நீங்கள் தேடியது "எக்ஸ்பிரஸ் ரெயில்"

சென்னை தாம்பரத்தில் பணிமனைக்கு சென்ற விரைவு ரெயில் தடம் புரண்டு விபத்துக்குள்ளானது.

சென்னை தாம்பரத்தில் யார்டுக்கு சென்ற எக்ஸ்பிரஸ் விரைவு ரெயிலின் ஒரு பெட்டி திடீரென தடம் புரண்டதால் பரபரப்பு ஏற்பட்டுள்ளது.

இந்நிலையில், ரெயில் பெட்டியை தண்டவாளத்தில் நிறுத்தும் பணியில் ரெயில்வே ஊழியர்கள் தீவிரமாக ஈடுபட்டுள்ளனர்.

ரெயிலில் பயணிகள் யாரும் இல்லாததால் பெரும் அசம்பாவிதம் தவிர்க்கப்பட்டுள்ளது. மேலும், விபத்துக்கான காரணம் குறித்து ரெயில்வே போலீசார் ஆய்வு மேற்கொண்டு வருகின்றனர்.

திருப்பூர்: 

கோவையில் இருந்து உத்தரபிரதேச மாநிலம் கோரக்பூருக்கு திங்கட்கிழமை தோறும் சிறப்பு ெரயில் (05304) இயக்கப்படுகிறது.திங்கட்கிழமை காலை 4:40மணிக்கு கோவையில் புறப்படும் இந்த ரெயில் திருப்பூர், ஈரோடு, சேலம், ஜோலார்பேட்டை, காட்பாடி ரெயில் நிலையங்களில் நின்று ஆந்திரா, தெலுங்கானா, மகாராஷ்டிரா வழியாக பயணித்து புதன்கிழமை காலை கோரக்பூர் செல்கிறது. இன்று முதல் இந்த ெரயிலில் கூடுதலாக ஒரு படுக்கை வசதி பெட்டி சேர்க்கப்படுகிறது.

ஆலப்புழா - தன்பாத் எக்ஸ்பிரஸ் நவம்பர் 16-ந்தேதி வரை கோவை ரெயில் நிலையத்தில் நின்று செல்லாது. போத்தனூர் - இருகூர் வழியாக இயக்கப்படும் என தெற்கு ெரயில்வே அறிவித்துள்ளது.

தினமும் காலை 6மணிக்கு கேரள மாநிலம் ஆலப்புழாவில் இருந்து புறப்படும் எக்ஸ்பிரஸ் ரெயில் (13352) 3-வது நாள் ஜார்கண்ட் மாநிலம் தன்பாத் சென்று சேரும். கோவைக்கு மதியம் 12:20க்கும், திருப்பூருக்கு மதியம் 1:10க்கும் வரும்.

நவம்பர் இரண்டாவது வாரம் வரை போத்தனூர் - கோவை இடையே பொறியியல் மேம்பாட்டு பணி நடக்கிறது. இதனால் தன்பாத் எக்ஸ்பிரஸ் ெரயில் பாலக்காட்டில் இருந்து புறப்பட்டு மதியம், 12மணிக்கு போத்தனூரில் நிற்கும்.போத்தனூரில் இருந்து இருகூர் வழியாக திருப்பூருக்கு பயணிக்கும். கோவை ெரயில்வே சந்திப்புக்கு வராது.பொறியியல் மேம்பாட்டு பணியால், மதுரை - கோவை, ஷொர்Èர் - கோவை, கோவை - கண்Èர், கோவை - ஷொர்Èர் உள்ளிட்ட ெரயில்களின் இயக்கமும் இன்று முதல் மாற்றப்படுகிறது. சேலம் கோட்ட ெரயில்வே அதிகாரிகள் இத்தகவலை தெரிவித்துள்ளனர்.

நாகர்கோவில்:

கன்னியாகுமரி ரெயில் நிலையம் அருகே தண்டவாளத்தில் நேற்று மாலை பாறாங்கற்கள் இருந்தது. இதைப்பார்த்த ரெயில்வே ஊழியர்கள் அந்த பாறங்கற்களை அப்பு றப்படுத்தினார்கள்.

பின்னர் இது குறித்து நாகர்கோவில் ரெயில்வே போலீசுக்கு தகவல் தெரி விக்கப்பட்டது ரெயில்வே போலீசார் சம்பவ இடத்திற்கு வந்து விசாரணை நடத்தினார்கள். அப்போது பாறாங்கற்கள் வைக்கப் பட்டிருந்த பகுதியில் மது பாட்டில்களும் இருந்தது.

எனவே அந்த பகுதியில் இருந்து மது அருந்திய வாலிபர் அந்த பாறாங்கற்களை தண்டவாளத்தில் எடுத்து வைத்து சென்று இருக்கலாம் என்று போலீசார் சந்தேக்கிறார்கள். இது தொடர்பாக விசாரணை நடத்தப்பட்டு வருகிறது.

இந்த நிலையில் நேற்று மாலை கன்னியாகுமரியில் இருந்து இந்த எக்ஸ்பிரஸ் ரெயில் நாகர்கோவில் வழியாக டெல்லிக்கு புறப்பட்டு சென்றது. அகஸ்தீஸ்வரம் அருகே மாடுகட்டி விளை பகுதியில் ரெயில் வந்து கொண்டிருந்தபோது ரெயில் தண்டவாளத்தில் இரும்புகம்பி ஒன்று சரிந்து கிடந்தது.இதில்  ரெயிலின் இன்ஜின் பெட்டி மோதியது.

இரும்பு கம்பி மீது ரெயில் பெட்டி மோதியதில் என்ஜின் லேசான சேதம் ஏற்பட்டது. டிரைவர் ரெயிலை நிறுத்தாமல் இயக்கி சென்றார். இரும்பு கம்பி மீது ரெயில் பெட்டி மோதியது குறித்து உயர் அதிகாரிகளுக்கு தகவல் தெரிவிக்கப்பட்டது.

இதையடுத்து நாகர் கோவில் ரெயில்வே போலீசாரும் ரெயில்வே அதிகாரிகளும் சம்பவ இடத்திற்கு விரைந்து சென்று விசாரணை மேற் கொண்டனர். இன்று காலை யில் ரெயில்வே டி.எஸ்.பி. மற்றும் இன்ஸ்பெக்டர் கேத்தரின் சுஜாதா, சப்-இன்ஸ்பெக்டர் ஜோசப் ராஜ் மற்றும் ரெயில்வே அதிகாரிகளும் சம்பவத்திற்கு சென்றனர்.

இரும்பு கம்பி மீது ரெயில் என்ஜின் மோதிய இடத்தில் கிடந்த கம்பியை கைப்பற்றி விசாரணை நடத்தினார்கள். ரெயிலை கவிழ்க்க சதி நடந்ததா? வேறு ஏதாவது காரணமா என்பது குறித்து போலீசார் விசாரணை மேற்கொண்டனர்.

முதல் கட்ட விசார ணையில் பொது மக்கள் தண்டவாளத்தை கடந்து செல்லாமல் இருக்கும் வகையில் இரும்பு கம்பிகள் நடப்பட்டு இருந்தது. நேற்று மாலை அந்த பகுதியில் கொட்டி தீர்த்த கன மழையின் காரணமாக அந்த பகுதியில் இருந்த இரும்பு கம்பிகள் மழையில் சரிந்து தண்டவாளத்தில் விழுந்து இருப்பது தெரிய வந்துள்ளது.

இருப்பினும் போலீசார் தொடர்ந்து விசாரணை மேற்கொண்டு வருகிறார் கள். அந்த பகுதியில் உள்ள சிசிடிவி கேமராவின் காட்சி களை கைப்பற்றி விசாரணை நடத்தப்பட்டு வருகிறது. அடுத்தடுத்து நடந்த இரண்டு சம்பவங்களும் பெரும் பரபரப்பை ஏற்படுத்தி உள்ளது.

மானாமதுரை

சிவகங்கை மாவட்டத்தில் மானாமதுரை, காரைக்குடி என 2 சந்திப்பு ரெயில் நிலையங்கள் உள்ளன. இதில் இந்தியாவில் பிரசித்தி பெற்ற புண்ணிய தலமாக உள்ள ராமேசுவரம், கன்னியாகுமரிக்கு மானாமதுரை சந்திப்பு ரெயில் நிலையத்தில் இருந்து பாதைகள் செல்கிறது.

மதுரை-திருச்சி அகல ரெயில் பாதை அமைக்கபட்ட காலத்தில் ரெயில் சேவை நிறுத்தப்படாமல் தென்மாவட்டங்களுக்கு காரைக்குடி-மானா மதுரை சந்திப்பு வழியாகத் தான் ரெயில்கள் இயக்கப்பட்டன. மீட்டர் கேஜ் பாதையாக இருந்த போது மானாமதுரையில் இருந்து பகல் நேரத்தில் சென்னைக்கு எக்ஸ்பிரஸ் ரெயில் வசதி இருந்தது.

இதுதவிர கேரளா மாநிலம் கொல்லம், பாலக்காடுக்கும் ரெயில் வசதி இருந்தது. அகல ரெயில் பாதை வந்த பிறகு பல ரெயில் சேவைகள் நிறுத்தப்பட்டன.

ராமேசுவரத்தில் இருந்து மானாமதுரை , காரைக்குடி வழியாக தினசரி பகல் நேரத்தில் சென்னைக்கு ரெயில் வசதி கிடையாது. தற்போது திருச்சி வரை வரும் பல்லவன் எக்ஸ்பிரஸ் ரெயில் சில ஆண்டுகளுக்கு முன் காரைக்குடி வரை விடப்பட்டு அங்கிருந்து சென்னைக்கு செல்கிறது.

காரைக்குடி ரெயில் நிலையத்தில் இருந்து மானாமதுரை 50 கி.மீ. தூரத்தில் உள்ளது. மானாமதுரை ரெயில் நிலையத்தில் இருந்து தற்போது ரெயில் பாதைகள் மின்மயமாக்கப்பட்டு கன்னியாகுமரியில் இருந்து பாண்டிசேரி வரை மின் பாதை வழிதடத்தில் நேரடியாக ரெயில்கள் செல்கிறது.

எனவே சென்னையில் இருந்து காரைக்குடி வரும் பல்லவன் எக்ஸ்பிரஸ் ரெயிலை மானாமதுரை வரை இயக்க வேண்டும் என்று தென்னக ரெயில்வே துறைக்கும் மதுரை, திருச்சி ரெயில்வே கோட்ட மேலாளர்களுக்கும் மானாமதுரை பொதுமக்கள் கோரிக்கை விடுத்தனர்.

அரக்கோணம்:

சென்னை சென்டிரலில் இருந்து கோவை வரை செல் லும் இன்டர் சிட்டி எக்ஸ்பிரஸ் ரெயில் நேற்று மதியம் 2.30-க்கு புறப்பட்டு வந்து கொண்டிருந்தது.

ரெயில்திரு வள்ளூர் மாவட்டம் திருவா லங்காடு ரெயில் நிலையத்தை கடந்த போது என்ஜினின் மேல் பகுதியில் உயர் அழுத்த கம்பியில் உரசியவாறு வரும் மின்சாரத்தை சேகரிக்கும் 'பாண்டோகிராப்' என்ற கருவி உடைந்து சேதமானது. இதனால் ரெயில் இயங்கமுடியாமல் நடு வழியிலேயே நின்றது.

இதனையடுத்து அரக்கோணத்தில் இருந்து ரெயில்வே மின்துறை பொறியாளர்கள் மற்றும் பணியாளர்கள் அதனை சரி செய்யும் பணியில் ஈடுபட்டனர்.

இதனால் சென்னையிலிருந்து திருவனந்தபுரம் செல்லும் எக்ஸ்பிரஸ் ரெயில், சென்னை-பெங்களூரூலால் பார்க் எக்ஸ்பிரஸ், சென்னை ஹூப்ளி வாராந்திர எக்ஸ் பிரஸ் ரெயில்கள் மற்றும் புறநகர் ரெயில்களும் ஆங்காங்கே நடு வழியில் நிறுத்தப்பட்டன.

2 மணி நேரத்தில் கோளாறு சரிசெய்யப்பட்டதையடுத்து ரெயில் புறப்பட்டு சென்றது. அதன்பின் மற்றரெயில்களும் புறப்பட்டன. இந்த தாமதத் தால் பயணிகள் அவதி அடைந்தனர்.

நாகர்கோவில் :

மதுரை கோட்ட ரெயில்வேக்கு உள்பட்ட திண்டுக்கல்-திருச்சி ரெயில் பாதையில் உள்ள தாமரைப்பாடி-வடமதுரை ரெயில் நிலையங்களுக்கு இடையே சுரங்கப்பாதை பணி நடந்து வருகிறது. இதற்காக அந்த பாதையில் இயக்கப்படும் ஒரு சில ரெயில்களின் போக்குவரத்தில் மாற்றம் செய்யப்பட்டுள்ளது.

அதன்படி, செங்கோட்டை-மயிலாடுதுறை எக்ஸ்பிரஸ் ரெயில் (வ.எண்.16848) இன்று (செவ்வாய்க்கிழமை) மற்றும் நாளை ஆகிய 2 நாட்களுக்கு விருதுநகர், மானாமதுரை, காரைக்குடி வழியாக திருச்சி செல்லும். இதற்காக அந்த ரெயில் இன்று ஒரு நாள் மட்டும் மானாமதுரை ரெயில் நிலையத்தில் நின்று செல்ல ஏற்பாடு செய்யப்பட்டுள்ளது.

இந்த ரெயில், மேற்கண்ட நாட்களில் கள்ளிக்குடி, திருமங்கலம், திருப்பரங்குன் றம், மதுரை, கொடைரோடு, திண்டுக்கல், வையம்பட்டி, மணப்பாறை ஆகிய ரெயில் நிலையங்களுக்கு செல்லாது. மறு மார்க்கத்தில், மயிலாடுதுறை-செங் கோட்டை எக்ஸ்பிரஸ் ரெயில் (வ.எண்.16847) நாளை திருச்சியில் இருந்து காரைக்குடி, மானாமதுரை வழியாக விருதுநகர் சென்றடையும். அதேபோல, குருவாயூர்-சென்னை எக்ஸ்பிரஸ் ரெயில் (வ.எண்.16128) இன்று விருதுநகர், மானாமதுரை, காரைக்குடி வழியாக திருச்சி செல்லும். இந்த ரெயிலுக்கு மானாமதுரை யில் தற்காலிக நிறுத்தம் வழங்கப்பட்டுள்ளது. மறு மார்க்கத்தில் சென்னை-குருவாயூர் எக்ஸ்பிரஸ் ரெயில் (வ.எண்.16127) நாளை (புதன்கிழமை) திருச்சியில் இருந்து காரைக்குடி, மானாமதுரை வழியாக விருதுநகர் சென்ற டையும். இந்த ரெயில் மானாமதுரை ரெயில் நிலையத்தில் நின்று செல்லும்.

சென்னை-மதுரை தேஜஸ் எக்ஸ்பிரஸ் ரெயில் (வ.எண்.22671) நாளை திருச்சி வரை மட்டும் இயக்கப்படும். மறுமார்க்கத்தில் இந்த ரெயில் (வ.எண்.22672) நாளை மதுரையில் இருந்து புறப்படுவதற்கு பதிலாக திருச்சியில் இருந்து வழக்கமான நேரத்துக்கு சென்னை புறப்பட்டு செல்லும். இந்த திடீர் மாற்றத்தால் மேற்கண்ட ரெயில்களில் முன்பதிவு செய்திருந்த பயணிகள் கடும் அவதிக்குள்ளாகியுள்ளனர்.

மதுரை

மதுரை-கச்சிகுடா இடையே வாராந்திர சிறப்பு எக்ஸ்பிரஸ் ரெயில்களை இயக்குவது என்று தென்னக ரெயில்வே முடிவு செய்து உள்ளது.

அதன்படி வருகிற 17, 24-ந்தேதி, மே 1, 8, 15, 22, ஜூன் 5, 12, 19, 26 ஆகிய தேதிகளில் திங்கட்கிழமை தோறும் கச்சிக்குடாவில் இருந்து இரவு 8;50 மணிக்கு புறப்படும் எக்ஸ்பிரஸ் ரெயில் (வண்டி எண்;07191), செவ்வாய்க்கிழமை இரவு 8;45 மணிக்கு மதுரை வந்து சேரும்.

மறு மார்க்கத்தில் மதுரையில் இருந்து 19, 26, மற்றும் மே 3, 10, 17, 24, 31, ஜூன் 7, 14, 21, 28 ஆகிய தேதிகளில் புதன் கிழமை தோறும் அதிகாலை 5;30 மணிக்கு புறப்படும் எக்ஸ்பி ரஸ் ரெயில் (வண்டி எண்: 07192) வியாழக்கிழமை காலை 7.05 மணிக்கு கச்சிக்குடா செல்லும்.

இந்த ரெயில்கள் குண்டூர், கூடூர், ரேணிகுண்டா, திருப்பதி, சித்தூர், காட்பாடி, திருவண்ணாமலை, விழுப்புரம், விருத்தாச்சலம், ஸ்ரீரங்கம், திருச்சி, திண்டுக்கல், மதுரை வழியாக செல்லும்.

பொன்னேரி:

ஆந்திர மாநிலம் காக்கிநாடாவில் இருந்து சென்னை நோக்கி வந்த சர்கார் எக்ஸ்பிரஸ் ரெயில் இன்று அதிகாலை 4 மணியளவில் பொன்னேரி ரெயில் நிலையத்தை கடந்து சென்று கொண்டு இருந்தது.

மீஞ்சூர் ரெயில் நிலையம் அருகே செல்லும் போது திடீரென என்ஜினில் கோளாறு ஏற்பட்டதால் ரெயிலை டிரைவர் நடுவழியில் நிறுத்தினார். தகவல் அறிந்ததும் ரெயில்வே ஊழியர்கள் விரைந்து வந்து பழுதை சரிசெய்ய ஆய்வு செய்தனர்.

எக்ஸ்பிரஸ் ரெயில் நடுவழியில் நின்றதால் பின்னால் வந்த மற்ற ரெயில்கள் செல்ல முடியாத நிலை ஏற்பட்டது. இதையடுத்து நீண்ட நேரத்துக்கு பின்னர் எக்ஸ்பிரஸ் ரெயிலை அதிகாரிகள் ஆய்வு செய்து குறைந்த வேகத்தில் மீஞ்சூர் ரெயில் நிலையத்திற்கு கொண்டு வந்து நிறுத்தினர்.

இதனால் கும்மிடிப்பூண்டியில் இருந்து சென்னை நோக்கி செல்லும் புறநகர் ரெயில் சேவை பாதிக்கப்பட்டது. ரெயில்கள் அனைத்தும் ஒன்றன் பின் ஒன்றாக நிறுத்தி வைக்கப்பட்டது. பின்னர் காலை 7.30 மணிக்கு பின்னரே எக்ஸ்பிரஸ் ரெயிலில் பழுது சரிபார்க்கப்பட்டு மீண்டும் சென்னை நோக்கி புறப்பட்டு சென்றது.

காலை நேரத்தில் சென்னைக்கு செல்லும் புறநகர் ரெயில்கள் தாமதமாக இயக்கப்பட்டதால் அலுவலகம் செல்வோர் மற்றும் பயணிகள் கடும் அவதி அடைந்தனர். கும்மிடிப்பூண்டி மார்க்கத்தில் 4 வழிப்பாதை பணிகள் பல ஆண்டுகளாக கிடப்பில் போடப்பட்டு உள்ளது. இதனை விரைந்து முடிக்க அதிகாரிகள் நடவடிக்கை எடுக்க வேண்டும் என்று ரெயில் பயணிகள் கோரிக்கை விடுத்து உள்ளனர்.

அரக்கோணம் :

திருவள்ளூர் அடுத்த ஏகாட்டூர் அருகே சிக்னல் கோளாறு காரணமாக சென்னை சென்டிரலில் இருந்து ஜோலார் பேட்டை செல்லும் ஏலகிரி எக்ஸ்பிரஸ், மும்பை எக்ஸ்பிரஸ் மற்றும் நாகர்கோவில் வாராந்திர எக்ஸ்பிரஸ் மற்றும் அரக்கோணம் மற்றும் திருத்தணி செல்லும் புறநகர் ரெயில்கள் நடு வழியில் நிறுத்தப்பட்டன.

இதைத்தொடர்ந்து ரெயில்வே ஊழியர்கள் சிக்னலை சரிசெய்யும் பணியில் ஈடுபட்டு கோளாறை சரி செய்தனர்.

அதைத்தொடர்ந்து ஒரு மணி நேரத்திற்கு பிறகு ஆங்காங்கே நிறுத்தி வைக்கப்பட்ட ரெயில்கள் ஒன்றன் பின் ஒன்றாக இயக்கப்பட்டன.

இதனால் வேலை முடிந்து வீட்டிற்கு செல்லும் தொழிலாளர்கள் மற்றும் ரெயில் பயணிகள் மிகவும் அவதிக்குள்ளாகினர்.

மதுரை

திருவனந்தபுரம் ரெயில்வே கோட்டத்துக்கு உட்பட்ட செங்கனூர்-மாவேலிக்கரை, கருங்காப்பள்ளி-சாஸ்தன்கோட்டை, கடக்காவூர்-வர்கலா மற்றும் நாகர்கோவில் பராமரிப்பு பணிமனை ஆகிய இடங்களில் தண்டவாள பராமரிப்பு பணிகள் நடந்து வருகிறது. இதனால் இந்த பாதையில் இயக்கப்படும் ரெயில்களின் போக்குவரத்தில் மாற்றம் செய்யப்பட்டுள்ளது.

அதன்படி புனலூர்-–மதுரை எக்ஸ்பிரஸ் ரெயில் (வ.எண்.16730) வருகிற 21, 23, 24 மற்றும் 26 ஆகிய தேதிகளில் நாகர்கோவில் ஜங்சன் வழியாக இயக்கப்படுவதற்கு பதிலாக நாகர்கோவில் டவுன் ரெயில் நிலையம் வழியாக இயக்கப்படும். அதாவது, இந்த ரெயில் நாகர்கோவில் டவுன் ரெயில் நிலையத்துக்கு இரவு 10.40 மணிக்கு சென்றடையும்.

மறுமார்க்கத்தில் மதுரை-புனலூர் எக்ஸ்பிரஸ் ரெயில் (வ.எண்.16729) வருகிற 21, 23, 24 மற்றும் 26 ஆகிய தேதிகளில் நாகர்கோவில் ஜங்சன் ரெயில் நிலையத்துக்கு பதிலாக நாகர்கோவில் டவுன் ரெயில் நிலையம் வழியாக இயக்கப்படும். இந்த ரெயில் நாகர்கோவில் டவுன் ரெயில் நிலையத்துக்கு அதிகாலை 4.35 மணிக்கு சென்றடையும்.

மேலும் அங்கு இந்த ரெயில்களுக்கு மேற்கண்ட நாட்களுக்கு மட்டும் தற்காலிக நிறுத்தம் வழங்கப்பட்டுள்ளது. அதேபோல் ராமேசு வரத்தில் இருந்து மதுரை வழியாக கன்னியாகுமரி வரை இயக்கப்படும் வாரம் 3 நாட்கள் எக்ஸ்பிரஸ் ரெயில் (வ.எண்.22621) வருகிற 24-ந் தேதி மற்றும் 26-ந் தேதிகளில் ஆரல்வாய் மொழி ரெயில் நிலையத்தில் இருந்து சுமார் 20 நிமிடம் தாமதமாக புறப்பட்டு செல்லும் என்று தெற்கு ரெயில்வே தெரிவித்துள்ளது.

சென்னை:

ஆந்திர மாநிலம் விஜயவாடாவில் இருந்து சென்னை சென்ட்ரல் ரெயில் நிலையத்துக்கு நேற்று இரவு 11 மணிக்கு ஜன்சதாப்தி எக்ஸ்பிரஸ் ரெயில் வந்தது. இதன் பின்னர் அதில் இருந்து பயணிகள் அனைவரும் இறங்கினார்கள்.

இதன் பிறகு சதாப்தி எக்ஸ்பிரஸ் ரெயில் பயணிகள் யாரும் இன்றி பேசின்பிரிட்ஜ் பணிமனைக்கு புறப்பட்டு சென்றது. எப்போதுமே பணிமனைக்கு செல்லும் ரெயில்கள் குறைவான வேகத்திலேயே இயக்கப்படுவது வழக்கம். அந்த வகையில் சதாப்தி எக்ஸ்பிரஸ் ரெயிலும் மிகவும் குறைந்த வேகத்திலேயே பேசின் பிரிட்ஜ் நோக்கி சென்று கொண்டிருந்தது.

பெரம்பூர் அருகே ரெயில் சென்றபோது திடீரென தண்டவாளத்தை விட்டு 2 பெட்டிகள் தடம் புரண்டன. இதையடுத்து ரெயில் நிறுத்தப்பட்டது. தண்டவாளத்தில் இருந்து இறங்கிய 2 ரெயில் பெட்டிகளையும் சரி செய்து மீண்டும் இயல்பு நிலைக்கு கொண்டு வருவதற்கான பணியை ஊழியர்கள் உடனடியாக தொடங்கினார்கள்.

2 மணி நேர போராட்டத்துக்கு பிறகே ரெயில் பெட்டி சீரமைக்கப்பட்டு ரெயிலுடன் இணைக்கப்பட்டது. பின்னர் ரெயில் பேசின்பிரிட்ஜ் பணி மனைக்கு கொண்டு செல்லப்பட்டது.

ரெயில் தடம் புரண்டதற்கான காரணம் என்ன என்பது தெரியவில்லை. குறைவான வேகத்திலேயே இயக்கப்பட்ட ரெயில் தடம் புரண்டது எப்படி என்பது தெரியவில்லை. இது தொடர்பாக ரெயில்வே பாதுகாப்பு படை போலீசார் விசாரணை நடத்தி வருகிறார்கள்.

ஒடிசா ரெயில் விபத்து சம்பவத்துக்கு பின்னர் அனைத்து வழித்தடங்களிலும் உஷாராக இருக்க ரெயில்வே நிர்வாகம் அறிவுறுத்தி இருக்கும் நிலையில் சென்னையில் ரெயில் தடம் புரண்டிருக்கும் சம்பவத்தை போலீசார் எளிதாக எடுத்துக்கொள்ளாமல் தீவிரமாக விசாரித்து வருகிறார்கள்.

ரெயில் தடம் புரண்ட போது பயணிகள் யாரும் இல்லாததால் பெரும் விபத்து தவிர்க்கப்பட்டு உள்ளது குறிப்பிடத்தக்கது.

மதுரை

தூத்துக்குடி மாவட்டம், கடம்பூர் யார்டு பகுதியில் நாளை மறுநாள் காலை 6 மணி முதல் மாலை 5 மணி வரை ரெயில்வே சுரங்கப்பாதை பணிகள் நடைபெறுவதால் ரெயில் சேவையில் மாற்றம் செய்யப்பட்டுள்ளது.இதுகுறித்து ரெயில்வே கோட்டம் வெளியிட்ட செய்திக்குறிப்பில் கூறியிருப்பதாவது:

வருகிற 13-ந் தேதி ஈரோடு - நெல்லை செல்லும் விரைவு ரெயில் (வ.எண்.16845) திண்டுக்கல்- நெல்லை இடையேயும், நெல்லை - ஈரோடு விரைவு ரெயில் (வ.எண்.16846) நெல்லை,திண்டுக்கல் இடையேயும் பகுதியாக ரத்து செய்யப்படும்.

கோவை-நாகர்கோவில் சந்திப்பு விரைவு ரெயில் (வ.எண்.16322) திண்டுக்கல் நாகர்கோவில் சந்திப்பு இடையேயும், நாகர்கோவில் சந்திப்பு- கோவை விரைவு ரெயில் (வ.எண்.16321) நாகர்கோவில் - திண்டுக்கல் இடையேயும் பகுதியாக ரத்து செய்யப்படும்.

பாலக்காடு சந்திப்பு- திருச்செந்தூர் விரைவு ரெயில் (வ.எண்.16731) திண்டுக்கல்-திருச்செந்தூர் இடையேயும், திருச்செந்தூர்- பாலக்காடு சந்திப்பு விரைவு ரெயில்

(வ.எண்.16732) திருச்செந்தூர், திண்டுக்கல் இடையேயும், பகுதியாக ரத்து செய்யப்படுகிறது.

திருச்சி- திருவனந்தபுரம் விரைவு ரெயில் (வ.எண்.22627) திருவனந்தபுரம் இடையேயும், திருவனந்த புரம்-திருச்சி விரைவு ரெயில் (வ.எண்.22628) திருவனந்தபுரம், விருதுநகர் பகுதியாக ரத்து இடையேயும் செய்யப்படும்.

மைசூர்-தூத்துக்குடி விரைவு ரெயில் விருதுநகர், தூத்துக்குடி இடையேயும், தூத்துக்குடி - மைசூர் செல்லக் கூடிய விரைவு ரெயில், (வ.எண்.16235) தூத்துக்குடி, விருதுநகர் இடையேயும் பகுதியாக ரத்து செய்யப்படும்.

தாம்பரம்-நாகர்கோவில் செல்லக்கூடிய விரைவு ரெயில் (வ.எண்.20691) திருச்சி-நாகர்கோவில் சந்திப்பு இடையேயும், நாகர்கோவில்-தாம்பரம் செல்லக்கூடிய விரைவு ரெயில் (வ.எண்.20692) நாகர்கோவில், திருச்சி இடையேயும் பகுதியாக ரத்து செய்யப்படும்.

குருவாயூர்-சென்னை எழும்பூர் செல்லக்கூடிய விரைவு ரெயில் (வ.எண்.16128) நாளை (12-ந் தேதி) நெல்லை, தென்காசி, விருதுநகர் வழியாக சென்னை எழும்பூர் சென்றடையும்.

நாகர்கோவில் சந்திப்பு- மும்பை சி.எஸ்.எம்.டி. செல்லக்கூடிய விரைவு ரெயில் (வ.எண் 16340) நாளை மறுநாள் 13-ந் தேதி நெல்லை, தென்காசி, விருதுநகர் வழியாக மும்பையை சென்றடையும்.

இவ்வாறு அதில் கூறப்பட்டுள்ளது.