவித்துள்ளார்.

முன்னதாக,

இந்தியத் துணை கண்ட வரலாற்றின் கண்ணோட்டத்தை மாற்றி அமைக்கும் 'இரும்பின் தொன்மை' எனும் நூலை முதலமைச்சர் மு.க.ஸ்டாலின் விழாவில் வெளியிட்டார். அதை அமைச்சர் தங்கம் தென்னரசு பெற்றுக் கொண்டார். விழாவில் முதலமைச்சர் மு.க.ஸ்டாலின் கூறியதாவது:-

தமிழர்களுடைய தொன்மையை உலகத்துக்கு சொல்கிற ஒரு மாபெரும் ஆய்வுப் பிரகடனத்தை இப்போது நான் அறிவிக்கிறேன். தமிழ் நிலப்பரப்பில் இருந்துதான் இரும்பின் காலம் தொடங்கி இருக்கிறது. இந்திய நாட்டுக்கு மட்டுமல்ல, உலகுக்கே மறுபடியும் சொல்கிறேன்.

தமிழ் நிலப்பரப்பில் இருந்துதான் இரும்பின் காலம் தொடங்கியது என்ற மாபெரும் மானுடவியல் ஆய்வு பிரகடனத்தை இந்த நிகழ்ச்சியின் வாயிலாக அறிவிக்கிறேன்.

5,300 ஆண்டுகளுக்கு முன்னாடியே உருக்கு இரும்பு தொழில்நுட்பம் தமிழ் நிலத்தில் அறிமுகம் ஆகிவிட்டது. இப்போது தமிழ்நாட்டில் மேற்கொள்ளப்பட்ட அகழாய்வுகள் மூலம், அண்மையில் கிடைக்கப்பெற்ற காலக் கணக்கீடுகள், இரும்பு அறிமுகம் ஆன காலத்தை கி.மு.4000 ஆண்டின் முதற்பகுதிக்கு கொண்டு சென்றிருக்கிறது.

தென் இந்தியாவில் குறிப்பாக தமிழ்நாட்டில் 5,300 ஆண்டுகளுக்கு முன்னால் இரும்பு அறிமுகம் ஆகி இருக்கும் என்று உறுதியாக சொல்லலாம். இதை ஆய்வின் முடிவுகளாகவே நான் அறிவிக்கிறேன்.

தமிழ்நாடு அரசு தொல்லியல் துறையால் மேற்கொள்ளப்பட்ட அகழாய்வில் சேகரிக்கப்பட்ட மாதிரிகள் உலகத்தோட தலைசிறந்த ஆய்வகங்களுக்கு அனுப்பி வைக்கப்பட்டது. புனே நகரில் உள்ள பீர்பால்சகானி தொல் அறிவியல் நிறுவனம், அகமதாபாத் நகரில் உள்ள இயற்பியல் ஆராய்ச்சி ஆய்வகம் ஆகிய தேசிய அளவில் புகழ்பெற்ற ஆய்வு நிறுவனங்களுக்கும், பன்னாட்டு அளவில் உயரிய நிறுவனமான அமெரிக்க நாட்டின் புளோரிடா மாநிலத்தில் உள்ள பீட்டா ஆய்வகத்துக்கும் மாதிரிகள் பகுப்பாய்வுக்கு அனுப்பி வைக்கப்பட்டது.

தேசிய நிறுனங்களில் ஓ.எஸ்.எல். பகுப்பாய்வுக்கும், பீட்டா ஆய்வகத்தில் கதிரியக்க கால பகுப்பாய்வுக்கும் ஒரே தாழியில் இருந்து மாதிரிகளை அனுப்பி வைத்தோம். இப்படியான 3 நிறுவனங்களில் இருந்தும் ஒரே மாதிரியான பகுப்பாய்வு முடிவுகள் பெறப்பட்டுள்ளது.

தமிழ்நாடு அரசு தொல்லியல் துறை, பல்வேறு ஆய்வு நிறுவனங்களுக்கு மாதிரிகளை அனுப்பி, தரப்பட்ட முடிவுகளை கூர்ந்து, பகுப்பாய்வு செய்ததில் ஒரே மாதிரியான முடிவுகள் கிடைக்கிறது.

இப்போது கிடைத்துள்ள கதிரியக்க காலக் கணக்கீடுகள் மற்றும் ஓ.எஸ்.எல். பகுப்பாய்வு அடிப்படையில் கி.மு.3,345-ல் தென்னிந்தியாவில் இரும்பு அறிமுகம் ஆகிவிட்டது என்பது தெரிய வருகிறது. (அதற்கான ஆய்வு முடிவுகள் காண்பித்தார்).

இந்த பகுப்பாய்வு முடிவுகள், வெளிநாடுகள் மற்றும் இந்தியாவில் இருக்கும் தொல்லியல் அறிஞர்களுக்கு அனுப்பி வைக்கப்பட்டது. அவர்கள் எல்லோரும் இரும்பின் தோற்றத்தையும் பண்டைய தொழில் நுட்பத்தைப் பற்றியும் ஆய்வு செய்துவரும் அறிஞர்கள். அந்த அறிஞர்கள் எல்லோரும் இந்த அவையில் கூடியிருக்கிறார்கள். இவர்கள் எல்லோரும் ஒருசேர தமிழ்நாடு அரசையும், தமிழ்நாடு அரசு தொல்லியல் துறையின் ஆய்வு முன்னெடுப்புகளையும் வெகுவாக பாராட்டியிருக்கிறார்கள்.

இவை எல்லாவற்றையும் தொகுத்துதான் 'இரும்பின் தொன்மை' என்ற நூல் வெளியிடப்பட்டிருக்கிறது.

அகழாய்வு செய்யப்பட்ட இடங்களில் இருக்கும் இரும்புப் பொருட்களின் உலோகவியல் பகுப்பாய்வும், இரும்புத்தாது இருக்கும் தொல்லியல் தளங்களில் எதிர்காலத்தில் மேற்கொள்ளவுள்ள அகழாய்வுகளும் இந்தக் கண்டுபிடிப்புகளுக்கு மேலும் வலுசேர்க்கும்.

இருந்தாலும், அண்மைக்கால அகழாய்வு முடிவுகள் வாயிலாக தமிழ்நாட்டில் மட்டுமல்ல, இந்திய அளவில் மட்டுமல்ல, உலகளவில் இரும்புத் தாதுவிலிருந்து, இரும்பை பிரித்து எடுக்கும் தொழில் நுட்பம் தமிழ் நிலப்பரப்பில் அறிமுகப்படுத்தப்பட்டிருக்கிறது என்று பெருமிதத்தோடு கூறுவோம்.

அதாவது, 5300 ஆண்டுகளுக்கு முன்பு தமிழ் நிலப்பரப்பில் இரும்பு அறிமுகப்படுத்தப்பட்டு இருப்பதை அறிவியல் அடிப்படையில் நிறுவியிருக்கிறோம் என்று மட்டற்ற மகிழ்ச்சியுடன் உலகுக்கு நான் அறிவிக்கிறேன். இது தமிழுக்கும், தமிழினத்துக்கும், தமிழ்நாட்டுக்கும், தமிழ் நிலத்துக்கும் பெருமை!

இந்தியாவின் வரலாறு இனி தமிழ் நிலத்தில் இருந்துதான் எழுதப்பட வேண்டும் என்று நான் தொடர்ந்து சொல்லிக் கொண்டு வருகிறேன். அதை மெய்ப்பிக்கும் ஆய்வுகளை தமிழ்நாடு தொல்லியல் துறை தொடர்ச்சியாக செய்து வருகிறது. இந்த ஆய்வுகள், பல்வேறு திருப்புமுனைகளையும் உருவாக்கி வருகிறது.

இதற்கு முன்பு, தமிழ்நாட்டில் இரும்பின் அறிமுகம் 4 ஆயிரத்து 200 ஆண்டுகளுக்கு முன்பே இருந்ததை கிருஷ்ணகிரி மாவட்டம் மயிலாடும்பாறை அகழாய்வு மூலம் தமிழ்நாடு சட்டமன்றத்தில் நான் உலகுக்கு அறிவித்திருக்கிறேன்.

இத்தகைய அகழாய்வு முடிவுகள் தமிழ்நாட்டு வரலாற்றுக்கு மட்டுமல்லாமல் இந்தியத் துணைக்கண்ட வரலாற்றுக்கே முக்கிய திருப்புமுனையாக திகழ்ந்து வருகிறது.

இந்தப் பெருமையை நம்முடைய குழந்தைகளிடம் நாம் எடுத்துச் சொல்ல வேண்டும். இப்படிப்பட்ட பெருமைமிக்க தமிழ்ச் சமூகம், உலகுக்கே வழிகாட்டும் அறிவார்ந்த சமூகமாக வளரவேண்டும் என்று எதிர்காலத்துக்கான திசையை காட்டவேண்டும்! பழம்பெருமையை பேசுவது என்பது புது சாதனைகள் படைக்க ஊக்கமாக அமைய வேண்டும்.

இவ்வாறு அவர் கூறியுள்ளார்.

நிகழ்ச்சியில் அமைச்சர்கள் துரைமுருகன், தங்கம் தென்னரசு, எ.வ.வேலு, மா.சுப்பிரமணியன், பி.கே.சேகர்பாபு, ராஜேந்திரன் சக்கரபாணி, தலைமை செயலாளர் முருகானந்தம், முதன்மை செயலாளர்கள் உதயசந்திரன், சந்திரமோகன், கேம்பிரிட்ஜ் பல்கலைக் கழக பேராசிரியர் திலீப் குமார் சக்ரவர்த்தி, இந்திய தொல்லியல் துறை முன்னாள் தலைமை இயக்குனர் ராகேஷ் திவாரி, தொல்லியல் துறை கல்வியல் ஆய்வு ஆலோசகர் ராஜன் ஆகியோர் கலந்து கொண்டனர்.

டெல்லி மாநில சட்டசபை தேர்தல் பிப்ரவரி 5-ந்தேதி நடைபெற இருக்கிறது. மனுத்தாக்கல் முடிவடைந்த நிலையில் தேர்தல் பிரசாரம் சூடுபிடித்துள்ளது. ஆம் ஆத்மி, பாஜக, காங்கிரஸ் இடையே மும்முனை போட்டி நிலவுகிறது. அரவிந்த் கெஜ்ரிவால் சூறாவளி பிரசாரம் மேற்கொண்டு வருகிறார். காங்கிரஸ் மற்றும் பாஜக தேசிய தலைவர்கள் தற்போது தேர்தல் பிரசாரத்தில் ஈடுபட்டு வருகிறார்கள்.

கெஜ்ரிவால் பல்வேறு இலவச அறிவிப்புகளை வெளியிட்டு வருகிறார். அதேபோல் காங்கிரஸ் மற்றும் பாஜக கட்சிகளும் இலவச அறிவிப்புகளை அள்ளி வீசியுள்ளன.

இந்த நிலையில் அடுத்த ஐந்து ஆண்டுகளில் வேலையின்மையை ஒழிப்பதுதான் எங்களுடைய முதன்மையான முன்னுரிமை என ஆம் ஆத்மி கட்சியின் தேசிய ஒருங்கிணைப்பாளர் கெஜ்ரிவால் தெரிவித்திருந்தார்.

இதற்கு பா.ஜ.க. செய்தி தொடர்பாளர் ஷேசாத் பூனவல்லா பதில் அளித்துள்ளார். இது தொடர்பாக அவர் கூறியதாவது:-

ஆட்சி அமைத்து 11 வருடங்களுக்குப் பிறகு வேலை வாய்ப்புக்கு முன்னுரிமை என்பதை அரவிந்த் கெஜ்ரிவால் உணர்கிறார். கடந்த 11 ஆண்டுகளாக ஏதும் செய்யவில்லை என்பதை அவர் ஒப்புக் கொண்டுள்ளார். 12 லட்சம் வேலை வாய்ப்புகளை வழங்குவதாக ஆம் ஆத்மி வாக்குறுதி அளித்திருந்தது. ஆனால், 7 வருடங்களில் 3,200 வேலை வாய்ப்புகள் மட்டுமே வழங்கப்பட்டுள்ளதாக ஆர்.டி.ஐ. மூலம் தெரியவந்துள்ளது.

இவ்வாறு ஷேசாத் பூனவல்லா தெரிவித்துள்ளார்.

டெல்லி மாநில சட்டசபை தேர்தல் பிப்ரவரி 5-ந்தேதி நடைபெற இருக்கிறது. மனுத்தாக்கல் முடிவடைந்த நிலையில் தேர்தல் பிரசாரம் சூடுபிடித்துள்ளது. ஆம் ஆத்மி, பாஜக, காங்கிரஸ் இடையே மும்முனை போட்டி நிலவுகிறது. அரவிந்த் கெஜ்ரிவால் சூறாவளி பிரசாரம் மேற்கொண்டு வருகிறார். காங்கிரஸ் மற்றும் பாஜக தேசிய தலைவர்கள் தற்போது தேர்தல் பிரசாரத்தில் ஈடுபட்டு வருகிறார்கள்.

காங்கிரஸ் கட்சியின் முன்னாள் தலைவரும், எம்.பி.யுமான ராகுல் காந்தி நேற்று சதார் பஜார் தொகுதியில் நடைபெற இருந்த பொதுக்கூட்டத்தில் பேச இருந்தார். உடல்நிலை சரியில்லாத காரணத்தினால் கடைசி நேரத்தில் பிரசாரம் செய்ய வர முடியாது என்பதை தெரிவித்து, அவர் பேசக்கூடிய தகவல்களை கட்சி தலைவர் மூலம் தெரிவிக்க வைத்தார்.

இந்த நிலையில் இன்று பேஸ்புக் சமூக இணைய தளத்தில் வீடியோ ஒன்றை வெளியிட்டுள்ளார். அதில் கூறியிருப்பதாவது:-

மோசமான கட்டுமானம், பணவீக்கம், வேலையின்மை, மாசு, ஊழல் கொண்ட டெல்லியாக உள்ளது. டெல்லி ஷீலா தீட்ஷித்தின் அதே உண்மையான வளர்ச்சி மாடலை தற்போது விரும்புகிறது. பிரதமர் மோடி மற்றும் கெஜ்ரிவாலின் பொய் பிரசாரம் மற்றும் பி.ஆர். மாடலை விரும்பவில்லை.

இவ்வாறு ராகுல் காந்தி அந்த வீடியோவில் தெரிவித்துள்ளார்.

முன்னதாக பிரதமர் மோடிக்கும், அரவிந்த் கெஜ்ரிவாலுக்கும் வித்தியாசம் இல்லை. அவர்கள் பிற்படுத்தப்பட்டோர், தலித்கள், பழங்குடியினர், சிறுபான்மையினர் அவர்களுடைய உரிமைகளை பெறுவதை இருவரும் விரும்பவில்லை என்று குற்றம்சாட்டியிருந்தார் என்பது குறிப்பிடத்தக்கது.

புதுடெல்லி:

தமிழ்நாடு சட்டமன்றத்தில் நிறைவேற்றப்பட்ட பல்வேறு மசோதாக்களுக்கு ஒப்புதல் அளிக்க கவர்னருக்கு உத்தரவிட வேண்டும், பல்கலைக்கழக துணை வேந்தர்களை நியமனத்தில் கவர்னரின் குறுக்கீடு உள்ளது என்று கோரி தமிழ்நாடு அரசு சுப்ரீம் கோர்ட்டில் வழக்கு தொடர்ந்து உள்ளது.

இந்த வழக்கை சுப்ரீம் கோர்ட்டு நீதிபதிகள் ஜே.பி.பார்திவாலா, ஆர். மகாதேவன் ஆகியோர் அடங்கிய அமர்வு விசாரித்து வருகிறது. கடந்த 17-ந்தேதி நடந்த விசாரணையின்போது, தமிழ்நாட்டில் துணைவேந்தர்கள் நியமனத்தில் நிலவும் முட்டுக்கட்டை அடுத்த விசாரணைக்குள் தீர்ந்துவிட்டால் நல்லது. இல்லையென்றால் தீர்த்து வைக்கப்படும் எனத் தெரிவித்ததுடன், விசாரணையை ஜனவரி 22-ந்தேதிக்கு தள்ளி வைத்தது.

நேற்று இந்த வழக்கு விசாரணைக்கு பட்டியலிடப்பட்ட நிலையில், தமிழ்நாடு அரசின் சார்பில் மூத்த வக்கீல்கள் முகுல் ரோத்தகி, அபிஷேக் மனு சிங்வி, பி.வில்சன் ஆகியோர் ஆஜராகி, இந்த வழக்கை முன்னுரிமை அளித்து பட்டிலிடுமாறு முறையிட்டனர்.

இதையடுத்து, இந்த வழக்கின் விசாரணையை அடுத்த மாதம் (பிப்ரவரி) 4-ந்தேதிக்கு ஒத்தி வைத்ததுடன், அன்றைய தினம் இறுதி விசாரணை நடைபெறும் என்றும் சுப்ரீம் கோர்ட்டு உத்தரவிட்டது.

புதுடெல்லி:

பிரதமர் மோடி தலைமையில் மத்திய மந்திரி சபை கூட்டம் நேற்று நடைபெற்றது. இந்த கூட்டத்தில் தேசிய சுகாதார திட்டத்தின் பணிகள் பற்றி விவாதிக்கப்பட்டன. இந்த திட்டத்தின் சாதனைகள் மந்திரிசபைக்கு தெரிவிக்கப்பட்டது.

அதன்படி, 5 வயதுக்கு உட்பட்ட குழந்தைகளின் இறப்பு வீதம் உலக அளவில் நோக்கும்போது இந்தியாவில் 60 சதவீதம் குறைந்திருப்பதை தெரிவித்தனர். 2015-ம் ஆண்டு ஒரு லட்சம் மக்களுக்கு 237 பேராக இருந்த காசநோய் வீதம் 2023-ம் ஆண்டு 195 ஆக குறைந்ததும் தெரிவிக்கப்பட்டது. காசநோய் இறப்பு வீதமும் 28 சதவீதத்தில் இருந்து 22 சதவீதம் குறைந்ததையும் தெரிவித்தனர்.

இதைத்தொடர்ந்து இந்த திட்டத்தை மேலும் 5 ஆண்டுகளுக்கு தொடர மந்திரிசபை ஒப்புதல் அளித்தது.

இதைப்போல பிரதமர் தலைமையிலான பொருளாதார விவகாரங்களுக்கான மந்திரிசபை கூட்டமும் நடந்தது. இதில் சணல் உற்பத்தி மற்றும் சணல் விவசாயிகளுக்கான குறைந்தபட்ச ஆதரவு விலை போன்றவை பற்றி விவாதிக்கப்பட்டது.

இந்த கூட்டங்களில் எடுக்கப்பட்ட முடிவுகள் பற்றி பின்னர் மத்திய தொழில் மற்றும் வர்த்தகத்துறை மந்திரி பியூஷ் கோயல் நிருபர்களுக்கு பேட்டி அளித்தார். அப்போது அவர் கூறியதாவது:-

தேசிய சுகாதார திட்டம் கடந்த 10 ஆண்டுகளில் வரலாற்று இலக்குகளை எட்டிள்ளது. 2021 மற்றும் 2022-ம் ஆண்டுகளுக்கு இடையே 12 லட்சம் சுகாதார பணியாளர்கள் தேசிய சுகாதார திட்டத்தில் இணைந்துள்ளனர். மேலும் இந்தியா இந்த திட்டத்தின் கீழ் கொரோனா தொற்றை மிக திறமையாக எதிர்த்து போராடியது.

சிறப்பு வாய்ந்த இந்த திட்டத்தை மேலும் 5 ஆண்டுகளுக்கு தொடர மந்திரிசபை ஒப்புதல் அளித்து இருக்கிறது.

இதைப்போல பொருளாதார விவகாரங்களுக்கான மந்திரிசபையின் நிதிக்குழு 2025-26-ம் ஆண்டு சந்தை பருவத்துக்கு சணலுக்கான குறைந்தபட்ச ஆதரவு விலைக்கு ஒப்புதல் அளித்து உள்ளது.

அதன்படி குறைந்தபட்ச ஆதரவு விலை குவிண்டாலுக்கு ரூ.5,650 ஆக அறிவிக்கப்பட்டு இருக்கிறது. இது கடந்த ஆண்டைவிட குவிண்டாலுக்கு ரூ.315 அல்லது 6 சதவீதம் அதிகம் ஆகும். இதன்மூலம் உற்பத்திச்செலவில் 66.8 சதவீதம் விவசாயிகளுக்கு திரும்ப கிடைக்கும்.

2014-ம் ஆண்டு குவிண்டாலுக்கு ரூ.2,400 மட்டுமே வழங்கப்பட்டது. 2004-2005-ம் ஆண்டு முதல் 2013-2014 வரை ரூ.441 கோடி குறைந்தபட்ச ஆதரவு விலை வழங்கப்பட்ட நிலையில், 2014-2015-ம் ஆண்டு முதல் 2024-2025-ம் ஆண்டுவரை ரூ.1,300 கோடி வழங்கப்பட்டு உள்ளது.

நாட்டில் 40 சதவீதம் விவசாயிகள் நேரடியாகவோ அல்லது மறைமுகமாகவோ சணல் தொழிலை நம்பி உள்ளனர். சணல் ஆலைகளில் 4 லட்சம் தொழிலாளர்கள் நேரடி வேலைவாய்ப்பை பெற்றுள்ளனர்.

இவ்வாறு அவர் கூறினார்.

புதுடெல்லி:

டெல்லி சட்டசபைக்கான தேர்தல் பிப்ரவரி 5-ம் தேதி நடைபெற உள்ளது. பிப்ரவரி 8-ம் தேதி வாக்கு எண்ணிக்கை நடைபெற்று முடிவுகள் அறிவிக்கப்படும்.

இந்த தேர்தலில் ஆளும் ஆம் ஆத்மி, காங்கிரஸ் மற்றும் பா.ஜ.க. என 3 முக்கிய கட்சிகள் மும்முனைப் போட்டியை ஏற்படுத்தியுள்ளன.

சட்டசபை தேர்தலை முன்னிட்டு அரசியல் கட்சிகள் தீவிர பிரசாரத்தில் ஈடுபட்டு வருகின்றன.

டெல்லியில் தற்போது ஆட்சி செய்து வரும் ஆம் ஆத்மி, இந்த முறையும் வெற்றி பெற்று ஹாட்ரிக் சாதனை படைக்கும் முனைப்பில் உள்ளது.

இந்நிலையில், கிழக்கு டெல்லியின் விஷ்வாஸ் நகர் சட்டசபை தொகுதியில் ஆம் ஆத்மி சார்பில் பிரசாரக் கூட்டம் நடந்தது. இதில் பங்கேற்ற அக்கட்சியின் தேசிய செய்தி தொடர்பாளர் மீனாட்சி சர்மா கூறியதாவது:

பா.ஜ.க.வில் உள்ள எந்தத் தலைவரும் அடிமட்ட அளவில் வேலை பார்க்கவில்லை. பா.ஜ.க.வில் உட்கட்சி பூசலால் முதல் மந்திரி வேட்பாளராக யாரும் அறிவிக்கப்படவில்லை. பா.ஜ.க.வின் தேர்தல் பிரசாரம் ஆனது ஒரு மாப்பிள்ளை இல்லாமல் திருமண ஊர்வலம் போவது போன்றது. ஆம் ஆத்மி கட்சியின் தேர்தல் அறிக்கையை பா.ஜ.க. நகலெடுத்துள்ளது என குற்றம்சாட்டினார்.

புதுடெல்லி:

உத்தர பிரதேச மாநிலம் லக்னோவில் இருந்து புறப்பட்ட புஷ்பக் எக்ஸ்பிரஸ் ரெயில் மும்பை நோக்கி சென்று கொண்டிருந்தது.

மகாராஷ்டிர மாநிலம் ஜல்கான் மாவட்டத்தில் உள்ள பட்னேரா ரெயில் நிலையம் அருகே ரெயில் நேற்று மாலை வந்தபோது, பி4 ஏசி பெட்டியின் சக்கரங்களில் இருந்து தீப்பொறி பறந்தது. உடனடியாக அங்கிருந்த பயணி ஒருவர் அபாய சங்கிலியைப் பிடித்து இழுத்து ரெயிலை நிறுத்தியதாகக் கூறப்படுகிறது.

ரெயிலில் தீ விபத்து ஏற்பட்டதாக பரவிய வதந்தியால் அந்த ரெயிலில் இருந்து மற்ற பயணிகள் அவசர அவசரமாக இறங்கினர். அவர்கள் அருகே இருந்த தண்டவாளத்தில் உடமைகளுடன் நின்றிருந்த நிலையில், எதிர்திசையில் அதிவேகமாக வந்த பெங்களூரு எக்ஸ்பிரஸ் தண்டவாளத்தில் இருந்தவர்கள் மீது மோதியது. இதில் 8 பேர் சம்பவ இடத்தியே உடல் துண்டாகியும், தூக்கி வீசப்பட்டும் பலியானதாக முதல் கட்ட தகவல் வெளியானது.

இந்நிலையில், ஜல்கான் ரெயில் விபத்தில் பலியானோர் எண்ணிக்கை 12 ஆக அதிகரித்துள்ளது.

புஷ்பக் எக்ஸ்பிரஸ் ரெயிலில் உள்ள 'ஹாட் ஆக்சில்' அல்லது 'பிரேக்-பைண்டிங்' (ஜாமிங்) காரணமாக தீப்பொறிகள் ஏற்பட்டதாக முதல் கட்ட விசாரணையில் தெரிய வந்துள்ளது.

ரெயில் விபத்தில் பலியானோர் குடும்பத்தினருக்கு பிரதமர் மோடி, உள்துறை மந்திரி அமித் ஷா, ரெயில்வே மந்திரி அஸ்வினி வைஷ்ணவ், மகாராஷ்டிர முதல் மந்திரி தேவேந்திர பட்னாவிஸ், உத்தர பிரதேச முதல் மந்திரி யோகி ஆதித்யநாத் உள்பட பலர் இரங்கல் தெரிவித்துள்ளனர்.

இதுதொடர்பாக பிரதமர் அலுவலகம் வெளியிட்டுள்ள இரங்கல் செய்தியில், மகாராஷ்டிர மாநிலம் ஜல்கானில் ரெயில் தண்டவாளத்தில் நடந்த பயங்கர விபத்தால் வேதனை அடைந்தேன். பலியானோரை இழந்து வாடும் குடும்பத்தினருக்கு ஆழ்ந்த இரங்கலைத் தெரிவித்துக் கொள்வதுடன், காயமடைந்த அனைவரும் விரைவில் குணமடைய பிரார்த்திக்கிறேன். பாதிக்கப்பட்ட மக்களுக்கு தேவையான அனைத்து உதவிகளையும் அதிகாரிகள் செய்து வருகின்றனர் என தெரிவித்தார்.

இதனிடையே உயிரிழந்தவர்களுக்கு ரூ. 5 லட்சம் இழப்பீடு வழங்குவதாக மராட்டிய முதல்-மந்திரி தேவேந்திர பட்னாவிஸ் அறிவித்துள்ளார்.

புதுடெல்லி:

பாராளுமன்ற பட்ஜெட் கூட்டத்தொடர் ஜனாதிபதி உரையுடன் வரும் 31-ம் தேதி தொடங்குகிறது. இதைத்தொடர்ந்து, பிப்ரவரி 1-ம் தேதி 2025-26-ம் ஆண்டுக்கான மத்திய பட்ஜெட்டை நிதி மந்திரி நிர்மலா சீதாராமன் தாக்கல் செய்கிறார். இது நிர்மலா சீதாராமன் தாக்கல் செய்யும் 8-வது பட்ஜெட் ஆகும்.

மத்திய அரசு ஊழியர்களுக்கு 8-வது ஊதியக்குழு ஊதிய உயர்வு உள்ளிட்டவை இந்த பட்ஜெட்டில் இடம் பெறுகிறது. இதனால் மத்திய பட்ஜெட்டில் புதிய மாற்றங்கள் ஏற்படலாம் என்ற பெரும் எதிர்பார்ப்பு ஏற்பட்டுள்ளது.

இந்நிலையில், மத்திய பட்ஜெட்டில் ஆண்டுக்கு 10 லட்சம் ரூபாய் வரை வருமானம் ஈட்டுபவர்களுக்கு எந்த வரியும் இல்லை என்ற அறிவிப்பு வெளியிடப்பட இருப்பதாக பிசினஸ் ஸ்டாண்டர்ட் செய்தி வெளியிட்டுள்ளது.

அத்துடன், 15 லட்சம் ரூபாய் முதல் 20 லட்சம் ரூபாய் வரையிலான வருமானம் கொண்டவர்களுக்காக 25 சதவீதம் வரி என புதிய வரி விகிதம் கொண்டு வரப்பட வாய்ப்புள்ளதாக தெரிவித்துள்ளனர்.

கர்நாடகா மாநிலம் ஹாவேரி மாவட்டம் குமுதா என்ற பகுதியில் கோவில் திருவிழா நடந்து வருகிறது. இதற்காக தார்வார் பகுதியில் இருந்து ஒரு லாரியில் காய்கறிகளை ஏற்றிக் கொண்டு 25 வியாபாரிகள் அதில் பயணித்தனர். இந்த லாரி இன்று அதிகாலை யல்லாப்பூர் தாலுகா பகுதியில் உள்ள அர்பைல் காட் என்ற பகுதியில் சென்றபோது திடீரென கட்டுப்பாட்டை இழந்து லாரி சாலையோரம் இருந்த பள்ளத்தில் கவிழ்ந்து விபத்தானது.

இந்த விபத்தில் லாரியில் பயணம் செய்த 10 காய்கறி வியாபாரிகள் சம்பவ இடத்திலேயே உடல் நசுங்கி பலியானார்கள். மற்ற வியாபாரிகள் படுகாயத்துடன் உயிருக்கு போராடினர். லாரியின் அடியில் சிக்கி கொண்டதால் அவர்கள் உயிர் பிழைக்க அலறினர்.

இதுப்பற்றி தெரியவந்ததும் அந்த பகுதியை சேர்ந்த பொதுமக்கள் மற்றும் வாகன ஓட்டிகள் இடிபாடுகளில் சிக்கியவர்களை மீட்கும் பணியில் ஈடுபட்டனர். மேலும் இது குறித்து யல்லாபூர் போலீசாருக்கும் தகவல் கொடுத்தனர். போலீசார் மற்றும் தீயணைப்பு துறையினரும் சம்பவ இடத்துக்கு விரைந்து வந்து மீட்பு பணியில் ஈடுபட்டனர்.

இதில் விபத்தில் பலியான 10 பேரின் உடல்களையும் போலீசார் போராடி மீட்டனர். பின்னர் படுகாயத்துடன் போராடிய 15 பேரை மீட்டு சிகிச்சைக்காக அங்குள்ள அரசு மற்றும் தனியார் ஆஸ்பத்திரிக்கு அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

இந்த நிலையில் உயிரிழந்தவர்களை பிரிந்து வாடும் குடும்பத்தினருக்கு பிரதமர் மோடி ஆழ்ந்த இரங்கல் தெரிவித்துள்ளார். மேலும் நிவாரணம் அறிவித்துள்ளார்.

இது தொடர்பாக பிரதமர் மோடி தனது எக்ஸ் பக்கத்தில் வெளியிட்டுள்ள செய்தியில் கூறியிருப்பதாவது:-

கர்நாடக மாநிலத்தில் நடைபெற்ற விபத்தில் 10 பேர் பலியான சம்பவம் மிகுந்த கவலை அளிக்கிறது. அவர்களை இழந்து வாடும் குடும்பத்தினருக்கு தனது இரங்கலை தெரிவித்துக் கொள்கிறேன். காயம் அடைந்தவர்கள் விரைவில் குணமடைய பிரார்த்திக்கிறேன். உள்ளூர் அரசு அதிகாரிகள் பாதிப்படைந்தவர்களுக்கு உதவிபுரிந்து வருகிறார்கள்.

உயிரிழந்தவர்களின் குடும்பத்தினருக்கு PMNRF-ல் இருந்து 2 லட்சம் ரூபாய் நிவாரணம் வழங்கப்படும். காயம் அடைந்தவர்களுக்கு சிகிச்சை உதவிக்காக 50 ஆயிரம் ரூபாய் வழங்கப்படும்.

இவ்வாறு பிரதமர் மோடி தெரிவித்துள்ளார்.

டெல்லி சட்டசபை தேர்தல் அடுத்த மாதம் 5-ந்தேதி நடைபெற இருக்கிறது. ஆம் ஆத்மி, பாஜக, காங்கிரஸ் இடையே மும்முனை போட்டி நிலவுகிறது. இருந்தாலும் ஆம் ஆத்மி- பாஜக இடையே கடும் போட்டி நிலவி வருகிறது. மூன்று கட்சிகளும் பல்வேறு வாக்குறுதிகளை அளித்துள்ளன. ஆம் ஆத்மி, பாஜக-வினர் ஒருவருக்கொருவர் மாறிமாறி குற்றம் சாட்டி வருகின்றனர்.

இந்த நிலையில் பிரதமர் மோடி இன்று பாஜகவின் பூத் அளவிலான தொண்டர்களுடன் உரையாடினார். அப்போது பிரதமர் மோடி கூறியதாவது-

டெல்லியில் இலவச சுகாதாரத்திற்கான ஆயுஷ்மான் பாரத் திட்டத்தை செயல்படுத்த Aapda-விடம் (ஆம் ஆத்மி) கோரிக்கை வைத்திருந்தோம். அவர்கள் திட்டத்தை செயல்படுத்த விரும்பவில்லை. இந்த திட்டத்தால் ஏராளமான பலன் கிடைக்கும் என்பதை டெல்லி மக்களிடம் சொல்லிக் கொள்ள விரும்புகிறேன்.

நடுத்தர வர்க்கத்தினர் இந்திய பொருளாதாரத்தின் முதுகெலும்பு என பாஜக கருதுகிறது. நடுத்தர வர்க்கத்தினரின் விருப்பங்களைப் புரிந்துகொண்டு நாட்டில் அனைத்து நவீன வசதிகளையும் நாங்கள் செய்து வருகிறோம். ஆனால் டெல்லியில் ஆம் ஆத்மி (aapda) டெல்லி மக்களுக்கு பிரச்சனைகளை கொடுத்து வருகிறது.

இவ்வாறு பிரதமர் மோடி தெரிவித்தார்.

நடுத்தர வர்க்கத்தினர் வரி பயங்கரவாதத்தால் பாதிக்கப்பட்டுள்ளனர், அவர்கள் அரசாங்கத்தின் ஏ.டி.எம். இயந்திரமாக குறைக்கப்பட்டுள்ளனர் என்று ஆம் ஆத்மி கட்சி தலைவர் அரவிந்த் கெஜ்ரிவால் தெரிவித்தார். வருகிற பிப்ரவரி 5-ம் தேதி டெல்லியில் நடைபெறும் சட்டசபை தேர்தலுக்கு இரண்டு வாரங்களே உள்ள நிலையில், அரவிந்த் கெஜ்ரிவால் பிரசாரத்தில் தீவிரம் காட்டி வருகிறார்.

அந்த வகையில் நடுத்தர வர்க்கத்தினரை பற்றி பேசிய அரவிந்த் கெஜ்ரிவால், நடுத்தர வர்க்கத்தின் நலன்களுக்காக ஆம் ஆத்மி எம்.பி.க்கள் பாராளுமன்றத்தில் எழுப்பும் மத்திய அரசுக்கு ஏழு பட்ஜெட் கோரிக்கைகளை பட்டியலிட்டார்.

அதில், "கல்வி பட்ஜெட்டை 2% லிருந்து 10% ஆக உயர்த்த வேண்டும். தனியார் பள்ளி கட்டணங்களை உச்ச வரம்புக்குள் கொண்டுவர வேண்டும்.

உயர்கல்விக்கு மானியங்கள் மற்றும் உதவித்தொகைகள் வழங்கப்பட வேண்டும்.

சுகாதார பட்ஜெட்டை 10 சதவீதமாக அதிகரிக்க வேண்டும்.

சுகாதார காப்பீட்டிலிருந்து வரி நீக்கப்பட வேண்டும்.

வருமான வரி விலக்கு வரம்பை ரூ.7 லட்சத்திலிருந்து ரூ.10 லட்சமாக உயர்த்த வேண்டும்.

அத்தியாவசிய பொருட்களின் ஜி.எஸ்.டி. நீக்கப்பட வேண்டும்.

மூத்த குடிமக்களுக்கான வலுவான ஓய்வூதியத் திட்டங்கள்.

நாடு முழுவதும் உள்ள அனைத்து அரசு மற்றும் தனியார் மருத்துவமனைகளிலும் மூத்த குடிமக்களுக்கு இலவச மருத்துவ சேவைகள் வழங்கப்பட வேண்டும்.

ரெயில் பயணத்தில் மூத்த குடிமக்களுக்கு 50% சலுகை அளிக்கப்பட வேண்டும்" ஆகியவை இடம்பெற்றுள்ளன.

தேர்தல் வாக்குறுதிகளை தொடர்ந்து நடுத்தர வர்க்கம் குறித்து பேசிய அரவிந்த் கெஜ்ரிவால் மத்திய அரசு மீது ஏராளமான குற்றச்சாட்டுகளை முன்வைத்தார்.

இது தொடர்பாக பேசிய அவர், "சில தேர்தல் வாக்குறுதிகள் பின்தங்கிய வகுப்பினருக்காகவும், சில வாக்குறுதிகள் தொழிலதிபர்களுக்காக வழங்கப்படுகின்றன. சாதி மற்றும் மதத்தின் அடிப்படையில், பிற கட்சிகள் ஒரு வாக்கு வங்கியை உருவாக்கியுள்ளன. அவர்களுக்கு தொழிலதிபர்களிடமிருந்து நன்கொடைகள் தேவை, எனவே அவர்கள்தான் ரூபாய் நோட்டு வங்கி. இந்த வாக்கு வங்கிக்கும் ரூபாய் நோட்டு வங்கிக்கும் இடையில், ஒரு பெரிய பகுதி பிணைக்கப்பட்டுள்ளது. இது இந்தியாவின் நடுத்தர வர்க்கம்."

"அரசாங்கத்திற்கும் நடுத்தர வர்க்கத்திற்கும் இடையிலான உறவு விசித்திரமானது. அவர்கள் நடுத்தர வர்க்கத்திற்காக எதையும் செய்வதில்லை. ஆனால் அரசாங்கம் தேவைப்படும் போதெல்லாம், அவர்கள் வரி மூலம் நடுத்தர வர்க்கத்தை குறிவைக்கிறார்கள்."

"நாட்டில் நடுத்தர வர்க்கம் பெருமளவு வரி செலுத்துகிறது, ஆனால் அதற்கு ஈடாக எதையும் பெறுவதில்லை. இந்தியாவின் நடுத்தர வர்க்கம் அரசாங்கத்தின் ஏ.டி.எம்.-ஆக குறைக்கப்பட்டுள்ளது. அது வரி பயங்கரவாதத்தால் பாதிக்கப்பட்டுள்ளது."

"நடுத்தர வர்க்கத்தினர் நல்ல வேலை அல்லது வணிகத்தை விரும்புகிறார்கள். சொந்தமாக ஒரு வீட்டை விரும்புகிறார்கள், தங்கள் குழந்தைகளுக்கு தரமான கல்வியை விரும்புகிறார்கள். அவர்கள் தங்கள் குடும்பத்திற்கு ஆரோக்கியத்தையும் பாதுகாப்பையும் அளிக்க விரும்புகிறார்கள். அவர்கள் அரசாங்கத்திடம் இருந்து சிறிய உதவியை மட்டுமே எதிர்பார்க்கிறார்கள். ஆனால் அரசாங்கம் பள்ளிகள், மருத்துவமனைகளை உருவாக்கவில்லை. அது வேலைகளை உருவாக்கவில்லை, பாதுகாப்பையும் உறுதி செய்யவில்லை," என்று கூறினார்.