ஜம்மு காஷ்மீர்

ஜம்மு காஷ்மீர் மாநிலம் ஸ்ரீநகரில் பொதுவெளியில் தனது தாய் தந்தையை மகன் ஒருவர் செருப்பால் அடிக்கும் அதிர்ச்சி வீடியோ ஒன்று சமூக வலைத்தளங்களில் வைரலானது.

பெற்றோரை பொதுவெளியில் தாக்கிய மகன் மீது நடவடிக்கை எடுக்க வேண்டும் என்று இந்த வீடியோவை பகிர்ந்து நெட்டிசன்கள் கோரிக்கை வைத்தனர்.

இதனையடுத்து தாய் தாஜா பேகம் அளித்த புகாரின் பேரில் அவரது மகன் முகமது அஷ்ரப் வானி மீது போலீசார் வழக்குப்பதிவு செய்துள்ளனர்.

அந்த புகாரில், கடந்த 1 வருடமாக தனது வீட்டிற்குள் விடாமல் வெளியே துரத்தி கொடுமைப்படுத்தியதாக அவரது மகன் மீது தாஜா பேகம் குற்றம் சாட்டியுள்ளார்.

ஜம்மு-காஷ்மீர் மாநிலத்தில் மூன்று கட்டங்களாக சட்டமன்ற தேர்தல் நடைபெற இருக்கிறது. தேர்தலை சீர்குலைக்கும் வகையில் இந்தியா- பாகிஸ்தான் எல்லை வழியாக பயங்கரவாதிகள் இந்தியாவுக்குள் நுழைந்து சதி வேலையில் ஈடுபட திட்டமிடுவதை இந்திய பாதுகாப்புப்படை வீரர்கள் அவ்வப்போது முறியடித்து வருகின்றன.

ஜம்மு-காஷ்மீர் ரஜோரி மாவட்டம் நவ்ஷேராவில் உள்ள லாம் செக்டார் பகுதியில் பங்கரவாதிகள் ஊடுருவ இருப்பதாக வீரர்கள் கண்டுபிடித்தனர்.

அவர்களை தடுத்து நிறுத்த முயன்றபோது பாதுகாப்புப்படை வீரர்கள் மீது தாக்கல் நடத்த தொடங்கினர். அதனைத் தொடர்ந்து வீரர்களும் துப்பாக்கிச்சூடு நடத்தினர். இந்த சண்டையில் இரண்டு பயங்கரவாதிகள் கொல்லப்பட்டனர். மேலும் இரண்டு ஏ.கே. 47 உள்ளிட்ட ஆயுதங்கள் கைப்பற்றப்பட்ட. இன்று காலையும் தேடுதல் வேட்டை தொடர்கிறது என ராணுவம் தெரிவித்துள்ளது.

ஸ்ரீநகர்:

ஜம்மு காஷ்மீரில் செப்டம்பர் 18, 25 மற்றும் அக்டோபர் 1 ஆகிய தேதிகளில் சட்டசபை தேர்தல் 3 கட்டமாக நடைபெற உள்ளது. வாக்கு எண்ணிக்கை அக்டோபர் 8-ம் தேதி நடைபெறுகிறது.

அங்குள்ள ராம்பன் தொகுதியில் தேசிய மாநாடு கட்சியின் அர்ஜுன் சிங் ராஜுவுக்கு எதிராக பா.ஜ.க.வின் ராகேஷ் சிங் தாகூர் போட்டியிடுகிறார்.

இந்நிலையில், பா.ஜ.க.வின் ராகேஷ் சிங் தாகூரை ஆதரித்து மத்திய பாதுகாப்புத் துறை மந்திரி ராஜ்நாத் சிங் இன்று தேர்தல் பிரசாரத்தில் உரையாற்றினார். அப்போது அவர் பேசியதாவது:

2019 -ம் ஆண்டு முதல் ஜம்மு காஷ்மீரில் ஏற்பட்ட பாதுகாப்பு சூழ்நிலைகளால், இளைஞர்கள் கைத்துப்பாக்கிகள், ரிவால்வர்களுக்கு பதிலாக மடிக்கணினிகள் மற்றும் கணினிகளை தங்கள் கைகளில் வைத்திருக்கிறார்கள்.

தற்போது ஸ்ரீநகரில் மக்கள்மீது துப்பாக்கிச்சூடு நடத்த யாரும் துணிவதில்லை. இது தொடர்வதற்கும், ஜம்மு காஷ்மீரில் நிலையான வளர்ச்சியை ஏற்படுத்துவதற்கும் பா.ஜ.க.வை நீங்கள் ஆதரிக்க வேண்டும்.

2014-ல் நரேந்திர மோடி பிரதமராகப் பொறுப்பேற்ற பிறகு, மத்திய அரசின் செயல்திறன் குறித்து சொல்ல விரும்புகிறேன்.

பொருளாதாரத்தில் 11-வது இடத்திலிருந்த இந்தியா வேகமாக முன்னேறியது.

ஓர் அரசு சுமூகமாக இயங்குவதற்கு பிரதமர், முதல் மந்திரிகள் பதவிகளில் திறமையான, வலுவான துடிப்பு கொண்ட நபர்கள்தான் தேவை.

2019-ம் ஆண்டுக்கு முன், காஷ்மீரில் பயங்கரவாத சூழல் நிலவியது. ஆனால், இன்று யாரும் கைத்துப்பாக்கியை எடுக்கவோ, துப்பாக்கிச்சூடு நடத்தவோ துணிவதில்லை. இது ஒரு வலுவான தலைவர் ஆட்சியில் இருப்பதன் விளைவாகும்.

தேர்தலில் பா.ஜ.க. பெரும்பான்மை பலத்துடன் ஆட்சி அமைக்கும் என உறுதியாக நம்புகிறேன்.

பா.ஜ.க. ஆட்சிக்கு வந்தால் ஜம்மு காஷ்மீர் நாட்டின் நம்பர் ஒன் மாநிலமாகவும், நவீன மாநிலமாகவும் உருவெடுக்கும் என தெரிவித்தார்.

புதுடெல்லி:

90 தொகுதிகளை கொண்ட ஜம்மு-காஷ்மீர் சட்டசபைக்கு வருகிற 18, 25 மற்றும் அக்டோபர் 1 ஆகிய தேதிகளில் 3 கட்டங்களாக தேர்தல் நடக்கிறது.

பா.ஜ.க. தனித்து போட்டியிடுகிறது. 51 தொகுதிகளுக்கு அந்த கட்சி வேட்பாளர்களை அறிவித்துள்ளது.

காங்கிரஸ் கட்சி தேசிய மாநாடு கட்சியுடன் கூட்டணி அமைத்து போட்டியிடுகிறது. காங்கிரஸ் 32 தொகுதியில் நிற்கிறது. தேசிய மாநாட்டு கட்சி 51 இடங்களில், போட்டியிடுகிறது. கூட்டணியில் உள்ள மார்க்சிஸ்ட் கம்யூனிஸ்டு, தேசிய பாந்தர்ஸ் கட்சி தலா ஒரு தொகுதியில் போட்டியிடுகிறது.

பா.ஜ.க. வேட்பாளர்களை ஆதரித்து பிரதமர் நரேந்திர மோடி ஜம்மு-காஷ்மீரில் தேர்தல் பிரசாரம் செய்கிறார். வருகிற 14-ந்தேதி அவர் ஜம்முவில் பிரசாரம் செய்வார் என்று தகவல் வெளியாகி உள்ளது.

மோடி 2 பொதுக் கூட்டங்களில் பேசுகிறார். ஜம்மு பகுதியில் மோடியின் பிரசாரம் பா.ஜ.க.வுக்கு சாதகமான நிலையை ஏற்படுத்தும் என்று அந்த கட்சி கருதுகிறது.

பா.ஜ.க.வில் தேர்தல் அறிக்கை வெளியிட்ட பிறகு மத்திய உள்துறை மந்திரி அமித்ஷா நேற்று முன்தினமும், நேற்றும் ஜம்முவில் பிரசாரம் செய்து ஆதரவு திரட்டினார். அவர் அடுத்த கட்டமாக ரஜோரி, பூஜ் மாவட்டங்களில் பிரசாரம் செய்கிறார்.

மத்திய பாதுகாப்பு துறை மந்திரி ராஜ்நாத்சிங் இன்று காஷ்மீரில் பிரசாரம் செய்கிறார். ராம்பன், பனிஹால் ஆகிய 2 இடங்களில் நடைபெறும் பொதுக்கூட்டங்களில் பேசுகிறார்.

ஸ்ரீநகர்:

மொத்தம் 90 சட்டசபை தொகுதிகளைக் கொண்ட ஜம்மு காஷ்மீர் சட்டசபைக்கு 3 கட்டமாக தேர்தல் நடைபெற உள்ளது.

இந்நிலையில், ஜம்மு காஷ்மீர் சட்டசபை தேர்தலை முன்னிட்டு பா.ஜ.க. தேர்தல் அறிக்கையை மத்திய உள்துறை அமைச்சர் அமித்ஷா இன்று வெளியிட்டார். அப்போது அவர் கூறியதாவது:

காஷ்மீருக்கு சிறப்பு அந்தஸ்து வழங்கிய 370-வது சட்டப்பிரிவு என்பது வரலாறு. அது மீண்டும் வரவே வராது.

ஒவ்வொரு ஆண்டும் குடும்பத்தில் உள்ள முதிய பெண்களுக்கு ரூ.18 ஆயிரம் வழங்கப்படும்.

உஜ்வாலா திட்டத்தின் கீழ் 2 சிலிண்டர் வழங்கப்படும்.

3 லட்சம் வேலைவாய்ப்புகளை உருவாக்குவோம்.

மாணவர்களுக்கு ஆண்டுதோறும் போக்குவரத்து அலவன்சாக ரூ.3 ஆயிரம் வழங்கப்படும்.

காஷ்மீரில் பயங்கரவாதம் குறித்து வெள்ளை அறிக்கை வெளியிடப்படும். பயங்கரவாதம் முற்றிலும் ஒழிக்கப்படுவது உறுதி செய்யப்படும்.

மத்திய அரசு திட்டங்களின் பலன்கள் மாநில மக்களுக்கு கிடைக்க செய்வோம். சுற்றுலாவை வளர்க்க பல்வேறு திட்டங்கள் கொண்டு வரப்படும் என தெரிவித்தார்.

ஜம்மு:

காஷ்மீர் யூனியன் பிரதேச சட்டசபைக்கு வருகிற 18, 25, அக்டோபர் 1-ந்தேதிகளில் தேர்தல் நடைபெற உள்ளது. இந்த தேர்தலில் பாரதிய ஜனதா, காங்கிரஸ்-தேசிய மாநாட்டு கட்சி கூட்டணி மற்றும் மெகபூபாவின் மக்கள் ஜனநாயக கட்சி ஆகியவற்றுக்கு இடையே மும்முனை போட்டி ஏற்பட்டுள்ளது.

மொத்தம் 90 தொகுதிகள் கொண்ட காஷ்மீரில் ஆட்சியை பிடிக்க பாரதிய ஜனதாவுக்கும், காங்கிரசு கூட்டணிக்கும் இடையே கடும் போட்டி ஏற்பட்டு உள்ளது.

தேர்தலை முன்னிட்டு முதல் கட்சியாக காங்கிரஸ் வேட்பாளர்களை அறிவித்தது. அதுபோல நேற்று முன்தினம் முதல் நபராக ராகுல் காந்தி பிரசாரம் செய்து காங்கிரஸ் கூட்டணி வேட்பாளர்களுக்கு ஆதரவு திரட்டினார். இந்த நிலையில் பாரதிய ஜனதா இன்று பிரசாரம் தொடங்குகிறது.

மத்திய உள்துறை மந்திரி அமித்ஷா இன்று காஷ்மீர் செல்கிறார். இன்று பிற்பகல் 4 மணிக்கு அவர் பாரதிய ஜனதா தேர்தல் அறிக்கையை வெளியிடுகிறார். நாளை அவர் ஜம்மு பிராந்தியத்தில் தீவிர பிரசாரத்தை மேற்கொள்ள உள்ளார்.

பிரதமர் மோடி அடுத்த வாரம் காஷ்மீர் செல்வார் என்று எதிர்பார்க்கப்படுகிறது. காஷ்மீரில் அவர் ஸ்ரீநகர், ஜம்மு உள்பட 3 இடங்களில் பொதுக்கூட்டத்தில் பேசி பா.ஜ.க. வேட்பாளர்களுக்கு ஆதரவு திரட்டுவார் என்று தெரிய வந்து உள்ளது.

காஷ்மீர் மாநிலத்துக்கு சிறப்பு அந்தஸ்து வழங்க வழிவகை செய்த 370-வது சட்டப்பிரிவை நீக்கிய பிறகு பிரதமர் மோடி பல்வேறு திட்டங்களை அந்த மாநிலத்துக்கு அறிவித்தார். தற்போது அவர் பிரசாரம் செய்வதன் மூலம் பாரதிய ஜனதாவுக்கு கூடுதல் இடங்கள் கிடைக்கும் என்று பா.ஜ.க. தலைவர்கள் நம்பிக்கை தெரிவித்துள்ளனர்.

ஸ்ரீநகர்:

ஜம்மு காஷ்மீரின் அனந்தநாக் மாவட்டத்தில் காங்கிரஸ் கட்சியின் எம்.பி.யும், மக்களவை எதிர்க்கட்சி தலைவருமான ராகுல் காந்தி இன்று தேர்தல் பிரசாரத்தில் பங்கேற்றார். அப்போது அவர் பேசியதாவது:

சுதந்திர இந்தியாவின் வரலாற்றில் முதல் முறையாக ஒரு மாநிலம் யூனியன் பிரதேசமாக மாற்றப்பட்டுள்ளது.

யூனியன் பிரதேசத்தை மாநிலமாக மாற்றும்போது அல்லது மாநிலத்தைப் பிரிக்கும்போது ஜனநாயகத்தை ஆழமாக்குகிறோம்.

உரிமைகளை இன்னும் ஆழமாக முன்னோக்கி எடுத்துச் செல்கிறோம்.

ஆனால், ஒரு மாநிலத்தை யூனியன் பிரதேசமாக மாற்றும்போது உரிமைகள் பறிக்கப்படுகின்றன. ஜம்மு காஷ்மீர் மூலம் உங்களுக்கு இந்த அநீதி இழைக்கப்பட்டுள்ளது.

ஜம்மு காஷ்மீர் மாநிலத்தை மீட்டெடுப்பது காங்கிரஸ் கட்சி அல்லது தேசிய மாநாட்டு அல்லது இந்தியா கூட்டணிக்கு மட்டுமல்ல, இந்தியாவின் ஒவ்வொரு குடிமகனின் பொறுப்பாகும்.

பா.ஜ.க.வும், ஆர்.எஸ்.எஸ்.சும் உங்களிடம் எதையும் சொல்லலாம்.

நாங்கள் ஜம்மு காஷ்மீர் மக்களுக்கு மீண்டும் மாநில அந்தஸ்தை வழங்கப் போகிறோம் என்பதைச் சொல்லவே நான் இங்கு வந்துள்ளேன்.

தேர்தலுக்கு முன் மாநில அந்தஸ்தை மீட்டெடுக்க வேண்டும் என நாங்கள் விரும்பினோம், ஆனால் பா.ஜ.க. இதை விரும்பவில்லை.

அவர்கள் முதலில் தேர்தலை விரும்பினர். நாங்கள் அதை ஏற்றுக்கொள்கிறோம். ஆனாலும் உங்களுக்கு மாநில அந்தஸ்து கிடைக்கும் என தெரிவித்தார்.

ஸ்ரீநகர்:

மொத்தம் 90 தொகுதிகளைக் கொண்ட ஜம்மு காஷ்மீரில் சட்டசபை தேர்தல் 3 கட்டமாக நடைபெற இருக்கிறது. செப்டம்பர் 18-ம் தேதி முதல் கட்ட வாக்குப்பதிவும், செப்டம்பர் 25-ம் தேதி 2-ம் கட்ட வாக்குப்பதிவும், அக்டோபர் 1-ம் தேதி 3-ம் கட்ட வாக்குப்பதிவும் நடைபெறுகிறது.

தேர்தல் பிரசாரத்தில் அனைத்துக் கட்சி தலைவர்களும் தீவிரமாக ஈடுபட்டு வருகின்றனர்.

இதற்கிடையே, ஜம்மு காஷ்மீரில் ராகுல் காந்தி இன்று பிரசாரத்தை தொடங்குகிறார்.

இந்நிலையில், கண்டர்பால் தொகுதியில் தேசிய மாநாடு கட்சி சார்பில் உமர் அப்துல்லா இன்று தனது வேட்பு மனுவை தாக்கல் செய்தார். அவருக்கு தொண்டர்கள் உற்சாக வரவேற்பு அளித்தனர்.

90 தொகுதிகளை கொண்ட ஜம்மு-காஷ்மீரில் சட்டமன்ற தேர்தல் மூன்று கட்டங்களாக நடைபெற இருக்கிறது. செப்டம்பர் 18-ந்தேதி முதற்கட்ட வாக்குப்பதிவும், செப்டம்பர் 25-ந்தேதி 2-ம் கட்ட வாக்குப்பதிவும், அக்டோபர் 1-ந்தேதி 3-ம் கட்ட வாக்குப்பதிவும் நடைபெறுகிறது.

முதற்கட்ட வாக்குப்பதிவுக்கான வேட்புமனு தாக்கல் முடிவடைந்தது தேர்தல் பிரசாரத்தில் தலைவர்கள் ஈடுபட்டு வருகின்றனர். இந்த நிலையில் ராகுல் காந்தி இன்று பிரசாரத்தை தொடங்குகிறார். அவர் இன்று இரண்டு இடங்களில் நடைபெறும் கூட்டத்தில் பங்கேற்று பேசுகிறார்.

டெல்லியில் இருந்து ஜம்மு வரும் ராகுல் காந்தி ஜம்மு-காஷ்மீர் காங்கிரஸ் கட்சி முன்னாள் தலைவர் விகார் ரசூல் வாணிக்காக பிரசாரம் மேற்கொள்கிறார். விகார் ரசூல் வாணி பனிஹால் தொகுதியில் போட்டியிடுகிறார். இவரை ஆதரித்து தேர்தல் பொதுக்கூட்டத்தில் பேசுகிறார்.

அதனைத் தொடர்ந்து அனந்த்நாக் மாவட்டத்தில் உள்ள டூரு பகுதிக்குச் செல்கிறார். காங்கிரஸ் பொதுச் செயலாளர் மற்றும் முன்னாள் மந்திரி குலாம் அகமது மிர்-ஐ ஆதரித்து மெகா பொதுக்கூட்டத்தில் பேசுகிறார். இவர் டூரு தொகுதியில் போட்டியிடுகிறார்.

பின்னர் ஸ்ரீநகரில் இருந்து மாலை டெல்லி திரும்புகிறார். இந்த தகவலை ஜம்மு-காஷ்மீர் காங்கிரஸ் கட்சி தலைவர் தரீக் ஹமித் கர்ரா தெரிவித்துள்ளார்.

ஜம்மு காஷ்மீர் மாநிலம் கத்ரா அருகே உள்ள ஸ்ரீ மாதா வைஷ்ணவி தேவி கோவிலுக்கு செல்லும் பாதையில் நிலச்சரிவு ஏற்பட்டது.

இச்சம்பவத்தைத் தொடர்ந்து, ஸ்ரீ மாதா வைஷ்ணவி தேவி ஆலய வாரியத்தின் பேரிடர் மேலாண்மைக் குழுவினர் உடனடியாக சம்பவ இடத்திற்கு விரைந்து மீட்பு பணிகளை மேற்கொண்டனர்.

நிலச்சரிவில் சிக்கி 2 பெண்கள் உயிரிழந்தனர். ஒருவர் காயமடைந்தார்.

ஜம்மு-காஷ்மீர்  தேர்தல் 

ஜம்மு-காஷ்மீர் மாநிலத்தில் செப்டம்பர் 18, செப்டம்பர் 25 மற்றும் அக்டோபர் 1-ந்தேதி என மூன்று கட்டங்களாக வாக்குப்பதிவு நடைபெற இருக்கிறது. இந்த தேர்தலில் காங்கிரஸ்- பரூக் அப்துல்லா தலைமையிலான தேசிய மாநாடு கட்சி கூட்டணி அமைத்துத் தேர்தலை சந்திக்கின்றன. பாஜகவும், மெஹபூபா முப்தியின் மக்கள் ஜனநாயகக் கட்சி ஆகியவையும் களத்தில் இருக்கின்றன. தேர்தல் தேதி நெருங்குவதால் பிரச்சாரக் களம் சூடுபிடிக்கத்தொடங்கியுள்ளது. வரும் செப்டம்பர் 4-ந் தேதி காங்கிரஸ் கட்சி சார்பில் பொதுக்கூட்டம் நடக்க உள்ளது. இதில் ராகுல் காந்தி, மல்லிகார்ஜுன கார்கே, பிரியங்கா காந்தி உள்ளிட்டோர் கலந்துகொள்கின்றனர்.

பிரதமர் நரேந்திர மோடி அண்ட் கம்பெனி

காஷ்மீருக்குச் சிறப்பு அந்தஸ்து அளிக்கும் சட்டப்பிரிவு 370 ஐ மத்திய பாஜக அரசு கடந்த 2019 ஆம் ஆண்டு ரத்து செய்த பிறகு நடக்கும் முதல் தேர்தல் இது. எனவே இந்த விவகாரம் பிரதான பிரச்சனையாக முன்னிறுத்தப்பட்டு வருகிறது. இந்நிலையில் ஜம்மு காஷ்மீர் இளைஞர்களை மோடி ஏமாற்றி வருவதாகக் காங்கிரஸ் தலைவர் மல்லிகார்ஜுன கார்கே கடுமையாக சாடியுள்ளார்.

இதுதொடர்பாக அவர் வெளியிட்டுள்ள எக்ஸ் பதிவில், ஏமாற்றுதல் என்பதே ஜம்மு காஷ்மீர் இளைஞர்கள் விஷயத்தில் பாஜக கடைப்பிடிக்கும் ஒரே கொள்கை. எதிர்வரும் சட்டமன்றத் தேர்தலில் பிரதமர் நரேந்திர மோடி அண்ட் கம்பெனிக்கு இங்கிருந்து வெளியேறும் கதவை இளைஞர்கள் நிச்சயம் காண்பிப்பார்கள். கடந்த மார்ச் மாத நிலவரப்படி ஜம்மு காஷ்மீரில் இளைஞர்களுக்கான வேலையின்மை விகிதம் 28.2 சதவீத அளவுக்கு அதிகரித்துள்ளது.

2019 முதல் காஷ்மீரில் 65 சதவீத அரசுப் பணிகள் நிரப்பப்படாமல் காலியாக உள்ளது. பணியில் உள்ள 60,000 அரசு ஊழியர்களுக்கும் நாளொன்றுக்கு ரூ.300ம் என்ற வீதமே வருமானம் உள்ளது. கடந்த 15 ஆண்டுகளாக அவர்கள் சிரமப்பட்டு வருகின்றனர். இருப்பினும் பலருக்கு பணி உறுதி செய்யப்படாமல் ஒப்பந்த அடிப்படையிலேயே பணியாற்றி வருகின்றனர். விவசாயம், மருத்துவம், என அனைத்தும் தனியாருக்கு தாரைவார்க்கப்பட்டுள்ளது என்று குற்றம் சாட்டியுள்ளார். 

ஸ்ரீநகர்:

ஜம்மு-காஷ்மீருக்கான சிறப்பு அந்தஸ்தை கடந்த 2019-ம் ஆண்டில் மத்திய அரசு ரத்து செய்தது. அதோடு அந்த மாநிலத்தை இரு யூனியன் பிரதேசங்களாக (ஜம்மு-காஷ்மீா், லடாக்) பிரித்தது. அங்கு தற்போது ஜனாதிபதி ஆட்சி நடந்து வருகிறது.

காஷ்மீரில் தேர்தல் நடத்த சுப்ரீம் கோர்ட்டு உத்தரவிட்டதை தொடர்ந்து தலைமை தேர்தல் ஆணையம் அதற்கான ஏற்பாடுகளை செய்தது. ஜம்மு-காஷ்மீா் யூனியன் பிரதேசத்தில் உள்ள சட்டசபையில் மொத்தம் 90 தொகுதிகள் உள்ளன. இந்த தொகுதிகளுக்கு செப்டம்பர் 18, 25, மற்றும் அக்டோபர் 1-ந்தேதிகளில் 3 கட்டங்களாக தேர்தல் நடைபெறும் என்று தலைமை தேர்தல் ஆணையம் அறிவித்துள்ளது.

முதல் கட்டமாக 24 தொகுதிகளுக்கு அடுத்த மாதம் 18-ந்தேதியும், 2-ம் கட்டமாக 26 தொகுதிகளுக்கு 25-ந்தேதியும், 3-ம் கட்டமாக 40 தொகுதிகளுக்கு அக்டோபா் மாதம் 1-ந்தேதியும் தோ்தல் நடத்தப்பட உள்ளது.

முதல் கட்ட தோ்தலுக்கான வேட்புமனு தாக்கல் கடந்த 20-ந்தேதி தொடங்கியது. 24 தொகுதிகளிலும் போட்டியிட மொத்தம் 279 பேர் மனுதாக்கல் செய்தனர். அந்த மனுக்கள் நேற்று பரிசீலனை செய்யப்பட்டன.

அப்போது 35 மனுக்கள் தள்ளுபடி செய்யப்பட்டது. இதனால் மீதமுள்ள 244 பேரின் மனுக்கள் ஏற்கப்பட்டன. மனுக்களை வாபஸ் பெற இன்று பிற்பகல் வரை அவகாசம் அளிக்கப்பட்டுள்ளது.

இன்று கட்சி மாற்று வேட்பாளர்கள் வாபஸ் பெறுவார்கள். இறுதியில் எத்தனை வேட்பாளர்கள் களத்தில் உள்ளனர் என்பது இன்று மாலை தெரியவரும்.

இந்த நிலையில் 2-ம் கட்ட தேர்தலுக்கான வேட்பு மனுதாக்கல் நேற்று தொடங்கி உள்ளது. கங்கன், ஹஸ்ரத் பால், லாக் சவுக், ஈத்கா, பத்காம், பீா்வா, கான்சாஹிப், குலாப்கா் (தனி), காலாகோட்-சுந்தா்பானி, நெளஷேரா, ரஜவுளரி (தனி), சுரன்கோட் (தனி), பூஞ்ச் ஹவேலி உள்பட இரண்டாம் கட்ட தோ்தல் நடைபெறும் 26 தொகுதிகளில் நேற்று வேட்பு மனு தாக்கல் தொடங்கியது.

2-ம் கட்ட தோ்தலில் மொத்த வாக்காளா்கள் 7.74 லட்சம் போ் உள்ளனா். கோடைகால தலைநகரான ஸ்ரீநகரில் உள்ள 8 தொகுதி களுக்கும் இந்த கட்டத்தில் வாக்குப்பதிவு நடைபெற உள்ளது. அதன் பிறகு 3-ம் கட்ட தேர்தல் அக்டோபர் 1-ந்தேதி நடைபெறும்.

பதிவாகும் வாக்குகள் அக்டோபா் 4-ந்தேதி எண்ணப்பட்டு முடிவுகள் அறிவிக்கப்பட உள்ளன.