நீங்கள் தேடியது "உறுப்பினர் சேர்க்கை"

மானாமதுரை

சிவகங்கை மாவட்டம் மானாமதுரை ஒன்றியத்தில் தி.மு.க. இளைஞரணி சார்பில் உறுப்பினர்கள் சேர்க்கும் பணி கன்னார் தெரு மாரியம்மன் கோவிலில் தொடங்கியது. இதை மானாமதுரை எம்.எல்.ஏ. தமிழரசி புதிய உறுப்பினர்கள் பெயர்களை எழுதி தொடங்கி வைத்தார். நகரசெயலாளர் பொன்னுசாமி வரவேற்றார். முத்தனேந்தல் பகுதியில் ஒன்றியசெயலாளர் வழக்கறிஞர் அண்ணாதுரை, ஒன்றியகுழு துணைத்தலைவர் முத்துசாமி ஆகியோர் வரவேற்றனர். திருப்புவனம் ஒன்றிய பகுதியில் மாவட்ட துணை செயலாளர்-திருப்புவனம் பேரூராட்சி தலைவர் சேங்கைமாறன் வரவேற்றார். அனைத்து இடங்களுக்கு சென்று இளைஞரணி உறுப்பினர் சேர்க்கும் பணியை தமிழரசி எம்.எல்.ஏ. ஆய்வு செய்தார்.

வேதாரண்யம்:

வேதாரண்யம் மேற்கு ஓன்றியம் சார்பில் இல்லம் தேடி இளைஞரணி உறுப்பி னர்கள் சேர்க்கும் முகாம் நகர மன்ற தலைவரும் நகர தி.மு.க. செயலாளருமான புகழேந்தி தலைமையில் நடைபெற்றது.

ஒன்றிய இளைஞர் அணி துணை அமைப்பாளர் விக்னேஷ்காமராஜ் முன்னிலை வகித்தார். வேதா ரண்யம் மேற்குஒன்றிய தி.மு.க. செயலாளர் உதயம் முருகையன் உறுப்பினர் சேர்க்கையைதொடங்கி வைத்தார்.

வேதாரண்யம் மேற்கு ஒன்றியம் ஆயக்காரன்புலம் ஒன்றுஊராட்சிக்கு உட்பட்ட பழையகரம், முதலியார் குத்தகை, பெரிய குத்தகை கொச்சிகுத்தகைஉள்ளிட்ட பல்வேறு இடங்களில் வீடு வீடாகச் சென்று இல்லம் தேடி இளைஞரணிஉறுப்பினர்கள் சேர்க்கும்பணி நடைபெற்றது. இதில் வீடு வீடாகச் சென்று இளைஞர்களை தங்களை இணைத்துக் கொண்டனர்.

இதில் மாவட்ட இளைஞர் அணி அமைப்பாளர்அசோக் குமார்ஒன்றிய இளைஞரணி அமைப்பாளர் ஆசைத்தம்பி, வழக்கறிஞர் அணி அன்பரசு, முன்னாள் ஒன்றிய கவுன்சிலர் குமார் முன்னாள் மாவட்ட பிரதிநிதி பாபு ஊராட்சி செயலாளர் தமிழ்செல்வன் மேற்கு ஒன்றியதுணை செயலாளர் அருள்அரசன் உள்ளிட்ட தி.மு.க. நிர்வாகிகள் பங்கேற்றனர்.

சென்னை:

மறைந்த முன்னாள் முதலமைச்சர் கருணாநிதியின் நூற்றாண்டு தொடக்க விழாவையொட்டி, தி.மு.க.வில் மேலும் 1 கோடி உறுப்பினர்களை சேர்க்க வேண்டும் என்று மாவட்டச் செயலாளர்கள் கூட்டத்தில் முதலமைச்சர் மு.க. ஸ்டாலின் வலியுறுத்தினார். இதற்கான தீர்மானமும் நிறைவேற்றப்பட்டது.

இந்த பணியை அடுத்த மாதம் 3-ந்தேதி (ஏப்ரல்) தொடங்கி ஜூன் மாதம் 3-ந்தேதிக்குள் உறுப்பினர் சேர்கையை முடிக்க வேண்டும் என்று அறிவுறுத்தப்பட்டு உள்ளது.

இதையொட்டி உறுப்பினர் சேர்க்கைக்கான விண்ணப்ப படிவம் தலைமைக் கழகம் சார்பில் அச்சடிக்கப்பட்டு வருகிறது.

அந்த விண்ணப்பத்தில் உறுப்பினர் பெயர், வயது, தந்தை பெயர், முகவரி, படிப்பு, தொழில் ஆகியவற்றுடன் வாக்காளர் அடையாள அட்டை எண், ஆதார் எண், தொலைபேசி நம்பர் ஆகியவற்றையும் குறிப்பிடும் வகையில் படிவம் தயாராகி வருகிறது. பாஸ்போர்ட் அளவு புகைப் படம் ஒட்டவும் அதில் குறிப்பிடப்பட்டுள்ளது.

புதிதாக சேருபவரின் குடும்பத்தில் வேறு யாரும் தி.மு.க.வில் இருந்தால் அது பற்றியும் அந்த விண்ணப்பத்தில் குறிப்பிடலாம். அதற்கேற்ப விண்ணப்ப படிவம் தயாராகி வருகிறது.

தி.மு.க.வில் ஏற்கனவே 1 கோடி பேர் உறுப்பினர்களாக உள்ள நிலையில் இப்போது ஒவ்வொரு சட்டமன்ற தொகுதிக்கும் 50 ஆயிரம் உறுப்பினர்களை சேர்க்க இலக்கு நிர்ணயிக்கப்பட்டுள்ளது.

இதில் முக்கியமாக கல்லூரி மாணவ-மாணவிகளை அதிகமாக சேர்க்கும் வகையில் சிறப்பு முகாம்கள் நடத்த மாவட்டச் செயலாளர்களுக்கு அறிவுறுத்தப்பட்டுள்ளது.

கல்லூரிகள் இல்லாத இடமாக இருந்தால் வீடு வீடாக சென்று திண்ணை பிரசாரம் செய்து புதிய உறுப்பினர்களை சேர்க்க வேண்டும் என்று ஆலோசனை வழங்கப்பட்டுள்ளது.

உறுப்பினர்களை சேர்க்கும் பணியில் இளைஞர் அணி, மாணவர் அணி, மகளிரணியினர் அதிகமாக ஈடுபட வேண்டும் என்றும் ஆலோசனை வழங்கப்பட்டுள்ளது.

முதலமைச்சர் மு.க. ஸ்டாலின் செயல்படுத்தி வரும் திட்டங்களை மக்கள் மத்தியில் பேசி புதிய உறுப்பினர்களை சேர்க்கும் வகையில் உறுப்பினர் சேர்க்கை திருவிழாவை நடத்த வேண்டும் என்றும் ஆலோசனை வழங்கப்பட்டு உள்ளது.

இதுகுறித்து மாவட்டச் செயலாளர் கூறுகையில், கடந்த முறை உறுப்பினர் சேர்க்கையின் போது அதிக எண்ணிக்கையில் உறுப்பினர்களை சேர்க்க வேண்டும் என்பதற்காக போலியாக உறுப்பினர்களை சேர்த்ததாக கணக்கு காட்டினர்.

அந்தந்த முகவரிக்கு சென்று பார்த்தபோது அந்த பெயரில் உறுப்பினர் அங்கு இல்லை என்று தெரிய வந்தது.

இதுபோன்ற தவறுகள் நடைபெறாமல் உண்மையான நபர்களை கட்சியில் உறுப்பினர்களாக சேர்க்க வேண்டும் என்று தலைமை அறிவுறுத்தி உள்ளது.

தி.மு.க.வில் பெண்களை விட ஆண்கள்தான் அதிகமாக உள்ளனர். எனவே இப்போது உறுப்பினர்களை சேர்க்கும் போது பெண்களையும் அதிகமாக கட்சி உறுப்பினர்களாக சேர்க்க ஏற்பாடு செய்யுமாறு அறிவுறுத்தி உள்ளனர்.

தி.மு.க.வின் பலம் இதன் மூலம் கண்டிப்பாக அதிகரிக்கும்.

இவ்வாறு அவர் கூறினார்.

விருதுநகர்

பாராளுமன்ற தேர்தலுக்கான பணிகளை தி.மு.க. நிர்வாகிகள் மற்றும் தொண்டர்கள் உடனடியாக தொடங்க வேண்டும் என்று தி.மு.க. தலைவர் மு.க.ஸ்டாலின் சமீபத்தில் சென்னையில் நடந்த மாவட்ட செயலாளர்கள் கூட்டத்தில் அறிவுறுத்தியிருந்தார். அதன்படி தமிழ்நாட்டில் உள்ள 236 சட்டமன்ற தொகுதிகளிலும் பூத் கமிட்டி உறுப்பினர்களை சேர்ப்பதற்கான பார்வையாளர்கள் நியமனம் செய்யப்பட்டுள்ளனர்.

விருதுநகர் மாவட்டத்தில் உள்ள 7 சட்டமன்ற தொகுதிகளுக்கும் பார்வையாளர்கள் நியமிக்கப்பட்டுள்ளனர். ஸ்ரீவில்லிபுத்தூர் தொகுதிக்கு மகளிரணி துணை செயலாளர் பவானி ராஜேந்திரன், அருப்புக்கோட்டை தொகுதிக்கு நியமனக்குழு உறுப்பினர் சரவணன், சாத்தூர் தொகுதிக்கு விவசாய தொழிலாளர் அணி துணை செயலாளர் கொடி சந்திரசேகர், சிவகாசி தொகுதிக்கு ஐ.டி.அணி துணை செயலாளர் மதுரை எஸ்.பாலா, விருதுநகர் தொகுதிக்கு ஐ.டி.அணி துணை செயலாளர் விஜய கதிரவன், திருச்சுழி தொகுதிக்கு இளைஞரணி துணை செயலாளர் ராஜா என்ற பிரதீப்ராஜா, ராஜபாளையம் தொகுதிக்கு வர்த்தக அணி இணை செயலாளர் முத்துலட்சுமி ஆகியோர் நியமனம் செய்யப்பட்டுள்ளனர்.

கிருஷ்ணகிரி,

தமிழக முதல்- அமைச்சரும், தி.மு.க., தலைவருமான மு.க. ஸ்டாலின் தமிழகம் முழுவதும் தி.மு.க.,வில் புதிய உறுப்பினர்களை சேர்க்க கட்சி நிர்வாகிகளுக்கு உத்தரவிட்டார்.

அதன்படி கிருஷ்ணகிரி கிழக்கு மாவட்டத்தில் புதிய தி.மு.க. உறுப்பினர் சேர்க்கை நிகழ்ச்சி நேற்று தொடங்கியது.

கிருஷ்ணகிரி தேவராஜா தொழிற்சாலை வளாகத்தில் நடந்த இந்த நிகழ்ச்சிக்கு கிருஷ்ணகிரி கிழக்கு மாவட்ட தி.மு.க. செயலாளரும், பர்கூர் சட்டமன்ற உறுப்பினருமான டி.மதியழகன் தலைமை தாங்கி, புதிய உறுப்பினர் சேர்க்கையை தொடங்கி வைத்தார்.

சட்டசபை தொகுதி பொறுப்பாளர்கள் கிருஷ்ணகிரி டாக்டர் விஜய், பர்கூர் அரியப்பன், ஊத்தங்கரை டாக்டர் அருண் ஆகியோர் முன்னிலை வகித்தனர்.

இந்த நிகழ்ச்சியில் கிருஷ்ணகிரி கிழக்கு மாவட்ட அவைத்தலைவர் நாகராஜ், மாவட்ட துணை செயலாளர்கள் கோவிந்தசாமி, சந்திரன், சாவித்திரி கடலரசுமூர்த்தி, நகர செயலாளர் நவாப், தலைமை செயற்குழு உறுப்பினரும், கிருஷ்ணகிரி நகராட்சி தலைவருமான பரிதா நவாப், பொதுக்குழு உறுப்பினர் அஸ்லம், பேரூராட்சி தலைவர்கள், நகராட்சி கவுன்சிலர்கள், ஒன்றிய செயலாளர்கள் உள்பட பலர் கலந்து கொண்டனர்.

ஓசூர்

கிருஷ்ணகிரி மாவட்டம், ஓசூர் 16-வது வார்டுக்குட்பட்ட அரசனட்டியில், முன்னாள் முதல்வர் கருணாநிதியின் நூற்றாண்டு விழாவை முன்னிட்டு, உறுப்பினர் சேர்க்கை முகாம் நேற்று நடைபெற்றது.,

மேற்கு மாவட்ட செயலாளர் ஒய்.பிரகாஷ் எம்.எல்.ஏ. தலைமை தாங்கி முகாமினை தொடங்கி வைத்தார். ஓசூர் மாநகர செயலாளரும், மேயருமான எஸ்.ஏ.சத்யா, ஓசூர் தொகுதி பொறுப்பாளரும், கொள்கைபரப்பு குழு துணை செயலாளருமான வேலூர் ரமேஷ், மாவட்ட துணைசெயலாளர் முருகன், தலைமை செயற்குழு உறுப்பினர் கிரீஷ் ஆகியோர் முன்னிலை வகித்தனர்.

மேலும் இதில், துணை மேயர் ஆனந்தய்யா, பொதுக்குழு உறுப்பினர் முனிராஜ், பகுதி செயலாளர்கள், மாநகராட்சி கவுன்சிலர்கள், மற்றும் கட்சியினர், பொதுமக்கள் கலந்து கொண்டனர்.முன்னதாக, மாநகர அவைத்தலைவர் செந்தில்குமார் வரவேற்றார். முடிவில், மாநகராட்சி 2-வது மண்டலக்குழு தலைவர் காந்திமதி கண்ணன் நன்றி கூறினார்.

நல்லம்பள்ளி

தருமபுரி மாவட்டம், நல்லம்பள்ளி தி.மு.க. மத்திய ஒன்றிய அலுவலகத்தில் தி.மு.க.வில் புதிய உறுப்பினர் சேர்க்கை கூட்டம் நடைபெற்றது.

இந்த கூட்டத்திற்கு தருமபுரி தி.மு.க. கிழக்கு மாவட்ட செயலாளர் தடங்கம் சுப்பிரமணி தலைமை தாங்கினார்.

தகவல் தொழில்நுட்ப அணி மாநில துணை செயலாளர் ஏ.கே தருண் முன்னிலை வகித்தார். நல்லம்பள்ளி மத்திய ஒன்றிய செயலாளர் மல்லமுத்து ஏற்பாட்டில் இந்த கூட்டம் நடந்தது.

இந்நிகழ்ச்சியில் மாவட்ட ஒன்றிய பேரூர் மற்றும் கிளை நிர்வாகிகள் பொறுப்பாளர்கள் தொண்டர்கள் திறளாக கலந்து கொண்டனர்.

பல்லடம் :

பல்லடம் கிழக்கு ஒன்றிய தி.மு.க. சார்பில் கரைப்புதூர்,கணபதிபாளையம்,ஆறுமுத்தாம்பாளையம் ஊராட்சியில் பூத் கமிட்டி ஆய்வு மற்றும் புதிய உறுப்பினர் சேர்க்கை சம்பந்தமான ஆலோசனைக் கூட்டம் கிழக்கு ஒன்றிய தி.மு.க. செயலாளர் என்.சோமசுந்தரம் தலைமையில் நடைபெற்றது. மாவட்ட கழக துணை செயலாளரும், பொங்கலூர் ஒன்றிய குழு தலைவருமான வழக்கறிஞர் எஸ்.குமார் முன்னிலை வகித்தார். ஒன்றிய இளைஞரணி அமைப்பாளரும், பல்லடம் ஊராட்சி ஒன்றிய குழு துணைத்தலைவருமான பாலசுப்பிரமணியம் வரவேற்றார்.

இந்த கூட்டத்தில் மாநில சிறுபான்மையினர் நல உரிமை பிரிவு துணை செயலாளர் அன்வர்கான் பேசுகையில், பல்லடம் தொகுதியில் தி.மு.க. அசுர வளர்ச்சி அடைந்து வருகிறது. முதல்வர் மு.க.ஸ்டாலின் ஆட்சியின் பல்வேறு திட்டங்கள் மக்களை மிகவும் கவர்ந்துள்ளது. வரும் பாராளுமன்ற மன்ற தேர்தலில் 40க்கு 40 இடங்களிலும் தி.மு.க. கூட்டணி தான் மகத்தான வெற்றியை பெறும். கோவை எம்.பி.தொகுதியில் பல்லடம் சட்டமன்ற தொகுதி அதிக வாக்குகளை பெற்று தர வேண்டும். தி.மு.க.வில் சேர இளைஞர்கள், மகளிர் வெகு ஆர்வமாக உள்ளனர். பல்லடம் தொகுதியில் தி.மு.க.விற்கு 1 லட்சம் உறுப்பினர்களை சேர்க்க வேண்டும் என்றார்.

இந்த கூட்டத்தில் ஒன்றிய அவைத்தலைவர் பரமசிவம், ஒன்றிய பொருளாளர் கந்தசாமி, மாவட்ட பிரதிநிதி செந்தில்தியாகராஜன், கணபதிபாளையம் ஊராட்சி தலைவர் நாகேஸ்வரி சோமசுந்தரம், துணைத்தலைவர் முத்துக்குமார், 63வேல ம்பாளையம் ஊராட்சி தலைவர் நடராஜ், ஆறு முத்தாம்பாளையம் ஊராட்சி தலைவர் பாரதி சின்னப்பன், முத்துக்குமார் உள்பட பலர் கலந்து கொண்டனர்.

திருப்பத்தூர்:

திருப்பத்தூர் தெற்கு ஒன்றிய அ.தி.மு.க. சார்பில் புதிய உறுப்பினர் சேர்க்கை படிவம் வழங்கும் நிகழ்ச்சி ஏரி கோடி பகுதியில் நடைபெற்றது.

நிகழ்ச்சிக்கு அ.தி.மு.க. தெற்கு ஒன்றிய செயலாளர் டாக்டர் என்.திருப்பதி தலைமை வகித்தார். அனைவரையும் டிவி.சிவன் வரவேற்றார்.

ஒன்றிய பொறுப்பா ளர்கள் கருணாகரன், நாகராஜ், முன்னிலை வகித்தனர் சிறப்பு அழைப்பாளராக முன்னாள் அமைச்சரும் மாவட்ட செயலாளர் கே.சி.வீரமணி கலந்து கொண்டு புதிய உறுப்பினர் படிவங்களை வழங்கி பேசினர்.

நிகழ்ச்சியில் முன்னாள் எம்எல்ஏ கே. ஜி.ரமேஷ், டிடிசி சங்கர், நாகேந்திரன், ஒன்றிய கவுன்சிலர்கள் டாக்டர் திருப்பதி, யுவராஜ், மாவட்ட பிரதி பழனி உட்பட மாவட்ட ஒன்றிய மற்றும் ஊராட்சி மன்ற தலைவர்கள் உட்பட ஏராளமானோர் கலந்து கொண்டனர்.

விழுப்புரம்:

விழுப்புரம் மாவட்டம் திருவெண்ணைநல்லூர் மேற்கு ஒன்றிய அ.தி.மு.க. சார்பில் புதிய உறுப்பினர் சேர்க்கும் படிவம் வழங்கும் நிகழ்ச்சி இளம்துறை தனியார் திருமண மண்டபத்தில் நடைபெற்றது கூட்டத்திற்கு திருவெண்ணை நல்லூர் மேற்கு ஒன்றிய செயலாளரும் பெரிய செவலை செங்கல்ராயன் கூட்டுறவு சர்க்கரை ஆலையின் தலைவருமான இளந்துறை ராமலிங்கம் தலைமை தாங்கினார்.ஒன்றிய அவைத் தலைவர் பாபு, மாவட்ட அண்ணா தொழிற்சங்க தலைவர் ஸ்ரீதர், மாவட்ட எம்.ஜி.ஆர்.மன்ற துணைச் செயலாளர் பாலச்சந்திர விநாயகம், ஒன்றிய இணைச் செயலாளர் பழனியம்மாள் சுப்பராயன், ஒன்றிய துணைச் செயலாளர் அனிதா சதீஷ் ,ஆகியோர் முன்னிலை வகித்தனர்.

ஒன்றிய ஜெயலலிதா பேரவை செயலாளர் பலராமன் அனைவரையும் வரவேற்றார் .சிறப்பு அழைப்பாளராக கள்ளக்குறிச்சி மாவட்ட செயலாளரும், திருப்பதி தேவஸ்தான அறங்காவலர் குழு உறுப்பினரும் உளுந்தூர்பேட்டை முன்னாள் எம்.எல்.ஏ.வமான இரா. குமரகுரு கலந்துகொண்டு திருவெண்ணை நல்லூர் மேற்கு ஒன்றியத்தில் உள்ள ஒவ்வொரு கிளை நிர்வாகிகளிம் புதிய உறுப்பினர் சேர்க்கைக்கான படிவத்தினை வழங்கி சிறப்புரையாற்றினார் .

இதில் ஒன்றிய துணைச் செயலாளர் ரகோத்தமன், ஒன்றிய பொருளாளர் பழனி, மாவட்ட பிரதிநிதிகள் கோதண்டபாணி,கார்த்திகேயன், மலர்விழி தனசேகரன், ஒன்றிய விவசாய அணி செயலாளர் குமார், ஒன்றிய தகவல் தொழில்நுட்ப பிரிவு செயலாளர் தேவேந்திரன், தொடக்க வேளாண்மை கூட்டுறவு சங்க தலைவர் கிருஷ்ணமூர்த்தி ,ஆறுமுகம், முன்னாள் கவுன்சிலர்கள் மாயவன், கோவிந்தம்மாள் சக்கரவர்த்தி, சிறு மதுரை சங்கர் ,தலைமை கழக பேச்சாளர்அசலான், பெரிய செவலை ஏழுமலை மற்றும் பிற அணி மாவட்ட செயலாளர் ,ஒன்றிய செயலாளர் மகளிர் அணி பாசறை செயலாளர், கிளை நிர்வாகிகள் கலந்து கொண்டனர்.

ருப்பூர்:

தி.மு.க., திருப்பூர் வடக்கு மாவட்டத்தின் தெற்கு தொகுதி, தெற்கு மாநகரத்துக்கு உட்பட்ட 21 வார்டுகளில் புதிய உறுப்பினர் சேர்க்கை தொடர்பான நிர்வாகிகள் ஆலோசனைக்கூட்டம் திருப்பூரில் உள்ள கட்சியின் வடக்கு மாவட்ட அலுவலகத்தில் நடைபெற்றது. கூட்டத்துக்கு மாவட்ட செயலாளரும், தெற்கு தொகுதி எம்.எல்.ஏ.வுமான க.செல்வராஜ் தலைமை தாங்கி பேசினார்.

வீடு, வீடாக சென்று தி.மு.க. அரசின் சாதனைகளை விளக்கி கூறி புதிய உறுப்பினர் சேர்க்கை பணியை தீவிரப்படுத்த வேண்டும். இளைஞர்களை அதிகம் சேர்க்கும் வகையில் பணியாற்ற வேண்டும் என்றார். இந்த கூட்டத்தில் தெற்கு சட்டமன்ற தொகுதி பொறுப்பாளர் தென்றல் செல்வராஜ், தெற்கு மாநகர செயலாளர் டி.கே.டி.மு.நாகராஜன், வடக்கு மாநகர செயலாளரும், மேயருமான தினேஷ்குமார் ஆகியோர் முன்னிலை வகித்தனர். அவைத்தலைவர் நடராஜன், துணை செயலாளர்கள் சேகர், நந்தினி, பகுதி செயலாளர்கள் நாகராஜ், உசேன், மேங்கோ பழனிசாமி, கவுன்சிலர் செந்தூர் முத்து, மாநகர அவைத்தலைவர் ஈஸ்வரமூர்த்தி, வட்ட செயலாளர்கள், மாநகர, பகுதி நிர்வாகிகள் கலந்து கொண்டனர்.

ஓசூர்,

கிருஷ்ணகிரி மேற்கு மாவட்ட அ.தி.மு.க. சார்பில், ஓசூர் உள்ளிட்ட பகுதிகளில் கட்சிக்கு உறுப்பினர் சேர்க்கை பணிகள் தீவிரமாக நடைபெற்று வருகிறது.

நேற்று, சூளகிரி மேற்கு ஒன்றியத்திற்குட்பட்ட பேரிகை, பி.குருபரப்பள்ளி உள்ளிட்ட கிராம பகுதிகளில் நடைபெற்ற உறுப்பினர் சேர்க்கையை, மாவட்ட செயலாளரும், முன்னாள் அமைச்சருமான பாலகிருஷ்ணரெட்டி நேரில் பார்வையிட்டார். அப்போது, பொதுமக்கள் நீண்ட வரிசையில் காத்திருந்து ஆர்வத்துடன் தங்களை அ.தி.முகவில் உறுப்பினர்களாக இணைத்து கொண்டனர்.

அதனை தொடர்ந்து ஒசூர் வடக்கு, தெற்கு ஒன்றியங்களுக்குட்பட்ட சூடாபுரம், பாகலூர் மற்றும் தளி சட்டமன்ற தொகுதி நாகசந்திரம், தளி கொத்தனூர், பென்னங்கூர், ஓசூர் மாநகராட்சிக்குட்பட்ட பெரிய எலசகிரி உள்ளிட்ட பகுதிகளிலும் உறுப்பினர் சேர்க்கையை பாலகிருஷ்ணரெட்டி நேரில் பார்வையிட்டு ஆலோசனைகளை வழங்கினார்.

இந்த நிகழ்ச்சிகளில், மாவட்ட துணைசெயலாளர் கே.மதன், மாவட்ட எம்.ஜி.ஆர்.மன்ற இணை செயலாளர் ஜெயப்பிரகாஷ், மாவட்ட அண்ணா தொழிற்சங்க செயலாளர் ஜே.எம்.சீனிவாசன், சூளகிரி மேற்கு ஒன்றிய செயலாளர் பாபு என்ற வெங்கடாசலம், மற்றும் நிர்வாகிகள், பொதுமக்கள் கலந்து கொண்டனர்.

சென்னை:

தி.மு.க.வில் கிட்டத்தட்ட 1 கோடி உறுப்பினர்கள் உள்ளனர். இந்த நிலையில் மறைந்த முன்னாள் முதலமைச்சர் கருணாநிதியின் நூற்றாண்டு விழாவை முன்னிட்டு மேலும் 1 கோடி உறுப்பினர்களை சேர்க்க வேண்டும் என்று கட்சித் தலைவர் முதலமைச்சர் மு.க.ஸ்டாலின் மாவட்டச் செயலாளர்களுக்கு கடந்த மார்ச் மாதம் உத்தரவிட்டார்.

கருணாநிதியின் பிறந்த நாளான ஜுன் 3-ந் தேதிக் குள் இப்பணியை நிறைவேற்ற வேண்டும் என்றும் அவர் கேட்டுக் கொண்டார்.

இதன்படி ஒவ்வொரு மாவட்டச் செயலாளர்களும் தலைமைக் கழகத்தில் இருந்து விண்ணப்ப படிவங்களை பெற்று தொகுதி வாரியாக கட்சி நிர்வாகிகள், எம்.எல்.ஏ.க்களிடம் கொடுத்திருந்தனர்.

துண்டறிக்கைகள், திண்ணை பிரசாரங்கள் முக்கிய இடங்களில் முகாம்கள், வீடு தோறும் தேடிச் சென்று புதிய உறுப்பினர்களை தி.மு.க.வில் சேர்ப்பது என்று மாவட்டச் செயலாளர்கள் முடிவு செய்து பணிகளை துவக்கினார்கள்.

இந்த புதிய உறுப்பினர் சேர்க்கையை முதலமைச்சர் மு.க.ஸ்டாலின் சென்னையில் கடந்த மாதம் தொடங்கி வைத்தார். ஒரு சட்டமன்ற தொகுதிக்கு 50 ஆயிரம் புதிய உறுப்பினர்கள் வீதம் இலக்கு நிர்ணயிக்கப்பட்டு 234 தொகுதிகளிலும் உறுப்பினர் சேர்க்கை பணி தீவிரப்படுத்தப்பட்டது.

உறுப்பினர் சேர்க்கையில் டபுள் என்ட்ரி இருக்ககூடாது, போலியாக பெயர்களை எழுதக் கூடாது, வாக்காளர் அட்டை ஜெராக்ஸ் நகல் இணைக்க வேண்டும் என்று நிபந்தனை விதிக்கப்பட்டதால் உறுப்பினர் சேர்க்கை எதிர்பார்த்த அளவுக்கு இன்னும் முடிவடையவில்லை.

ஒவ்வொரு சட்டமன்ற தொகுதியிலும் 10 ஆயிரம், 20 ஆயிரம் புதிய உறுப்பினர்களை தான் சேர்த்துள்ளதாக கட்சி நிர்வாகிகள் தெரிவித்தனர்.

புதிய உறுப்பினர் சேர்க்கை படிவத்துக்கான பணத்தை பொது மக்களிடம் இருந்து வாங்க முடியாது என்பதால் அதையும் சொந்த பணத்தில் கட்சிக்காரர்கள் தலைமையில் செலுத்தி வருகின்றனர்.

கட்சி தேர்தலின்போது ஏற்கனவே சேர்த்திருந்த உறுப்பினர்களை இந்த பட்டியலுடன் சேர்க்கக் கூடாது என்று கூறுவதால் எதிர்பார்த்த அளவுக்கு புதிய உறுப்பினர்களை சேர்க்க முடியாமல் தவித்து வருவதாக கட்சி நிர்வாகிகள் கருத்து தெரிவித்து வருகின்றனர்.

சென்னையில் அடுக்கு மாடி வீடுகள் அதிகம் உள்ளதால் வீடு வீடாக ஏறி இறங்கி உறுப்பினர்களை சேர்ப்பது சிரமமாக உள்ளதாகவும் வாக்காளர் அடையாள அட்டை வேண்டும் என்று சொல்லும் போது சிலர் உறுப்பினராக சேர தயங்குவதாகவும் நிர்வாகிகள் தெரிவித்தனர்.

ஆனால் அ.தி.மு.க.வில் சத்தமின்றி வீடு வீடாக விண்ணப்ப படிவத்தை கொடுத்து புதிய உறுப்பினர்களை சேர்த்து வருகின்றனர்.

எனவே அதிக உறுப்பினர்களை தி.மு.க. சேர்க்குமா? அல்லது அ.தி.மு.க. சேர்க்குமா? என்பது அடுத்த வாரம் தெரிந்துவிடும்.

சென்னை:

மறைந்த முதலமைச்சர் அண்ணாவால் தோற்றுவிக்கப்பட்ட தி.மு.க. வில் தற்போது 2 கோடி தொண்டர்கள் இருப்பதாக அதிகாரப்பூர்வமாக அறிவிக்கப்பட்டுள்ளது.

மறைந்த தி.மு.க. தலைவர் கருணாநிதியின் நூற்றாண்டு தொடக்க விழாவையொட்டி தி.மு.க.வில் மேலும் 1 கோடி உறுப்பினர்களை சேர்க்க வேண்டும் என்று முதலமைச்சர் மு.க.ஸ்டாலின் கடந்த மார்ச் மாதம் நடை பெற்ற தி.மு.க. மாவட்டச் செயலாளர்கள் கூட்டத்தில் கேட்டுக் கொண்டார். இதற்காக அந்த கூட்டத்தில் தீர்மானமும் நிறைவேற்றப்பட்டது.

இதைத் தொடர்ந்து கடந்த ஏப்ரல் 4-ந்தேதி புதிய உறுப்பினர் சேர்க்கையை சென்னையில் முதலமைச்சர் மு.க.ஸ்டாலின் தொடங்கி வைத்தார். ஒவ்வொரு மாவட்டத்திலும் அன்றைய தினமே உறுப்பினர் சேர்க்கை தொடங்கியது. கருணாநிதியின் பிறந்த நாளான ஜூன் 3 ந் தேதிக்குள் 1 கோடி உறுப்பினர்களை சேர்க்க வேண்டும் என்பதால் ஒன்றியம், நகரம், பேரூர், பகுதி, கிளை கழகம் வாரியாக உறுப்பினர் சேர்க்கை தீவிரமாக நடந்து வந்தது. இப்போது இந்த பணி முடிவடைந்துள்ளது.

இதையொட்டி தி.மு.க.வின் புதுப்பிக்கப்பட்ட அதிகாரப்பூர்வ இணையதளத்தை முதலமைச்சர் மு.க.ஸ்டாலின் நேற்று தொடங்கி வைத்தார். அதில் தி.மு.க.தொடர்பான பல்வேறு சுவாரஸ்ய தகவல்கள் இடம் பெற்று உள்ளன. குறிப்பாக தலைவர் மு.க.ஸ்டாலின் தலைமையிலான தி.மு.க. வில் 2 கோடி கட்சி உறுப்பினர்கள், 23 சார்பு அணிகள், 125 சட்டமன்ற உறுப்பினர்கள், 20 மக்களவை உறுப்பினர்கள், 10 மாநிலங்களவை உறுப்பினர்கள் இருப்பதாகவும் தெரிவிக்கப்பட்டுள்ளது. இதற்கு முன்பு 1.5 கோடி தொண்டர்களுடன் கொண்ட கட்சி அ.தி.மு.க. தான் என்று கூறப்பட்டு வந்தது. தற்போது அ.தி.மு.க.வை பின்னுக்கு தள்ளி, 2 கோடி தொண்டர்களுடன் அந்த பட்டியலில் தி.மு.க. முதலிடம் பிடித்து உள்ளது.

இது குறித்து அமைச்சர் டி.ஆர்.பி.ராஜா கூறுகையில், முதலமைச்சர் மு.க.ஸ்டாலினின் நல்லாட்சியையும், மாநில மக்களுடன் அவர் மேற்கொண்ட பயணத்தை யும் கண்டு, நாள் தோறும் ஏராளமானோர் கட்சியில் இணைந்து வருகின்றனர். அந்த வகையில் எங்கள் இலக்கான 2 கோடி கட்சி உறுப்பினர்கள் தி.மு.க.வில் இடம் பெற வேண்டும் என பாடுபட்டோம். அந்த இலக்கை இப்போது நாங்கள் அடைந்துவிட்டோம் என்று தெரிவித்தார்.