நீங்கள் தேடியது "looted"

கோவை,

கோவை அருகே உள்ள உப்பிலிபாளையம் கிருஷ்ணா கார்டனை சேர்ந்தவர் அற்புதராஜ்(வயது58).

இவர் தமிழ்நாடு மின்சார வாரியத்தில் அதிகாரியாக உள்ளார். இவரது மனைவி தனியார் பள்ளியில் ஆசிரியராக பணியாற்றி வருகிறார்.

கடந்த சில நாட்களுக்கு முன்பு அற்புதராஜ் தனது குடும்பத்துடன் ஊட்டிக்கு சுற்றுலா சென்றார். அப்போது இவரது வீட்டின் முன்பக்க கதவை உடைத்து மர்ம நபர்கள் உள்ளே நுழைந்தனர். அவர்கள் அறையில் இருந்த பீரோவை திறந்து அதில் இருந்த 12 பவுன் தங்க நகைகள், ரூ. 10 ஆயிரம் ரொக்கபணம், 3 வெள்ளி டம்ளர்கள் ஆகியவற்றை கொள்ளையடித்து தப்பி சென்றனர்.

சுற்றுலா முடிந்து வீட்டிற்கு திரும்பிய அற்புத ராஜ் கதவு உடைக்கப்பட்டு திறந்திருப்பது கண்டு அதிர்ச்சி அடைந்தார். உள்ளே சென்று பார்த்த போது நகை மற்றும் பணம் கொள்ளை போனது தெரிய வந்தது.பின் னர் அவர் இதுகுறித்து சிங்காநல்லூர் போலீ சில் புகார் அளித்தார்.

புகா ரின் பேரில், போலீசார் சம்பவ இடத்திற்கு விரைந்து சென்று விசாரணை நடத்தி னர். மேலும் கைரேகை நிபு ணர்கள் வரவழைக்கப் பட்டனர். அவர்கள் வீட்டில் பதிவாகியிருந்த கொள்ளையர்களின் கைரே கைகளை பதிவு செய்தனர். மேலும் அந்த பகுதியில் பொருத்தப்பட்டுள்ள கண்காணிப்பு காமிராவில் மர்ம நபர்கள் வந்து செல்லும் காட்சிகள் பதிவாகியுள்ளதா? என ஆய்வு செய்து வருகின்றனர்.

கோவை,

கோவை மாவட்டம் ஆழியாறு அருகே உள்ள துறையூரை சேர்ந்தவர் சரவணன் (வயது30). கூலித்தொழிலாளி.

சம்பவத்தன்று இவரது மனைவி மற்றும் குழந்தைகள் திருச்செந்தூர் கோவிலுக்கு சென்று இருந்தனர். வீட்டில் சரவணன் மட்டும் தனியாக இருந்தார்.

சம்பவத்தன்று இரவு இவர் மது போதையில் வீட்டிற்கு வந்தார். பின்னர் போதையில் கதவை பூட்டாமல் அயர்ந்து தூங்கினார்.

அப்போது வீட்டிற்குள் நுழைந்த மர்மநபர் அறையில் இருந்த பீரோவை திறந்து அதில் இருந்த 4 பவுன் தங்க நகைகள், ரூ. 14 ஆயிரம் ரொக்க பணம் ஆகியவற்றை கொள்ளைடித்து தப்பிச் சென்றார்.

போதை தெளிந்து எழுந்த சரவணன் நகை மற்றும் பணம் கொள்ளை போயிருப்பது கண்டு அதிர்ச்சியடைந்தார். பின்னர் இது குறித்து ஆழியாறு போலீசில் புகார் செய்தார்.

புகாரின் பேரில் போலீசார் வழக்குப்பதிவு செய்து வீட்டிற்குள் நுழைந்து நகை மற்றும் பணத்தை கொள்ளையடித்து சென்ற மர்மநபரை தேடி வருகிறார்கள்.

நெல்லை:

நெல்லையை அடுத்த பேட்டை சாம்பவர் வடக்கு தெருவை சேர்ந்தவர் மாடக்கன். இவரது மகன் அய்யப்பன்(வயது 36).

ரூ.47 ஆயிரம் கொள்ளை

இவர் பேட்டை செக்கடி பகுதியில் மணல், ஜல்லி மற்றும் ஹார்வேர்ஸ் விற்பனை கடை நடத்தி வருகிறார். நேற்று இரவு வழக்கம்போல் கடையை அடைத்துவிட்டு சென்ற அய்யப்பன் இன்று காலை கடையை திறப்பதற்காக சென்றார்.

அப்போது கடையின் பூட்டு உடைக்கப்பட்டு இருந்தது. உள்ளே சென்று பார்த்தபோது அங்கிருந்த ரூ.47 ஆயிரம் பணம் திருட்டு போயிருந்தது. மேலும் கடையில் பொருத்தப்பட்டு இருந்த 3 சி.சி.டி.வி. காமிராக்கள், ஹார்டு டிஸ்க் உள்ளிட்டவையும் திருட்டு போனது.

விசாரணை

இதனால் அதிர்ச்சி அடைந்த அய்யப்பன் பேட்டை போலீசில் புகார் அளித்தார். அதன்பேரில் போலீசார் அங்கு விரைந்த சென்று விசாரணை நடத்தி வருகின்றனர். நள்ளிரவு 12 மணி வரை அய்யப்பன் கடையில் இருந்துள்ளார்.

அதன்பின்னர் தான் வீட்டுக்கு சென்றுள்ளார். இதனால் அதிகாலையில் வந்த மர்ம நபர்கள் பூட்டை உடைத்து இந்த கொள்ளை சம்பவத்தில் ஈடுபட்டு இருக்கலாம் என்பது தெரியவந்தது. இதுதொடர்பாக வழக்குப்பதிவு செய்து, அருகில் உள்ள மற்ற கடைகளில் பொருத்தப்பட்டு இருக்கும் சி.சி.டி.வி. காட்சிகள் மூலம் போலீசார் மர்ம நபர்களை தேடி வருகின்றனர்.

நெல்லை:

பாளை மகாராஜநகர் பகுதியை சேர்ந்தவர் பரமசிவ அய்யப்பன். தி.மு.க. பிரமுகர். இவரிடம் தியாகராஜநகரை சேர்ந்த துரை என்பவர் கார் டிரைவராக வேலை பார்த்து வருகிறார்.

ரூ.17 லட்சம் கொள்ளை

நேற்று பரமசிவ அய்யப்பன் கூறியதன் பேரில், பாளையில் உள்ள 2 வங்கிகளில் பரமசிவ அய்யப்பனின் சேமிப்பு கணக்கில் இருந்து ரூ.17 லட்சத்தை அவரது டிரைவர் துரை எடுத்துள்ளார். பின்னர் நெல்லை மாவட்ட போலீஸ் சூப்பிரண்டு அலுவலகம் அருகே உள்ள வங்கிக்கு சென்ற துரை பணத்தை காரில் வைத்து பூட்டிவிட்டு உள்ளே சென்றார்.

சிறிது நேரம் கழித்து வெளியே வந்து பார்த்தபோது காரின் கண்ணாடி உடைக்கப்பட்டு அதில் இருந்த ரூ.17 லட்சம் கொள்ளையடிக்கப்பட்டு இருந்தது. இதுதொடர்பாக நெல்லை கிழக்கு மண்டல துணை போலீஸ் கமிஷனர் சீனிவாசன் உத்தரவின்பேரில் பாளை இன்ஸ்பெக்டர் வாசிவம் வழக்குப்பதிவு செய்து விசாரணை நடத்தி வருகிறார்.

சி.சி.டி.வி. ஆய்வு

சம்பவம் நடந்த இடத்தின் அருகே கல்லூரி, வங்கி ஆகியவையும், சிறிது தூரத்தில் பாளை போலீஸ் நிலையமும் உள்ளது. எப்போதும் பரபரப்பாக காணப்படும் இந்த சாலையில் துணிகர சம்பவம் நடந்துள்ளது.

வங்கி நுழைவு வாயிலில் பொருத்தப்பட்டு இருந்த சி.சி.டி.வி. காமிராவில் காரின் டிரைவர் இருக்கை பகுதி மட்டுமே தெரிகிறது. இதனால் அதில் மர்ம நபர்களின் உருவம் பதிவாகவில்லை.

பின் தொடர்ந்து வந்த கும்பல்

அதன் அருகே போலீஸ் சூப்பிரண்டு அலுவலகத்தில் உள்ள சி.சி.டி.வி.யிலும் காட்சிகள் தெளிவாக இல்லை. இதனால் டிரைவர் துரை, ஏற்கனவே பணம் எடுத்த 2 வங்கிகளும் உள்ள பகுதியில் பொருத்தப்பட்டு உள்ள சி.சி.டி.வி. காட்சிகளை தனிப்படையினர் ஆய்வு செய்தனர்.

இதில் 2 மோட்டார் சைக்கிள்களில் வந்த 4 பேர் காரை பின் தொடர்வது தெரியவந்தது. மேலும் சம்பவ நேரத்தில் அந்த பகுதியில் உள்ள செல்போன் பதிவுகளை பட்டியல் சேகரித்தும், விசாரணையை தீவிரப்படுத்தினர். இதில் கொள்ளை கும்பல் பற்றிய தகவல் போலீசாருக்கு கிடைத்தது. இதைத்தொடர்ந்து போலீசார் அவர்களை தேடிய போது, அந்த கும்பல் ஆந்திராவுக்கு தப்பி செல்வது கண்டுபிடிக்கப்பட்டது. எனவே அவர்களை கைது செய்ய தனிப்படை போலீசார் ஆந்திரா விரைந்து உள்ளனர்.

சென்னை:

தமிழக பல்கலைக் கழகங்களில் இதற்கு முன்பு பெருமளவு லஞ்சம் வாங்கிக் கொண்டு துணைவேந்தர் பதவி நிரப்பப்பட்டதாக கவர்னர் பன்வாரிலால் புரோகித் திடுக்கிடும் தகவலை வெளியிட்டார்.

இது, தமிழக வட்டாரத்தில் பெரும் பரபரப்பை ஏற்படுத்தி இருக்கிறது. கவர்னர் சொன்ன தகவல் முற்றிலும் உண்மை என்று பல்கலைக்கழக பேராசிரியர்களும், கல்வியாளர்களும் கூறுகிறார்கள்.

இதுபற்றி மூத்த பேராசிரியர் ஒருவர் கூறும் போது, கடந்த 15 ஆண்டுகளாகவே பல்கலைக்கழகங்களில் துணைவேந்தர் நியமனம் பணம் பெற்றுதான் வழங்கப்பட்டது.

ஆரம்பத்தில் ரூ.15 லட்சம் என இதற்கு விலை இருந்தது. பின்னர் படிப்படியாக உயர்ந்து ரூ. 50 கோடி வரை லஞ்சம் பெற்று இந்த பதவி வழங்கப்பட்டது என்று அவர் கூறினார்.

துணைவேந்தர் பதவி காலம் 3 ஆண்டுகள் மட்டும்தான். இதற்குள் தான் லஞ்சம் கொடுத்த பணத்தை சம்பாதிப்பதுடன் மேற்கொண்டும் சம்பாதிக்க வேண்டிய கட்டாயம் துணை வேந்தர்களுக்கு இருந்தது.

இதனால் உயர் கல்வித் துறையில் லஞ்சம் தலை விரித்தாடியது என்று சில பேராசிரியர்கள் தெரிவித்தனர்.

சில ஒப்பந்ததாரர்களும், பல்கலைக்கழக தனியார் இணைப்பு கல்லூரிகளும் தங்களுக்கு வேண்டிய சிலரை உருவாக்குவதற்காக அவர்களே தானாக முன் வந்து லஞ்ச பணத்தை கொடுத்ததாகவும் பேராசிரியர்கள் தெரிவித்தனர்.

துணைவேந்தராக நியமிக்கப்படுபவருக்கு அதற்கான லஞ்ச பணத்தை திரட்டுவதற்கென்றே புரோக்கர்களும் செயல்பட்டார்கள் என்றும் பேராசிரியர்கள் தெரிவித்தனர்.

மேலும் துணைவேந்தருக்கு பல்வேறு வகையில் வருமானம் வருவதற்கும் இந்த புரோக்கர்கள ஏற்பாடுகளையும் செய்து கொடுத்துள்ளனர்.

ஆனால், கடந்த 1½ ஆண்டுகளாக தமிழ்நாட்டில் பல்கலைக்கழக துணை வேந்தர்கள் உண்மையான தகுதி அடிப்படையில் நியமிக்கப்படுவதாகவும் பேராசிரியர்கள் கூறினார்கள்.

பல்கலைக்கழக துணைவேந்தரை தேர்வு செய்வதற்காக தனி தேடுதல் குழு மற்றும் கல்வியாளர்கள் குழு செயல்படுகிறது.

இதற்கு முன்பு அவர்கள் வெளிப்படையாக செயல்பட்டது இல்லை. ஆனால், இந்த குழு இப்போது வெளிப்படையாக செயல்பட்டு சிறந்த நபர்களை தேர்வு செய்வதாகவும் அவர்கள் தெரிவித்தனர்.

அண்ணா பல்கலைக்கழக துணைவேந்தராக சூரப்பா தேர்வு செய்யப்பட்ட பிறகு மிகவும் நேர்மையாக பணிகள் நடப்பதாக அண்ணா பல்கலைக்கழக பேராசிரியர்கள் தெரிவித்தனர்.

சமீபத்தில் மதுரை பல்கலைக்கழக துணை வேந்தர் தேர்வு செய்யப்பட்ட போது, 2 அதிகார வர்க்கங்கள் தலையிட்ட போதும் தேர்வு முறையாக நடந்ததாக மூத்த கல்வியாளர் ஒருவர் கூறினார்.

கான்பூர் ஐ.ஐ.டி. முன்னாள் சேர்மன் அனந்தகிருஷ்ணன் இது பற்றி கூறும் போது, மற்றவற்றில் நடக்கும் ஊழலை விட கல்வி நிறுவனங்களில் நடக்கும் ஊழல் மிக மோசமான விளைவுகளை ஏற்படுத்தி விடும். அது ஒரு சமூகத்தையே பெரிய அளவில் பாதிக்கும். துணை வேந்தர் நியமனத்தில் மட்டும் அல்ல, அனைத்து வகைகளிலும் ஊழல் ஒழிக்கப்பட வேண்டும் என்று கூறினார். #ViceChancellors #bribe

தஞ்சாவூர்:

தஞ்சை மருத்துவக் கல்லூரி மருத்துவமனையின் கீழ் இயங்கி வரும் ராசா மிராசுதார் மருத்துவ மனைக்கு தஞ்சை, திருவாரூர், நாகை, புதுக்கோட்டை, அரியலூர் போன்ற பல மாவட்டங்களில் இருந்து ஏராளமானோர் வந்து சிகிச்சை பெற்று செல்கின்றனர்.

தஞ்சை நகரின் மையப்பகுதியில் பழைய பேருந்து நிலையத்திற்கு அருகே அமைந்துள்ளதால் தினமும் ஆயிரத்திற்கும் மேற்பட்ட நோயாளிகள் சிகிச்சை பெற்று செல்ல இந்த மருத்துவமனை வசதியாக உள்ளது.

இங்கு பிரசவ பிரிவு, கண், பல், குழந்தைகள் நலம் ஆகிய அனைத்து பிரிவுகளுக்கும் சிகிச்சை அளிக்கப்பட்டு வருகிறது. மேலும் குழந்தைகளுக்கு என தனி சிறப்பு வாய்ந்த மருத்துவமனையாக ராசா மிராசுதார் மருத்துவமனை உள்ளது. தினமும் 10-க்கும் மேற்பட்ட குழந்தைகள் பிறக்கின்றன.

இங்கு அனைத்து வார்டுகளுக்கும் தனியார் நிறுவனத்தின் மூலம் காவலாளிகள் நியமிக்கப்பட்டுள்ளனர். அனைத்து முக்கியமான வார்டுகளுக்கும் ஒரு நாளுக்கு ஒரு காவலாளி வீதம் பணி புரிந்து வருகின்றனர். இந்நிலையில் பிரசவ வார்டுகளில் பிரசவித்த பெண்களை பார்க்க செல்லும் உறவினர்கள் மற்றும் பார்வையாளர்களிடம் ரூ.50 முதல் 200 வரை லஞ்சம் வாங்குவதாக புகார்கள் எழுந்த வண்ணம் உள்ளது.

இதுகுறித்து மருத்துவ மனைக்கு குழந்தையை பார்க்க வந்த சிலர் கூறியதாவது:-

தஞ்சாவூர் ராசா மிராசுதார் மருத்துவ மனை தொடங்கிய நாள் முதலே குழந்தைகளுக்கு என்று தனி பிரிவுகள் உள்ளன. மேலும் தஞ்சை பழைய பேருந்து நிலையம் அருகே உள்ளதால் எளிதில் வந்து சிகிச்சை பெற்று செல்ல முடிகிறது.

ஆனால் இங்கு தனியார் செக்யூரிட்டி சர்வீஸ் மூலம் காவலாளிகள் பணியில் அமர்த்தப்பட்டுள்ளனர்.

இவர்கள் ஆஸ்பத்திரிக்கு பிறந்த குழந்தையை பார்க்க உறவினர்கள் மற்றும் குழந்தையின் தந்தை ஆகியோரை மதியம் 12 மணி முதல் இரவு 7 மணி வரை உள்ளே அனுமதிக்கின்றனர். இரவு நேரங்களில் ஒருவரையும் அனுமதிப்பதில்லை. அவ்வாறு அனுமதித்தால் உள்ளே செல்வதற்கு ரூ.50 முதல் 200 வரை செக்யூரிட்டிகள் பணம் வாங்குகின்றனர். பணம் கொடுக்க மறுத்தால் தகாத வார்த்தையால் திட்டி உள்ளே அனுமதிக்க மறுக்கின்றனர். எனவே இதுகுறித்து கலெக்டர் மற்றும் மருத்துமனை நிர்வாகம் உரிய நடவடிக்கை எடுக்க வேண்டும்.

இவ்வாறு அவர்கள் கூறினர்.