நீங்கள் தேடியது "வாகன விற்பனை"

ஒலா எலெக்ட்ரிக் நிறுவனம் தனது மார்ச் மாத வாகன விற்பனை விவரங்களை வெளியிட்டு உள்ளது. 2023 மார்ச் மாதத்தில் மட்டும் ஒலா எலெக்ட்ரிக் நிறுவனம் சுமார் 27 ஆயிரத்திற்கும் அதிக யூனிட்களை விற்பனை செய்து இருக்கிறது. இதன் மூலம் எலெக்ட்ரிக் இருசக்கர வாகனங்கள் சந்தையில் ஒலா எலெக்ட்ரிக் பங்குகள் 70 சதவீதமாக அதிகரித்துள்ளது.

ஒரே மாதத்தில் இத்தனை யூனிட்கள் விற்பனை செய்திருப்பது ஒலா எலெக்ட்ரிக் நிறுவனத்திற்கு முதல் முறை ஆகும். சமீபத்திய மாதாந்திர விற்பனை விவரங்களை வைத்து பார்க்கும் போது ஒலா எலெக்ட்ரிக் நிறுவனம் இதுவரை சுமார் 2 லட்சத்திற்கும் அதிக வாகனங்களை விற்பனை செய்திருப்பது உறுதியாகி இருக்கிறது.

தற்போதைய நிதியாண்டில் போட்டி நிறுவனங்களுடன் ஒப்பிடும் போது ஒலா எலெக்ட்ரிக் வாகன விற்பனையில் முன்னணியில் உள்ளது. 2022-23 நிதியாண்டின் கடைசி மாதத்தில் ஒலா எலெக்ட்ரிக் நிறுவனம் அதிக யூனிட்களை விற்பனை செய்திருக்கிறது. அதன்படி தொடர்ச்சியாக ஏழாவது மாதமாக ஒலா எலெக்ட்ரிக் நிறுவனம் எலெக்ட்ரிக் இருசக்கர வாகன விற்பனையில் முன்னணியில் உள்ளது.

ஒலா எலெக்ட்ரிக் ஸ்கூட்டர் வைத்திருப்போர் பெரும்பாலும் ஒலா எக்ஸ்பீரியன்ஸ் செண்டரை சுற்றி 20 கிலோமீட்டர் பரப்பளவில் வசிக்கின்றனர் என்று ஒலா எலெக்ட்ரிக் நிறுவனம் தெரிவித்து இருக்கிறது. 2 முதல் 4 கிலோவாட் ஹவர் திறன் கொண்ட பேட்டரி பேக்குகளால் வித்தியாசப்படும் ஆறு மாடல்களை ஒலா எலெக்ட்ரிக் விற்பனை செய்து வருகிறது.

மஹிந்திரா அண்ட் மஹிந்திரா நிறுவனம் தனது பொலிரோ மாடல் 2023 நிதியாண்டில் மட்டும் விற்பனையில் 1 லட்சம் யூனிட்களை கடந்துள்ளதாக அறிவித்து இருக்கிறது. 2000-ம் ஆவது ஆண்டு இந்திய சந்தையில் விற்பனைக்கு அறிமுகம் செய்யப்பட்ட மஹிந்திரா பொலிரோ மாடல் இதுவரை விற்பனையில் 14 லட்சம் யூனிட்களை கடந்துள்ளது.

2021 மத்தியில் அறிமுகம் செய்யப்பட்ட மஹிந்திரா பொலிரோ நியோ மாடலும் பொலிரோ சீரிஸ் விற்பனை அதிகரிக்க உதவி இருக்கிறது. இந்தியாவில் விற்பனையான டாப் 30 யுடிலிட்டி வாகனங்கள் பட்டியலில் மஹிந்திரா நிறுவனத்தின் பொலிரோ மாடல் மொத்தத்தில் 1 லட்சத்து 577 யூனிட்கள் விற்பனையாகி ஏழாவது இடம்பிடித்துள்ளதாக தகவல் வெளியாகி உள்ளது.

பொலிரோ மற்றும் பொலிரோ நியோ மாடல்கள் இணைந்து மாதம் 8 ஆயிரத்து 381 யூனிட்கள் விற்பனையாகி இருக்கிறது. இதன் மூலம் வருடாந்திர விற்பனை அடிப்படையில் 54 சதவீதம் வளர்ச்சியை பொலிரோ மாடல் பதிவு செய்துள்ளது.

இந்திய சந்தையில் பொலிரோ மாடல் B4, B6, மற்றும் B6 (O) என மூன்று வேரியண்ட்களில் கிடைக்கிறது. இவற்றின் விலை ரூ. 9 லட்சத்து 92 ஆயிரம் என்று துவங்குகிறது. இதன் டாப் எண்ட் மாடல் விலை ரூ. 11 லட்சத்து 03 ஆயிரம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

"விற்பனையில் 14 லட்சம் யூனிட்களை கடந்து இருப்பதன் மூலம் பொலிரோ மாடல் எஸ்யுவி என்பதை கடந்து, இந்தியாவின் ஊரக மற்றும் வளர்ந்து வரும் நகர்ப்புறங்களில் மிகவும் பிரபலமான பெயராகவும் மாறி இருக்கிறது. 2023 நிதியாண்டில் ஒரு லட்சம் யூனிட்கள் எனும் விற்பனை எங்களது வாடிக்கையாளர்களின் வைத்திருக்கும் நம்பிக்கையை வெளிப்படுத்தி இருக்கிறது," என்று மஹிந்திரா அண்ட் மஹிந்திரா நிறுவனத்தின் ஆட்டோமோடிவ் பிரிவு தலைவர் வீஜே நக்ரா தெரிவித்துள்ளார்.

டிவிஎஸ் என்டார்க் ஸ்கூட்டர் இந்திய சந்தை விற்பனையில் 1.45 மில்லியன் யூனிட்களை கடந்துள்ளது. கடந்த 2018 பிப்ரவரி மாதம் அறிமுகம் செய்யப்பட்ட டிவிஎஸ் என்டார்க் விற்பனையில் 1 மில்லியன் யூனிட்களை 2022 ஏப்ரல் மாதம் எட்டியது. மார்ச் 2023 இறுதி வரை என்டார்க் மொத்த விற்பனை 12 லட்சத்து 89 ஆயிரத்து 171 யூனிட்களாக இருந்தது. 2019 நிதியாண்டில் மட்டும் 1 லட்சத்து 65 ஆயிரத்து 947 யூனிட்கள் ஏற்றுமதி செய்யப்பட்டு இருந்தது.

2023 நிதியாண்டில் டிவிஎஸ் என்டார்க் ஒட்டுமொத்த விற்பனை 2 லட்சத்து 90 ஆயிரத்து 539 யூனிட்கள் ஆகும். இதன் மூலம் வருடாந்திர விற்பனையில் 16.55 சதவீதம் வளர்ச்சியை பதிவு செய்துள்ளது. ஒரே ஆண்டில் டிவிஎஸ் நிறுவனம் இத்தனை யூனிட்கள் விற்பனை செய்தது இதுவே முதல் முறை ஆகும். இந்திய சந்தையில் அதிகம் விற்பனையாகும் ஸ்கூட்டர்கள் பட்டியலில் என்டார்க் மாடல் நான்காவது இடத்தில் உள்ளது.

முதல் மூன்று இடங்களில் ஆக்டிவா, டிவிஎஸ் ஜூப்பிட்டர் மற்றும் சுசுகி அக்சஸ் போன்ற மாடல்கள் உள்ளன. அறிமுகம் செய்யப்பட்டதில் இருந்தே டிவிஎஸ் என்டார்க் மாடல் பிரபலமாக இருந்து வருகிறது. அறிமுகம் செய்யப்பட்ட இரண்டே மாதங்களில் என்டார்க் மாடல் 19 ஆயிரத்து 809 யூனிட்கள் விற்பனையாகி இருந்தது. இதே ஆண்டின் இறுதியில் டிவிஎஸ் நிறுவனம் 2 லட்சத்து 13 ஆயிரத்து 039 யூனிட்களை விற்பனை செய்து இருந்தது.

பின் 2020 ஆண்டு 2 லட்சத்து 65 ஆயிரத்து 016 யூனிட்கள் விற்பனையானது. இது வருடாந்திர அடிப்படையில் 24 சதவீதம் அதிகம் ஆகும். 2021 நிதியாண்டில் கொரோனா ஊரடங்கு மற்றும் கட்டுப்பாடுகள் அமலில் இருந்த நிலையிலும் என்டார்க் மாடல் 2 லட்சத்து 51 ஆயிரத்து 491 யூனிட்களை விற்பனை செய்திருந்தது. 2022 நிதியாண்டில் 2 லட்சத்து 49 ஆயிரத்து 277 யூனிட்கள் விற்பனையாகி இருந்தது. இந்த வரிசையில் 2023 நிதியாண்டில் 2 லட்சத்து 90 ஆயிரத்து 539 யூனிட்கள் விற்பனையாகி இருக்கிறது.

டொயோட்டா கிர்லோஸ்கர் மோட்டார் நிறுவனம் டீசல் என்ஜின் கொண்ட இன்னோவா க்ரிஸ்டா மாடல் மே மாத விற்பனையில் அதிக வரவேற்பை பெற்று இருக்கிறது. இந்திய சந்தையில் ஒட்டுமொத்த டொயோட்டா வாகனங்கள் விற்பனையில் இன்னோவா க்ரிஸ்டா மட்டும் 25 சதவீத பங்குகளை பெற்று அசத்தியுள்ளது.

மே 2023 மாதத்தில் மட்டும் டொயோட்டா கிர்லோஸ்கர் மோட்டார் நிறுவனம் 4 ஆயிரத்து 786 யூனிட்களை விற்பனை செய்துள்ளது. இதன் வருடாந்திர விற்பனை 75 சதவீதம் அதிகரித்து இருக்கிறது. கடந்த ஆண்டு மே மாதத்தில் டொயோட்டா நிறுவனம் 2 ஆயிரத்து 737 யூனிட்களை விற்பனை செய்து இருந்தது. இதன் மூலம் டொயோட்டா நிறுவனத்தின் அதிகம் விற்பனையாகும் இரண்டாவது கார் மாடல் என்ற பெருமையை இன்னோவா க்ரிஸ்டா பெற்று இருக்கிறது.

கடந்த மே மாதம் அதிகம் விற்பனையான கிளான்சா மாடலை விட இன்னோவா க்ரிஸ்டா 393 யூனிட்களே குறைவாக விற்பனையாகி உள்ளது. சமீபத்தில் அறிமுகம் செய்யப்பட்ட இன்னோவா ஹைகிராஸ் மாடல் கடந்த மாதத்தில் 2 ஆயிரத்து 990 யூனிட்கள் விற்பனையாகி இருக்கிறது. பழைய மாடல் என்ற வகையிலும் இன்னோவா க்ரிஸ்டா, புதிய எம்பிவி-யான ஹைகிராஸ்-ஐ விற்பனையில் முந்தியுள்ளது.

இன்னோவா க்ரிஸ்டா மாடலில் 2.4 லிட்டர் டர்போசார்ஜ் செய்யப்பட்ட டீசல் என்ஜின் கொண்டிருக்கிறது. இந்த என்ஜின் 145 ஹெச்பி பவர், 343 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்பட்டு இருக்கிறது.

புதிய இன்னோவா ஹைகிராஸ் மாடலில் 2.0 லிட்டர், 4 சிலிண்டர் NA பெட்ரோல் என்ஜின் வழங்கப்படுகிறது. இந்த என்ஜின் 172 ஹெச்பி பவர், 205 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் CVT கியர்பாக்ஸ் வழங்கப்படுகிறது. இதன் ஹைப்ரிட் மாடலில் 2.0 லிட்டர், நான்கு சிலிண்டர்கள் கொண்ட அட்கின்சன் சைக்கிள் பெட்ரோல் என்ஜின் மற்றும் எலெக்ட்ரிக் மோட்டார் உள்ளது.

இந்த என்ஜின் 184.8 ஹெச்பி பவர், 206 நியூட்டன் மீட்டர் டார்க் இழுவிசையை வெளிப்படுத்துகிறது. இதன் பெட்ரோல் மாடலில், eCVT கியர்பாக்ஸ் மட்டுமே வழங்கப்படுகிறது. டொயோட்டா இன்னோவா ஹைகிராஸ் மாடலின் விலை ரூ. 18 லட்சத்து 55 ஆயிரம் என்று துவங்குகிறது. இதன் டாப் எண்ட் மாடல் விலை ரூ. 29 லடச்த்து 99 ஆயிரம் வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

டாடா மோட்டார்ஸ் நிறுவனம் இந்திய சந்தை விற்பனையில் நெக்சான் EV மாடல் 50 ஆயிரம் யூனிட்களை கடந்துள்ளது. 2020 ஆண்டு இந்திய சந்தையில் அறிமுகம் செய்யப்பட்ட நெக்சான் EV பிரைம் மற்றும் மேக்ஸ் என இரண்டு வெர்ஷன்களில் விற்பனை செய்யப்பட்டு வருகிறது.

இந்தியாவில் நெக்சான் EV சீரிஸ் விலை ரூ. 14 லட்சத்து 49 ஆயிரம் என்று துவங்குகிறது. டாப் என்ட் மாடல் விலை ரூ. 19 லட்சத்து 54 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

நெக்சான் EV பிரைம் மாடலில் 30.2 கிலோவாட் ஹவர் பேட்டரி உள்ளது. இந்த கார் முழு சார்ஜ் செய்தால் 312 கிலோமீட்டர்கள் வரையிலான ரேன்ஜ் வழங்கும் என்று ARAI சான்று பெற்று இருக்கிறது. நெக்சான் EV மேக்ஸ் மாடலில் 40.5 கிலோவாட் ஹவர் பேட்டரி உள்ளது. இந்த வேரியன்ட் முழு சார்ஜ் செய்தால் 453 கிலோமீட்டர்கள் வரை செல்லும் என்று ARAI சான்று பெற்று இருக்கிறது.

இரண்டு வெர்ஷன்களிலும் IP67 தர வாட்டர் ரெசிஸ்டன்ட் வசதி, 3.3 கிலோவாட் அல்லது 7.2 கிலோவாட் சார்ஜர் வழங்கப்படுகிறது. நெக்சான் EV பிரைம் மாடலை டிசி ஃபாஸ்ட் சார்ஜ் மூலம் 60 நிமிடங்களில் 10-இல் இருந்து 60 சதவீதம் வரை சார்ஜ் செய்துவிட முடியும். EV மேக்ஸ் மாடலை 50 கிலோவாட் டிசி ஃபாஸ்ட் சார்ஜர் மூலம் 56 நிமிடங்களில் 86 சதவீதம் வரை சார்ஜ் செய்திடலாம்.

டாடா நெக்சான் EV பிரைம் மற்றும் மேக்ஸ் மாடல்கள் முறையே 129 ஹெச்பி பவர், 245 நியூட்டன் மீட்டர் டார்க் மற்றும் 143 ஹெச்பி பவர், 250 நியூட்டன் மீட்டர் டார்க் இழுவிசையை வெளிப்படுத்துகின்றன. நெக்சான் EV பிரைம் மாடல் மணிக்கு 100 கிலோமீட்டர்கள் வேகத்தை 9.9 நொடிகளில் எட்டிவிடும். EV மேக்ஸ் மாடல் இதே வேகத்தை ஒன்பது நொடிகளில் எட்டிவிடும். 

ஹோண்டா ஆக்டிவா ஸ்கூட்டர் விற்பனையில் மற்றொரு மைல்கல்லை எட்டி அத்தியிருக்கிறது. ஹோண்டா ஆக்டிவா மாடல் விற்பனையில் 3 கோடி யூனிட்களை கடந்துள்ளது. இந்த மைல்கல்லை எட்டுவதற்கு ஹோண்டா நிறுவனம் 22 ஆண்டுகளை எடுத்துக் கொண்டுள்ளது. கடந்த இரண்டு தசாப்தங்களுக்கும் அதிகமாகவே ஹோண்டா ஆக்டிவா மாடல் விற்பனையில் அமோக வரவேற்பை பெற்று வருகிறது.

2001-ம் ஆண்டு ஆக்டிவா மாடல் 102சிசி ஸ்கூட்டர் வடிவில் அறிமுகம் செய்யப்பட்டது. இதில் உள்ள 4 ஸ்டிரோக் என்ஜின் மற்றும் CVT யூனிட், இந்திய வாடிக்கையாளர்களை கவர்ந்தது. இரு பாலினத்தவரும் பயன்படுத்தும் வகையிலான டிசைன் இந்த ஸ்கூட்டரின் விற்பனை அதிகரிக்க காரணங்களாக மாறின. விற்பனைக்கு வந்த முதல் ஆண்டிலேயே ஹோண்டா ஆக்டிவா மாடல் 55 ஆயிரம் யூனிட்களை கடந்து அசத்தியது.

சந்தையில் நேரடி போட்டியை ஏற்படுத்த வேறு எந்த மாடல்களும் இல்லாத நிலையில், ஆக்டிவா மாடல் விற்பனை தொடர்ந்து அதிகரித்துக் கொண்டே இருந்தது. 2004-05 காலக்கட்டத்தில் ஹோண்டா ஆக்டிவா ஸ்கூட்டர் விற்பனையில் பத்து லட்சம் யூனிட்கள் எனும் மைல்கல்லை எட்டியது. 2008-09 ஆண்டுகளில் ஆக்டிவா மாடல் 110சிசி வடிவில் அறிமுகம் செய்யப்பட்டது. இந்த மாடல் முந்தைய வெர்ஷனை விட 15 சதவீதம் அதிக மைலேஜ் வழங்குவதாக ஹோண்டா அறிவித்தது.

இந்த காலக்கட்டத்தில் ஆக்டிவா விற்பனை ஒவ்வொரு மாதமும் 50 ஆயிரம் யூனிட்களாக அதிகரித்தது. பிறகு 2014-15 காலக்கட்டத்தில் ஆக்டிவா 3ஜி மாடல் அறிமுகம் செய்யப்பட்டது. இதுவே முதல் ஆக்டிவா 125 மாடல் ஆகும். 2016-ம் ஆண்டு ஹோண்டா ஆக்டிவா விற்பனையில் ஒரு கோடி யூனிட்களை கடந்தது. இந்த சமயத்தில் அதிகம் விற்பனையாகும் ஸ்கூட்டர் என்பதை கடந்து, இந்தியாவில் விற்பனையாகும் முன்னணி இருசக்கர வாகனம் என்ற பெருமையை ஹோண்டா ஆக்டிவா பெற்றது.

இதைத் தொடர்ந்து வெறும் 7 ஆண்டுகளில் ஹோண்டா ஆக்டிவா மாடல் இரண்டு கோடி யூனிட்களை கடந்து அசத்தியது. 2018 ஆண்டு ஹோண்டா ஆக்டிவா மாடல் இரண்டு கோடி யூனிட்களை கடந்த நிலையில், 2023 ஆண்டிலேயே மூன்று கோடி யூனிட்கள் எனும் மைல்கல்லை கடந்துள்ளது.

ஹோண்டா கார்ஸ் இந்தியா நிறுவனம் ஜூன் 2023 மாதத்தில் 5 ஆயிரத்து 80 யூனிட்களை விற்பனை செய்து இருக்கிறது. வெளிநாடுகளுக்கு 2 ஆயிரத்து 112 யூனிட்களை ஏற்றுமதி செய்தது. கடந்த ஆண்டு இதே காலக்கட்டத்தில் ஹோண்டா கார்ஸ் இந்தியா நிறுவனம் 7 ஆயிரத்து 834 யூனிட்களை உள்நாட்டிலும், வெளிநாடுகளுக்கு 2 ஆயிரத்து 502 யூனிட்களையும் ஏற்றுமதி செய்து இருந்தது.

"ஜூன் மாத விற்பனை நாங்கள் எதிர்பார்த்த படி சீராக இருக்கிறது. கடந்த மாத விற்பனையில் எங்கள் இலக்குகளை அடைந்திருக்கிறோம். எங்களின் புதிய எஸ்யுவி ஹோண்டா எலிவேட்-ஐ கடந்த மாதம் அறிமுகம் செய்ததில் இருந்து, நல்ல வரவேற்பை பெற்று வருகிறோம். சமீபத்தில் எலிவேட் மாடலுக்கான முன்பதிவு துவங்கியது. பண்டிகை காலக்கட்டத்தில் இதன் வெளியீடு நடைபெறும்," என்று ஹோண்டா கார்ஸ் இந்தியா நிறுவனத்தின் விற்பனை மற்றும் விளம்பர பிரிவு இயக்குனர் யுச்சி முராடா தெரிவித்து இருக்கிறார்.

கடந்த ஜூன் மாதம் ஹோண்டா நிறுவனம் தனது எலிவேட் மிட்-சைஸ் எஸ்யுவி மாடலை அறிமுகம் செய்தது. இந்த மாடல் ஹூண்டாய் கிரெட்டா, மாருதி கிரான்ட் விட்டாரா மற்றும் கியா செல்டோஸ் பேஸ்லிப்ட் மாடல்களுக்கு போட்டியாக அமைகிறது. இந்த காரின் எலெக்ட்ரிக் வெர்ஷன் 2026 ஆண்டு அறிமுகம் செய்யப்பட இருக்கிறது.

புதிய ஹோண்டா எலிவேட் மாடலுக்கான முன்பதிவு ஏற்கனவே துவங்கி நடைபெற்று வரும் நிலையில், வெளியீடு பண்டிகை காலக்கட்டத்தில் நடைபெறும் என்று எதிர்பார்க்கலாம்.  

இந்தியா மட்டுமின்றி சர்வதேச சந்தையிலும் எஸ்யுவி மாடல்களுக்கான தட்டுப்பாடு திடீரென அதிகரித்து விட்டது. இதனை எதிர்கொள்ள அனைத்து கார் உற்பத்தியாளர்களும் புதிய எஸ்யுவி மாடல்களை உருவாக்கும் பணிகளை வேகப்படுத்தி இருக்கின்றன.

இந்திய சந்தையில் தொடர்ச்சியாக புதிய மாடல்கள் அறிமுகம் செய்யப்பட்டு வரும் நிலையிலும், எஸ்யுவி மாடல்களுக்கான தட்டுப்பாடு, அவற்றின் விற்பனையில் வெளிப்படையாக பிரதிபலிக்கிறது. அந்த வகையில், இந்திய சந்தையில் கடந்த ஜூன் மாதம் விற்பனையான கார்களில் டாப் 5 எஸ்யுவி மாடல்கள் பட்டியலை தொடர்ந்து பார்ப்போம்.

ஹூண்டாய் கிரெட்டா:

இந்திய காம்பேக்ட் எஸ்யுவி மாடல்கள் பிரிவில் பல்வேறு புதிய மாடல்கள் அறிமுகம் செய்யப்பட்டுள்ள நிலையிலும், ஹூண்டாய் கிரெட்டா மாடல் எஸ்யுவி-க்கள் பிரிவில் தொடர்ந்து பிரபலமாக விளங்கி வருகிறது. 2023 ஜூன் மாதத்தில் மட்டும் ஹூண்டாய் கிரெட்டா மாடல் 14 ஆயிரத்து 447 யூனிட்கள் விற்பனையாகி இருக்கிறது.

டாடா நெக்சான்:

டாடா நெக்சான் மாடல் இந்தியாவில் அதிகம் விற்பனையாகும் சப்-4 மீட்டர் எஸ்யுவி-யாக இருக்கிறது. இந்த மாடல் ஜூன் 2023 மாதத்தில் மட்டும் 13 ஆயிரத்து 827 யூனிட்கள் விற்பனையாகி இருக்கிறது. கடந்த ஆண்டு ஜூன் மாதத்துடன் ஒப்பிடும் போது இது 3.2 சதவீதம் குறைவு ஆகும்.

ஹூண்டாய் வென்யூ:

ஹூண்டாய் வென்யூ மாடல் வருடாந்திர அடிப்படையில் 12.4 சதவீதம் வளர்ச்சியை பதிவு செய்து இருக்கிறது. 2023 ஜூன் மாதத்தில் மட்டும் இந்த கார் 11 ஆயிரத்து 606 யூனிட்கள் விற்பனையாகி இருக்கிறது.

டாடா பன்ச்:

மைக்ரோ எஸ்யுவி பிரிவில் ஆதிக்கம் செலுத்தும் மாடலாக டாடா பன்ச் இருக்கிறது. கடந்த ஜூன் மாதத்தில் மட்டும் டாடா பன்ச் மாடல் 10 ஆயிரத்து 990 யூனிட்கள் விற்பனையாகி இருக்கிறது. இது வருடாந்திர அடிப்படையில் 5.5 சதவீதம் அதிகம் ஆகும்.

மாருதி சுசுகி பிரெஸ்ஸா:

மாருதி சுசுகி பிரெஸ்ஸா மாடல் விற்பனையில் தொடர்ந்து அசத்தி வருகிறது. இந்த மாடல் கடந்த மாதத்தில் மட்டும் 10 ஆயிரத்து 578 யூனிட்கள் விற்பனையாகி இருக்கிறது. இதன் மூலம் பிரெஸ்ஸா எஸ்யுவி மாடல் வருடாந்திர அடிப்படையில் 140 சதவீதம் வளர்ச்சியை பதிவு செய்துள்ளது.

மாருதி சுசுகி நிறுவனத்தின் ஆல்டோ மாடல் இந்திய விற்பனையில் 45 லட்சம் யூனிட்கள் எனும் மைல்கல்லை எட்டியிருக்கிறது. இந்திய சந்தையில் 2000-வது ஆண்டு அறிமுகம் செய்யப்பட்ட மாருதி சுசுகி ஆல்டோ மாடல் அந்நிறுவனத்தின் நீண்ட காலம் விற்பனையில் உள்ள மாடல் என்ற பெருமையையும் பெற்று இருக்கிறது.

இந்திய சந்தையில் சுமார் இரண்டு தசாப்தங்களுக்கும் அதிகமாக மாருதி சுசுகி ஆல்டோ மாடல் விற்பனை செய்யப்பட்டு வருகிறது. தற்போது இந்த மாடல் பெட்ரோல் மற்றும் CNG என இருவித பவர்டிரெயின் ஆப்ஷன்களில் விற்பனை செய்யப்பட்டு வருகிறது. இந்தியாவில் புதிய மாருதி சுசுகி ஆல்டோ மாடலின் விலை ரூ. 3 லட்சத்து 99 ஆயிரம், எக்ஸ்-ஷோரூம் என்று துவங்குகிறது.

2000-வது ஆண்டு அறிமுகம் செய்யப்பட்ட மாருதி சுசுகி ஆல்டோ மாடல் 2016-ம் ஆண்டு வாக்கில் விற்பனையில் 30 லட்சம் யூனிட்களை கடந்தது. அதன் பிறகு எட்டே ஆண்டுகளில் இந்த கார் 15 லட்சம் யூனிட்கள் விற்பனையாகி இருக்கிறது. இந்த காரில் முதல் தலைமுறை ஆல்டோ K10 மாடல் 2010-ம் ஆண்டு அறிமுகம் செய்யப்பட்டது.

இந்திய சந்தையில் தற்போது விற்பனை செய்யப்பட்டு வரும் ஆல்டோ K10 மாடலில் 1.0 லிட்டர் NA பெட்ரோல் என்ஜின் வழங்கப்பட்டு இருக்கிறது. இத்துடன் 5 ஸ்பீடு மேனுவல் மற்றும் AMT யூனிட் வழங்கப்படுகிறது. இந்த காரின் VXi வேரியன்டில் CNG கிட் பொருத்திக் கொள்ளும் வசதியும் வழங்கப்படுகிறது. இதன் விலை ரூ. 5 லட்சத்து 96 ஆயிரம், எக்ஸ்-ஷோரூம் ஆகும்.

டாடா மோட்டார்ஸ் நிறுவனம் இந்திய ஆட்டோமொபைல் சந்தையின் எலெக்ட்ரிக் வாகன பிரிவில் முன்னணி இடத்தில் இருந்து வருகிறது. அந்த வகையில், எலெக்ட்ரிக் வாகன உற்பத்தியில் ஒரு லட்சம் யூனிட்களை உற்பத்தி செய்து இருப்பதாக அறிவித்து இருக்கிறது. இதில் கடந்த ஒன்பது மாதங்களில் மட்டும் 50 ஆயிரம் எலெக்ட்ரிக் வாகனங்களை உற்பத்தி செய்து இருக்கிறது.

தற்போது டாடா மோட்டார்ஸ் நிறுவனம் மட்டும் தான் அனைத்து வித பாடி ஸ்டைல்களிலும் எலெக்ட்ரிக் வாகனங்களை விற்பனை செய்து வருகிறது. அந்த வகையில் ஹேச்பேக் பிரிவில் (டியாகோ EV), செடான் பிரிவில் (டிகோர் EV) மற்றும் எஸ்.யு.வி. பிரிவில் (நெக்சான் EV) போன்ற மாடல்கள் இடம்பெற்றுள்ளன. இத்துடன் எக்ஸ்பிரஸ் டி, டிகோர் EV மாடலின் வாடகை கார் வெர்ஷனும் விற்பனை செய்து வருகிறது.

டாடா மோட்டார்ஸ் நிறுவனத்தின் அனைத்து எலெக்ட்ரிக் வாகனங்களின் விலையும் ரூ. 8 லட்சத்து 69 ஆயிரம் என்று துவங்கி அதிகபட்சம் ரூ. 19 லட்சத்து 29 ஆயிரம் வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரும் அடிப்படையில் குறிப்பிடப்பட்டு இருக்கிறது.

2028 ஆண்டு இந்தியாவின் எலெக்ட்ரிக் வாகன சந்தையில் பத்து லட்சம் யூனிட்கள் வரை இருக்கும் என்று டாடா மோட்டார்ஸ் நிறுவனம் நம்பிக்கை தெரிவித்து உள்ளது. இதில் 20 சதவீதம் யூனிட்கள் எலெக்ட்ரிக் பவர்டிரெயின் கொண்டிருக்கும் என்று தெரிவித்து இருக்கிறது.

மாருதி சுசுகி நிறுவனம் இந்திய சந்தையில் ஆட்டோமேடிக் கார் விற்பனையில் பத்து லட்சம் யூனிட்கள் எனும் புதிய மைல்கல் எட்டியது. தற்போது ஆட்டோமேடிக் கியர்பாக்ஸ் கொண்ட 16 மாடல்களை மாருதி சுசுகி நிறுவனம் இந்திய சந்தையில் விற்பனை செய்து வருகிறது.

இதில் நான்கு வகையான ஆட்டோமேடிக் கியர்பாக்ஸ் ஆப்ஷன்கள் அடங்கும். அவை ஆட்டோ கியர் ஷிஃப்ட் (AGS), 4-ஸ்பீடு ஆட்டோமேடிக் டிரான்ஸ்மிஷன், 6-ஸ்பீடு ஆட்டோமேடிக் டிரான்ஸ்மிஷன் மற்றும் e-CVT யூனிட் உள்ளிட்டவை அடங்கும். ஒட்டுமொத்தமாக ஆட்டோமேடிக் மாடல்கள் விற்பனையில் 65 சதவீத யூனிட்கள் AGS டிரான்ஸ்மிஷனை சேர்ந்தவை ஆகும்.

"வாடிக்கையாளர்களுக்கு சிறப்பான அனுபவத்தை வழங்குவதில் நாங்கள் ஆர்வம் செலுத்தி வருகிறோம். அனைவருக்கும் மொபிலிட்டி மூலம் சந்தோஷத்தை கொடுக்க வேண்டும் என்பதை எங்களின் குறிக்கோளாக வைத்திருக்கிறோம். இதன் மூலம் எங்களது ஆட்டோமேடிக் டிரான்ஸ்மிஷன் தொழில்நுட்பத்தில் பல வகைகளை கொடுக்க முடிகிறது."

"வாடிக்கையாளர்கள் அளித்திருக்கும் அமோக வரவேற்பு காரணமாக நாங்கள் மகிழ்ச்சி அடைகிறோம். மாருதி சுசுகி லிமிடெட் நிறுவனத்தின் ஆட்டோமேடிக் மாடல்களின் விற்பனை தொடர்ந்து அதிகரித்து வருகிறது. 2023-24 நிதியாண்டு விற்பனையில் ஒரு லட்சம் ஆட்டோமேடிக் யூனிட்களை விரைவில் அடைந்துவிடுவோம்," என்று மாருதி சுசுகி நிறுவனத்தின் மூத்த நிர்வாக அதிகாரி சஷான்க் ஸ்ரீவஸ்தவா தெரிவித்து இருக்கிறார்.

ஓலா எலெக்ட்ரிக் நிறுவனம் இந்திய விற்பனையில் புதிய மைல்கல்லை எட்டியுள்ளது. இந்த ஆண்டு ஜனவரி 1-ம் தேதியில் இருந்து டிசம்பர் 21-ம் தேதி வரையிலான காலக்கட்டத்தில் மட்டும் ஓலா எலெக்ட்ரிக் நிறுவனம் 2 லட்சத்து 52 ஆயிரத்து 647 யூனிட்களை விற்பனை செய்துள்ளது. அந்த வகையில் ஒரே ஆண்டிற்குள் 2.5 லட்சம் யூனிட்களை விற்பனை செய்த முதல் எலெக்ட்ரிக் இருசக்கர நிறுவனமாக உருவெடுத்தது.

இதன் மூலம் ஓலா எலெக்ட்ரிக் நிறுவனம் தனது வருடாந்திர விற்பனையில் 131 சதவீதம் வளர்ச்சியை பதிவு செய்துள்ளது. கடந்த ஆண்டு ஓலா நிறுவனம் 1 லட்சத்து 09 ஆயிரத்து 395 யூனிட்களை மட்டுமே விற்பனை செய்திருந்தது குறிப்பிடத்தக்கது. ஓலா நிறுவனம் ஒவ்வொரு மாதமும் சுமார் 20 ஆயிரம் யூனிட்களை விற்பனை செய்து வருகிறது.

இந்த ஆண்டு ஜனவரியில் 18 ஆயிரத்து 353 யூனிட்களை விற்பனை செய்த நிலையில், மார்ச் மாதத்தில் 21 ஆயிரத்து 434 யூனிட்களை ஓலா எலெக்ட்ரிக் விற்பனை செய்தது. கடந்த நவம்பர் மாதத்தில் மட்டும் அதிகபட்சம் 29 ஆயிரத்து 898 யூனிட்களை விற்பனை செய்திருந்தது குறிப்பிடத்தக்கது. இந்த ஆண்டின் 12 மாதங்கள் வரையிலான காலக்கட்டத்தில் ஓலா எலெக்ட்ரிக் சந்தை மதிப்பு 30.50 சதவீதமாக இருக்கிறது.

ஓலா தவிர்த்து டி.வி.எஸ். மோட்டார் கம்பெனி நிறுவனம் 1 லட்சத்து 62 ஆயிரத்து 399 யூனிட்களையும், ஏத்தர் எனர்ஜி நிறுவனம் 1 லட்சத்து 01 ஆயிரத்து 490 யூனிட்களையும் விற்பனை செய்துள்ளன. இவற்றின் சந்தை மதிப்பு முறையே 19.60 மற்றும் 12.30 ஆக உள்ளது.