நீங்கள் தேடியது "Conference"

மதுரை:

மதுரையில் மார்க்சிஸ்ட் கம்யூனிஸ்டு கட்சியின் 24-வது அகில இந்திய மாநாடு நேற்று 2-ந் தேதி தொடங்கி வருகிற 6-ந் தேதி வரை 5 நாட்கள் நடக்கிறது.

மதுரை தமுக்கம் மைதானத்தில் உள்ள கலையரங்கில் நடைபெறும் இந்த மாநாடு தொடக்க நிகழ்ச்சி நேற்று நடைபெற்றது.

முதல் நாள் தொடக்க நிகழ்ச்சியாக வெண்மணி தியாகிகள் நினைவு செங்கொடியை மத்திய குழு உறுப்பினர் வாசுகியிடமிருந்து கட்சியின் மத்திய கட்டுப்பாட்டு குழு உறுப்பினர் ஏ.கே.பத்ம நாபன் பெற்றுக் கொண்டார்.

இதன் பின்னர் மாநாட்டு கொடியை மேற்கு வங்காள மூத்த தலைவர் பிமன்வாசு ஏற்றி வைத்தார். இதையடுத்து மாநாட்டு நிகழ்ச்சிகள் தொடங்கின. இந்த மாநாட்டுக்கு திரிபுரா முன்னாள் முதல்-அமைச்சர் மாணிக் சர்கார் தலைமை தாங்கினார்.

அகில இந்திய ஒருங்கிணைப்பாளர் பிரகாஷ்காரத் தொடங்கி வைத்தார். கேரள முதல்-அமைச்சர் பினராயி விஜயன், அரசியல் தலைமை குழு உறுப்பினர் பிருந்தாகாரத், இந்திய கம்யூனிஸ்டு கட்சியின் தேசிய பொதுச் செயலாளர் டி.ராஜா, விடுதலை அமைப்பின் பொது செயலாளர் தீபங்கர் பட்டச்சாரியா, புரட்சிக்கர சோசியலிஸ்ட் கட்சியின் பொதுச் செயலாளர் மனோஜ் பட்டாச்சாரியா, அகில இந்திய பார்வர்ட் பிளாக் பொதுச் செயலாளர் தேவராஜன், மார்க்சிஸ்டு கட்சியின் முன்னாள் மாநில தலைவர் ஜி.ராம கிருஷ்ணன் ஆகியோர் பேசினர்.

முன்னதாக கட்சியின் மத்திய குழு உறுப்பினரும், மாநாட்டின் வரவேற்பு குழு உறுப்பினரான பால கிருஷ்ணன் வரவேற்று பேசினார். மாநில செயலாளர் சண்முகம், மதுரை பாராளுமன்ற உறுப்பினர் வெங்கடேசன் உள்ளிட்டோரும் இந்த மாநாட்டில் பங்கேற்றனர்.

நேற்று மாலை பிரதிநிதிகள் மாநாடு நடைபெற்றது. இதில் நாடு முழுவதும் இருந்து ஏராளமான கட்சியின் பிரதிநிதிகள் கலந்து கொண்டனர்.

இதைத் தொடர்ந்து நடந்த கருத்தரங்கில் பட்டிமன்ற நடுவர் சாலமன் பாப்பையா, சினிமா டைரக்டர்கள் ராஜூ முருகன், நடிகர் சசிகுமார் ஆகியோர் பங்கேற்றனர்.

மாநாட்டில் வரலாற்று புகைப்படங்களின் கண்காட்சி, புத்தக கண்காட்சி மற்றும் கலை நிகழ்ச்சிகள், இடதுசாரி தலைவர்கள் குறித்த கருத்தரங்கம், தியாகிகள் சுடர் சங்கமம் உள்ளிட்ட பல்வேறு நிகழ்ச்சிகள் நடைபெற்றன.

இன்று 3-வது நாள் மாநாடு மாலை 5 மணியளவில் கூட்டாட்சி கோட்பாடே இந்தியாவின் வலிமை என்ற தலைப்பில் சிறப்பு கருத்தரங்கமாக நடைபெறுகிறது. இந்த கருத்தரங்கம் மதுரை தமுக்கம் மைதானத்தில் திட்டமிடப்பட்டிருந்த நிலையில் மதுரையில் பெய்து வரும் மழை காரணமாக இந்த நிகழ்ச்சியை ராஜா முத்தையா மன்றத்திற்கு இடமாற்றம் செய்யப்பட்டு உள்ளது.

இந்த கருத்தரங்கில் மத்திய குழு உறுப்பினர் கே.பாலகிருஷ்ணன் தலைமை தாங்குகிறார். மதுரை மாநகர் மாவட்ட செயலாளர் கணேசன் வரவேற்று பேசுகிறார். கட்சியின் ஒருங்கிணைப்பாளர் பிரகாஷ்காரத் நோக்க உரையாற்றுகிறார்.

மாநாட்டில் முதல்-அமைச்சர் மு.க.ஸ்டாலின், கேரள முதலமைச்சர் பினராயி விஜயன், கர்நாடக வருவாய் துறை அமைச்சர் கிருஷ்ணபைரேகவுடா ஆகியோர் சிறப்புரை யாற்றுகிறார்கள். முடிவில் மதுரை புறநகர் மாவட்ட செயலாளர் ராஜேந்திரன் நன்றி கூறுகிறார்.

இந்த கருத்தரங்கில் நெய்யாற்றிங்கரை பெண்கள் குழுவினரின் சிங்காரி மேளம் கலை நிகழ்ச்சி நடைபெறுகிறது. கருத்தரங்கில் பங்கேற்ப தற்காக முதல்-அமைச்சர் மு.க.ஸ்டாலின் இன்று மதியம் 2.25 மணிக்கு சென்னையில் இருந்து விமானம் மூலம் மதுரை வருகிறார்.

மாலை 4 மணிக்கு மதுரை விமான நிலையம் வரும் மு.க.ஸ்டாலினுக்கு அமைச்சர்கள் மற்றும் தி.மு.க., மார்க்சிஸ்டு கம்யூனிஸ்டு கட்சி தலைவர்கள் வரவேற்பு அளிக்கிறார்கள். இதனை தொடர்ந்து விமான நிலையத்தில் இருந்து காரில் மதுரைக்கு வரும் மு..க.ஸ்டாலின் அழகர் கோவில் ரோட்டில் உள்ள அரசினர் விருந்தினர் மாளிகையில் சிறிது நேரம் ஓய்வெடுக்கிறார்.

பின்னர் அங்கிருந்து அவர் ராஜா முத்தையா மன்றம் சென்று கருத்த ரங்கில் பங்கேற்க ஏற்பா டுகள் செய்யப்பட்டுள்ளன. மதுரையில் முதல்-அமைச்சர் மு.க.ஸ்டாலின், கேரள முதலமைச்சர் பினராயி விஜயன் ஆகியோர் பங்கேற்கும் மாநாடு காரணமாக தல்லா குளம், கோரிப்பாளையம் பகுதிகளில் ஏராளமான போலீசார் பாதுகாப்பு பணியில் ஈடுபட்டுள்ளனர்.

நாளை (4-ந்தேதி) 3-ம் நாள் மாநாடு மாலை 5 மணிக்கு கேரள மாப்ளா முஸ்லீம் பெண்கள் குழுவினரின் ஆடல், பாடல் நிகழ்ச்சியுடன் தொடங்கு கிறது. இதனை தொடர்ந்து சென்னை கலை குழுவினரின் நாடகம் கானா விமலா பாடல்கள் உள்ளிட்ட நிகழ்ச்சிகள் நடக்கின்றன.

சினிமா நடிகர்கள் விஜய் சேதுபதி, சமுத்திரகனி, இயக்குநர் வெற்றி மாறன் உள்ளிட்ட முக்கிய பிரமுகர்கள் கலந்து கொள்கிறார்கள். இந்த நிகழ்ச்சிகள் அனைத்தும் திட்டமிட்டபடி தமுக்கம் கலையரங்கில் நடைபெறு கிறது.

சென்னை:

மார்க்சிஸ்ட் கம்யூனிஸ்ட் கட்சியின் 24-வது அகில இந்திய மாநாடு, மதுரையில், நாளை 2-ந்தேதி தொடங்கி, 6-ம் தேதி வரை நடைபெற உள்ளது.

இந்த மாநாட்டில் காஷ் மீர் முதல் கன்னியாகுமரி வரை மாநிலங்கள் மற்றும் யூனியன் பிரதேசங்களில் இருந்து தேர்ந்தெடுக்கப்பட்ட ஆயிரக்கணக்கான பிரதிநிதிகள் கலந்து கொள்கின்றனர்.

அகில இந்திய ஒருங்கிணைப்பாளர் பிரகாஷ் காரத், அரசியல் தலைமைக் குழு உறுப்பினர்கள் கேரளா முதல்வர் பினராயி விஜ யன், பிருந்தா காரத், திரி புரா முன்னாள் முதல்வர் மாணிக் சர்க்கார் உள்ளிட்ட அகில இந்திய தலைவர்கள் கலந்து கொள்ள உள்ளனர்.

நாளை காலை 10.30 மணிக்கு மார்க்சிஸ்ட் கம்யூ னிஸ்ட் கட்சியின் அரசியல் தலைமைக்குழு உறுப்பி னர்-திரிபுரா முன்னாள் முதல்-மந்திரி மாணிக் சர்க்கார் தலைமையில் நடைபெறும் பொது மாநாட்டை அகில இந்திய ஒருங்கிணைப்பாளர் பிரகாஷ் காரத் தொடங்கி வைக்க, இந்திய கம்யூனிஸ்ட் கட்சியின் தேசிய பொதுச் செயலாளர் து. ராஜா. சி.பி.ஐ. (எம்.எல்) விடுதலை பொதுச் செயலாளர் தீபங் கர் பட்டாச்சார்யா, புரட்சி கர சோசலிஸ்ட் கட்சியின் பொதுச்செயலாளர் மனோஜ் பட்டாச்சாரியா, அகில இந்திய பார்வர்டு பிளாக் பொதுச்செயலாளர் ஜி. தேவராஜன் உள்ளிட் டோர் பங்கேற்று வாழ்த்திப் பேச உள்ளனர்.

கட்சியின் மத்தியக்குழு உறுப்பினரும், மாநாட்டு வரவேற்புக் குழுத் தலைவரு மான கே. பாலகிருஷ்ணன் வரவேற்புரையாற்ற, வெங்கடேசன் எம்.பி. மற்றும் மாநிலத்தலைவர்கள் பங்கேற்கின்றனர்.

மாநாடு நடைபெறும் 5 நாட்களும் மாலை நேரங்களில் ஜானகியம்மாள் நினைவாக அமைக்கப்பட்டுள்ள திறந்தவெளி மேடையில் கலைநிகழ்ச்சிகள்-கருத்தரங்குகள் நடை பெறுகின்றன.

இதில், 3 மாநிலங்களின் முதல்-மந்திரிகள் அமைச்சர்கள், அறிஞர்கள் எழுத்தாளர்கள், கலை ஞர்கள், திரைப்பட இயக்கு நர்கள் உள்ளிட்ட ஆளுமை கள் பங்கேற்கின்றனர்.

இதன்படி நாளை மாலை 5 மணிக்கு பாப்பம்பாடி ஜமா பெரிய மேளம், திண்டுக்கல் சக்தி போர்ப் பறை குழுவினரின் கலை நிகழ்ச்சிகளும், தமிழறிஞர் சாலமன் பாப்பையா, திரைப்பட இயக்குநர்கள் ராஜூ முருகன், சசிகுமார் ஆகியோரின் உரை வீச்சும் அரங்கேறுகின்றன.

3 ந்தேதி மாலை 5 மணிக்கு, கூட்டாட்சிக் கோட்பாடே இந்தியாவின் வலிமை'என்றதலைப்பில் மாநில உரிமைகள் பாது காப்புக் கருத்தரங்கம்' நடைபெறுகிறது. இதில், கேரள முதல்-மந்திரி பினராயி விஜயன், தமிழ்நாடு முதலமைச்சர் மு.க.ஸ்டாலின், கர்நாடக மாநில உயர்கல்வித்துறை மந்திரி சுதாகர். சி.பி.எம். அகில இந்திய ஒருங்கி ணைப்பாளர் பிரகாஷ் காரத் ஆகியோர் உரை நிகழ்த்துகின்றனர்.

4-ந்தேதி மாலை 5 மணிக்கு கேரள மாப்ளா முஸ்லிம் பெண்கள் குழுவின் ஆடல், பாடல், சென்னைக் கலைக்குழுவின் நாடகம், கானா விமலாவின் பாடல்கள் ஆகியவை இடம் பெறுகின்றன. திரைக் கலைஞர் விஜய்சேதுபதி, இயக்குநர்கள் சமுத்திரக் கனி, வெற்றிமாறன் ஆகி யோர் உரையாற்றுகின்றனர்.

6-ந்தேதி மாலை நடக்கும் நிகழ்ச்சிகளில் பிரகாஷ் ராஜ், திரைப்பட இயக்கு நர்கள் மாரி செல்வராஜ், த.செ. ஞானவேல் ஆகியோர் பேசுகிறார்கள்.

வரலாற்றுக் கண்காட்சி யை மூத்த ஊடகவியலாளர் என்.ராம் திறந்து வைக்கி றார். புத்தகக் கண்காட்சியை மார்க்சிஸ்ட் கம்யூனிஸ்ட் கட்சியின் மூத்த தலைவர் வே. பரமேஸ்வரன் திறந்து வைக்கிறார்.

6-ந்தேதி பிற்பகல் 3 மணியளவில், 25 ஆயிரம் செந்தொண்டர்கள் பங்கேற்கும் அணிவகுப்பு நடைபெறுகிறது.

அதனைத் தொடர்ந்து மாலை 4 மணியளவில் என். சங்கரய்யா நினைவுத்திடலில் தமிழகம் முழுவதும் இருந்து சுமார் 5 லட்சத்திற்கும் மேற்பட்ட உழைப்பாளி மக்கள் பங்கேற்கும் பிரம் மாண்ட பொதுக்கூட்டம் நடைபெறுகிறது.

கட்சியின் மாநிலச் செயலாளர் பெ. சண்முகம் தலைமையில் நடைபெறும் இந்த பொதுக் கூட்டத்தில், கட்சியின் அகில இந்திய ஒருங்கி ணைப்பாளர் பிரகாஷ் காரத், கேரள முதல்-மந்திரி பினராயி விஜயன், அரசியல் தலைமைக்குழு உறுப்பினர்கள் பிருந்தா காரத், ஜி. ராமகிருஷ்ணன், மத்தியக்குழு உறுப்பினர்கள் கே. பாலகிருஷ்ணன், உ.வாசுகி, பி. சம்பத் ஆகியோர் சிறப்புரையாற்றுகின்றனர்.

புதுச்சேரி:

புதுவை கிருமாம்பாக்கம் ஆறுபடைவீடு மருத்துவக் கல்லூரியில் கல்வி, நோயறிதல் மற்றும் ஆராய்ச்சி முன்னேற்றத்தில் அடிப்படை மருத்துவ அறிவியலின் பங்கு என்ற தலைப்பில் 3-வது சர்வதே மாநாடு இணையவழியில் நடைபெற்றது.

இம்மாநாட்டை, ஜே. ஸ்டான்லி பேட்டர்ஸ்பை தலைவரும், இந்தியானா பல்கலைக்கழகத்தின் சுகாதார விரிவான காயம் பராமரிப்பு மையத்தின் நிர்வாக இயக்குனருமான டாக்டர் சந்தன் கேசென் தொடங்கி வைத்தார். சேலம் விநாயகா மிஷன் ரிசர்ச் பவுண்டேஷன் வேந்தர் கணேசன் முன்னிலை வகித்தார். விநாயகா மிஷன் ரிசர்ச் பவுண்டேஷன் உறுப்பினர் சுரேஷ் சாமுவேல் நினைவுப் பரிசு வழங்கினார்.

ஆன்லைன் வழியாக 3 நாட்கள் நடைபெற்ற இந்த மாநாட்டில், புதிய நோயறிதல், சிகிச்சை விருப்பங்களின் வளர்ச்சி மற்றும் ஆராய்ச்சி முன்னேற்றங்களில் அதன் பங்கு ஆகியவற்றின் மூலம் படுக்கையாக உள்ளவர்களுக்கு பயன்படுத்துவது பற்றி விவரிக்கப்பட்டது.

மேலும், இம்மாநாட்டில், இளம் ஆராய்ச்சி அறிஞர் விருது மற்றும் ஆசிரிய, முதுகலை முனைவர் பட்டத்திற்கான பலர் ஆய்வறிக்கையை வீடியோ கான்பரசிங் மூலமாக சமர்பித்தனர்.

இதில் சிறப்பான ஆய்வறிக்கை சமர்பித்த வருக்கு, இளம் ஆராய்ச்சி அறிஞர் விருது வழங்கப்பட்டது. இத்தகவலை, ஆறுபடை வீடு மருத்துவ கல்லுாரி டீன் டாக்டர் கோட்டூர், மாநாட்டின் செயலர் டாக்டர் லட்சுமி ஜாட்டியா ஆகியோர் தெரிவித்துள்ளனர்.

பெரம்பலூர்:

தமிழ்நாடு தீண்டாமை ஒழிப்பு முன்னணி அமைப்பின், பெரம்பலூா் மாவட்ட 4 ஆவது மாநாடு நடைபெற்றது.

பெரம்பலூா் லட்சுமி மருத்துவமனை கூட்டரங்கில் நடைபெற்ற இம் மாநாட்டுக்கு, அமைப்பின் மாவட்டத் தலைவா் என். செல்லதுரை தலைமை வகித்தாா். மாா்க்சிஸ்ட் கம்யூனிஸ்ட் கட்சி மாவட்டச் செயலா் பி. ரமேஷ் தொடக்க உரையாற்றினாா். இந்திய ஜனநாயக வாலிபா் சங்க மாவட்டச் செயலா் கே.எம். சக்திவேல் அஞ்சலி தீா்மானமும், தீண்டாமை ஒழிப்பு முன்னணி அமைப்பின் மாவட்டச் செயலா் எம். கருணாநிதி மாநாட்டு அறிக்கையும் வாசித்தனா். மாநிலத் தலைவா் பி. செல்லக்கண்ணு நிறைவுரையாற்றினாா். தொடா்ந்து நடைபெற்ற நிா்வாகிகள் தோ்வில், மாவட்டத் தலைவராக எஸ். பாஸ்கரன், மாவட்டச் செயலராக ஆா். கோகுலகிருஷ்ணன், பொருளாளராக எம். கருணாநிதி ஆகியோா் தோ்வு செய்யப்பட்டனா்.

இதில், மருத்துவா் சி. கருணாகரன், சிஐடியு மாவட்டச் செயலா் எஸ். அகஸ்டின், மாவட்டத் தலைவா் ரெங்கநாதன், மாவட்ட பொருளாளா் அ. கலையரசி, விடுதலைச் சிறுத்தைகள் கட்சியின் விவசாயப் பிரிவு மாநில துணைச் செயலா் வீர செங்கோலன், வழக்குரைஞா் ப. காமராசு உள்ளிட்ட பலா் பங்கேற்றனா்.

முன்னதாக, வழக்குரைஞா் ஸ்டாலின் வரவேற்றாா். தீண்டாமை ஒழிப்பு முன்னணி நிா்வாகி பி. கிருஷ்ணசாமி நன்றி கூறினாா் 

உடன்குடி:

உடன்குடி அருகே உள்ள குலசேகரன்பட்டினத்தில் அகில இந்திய விவசாய தொழிலாளர் சங்கத்தின் மாவட்ட மாநாடு மற்றும் பேரணி நடந்தது. சங்கத்தின் மாவட்ட தலைவர் முத்து தலைமை தாங்கினார். மாவட்ட குழு உறுப்பினர் நேரு, சி.ஐ.டி.யு. மாவட்ட செயலாளர் ரசல், ஜனநாயக மாதர் சங்க மாவட்ட செயலாளர் பூமயில், கிசான் சங்க மாவட்ட செயலாளர் புவிராஜ், மாவட்ட செயலாளர் ரவீந்திரன் ஆகியோர் முன்னிலை வகித்தனர். வரவேற்பு குழு தலைவர் ஆறுமுகம் வரவேற்றார்.மாநில துணைத் தலைவர் பூங்கோதை தொடக்க உரையாற்றினார்.

விவசாயம் மற்றும் அது சார்ந்த தொழில்களில் ஈடுபட்டுள்ள தொழிலாளர்களின் பிரச்சினைகள், ஊதியம் குறித்து கலந்துரையாடல் நடந்தது. பின்னர் புதிய நிர்வாகிகள் தேர்வு நடைபெற்றது விவசாய தொழிலாளர்களுக்கு தனித்துறையை உருவாக்க வேண்டும், 100 நாள் வேலைத் திட்டத்தை நகர பகுதி மக்களுக்கும் விரிவுப்படுத்த வேண்டும். 60 வயதை கடந்த விவசாயத் தொழிலாளர்களுக்கு ஓய்வூதியமாக மாதம் ரூ.3 ஆயிரம் வழங்க வேண்டும் உட்பட பல்வேறு தீர்மானங்கள் நிறைவேற்றப்பட்டது. முன்னதாக விவசாய தொழிலாளர்களின் பேரணி நடந்தது.மாநில துணைசெயலாளர் மனைவிளை பாசி நிறைவு உரையாற்றினார்.வரவேற்புக்குழு செயலாளர் கந்தசாமி நன்றி கூறினார்.

புதுச்சேரி:

புதுவை ஏ.ஐ.டி.யூ.சி.யின் 20-வது மாநில மாநாடு இன்று வள்ளலார் சாலை பிரின்ஸ் அரங்கில் நடந்தது.

மாநாட்டுக்கு மாநில செயல்தலைவர் அபிஷேகம், மாநில தலைவர் தினேஷ்பொன்னையா தலைமை வகித்தனர். மாநாட்டு கொடியை முன்னாள் அமைச்சர் விஸ்வநாதன் ஏற்றினார். அகில இந்திய ஏ.ஐ.டி.யூ.சி.துணைத்தலைவர் எம்.பி.சுப்பராயன் மாநாட்டை தொடக்கவுரையாற்றினார்.

மாநில செயலாளர் சலீம், அகில இந்திய செயலாளர் வகிதா நிஜாம் சிறப்புரையாற்றினர். ஏ.ஐ.டி.யூ.சி. பொதுச்செயலாளர் சேதுசெல்வம் மாநாடு அறிக்கை சமர்பித்தார். முன்னாள் எம்.எல்.ஏ. நாரா.கலைநாதன், ராமமூர்த்தி, ரவி, அந்தோணி, எழிலன் வாழ்த்தி பேசினர். தொடர்ந்து வரவு செலவு அறிக்கை சமர்பிக்கப்பட்டு, புதிய நிர்வாகிகள் தேர்வு செய்யப்பட்டது. மாநாட்டில் நிறைவேற்றப்பட்ட தீர்மானங்கள் வருமாறு:-

கட்டுமானம் மற்றும் அமைப்புசாரா தொழிலில் புலம்பெயர் தொழிலாளர்கள் சட்டத்தை அமல்படுத்த வேண்டும். கட்டுமான தொழிலாளர் நல வாரியத்தை தன்னாட்சி அதிகாரம் கொண்ட முத்தரப்பு வாரியமாக மாற்ற வேண்டும். புதுவையில் ஏ.எப்.டி., சுதேசி, பாரதி உட்பட அனைத்து மில்களையும் இயக்க வேண்டும். அனைத்து தொழில்களுக்கும் குறைந்தபட்ச சம்பளத்தை காலத்திற்கேற்ப நிர்ணயம் செய்ய வேண்டும்.

புதுவை கூட்டுறவு சர்க்கரை ஆலையை திறந்து நடத்த வேண்டும் என்ற தீர்மானங்கள் நிறைவேற்றப்பட்டன. மேலும் புதுவை அரசின் தொழிலாளர் விரோத போக்கை கண்டித்து தொடர் போராட்டங்களை நடத்துவது எனவும் முடிவு செய்யப்பட்டது.

முன்னதாக பழைய பேருந்து நிலையத்திலிருந்து தொழிலாளர்கள் பேரணி நடந்தது. அண்ணாசாலை, காமராஜர் சாலை, வள்ளலார் சாலை வழியாக வந்த பேரணி மாநாட்டு அரங்கத்தில் நிறைவு பெற்றது.

புதுக்கோட்டை:

புதுக்கோட்டை மாவட்டம் ஆலங்குடி அருகே உள்ள கொத்தமங்கலம் ஊராட்சியில் அனைத்திந்திய மாணவர் பெருமன்றத்தின் மாவட்ட மாநாடு  நடைபெற்றது. தமிழ் நாடு மாநில செயலாளர் தினேஷ் சீரங்கராஜ் கலந்து கொண்டு மனறத்தின் கொடியை ஏற்றி வைத்து பேசினார். மாணவர் பெருமன்றத்தின் புதிய நிர்வாகிகள் தேர்வும் நடைபெற்றது.

இந்த மாநாட்டில் இந்தியக் கம்யூனிஸ்ட் கட்சியின் புதுக்கோட்டை மாவட்ட செயலாளர் செங்கோடன், அனைத்திந்திய இளைஞர் பெருமன்றத்தின் மாவட்ட செயலாளர் ராஜேந்திரன், அனைத்திந்திய இளைஞர் பெருமன்ற மாவட்ட தலைவர் கைலாச பாண்டியன் மற்றும் தேசியக்குழு உறு ப்பினர் வழக்கறிஞர் பவதாரணி, இந்திய மாதர் தேசிய சம்மேள னத்தின் மாவட்டச் செயலாளர் இந்திராணி உள்ளிட்டோர் கலந்து கொண்டனர். மாணவர் பெருமன்றத்தின் மாவட்டத் தலைவர் விஜய் மாநாட்டிற்கான ஏற்பாடுகளை செய்திருந்தார்.

சங்கரன்கோவில்:

தென்காசி மாவட்டம் சங்கரன்கோவிலில் அகில இந்திய பார்வர்டு பிளாக் கட்சியின் மாவட்ட மாநாடு ரெயில்வே பீடர் சாலையில் உள்ள தனியார் திருமண மண்டபத்தில் நடந்தது. தென்காசி மாவட்ட பொதுச் செயலாளர் தங்கபாண்டியன் தலைமை தாங்கினார்.தென்காசி மாவட்ட பொறுப்பாளர் வக்கீல் இளையரசு, மாநில செயலாளர் பசும்பொன், மாணவர் அணி மாநில செயலாளர் பாஸ்கரபாண்டியன், மாவட்ட நிதித்துறை செயலாளர் சுப்புராஜ் ஆகியோர் முன்னிலை வகித்தனர்.

இதில் சிறப்பு அழைப்பாளராக பார்வர்டு பிளாக் கட்சியின் மாநில பொதுச் செயலாளரும், முன்னாள் எம்.எல்.ஏ.வுமான கதிரவன் கலந்து கொண்டு கட்சி வளர்ச்சி குறித்த ஆலோசனைகளை வழங்கினார். இதில் விருதுநகர் மாவட்ட துணை தலைவர் சோனமுத்து, மாவட்ட பொருளாளர் ஆறுமுகசாமி, தொழில் சங்கத்தை சேர்ந்த முருகேசபாண்டியன், சுந்தர், ஒன்றிய செயலாளர் சவுந்தரபாண்டியன், முன்னாள் தலைவர் சுப்பிரமணியன், வாசு. ஒன்றிய தலைவர் மாரியப்பன், நகர செயலாளர் முத்துப்பாண்டி மற்றும் மாநில, மாவட்ட, ஒன்றிய, நகர பேரூர் நிர்வாகிகள் கலந்து கொண்டனர்.

திருச்சி:

திருச்சி பாரதிதாசன் பல்கலைக்கழகத்தில் 46-வது இந்திய சமூக அறிவியல் 5 நாள் மாநாடு இன்று தொடங்கி நடைபெறுகிறது. மாநாட்டை சென்னையில் இருந்து காணொளி மூலமாக தமிழக கவர்னர் ஆர்.என்.ரவி தொடங்கி வைத்தார். இந்த மாநாட்டில் சுதந்திரத்திற்கு முந்தைய இந்தியாவின் நிலை, சுதந்திரத்திற்கு பின்னர் இதுவரை நாட்டில் இருக்கும் சுய சார்பு நிலைகள், இனிமேல் சுயசார்பு நிலையை வளர்த்தெடுப்பதற்கான திட்டங்கள் ஆகியவற்றினை கருப்பொருளாக வைத்து வாழ்க்கை தரத்தை மதிப்பீடு செய்தல், சமத்துவம், சுதந்திரம், சகோதரத்துவம், மற்றும் பாகுபாடு, வன்முறை, அச்சம் இல்லாத மாண்புடனான வாழ்க்கை, இந்திய மக்கள் அனைவரும் அமைதி மற்றும் சமூக நல்லிணக்கத்துடன் வாழ்வதற்கு உண்டான விவாதங்களை மைய கருப்பொருளாக கொண்டு இம்மாநாடு நடைபெற்று வருகிறது.

இதில் கல்வியாளர்கள் மற்றும் விஞ்ஞானிகள், ஆய்வு கட்டுரைகளை சமர்ப்பிக்கின்றனர். 75 வது ஆண்டு இந்திய சுயராஜ்யத்தின் மீதான அறிவியல் பூர்வமான எதிர்கால திட்டங்களை மையமாக வைத்து விவாதங்களும் நடக்கின்றன. திருச்சி பாரதிதாசன் பல்கலைக்கழக துணை வேந்தர் மா. செல்வம், பதிவாளர் கணேசன், ஹைதராபாத் மத்திய பல்கலைக்கழக பேராசிரியர் கம்பத்தூர் முரளிதர், கேரள மாநிலம் முன்னாள் தலைமைச் செயலாளர் விஜய்ஆனந்த், எழுத்தாளர் மற்றும் மொழிபெயர்ப்பாளரான தங்க ஜெயராமன், ஓய்வு பெற்ற சென்னை உயர்நீதிமன்ற நீதிஅரசர் சந்துரு உட்பட பலர் கலந்து கொண்டு தங்களது கருத்துரைகளை வழங்கி பேசுகின்றனர். இக்கருத்தரங்கள் வழங்கப்படும் ஒவ்வொரு கருத்துக்களையும் தொகுத்து பல்வேறு துறைகளில் முன்னேற்றங்களை குறித்து அறிக்கையை அந்தந்த துறைகளுக்கு மத்திய, மாநில அரசுகள் மூலம் வழங்கப்பட உள்ளது. இந்த மாநாட்டினை அலகாபாத் இந்திய சமூக அறிவியல் அகாடமி இணைந்து நடத்துகிறது.

புதுக்கோட்டை,

அகில இந்திய விவசாயத் தொழிலாளர் சங்கத்தின் 10-ஆவது மாநில மாநாடு பல்வேறு கலை நிகழ்ச்சிகளுடன் பேரணி மற்றும் பொதுக்கூட்டத்துடன் தொடங்கியது.அகில இந்திய விவசாயத் தொழிலாளர்கள் சங்கத்தின் 10-வது மாநில மாநாட்டையொட்டி தமிழ்நாடு முழுவதும் இருந்து பல வாகனங்களில் ஆயிரக்கணக்கான விவசா யத் தொழிலாளர்களும், செம்படைத் தோழர்கள் நேற்று புதுக்கோட்டையில் குவிந்தனர். புதுக்கோட்டை பால்பண்ணை ரவுண்டா னாவில் தொடங்கிய பேரணியை தமிழ்நாடு விவசாயிகள் சங்கத்தின் மாநிலத் தலைவர் பெ.ச ண்முகம் கொடி அசைத்து தொடங்கி வைத்தார்.

சீருடை அணிந்த பெண்களின் கொடி அணிவகுப்பு, சீருடை ஆண்களின் கொடி அணிவகுப்பு, செண்டை மேளம் உள்ளிட்ட பல்வேறு வகையான ஆட்டக்கலைகள், வாண வேடிக்கைகள், கொள்கை முழக்கங்களுடன் தொடங்கி ய இப்பேரணியானது திலகர்திடல், பழநியப்பா முக்கம், மேல ராஜவீதி, தெற்கு நான்காம்வீதி, அண்ணாசிலை உள்ளிட்ட நகரின் முக்கிய வீதிகள் வழியாக வலம் வந்தது. பேரணியில் அகில இந்திய, மாநிலத்தலைவர்களைத் தொடர்ந்துமாவட்ட வாரியாக பல்லாயிர க்கணக்கானோர் அணி வகுத்து வந்தனர். பேரணி யானது பொதுக்கூட்டம் நடைபெறும் சின்னப்பா பூங்காவில் நிறைவடைந்தது.பொதுக்கூட்டத்திற்கு விவசாயத் தொழிலாளர் சங்க மாநிலத் தலைவர் ஏ.லாசர் தலைமை வகித்தார். அகில இந்தியத் தலைவர் ஏ.விஜயராகவன் சி.பி.எம். மாநில செயலாளர் கே.பாலகிஷ்ணன், சங்கத்தின் அகில இந்திய பொதுச் செயலாளர் பி.வெங்கட் மாநில பொதுச் செயலாளர் வீ.அமிர்தலிங்கம், மாநில செயலாளர் எம்.சின்னதுரை எம்எல்ஏ. சிபிஎம் மாவ ட்டச் செயலாளர் எஸ்.கவிவர்மன், வி.தொ.ச. மாநில செயலாளர் அ.பழநிசாமி, துணைத் தலைவர் பி.வசந்தாமணி உள்ளிட்டோர் பேசினர்.

முன்னதாக மாநில பொருளாளர் எஸ்.சங்கர் வரவேற்க, வரவேற்புக்குழு பொருளாளர் கி.ஜெய பாலன் நன்றி கூறினார். பொதுக்கூட்டத்தில் ஆலங்குடி விடியல் குழுவினரின் கலை நிகழ்ச்சி நடைபெற்றது.

திருச்சி,

தமிழ்நாடு தவ்ஹீத் ஜமாஅத் சார்பில் பித்அத் ஒழிப்பு மற்றும் சமுதாய பாதுகாப்பு மாநாடு திருச்சி சிறுகனூரில் இன்று காலை தொடங்கியது. மாநாட்டுக்கு தமிழ்நாடு தவ்ஹீத் ஜமாஅத் மாநில தலைவர் சுலைமான் தலைமை தாங்கினார். காலையில் 9 மணிக்கு கண்காட்சி அரங்கம் திறக்கப்பட்டது. இதனை இஸ்லாமிய மக்கள் ஆர்வத்துடன் பார்த்தனர்.இதை எடுத்து மாநில நிர்வாகிகள் தொடக்க உரையாற்றினர். மாநாட்டில் மாநில செயலாளர் இம்ரான் உருது உரையும், மாநிலச் செயலாளர் அமீன் ஆங்கில உரையும் நிகழ்த்தினர். இந்த மாநாட்டில் மதரசா மாணவர்களுக்கான பட்டமளிப்பு நிகழ்ச்சி மற்றும் பட்டிமன்றம் நடக்கிறது .பித்அத்உருவாக பெரிதும் காரணம் ஆலிம்களா? மக்களா? என்ற தலைப்பில் பட்டிமன்றம் நடக்கிறது. மாநில பொதுச் செயலாளர் அப்துல் கரீம், மேலாண்மை குழு தலைவர்சம்சுல் லுஹா ரஹ்மானி,பேச்சாளர் சுலைமான் ஆகியோர் சிறப்புரையாற்றுகின்றனர். இந்த மாநாட்டில் தமிழ்நாடு முழுவதும் இருந்து தவ்ஹீத் நிர்வாகிகள் மற்றும் தொண்டர்கள் கலந்து கொண்டுள்ளனர்.பல்வேறு தலைப்புகளில் ஜமாத்தின் முன்னணி தலைவர்கள், மார்க்க அறிஞர்கள் சிறப்பு ரையா ற்றுகின்றனர். மத்திய அரசினாலும், பல அமை ப்புகளாலும் இஸ்லா மியர்கள் படும் நெருக்கடிகள் குறித்தும், தீர்வு காணும் வகையிலும் மக்களிடம் விளக்கி வ மாநாட்டில் முக்கிய தீர்மானங்கள் நிறைவேற்றப்படுகின்றன.

கடையநல்லூர்:

இந்திய யூனியன் முஸ்லிம் லீக் மாநில பொதுச் செயலாளரும், முன்னாள் எம்.எல்.ஏ.வுமான கே.ஏ.எம்.முகமதுஅபூபக்கர் கடையநல்லூரில் செய்தியா ளர்களிடம் கூறியதாவது:-

வெளிநாட்டு வாழ் இந்தியர்களுக்கு எந்த உதவியும் செய்யாத மத்திய அரசு ,தற்போது அவர்களுக்கு வாக்குரிமை அளிக்கப் போவதாக நிதிநிலை அறிக்கையில் தெரிவித்துள்ளது. மொத்தத்தில் வாக்கு வங்கியை குறிவைத்து தயாரிக்கப்பட்டுள்ளது இந்த நிதிநிலை அறி க்கை. இதனால் எந்த சாமானியருக்கும் பயனில்லை. தென்காசி மாவட்டத்தில் பரவி வரும் டெங்கு காய்ச்சலை கட்டுப்படுத்த தேவையான நடவடிக்கைகளை எடுக்க சுகாதாரத்துறை அமைச்சரிடம் முஸ்லிம் லீக் சார்பில் வலியுறுத்தப்படும்.

இந்திய யூனியன் முஸ்லிம் லீக்கின் அகில இந்திய அளவிலான பவளவிழா மாநாடு மார்ச் 9 மற்றும் 10-ந் தேதிகளில் சென்னையில் நடைபெறுகிறது. முதல் நாள் அகில இந்திய அளவிலான முஸ்லிம் லீக்கின் பிரதிநிதிகள் பங்கேற்கும் மாநாடு நடைபெறுகிறது. 2-ம் நாள் நிகழ்ச்சியில் முதல்-அமைச்சர் மு.க.ஸ்டாலின் மற்றும் முஸ்லிம் லீக்கின் தேசிய தலைவர்கள் பங்கேற்று பேசுகின்றனர். 75-வது முஸ்லிம் லீக் பவள விழா மாநாட்டில் இந்தியாவில் உள்ள ஏழை- எளிய இஸ்லாமிய பெண்களுக்கு 75 பேருக்கு தலா ரூ.3 லட்சம் வீதம் ரூ.2.25 கோடி மதிப்பில் சீர்வரிசைகள் வழங்கி திருமணத்தை நடத்தி வைக்க இருக்கிறது.

இந்தாண்டு ஹஜ் புனித பயணம் செய்பவர்களின் எண்ணிக்கையை அதிகரிக்க வேண்டும் என மத்திய அரசுக்கு கோரிக்கை விடுத்து இருந்தோம். அதை மத்திய அரசு ஏற்று 1.75 லட்சம் பேர் பயணம் செய்வதற்கான ஏற்பாடுகளை செய்வதாக கூறி இருக்கிறார்கள்.

இவ்வாறு அவர் கூறினார்.

பேட்டியின்போது இந்திய யூனியன் முஸ்லிம் லீக் மாநில அமைப்பு செயலாளர் நெல்லை மஜித், தென்காசி மாவட்ட தலைவர் செய்யது சுலைமான், கடையநல்லூர் நகர தலைவர் செய்யது மசூது, முஸ்லிம் லீக் நகர மன்ற உறுப்பினர் அக்பர் அலி, மாநில பேச்சாளர் முகமது அலி ஆகியோர் உடன் இருந்தனர்.