நீங்கள் தேடியது "பாரம்பரியம்"

அலங்காநல்லூர்:

தமிழர்களின் பாரம்பரிய வீர விளையாட்டான ஜல்லிக்கட்டு போட்டியை நினைவு கூறும் வகையில் மதுரை மாவட்டம் அலங்காநல்லூர் அருகே கீழக்கரை கிராமத்தில் பிரமாண்டமாக ஜல்லிக்கட்டு மைதானம் கட்டப்பட்டுள்ளது.

ஜல்லிக்கட்டு போட்டிக்கு புகழ்பெற்ற இடமாக மதுரை மாவட்டம் அலங்காநல்லூர் திகழ்கிறது. 2017 ஆம் ஆண்டு நடைபெற்ற ஒட்டுமொத்த தமிழர்களின் தன்னெழுச்சி போராட்டத்திற்கு கிடைத்த வெற்றியாக ஜல்லிக்கட்டு போட்டி தொடர்ந்து நடை பெற்று வருகிறது. இந்த போராட்டத்திற்கு பின் அலங்காநல்லூர், பாலமேடு ஜல்லிக்கட்டு போட்டிகளை காண வெளி மாநிலங்களில் இருந்து மட்டுமல்லாது வெளிநாடுகளில் இருந்தும் பார்வையாளர்கள் வருவது அதிகரித்து வருகிறது.

இதற்காக அலங்காநல்லூர் ஜல்லிக்கட்டில் வெளிநாட்டு பார்வையாளர்களுக்கு நிரந்தர கேலரியும் அமைக்கப்பட்டது. இருப்பி னும் போதிய இடவசதி இல்லாமல் ஜல்லிக்கட்டு ஆர்வலர்கள் வெளிநாட்டு பார்வையாளர்கள் முழுமையாக ஜல்லிக்கட்டு போட்டியை காண முடியாமல் ஏமாற்றம் அடைந்தனர். இந்நிலையில்தான், சட்ட மன்ற கூட்டத்தொடரில் விதி என் 110-ன் கீழ் ஜல்லிக்கட்டுக்காக நிரந்தர அரங்கம் அமைக்கப்படும் என தமிழக முதலமைச்சர் மு.க.ஸ்டாலின் அறிவித்தார்.

அதன்படி 66 ஏக்கர் பரப்பளவில் ரூ.44.6 கோடி மதிப்பீட்டில் திட்டப்பணிகள் கடந்த ஆண்டு மார்ச் மாதம் தொடங்கப்பட்டு தற்போது கட்டுமான பணிகள் முழுவதுமாக நிறைவு பெற்று திறப்பு விழாவிற்கு தயாராக உள்ளது. தற்போது இந்த மைதான அரங்கிற்கு 'கலைஞர் நூற்றாண்டு ஏறுதழுவுதல் அரங்கம்' என தமிழக அரசால் பெயர் சூட்டப்பட்டுள்ளது. பழமை மாறாமல் மன்னர் காலத்து அரண்மனை போல் இந்த ஏறுதழுவுதல் அரங்க முகப்பு அமைக்கப்பட்டுள்ளது.

இந்த ஜல்லிக்கட்டு அரங்கில் தேவையான அனைத்து வசதிகளும் செய்யப்பட்டுள்ளது. கால்நடை மருத்துவமனை, காத்திருப்பு கூடம், சுகாதார நிலையம், வாடி வாசல், அலுவலகம், தற்காலிக விற்பனை கூடம், பொருட்கள் பாதுகாப்பு அறை, மழைநீர் வடிகால் வசதி, குடிநீர் வசதி, 50 ஆயி ரம் லிட்டர் கொள்ளளவு கொண்ட மேல்நிலை நீர்த் தேக்க தண்ணீர் தொட்டி, மருந்தகம், கால்நடை மருத்துவ வசதி, கழிப்பறை, பத்திரிகையாளர் அறை, அலுவலர்கள் ஓய்வு அறை, என அனைத்து வசதிகளும் இங்கு உள்ளது.

இந்த பிரம்மாண்ட ஜல்லிக்கட்டு அரங்கில் சுமார் 10, ஆயிரத்துக்கும் மேற்பட்டோர் அமர்ந்து விளையாட்டை கண்டு ரசிக்கும் வகையில் பிரம்மாண்டமான முறையில் சுமார் 20 அடி உயரத்திற்கு மேல் அமர்ந்து பார்க்கும் வகையில் கண் கவர் வேலைப்பாடுகளுடன் அரங்கம் அமைக்கப்பட்டது. மேலும் இந்த அரங்கின் இரண்டு பகுதிகளில் மிகப் பெரிய எல்.இ.டி. திரை மூலம் ஜல்லிக்கட்டை நேரடியாக பார்க்கும் வகையில் அகன்ற திரை அமைக்கப்பட்டுள்ளது.

பழமை மாறாமல் அலங்காநல்லூர், பாலமேடு போன்ற உலகப் புகழ்பெற்ற ஜல்லிக்கட்டு வாடிவாசல் எவ்வாறு அக்காலத்தில் அமைக்கப்பட்டுள்ளதோ அதேபோன்று இந்த அரங்கில் வாடிவாசல் அமைக்கப்பட்டுள்ளது. மேலும் வாடிவாசல் மேலிருந்து விழா குழுவினர், வர்ணனையாளர் அமர்ந்து ஜல்லிக்கட்டுக்கு பரிசு பொருட்கள், அறிவிக்கும் வகையிலும் ஜல்லிக் கட்டை வர்ணனை செய்யும் வகையிலும் அமர்ந்து பேசுவதற்கு ஏதுவாக மேல் தளம் அமைக்கப்பட்டுள்ளது.

வாடிவாசல் பின்புறமாக ஜல்லிக்கட்டு காளைகள் வரிசையாக வருவதற்கு ஏதுவாக பாதுகாப்பு வேலிகள் அமைக்கப்பட்டு காளைகள் ஒன்றன்பின் ஒன்று வரும் வகையில் நீண்ட தொலைவில் இரும்பு கம்பி வேலிகள் போடப்பட்டுள்ளது. இதன் மூலம் ஜல்லிக்கட்டு காளைகள் ஒன்றின் மீது மற்றொன்று மோதிக் கொள்ளாமலும் இருக்கும். காளை உரிமையாளர்களுக்கும் எவ்வித பாதிப்பும் ஏற்படாத வகையில் பாதுகாப்பாக காளைகளை வாடிவாசலில் அவிழ்த்து விட இந்த கம்பி வேலிகள் அமைக்கப்பட்டுள்ளது.

வெளிப்புறத்தில் அரண்மனை முகப்பு தோற்றம் போலவும் உட்புறத்தில் கிரிக்கெட் அரங்கம் போலவும் இந்த ஏறு தழுவுதல் அரங்கம் வடிவமைக்கப்பட் டுள்ளது. அரங்கம் முன்பாக ஜல்லிக்கட்டு காளை ஒன்று பாய்வது போன்றும், அதனை மாடுபிடி வீரர் ஒருவர் அடக்குவது போன்றும் கற்சிலை அமைக்கப்பட்டுள்ளது. ஜல்லிக்கட்டு காளைகள் மற்றும் மாடுபிடி வீரர்களுக்குத் தேவையான அனைத்து வசதிகளும் இந்த அரங்கில் செய்யப்பட்டுள்ளன.

தரைத்தளத்தில் வாடிவாசல், நிர்வாக அலுவலகம், பரிசுப் பொருட்கள் வைப்பு அறை, மாடுபிடி வீரர்களுக்கான இடம், ஓய்வு அறை, காளைகள் பரிசோதனைக் கூடம், முதலுதவி கூடம், பத்திரிகையாளர் கூடம், காளைகள் பதிவு செய்யப்ப டும் இடம், ஜல்லிக்கட்டு அருங்காட்சியகம், பொருட்கள் பாதுகாப்பு அறைகள் இடம்பெற்றுள்ளன.

முதல் தளத்தில் முக்கிய பிரமுகர்களுக்கு தனித்தனியே அறைகள், உணவு அறை, அனைத்து வசதியுடன் கூடிய தங்கும் அறைகள் அமைக்கப்பட்டுள்ளன. இரண்டாம் தளத்தில் பொருட்கள் வைப்பு அறைகள் அமைக்கப்பட்டுள்ளன.

போட்டியைக் காண மதுரை மற்றும் அருகிலுள்ள மாவட்டங்களில் இருந்தும் மக்கள் வந்து செல்வதற்கு ஏதுவாக மூன்று வழித்தடங்களில் புதிய தார்ச்சாலைகள் அமைக்கப்பட்டுள்ளன. மைதானத்திற்கு விரைந்து வர புதிதாக தார்ச் சாலை அமைக்கபட்டுள்ளது.

இதற்காக ரூ.22 கோடி நிதி ஒதுக்கீடு செய்யப்பட்டு அலங்காநல்லூர்-வாடிப் பட்டி தேசிய நெடுஞ்சாலை யில் இருந்து ஜல்லிக்கட்டு அரங்கிற்கு விரைந்து வர சின்ன இலந்தைகுளம், இடைகரை பாலம் முதல் அரங்கிற்கு 3.3 கிலோ மீட்டர் தூரம் வரை தனியாக தார்ச்சாலை அமைக்கப்பட்டுள்ளது. சாலை நடுவே பூச்செடிகள், அரங்கம் முன்பாக பசுமையான புல் தோட்டம், பூங்காக்கள் அமைக்கப்பட்டுள்ளது.

தமிழர்களின் வீர விளையாட்டை பறைசாற்றும் வகையிலே இந்த மைதானத்தை தமிழக முதல்வர் இந்த மாத இறுதியில் திறந்து வைக்கிறார். திறப்பு விழா நாளில் உலகத் தரத்தில் மிக பிரமாண்டமாக இந்த அரங்கில் ஜல்லிக்கட்டு நடத்தவும் ஏற்பாடு செய்யப்பட்டுள்ளது.

நாகப்பட்டினம்:

வாய்மேடு அருகே தாணிக்கோட்டகத்தில் வாணங்காடு ஆகாச மாரியம்மன் கோவில் உள்ளது.

இக்கோவிலில் ஆடி திருவிழா பாரம்பரிய முறைப்படி நடந்தது.

முன்னதாக அம்பாளுக்கு பால், சந்தனம், தயிர், பஞ்சாமிர்தம், இளநீர் தேன், பன்னீர் உள்ளிட்ட பல்வேறு பொருட்களால் சிறப்பு அபிஷேக ஆராதனைகள் நடைபெற்றது.

பின்னர் வண்ணமலர்களால் அலங்கரிக்கப்பட்டு மகாதீபாராதனை காண்பிக்கப்பட்டது.

இதில் ஏராளமான பக்தர்கள் மாவிளக்கு போட்டும், முடி இறக்கவும், அம்பாளுக்கு காவடி, பூத்தட்டு எடுத்தும் தங்கள் நேர்த்திக்கடனை செலுத்தினர்.

பின்பு பண்டைய கால முறைப்படி பாரம்பரியம் மாறாமல் பனை மட்டை ஓலைகளில் பக்தர்களுக்கு கஞ்சி வழங்கப்பட்டது.

இதில் ஏராளமான பக்தர்கள் கலந்துகொண்டு அம்மனை வழிபட்டனர். பின்னர் அம்மன் வீதி உலா நடைபெற்றது.

தஞ்சாவூர்:

தஞ்சை மாவட்ட கலெக்டர் தினேஷ் பொன்ராஜ் ஆலிவர் வெளியிட்டுள்ள செய்தி குறிப்பில் கூறியிருப்பதாவது :-

தஞ்சை மாவட்ட சுற்றுலா வளர்ச்சி குழுமம், சரஸ்வதி மகால் நூலகம் மற்றும் கடை கூடத்தின் சார்பில் சர்வதேச அருங்காட்சியக தினத்தை முன்னிட்டு நாளை (வியாழக்கிழமை) முதல் 21-ந் தேதி வரை பல்வேறு நிகழ்ச்சிகள் நடத்த முடிவு செய்யப்பட்டுள்ளது.

இந்த 4 நாட்களும் எனது பாரம்பரியம் என்ற தலைப்பில் தஞ்சை அருங்காட்சியகத்தில் பொதுமக்கள் தங்கள் கலை பொருட்களை காட்சிப்படுத்தும் கண்காட்சி நடைபெறுகிறது .

நாளை காலை 10 மணிக்கு தஞ்சை கலைக்கூடத்தில் அருங்காட்சியக நடை பயணமும் நடைபெற உள்ளது. 19-ந் தேதி காலை 10 மணிக்கு 5-ம் வகுப்பு 5-ம் வகுப்பு முதல் 8-ம் வகுப்பு வரை படிக்கும் மாணவர்களுக்கு அருங்காட்சியகத்தில் ஓவிய போட்டியும், 20-ந் தேதி காலை 10 மணிக்கு அருங்காட்சியகத்தில் புகைப்பட போட்டியும் நடைபெறுகிறது.

21-ந் தேதி காலை 10 மணிக்கு சரஸ்வதி மகால் நூலகத்தில் அருங்காட்சியகங்களின் வரலாறு என்ற தலைப்பில் பொது மக்களுக்கான பணிமனையும், மாலை 6.30 மணிக்கு அருங்காட்சியகத்தில் பொம்மலாட்ட நிகழ்ச்சி நடைபெறுகிறது.

இதற்கு அனுமதி இலவசம். முன்பதிவு அவசியம். மேலும் பதிவு மற்றும் விவரங்களுக்கு 9842455765, 9443267422, 9442547682 என்ற எண்களை தொடர்பு கொள்ள வேண்டும். இந்த நிகழ்ச்சியில் பள்ளி, கல்லூரி மாணவ -மாணவிகள் மற்றும் பொதுமக்கள் கலந்து கொள்ளுமாறு கேட்டுக்கொள்கிறேன்.

இவ்வாறு அதில் கூறப்பட்டுள்ளது.

மதுரை

மதுரை மாவட்ட பள்ளி கல்வி இயக்ககம் சார்பில் வைகை இலக்கிய திருவிழா இன்று மதுரை உலக தமிழ்ச்சங்க வளாகத்தில் நடந்தது. இதில் அமைச்சர் பி.டி.ஆர்.பழனிவேல் தியாகராஜன் கலந்து கொண்டு வைகை இலக்கியத் திருவிழா நிகழ்ச்சியை தொடங்கி வைத்தார்.

இதில் அமைச்சர்கள் அன்பில் மகேஷ் பொய்யாமொழி, மூர்த்தி, வெங்கடே சன் எம்.பி., எம்.எல்.ஏ.க்கள் கோ.தளபதி, பூமிநாதன், பொது நூலகங்களின் இயக்குநர் இளம் பகவத், மாவட்ட கலெக்டர் அனீஸ் சேகர், மாநகராட்சி மேயர் இந்திராணி, கமிஷனர் சிம்ரன்ஜீத்சிங், கூடுதல் கலெக்டர் (வளர்ச்சி) சரவணன், உதவி கலெக்டர் (பயிற்சி) திவ்யான் ஷுநிகம் உள்பட பலர் கலந்து கொண்டனர்.

விழாவில் அமைச்சர் அன்பில் மகேஷ் பொய்யாமொழி பேசியதாவது:-

மதுரையில் நடந்து வரும் வைகை இலக்கிய திருவிழா தமிழக எழுத்தாளர்கள், கலைஞர்களை தூண்டும் விதமாக அமைய வேண்டும். உலக தமிழ்ச் சங்கம் உருவாகிய மதுரையில் வைகை இலக்கிய விழா நடத்துவதில் தமிழகம் பெருமை கொள்கிறது.

கீழடி அகழாய்வு மூலம் தமிழ் சமூகம் பழமை வாய்ந்தது என்பதை வாய்மொழியாக கூற வில்லை. அறிவியல் பூர்வ மாக நிரூபித்து உள்ளோம். எனவே தமிழகம் முழுவதும் வசிக்கும் மாணவர்கள், தமிழர்களின் வாழ்க்கை முறையை அறிய வேண்டும் என்றால் கீழடி அருங்காட்சியகத்துக்கு வாழ்நாளில் ஒரு முறை யாவது வந்து பார்க்க வேண்டும்.

தமிழர்களின் பாரம்பரிய பெருமையை சொல்ல வேண்டும் என்றால் அதற்கு 2 நூற்றாண்டுகள் தேவைப்படும். தமிழகத்தை பொறுத்தவரை திரை உலகில் மதுரையை சேர்ந்தவர்கள் தான் அதிகமாக உள்ளனர்.

மதுரை மாவட்டத்தில் எண்ணற்ற எழுத்தாளர்கள், படைப்பாளர்கள் வாழ்ந்து வருகின்றனர். எனவேதான் அவர்களை பெருமைப் படுத்தும் வகையில் வைகை இலக்கிய விழா நடத்தி உள்ளோம்.

இவ்வாறு அவர் பேசினார்.

தஞ்சாவூர்:

உலக தாய்மொழி தினத்தை முன்னிட்டு தஞ்சாவூர் மாவட்டம், கண்டிதம்பட்டு ஊராட்சியில் பாரம்பரிய சிக்கு கோலம் மூலம் விழிப்புணர்வு ஏற்படுத்தும் நிகழ்ச்சி நடைபெற்றது. தஞ்சை ஜோதி அறக்கட்டளை சார்பில் நடந்த நிகழ்ச்சியில் கண்டிதம்பட்டு ஊராட்சி மன்ற தலைவர் தமிழ்செல்வி தலைமையில் தமிழ் கவிஞர்கள், திருக்குறள் தமிழ் ஐம்பெருங்காப்பியங்கள், தமிழ் மொழியின் சிறப்புகள் உள்ளிட்ட பல்வேறு தலைப்புகளில் பொதுமக்கள் பாரம்பரிய சிக்கு கோலங்கள் வரைந்து விழிப்புணர்வு ஏற்படுத்தினர். சிறந்த கோலங்கள் வரைந்தவர்களுக்கு பரிசுகள் வழங்கப்பட்டது.

நிகழ்ச்சியில் ஊராட்சி மன்ற தலைவர் தமிழ்செல்வி, ஜோதி அறக்கட்டளை செயலாளர் டாக்டர் பிரபு ராஜ்குமார், அறக்கட்டளை மேலாளர் ஞானசுந்தரி, ஊராட்சி மன்ற உறுப்பினர்கள், 100 நாள் வேலைத்திட்ட பணியாளர்கள், அங்கன்வாடி பணியாளர்கள் உள்ளிட்டோர் கலந்துகொண்டனர்.

முடிவில் ஜோதி அறக்கட்டளை கள ஒருங்கிணைப்பாளர் நாராயணவடிவு நன்றி கூறினார்.

ஸ்ரீவில்லிபுத்தூர்

ஸ்ரீவில்லிபுத்தூர் அருகே உள்ள சத்யா வித்யாலயா சி.பி.எஸ்.இ. மேல்நிலைப் பள்ளியில் தமிழரின் பாரம்பரிய கலை விழா நடந்தது. தமிழர்களுக்கே உரித்தான ஒயிலாட்டம், கரகாட்டம், மயிலாட்டம், தப்பாட்ட நிகழ்ச்சிகள் நடந்தன. சிறப்பு விருந்தினராக ராஜபாளையம் இன்னர்வீ=ல் சங்க தலைவி சத்யா குப்புசாமி, ரோட்டரி சங்க தலைவி டாக்டர்.ராதா ஆகியோர் பங்கேற்றனர். மாணவி பிரதீபா வரவே

பள்ளி குழுமத்தலைவர் குமரேசன், மேனேஜிங் டிரஸ்டி டாக்டர் சித்ரா குமரேசன், துணை நிர்வாகி அரவிந்த் குமரேசன் ஆகியோர் தலைமை தாங்கினர். முதல்வர் அனுசுயா, துணை முதல்வர் சவுந்திரபாண்டி என்ற சவுந்தரி, ஆலோசகர் பாரதி, நிர்வாக அதிகாரி அமுதா முன்னிலை வகித்தனர். ஆசிரியை சுமதி, மாணவி முத்து ஜீவனா ஆகியோர் பாரம்பரிய கலைகளை பற்றி எடுத்துரைத்தனர். மாணவர்களின் குழு நடனம் நடந்தது. மாணவி செல்வபிரியா நன்றி கூறினார்.

மன்னார்குடி:

மன்னார்குடிஅரசு உதவி பெறும் தூயவளனார் பெண்கள் மேல்நிலைப்பள்ளி நாட்டு நலப்பணித்திட்டம் சார்பாக பாரம்பரிய உணவு வகைகள் தயாரித்தல் கண்காட்சி மற்றும் போட்டிகள் நடைபெற்றது. பள்ளியின் திட்ட அலுவலர் மேரி செல்வராணி வரவேற்று பேசினார். தலைமையாசிரியை சகோதரி ஜெபமாலை தலைமை வகித்தார்.

நாட்டு நலப்பணித்திட்ட மாவட்ட ஒருங்கிணைப்பாளர் ராஜப்பா மற்றும். மன்னை ஜேசிஸ் சங்க முன்னாள் தலைவர் உழவன் அருண் ஆகியோர் முன்னிலை வைத்தனர்.

என்.எஸ்.எஸ். மாணவிகள் தங்கள் வீட்டில் தயாரித்த பாரம்பரிய உணவு வகை பொருட்களை கண்காட்சிக்கு
வைத்திருந்தனர். கண்காட்சி நடுவர்களாக இருந்து ராஜப்பா மற்றும் அருண் ஆகியோர் பரிசுக்குரிய உணவு வகைகளை தேர்ந்தெடுத்தனர்.

போட்டியில் தர்ஷினி முதல் பரிசையும். திவ்யதர்ஷினி 2ம் பரிசையும் செ. துர்கா 3ம் பரிசையும் பெற்றனர். சிறப்பு பரிசுகளாக முடவாட்டம் கிழங்கு அடை மற்றும் கேழ்வரகு களியுடன் மீன் குழம்பு தயார் செய்திருந்த வி.தீபிகா, சுண்டைக்காய் வடை தயார் செய்திருந்த மு.ப்ரீத்தி தேவி, கவுனி அரிசி பொங்கல் தயார் செய்திருந்த மீரா தர்ஷினி ஆகியோர் சிறப்பு பரிசுகளையும் பெற்றனர்.

பள்ளியில் பயிலும் 3800 மாணவிகளும் ஆசிரியைகளும் கண்காட்சியை பார்வையிட்டு பாரம்பரிய உணவு பொருட்கள் தயார் செய்யும் முறைகள் குறித்தும் கேட்டறிந்தனர். முன்னதாக பாரம்பரிய நெல் வகைகள் சேகரித்து விழிப்புணர்வு ஏற்படுத்திய ஆதிரெங்கம் நெல் ஜெயராமனின் நினைவு நாளை முன்னிட்டு நினைவஞ்சலி செலுத்தப்பட்டது.

உதவி திட்ட அலுவலர் ஷோபனா நன்றி கூறினார்.

நன்னிலம்:

திருவாரூர் மாவட்டம், நன்னிலம் ஊராட்சி ஒன்றியத்திற்குட்பட்ட அரசு பள்ளிகளுக்கான, வட்டார அளவிலான கலை திருவிழா, நன்னிலம் அரசு ஆண்கள் மேல்நிலைப்பள்ளியில் நடைபெற்றது. விழாவிற்கு மாவட்ட கல்வி அலுவலர் மாதவன் தலைமை தாங்கினார்.

நன்னிலம் அரசு பள்ளி தலைமை ஆசிரியர் செந்தமிழ்ச்செல்வன் முன்னிலை வகித்தார். மாவட்ட உதவி திட்ட அலுவலர் பழனிவேல், வட்டார வளமைய மேற்பார்வையாளர் நடேஸ்துரை, வட்டார கல்வி அலுவலர்கள் மணி, முருகபாஸ்கர் ஆகியோர் போட்டியின் நடுவர்களாக இருந்தனர்.

இதில் நன்னிலம் வட்டாரத்தை சேர்ந்த 7 உயர்நிலை பள்ளிகள், 16 நடுநிலை பள்ளிகள், 11 மேல்நிலை பள்ளிகளை சேர்ந்த சுமார் 380-க்கும் மேற்பட்ட மாணவ- மாணவிகள் கலந்து கொண்டனர்.

போட்டியானது கவின் கலை, நுண் கலை, இசைப்பாட்டு, கருவி இசை, நடனம், நாடகம் மொழித்திறன் ஆகிய ஆறு தலைப்புகளின் கீழ் தமிழகத்தின் பாரம்பரிய பண்பாட்டு நினைவுகளை போற்றி பாதுகாக்க கூடிய வகையில், தமிழ் இலக்கியம் கூறும் கலைகளை பாதுகாக்கும் வகையில் புத்துணர்வு ஊட்டக்கூடிய வகையில் நடைபெற்றது.

இதில் மாணவ- மாணவிகள் ஏராள–மாணவர்கள் ஆர்வமுடன் போட்டிகளில் பங்கேற்றனர். போட்டியில் வெற்றி பெற்ற கலைக்குழு மாணவர்கள், மாவட்ட அளவில் நடைபெறும் கலை திருவிழாவில் பங்கேற்க தகுதி பெறுவர்.

நிகழ்ச்சிக்கான ஏற்பாடுகளை திருவாரூர் மாவட்ட ஒருங்கிணைந்த பள்ளி கல்வித்துறை ஏற்பாடு செய்துள்ளது.

கும்பகோணம்:

திருப்பனந்தாள் வேளா ண்மை மற்றும் உழவர் நலத்துறையில்இயங்கி வரும் வேளாண்மை தொழில்நுட்ப மேலாண்மை முகமை அட்மா திட்டத்தின் வட்டார தொழில்நுட்பக் குழு மற்றும் வட்டார விவசாயிகள் ஆலோசனை குழுகூட்டம் திருப்பனந்தாள் வேளாண்மை அலுவல கத்தில் நடைப்பெற்றது.

இக்கூட்டத்தில் வட்டார தொழில்நுட்பக் குழு ஒருங்கிணைப்பாளர் வேளாண்மை உதவி இயக்கநர் விஜயாலெட்சுமி தலைமையில் நடைபெற்றது. வட்டார விவசாயிகள் ஆலோசனை குழு தலைவர் சிவா சுப்பரமணியம் முன்னிலை வகித்தார். மேலும் இக்கூட்டத்தில் வட்டார விவசாயிகள் ஆலோசனை குழு உறுப்பி னர்கள் மற்றும் வேளாண்மை உதவி அலுவலர்கள் கலந்து கொண்டனர்.

கூட்டத்தில் வட்டார தொழில்நுட்ப மேலாளர் ராஜாத்தி இந்த ஆண்டு திருப்பனந்தாள் வட்டாரத்திற்கு ஒதுக்க ப்பட்ட மாவட்டத்திற்க்குள் விவசாயிகள் பயிற்சிகள், இயற்கை வேளாண்மை, பாரம்பரியம் மற்றம் புதியா நெல் ரகங்களை ஊக்கப்படுத்துதல், பூச்சி மற்றும் நோய் மேலாண்மையில் உயிரியல் கட்டுப்பாட்டு முறைகள், இயற்கை வேளாண்மை பற்றி விழிப்புணர்வு ஏற்படுத்த விவசாயிகளுக்கான கண்டூணர்வு சுற்றுலா மற்றும் பாரம்பரியம் நெல் சாகுபடி, தீவனபுல் மேலாண்மை, செயல்விளக்கம் அமைத்தல் தொடர்பான விவரங்களை எடுத்துரைத்தார்.

மேலும் மேற்கண்ட திட்டங்கள் கலைஞரின் ஒருங்கிணைந்த வேளாண் வளர்ச்சி திட்டம் கிராமங்களின் செயல்படுத்தப்படும் என்பதை குறித்து விவாதி க்கப்பட்டது.

இறுதியாக அட்மா திட்ட வட்டரா தொழில்நுட்ப மேலாளர் ராஜாத்தி நன்றியுரை கூறினார்.

இக்கூ ட்டத்திற்கு ராஜா,கோகிலா மற்றும் சந்தியா ஏற்பாடு செய்திருந்தனர்.

பேராவூரணி:

சேதுபாவாசத்திரம் வட்டாரம் திருவத்தேவன் கிராமத்தில் விவசாயிகள் பாரம்பரிய மற்றும் புதிய நெல் ரகங்களை சாகுபடி செய்வது தொடர்பான தொழில் நுட்ப பயிற்சி நடைபெற்றது.

நிகழ்ச்சிக்கு சேதுபாவாசத்திரம் வட்டார வேளாண்மை உதவி இயக்குனர் சாந்தி தலைமை வகித்தார். ஊராட்சி மன்ற தலைவர் முரளி, துணைத் தலைவர் சுதர்சன் ஆகியோர் முன்னிலை வகித்தனர்.

நிகழ்வில் வேளாண்மை உதவி இயக்குனர் சாந்தி பேசியதாவது,

பாரம்பரிய நெல்- புதிய ரகங்கள் சாகுபடி செய்ய விவசாயிகள் முன் வர வேண்டும். பாரம்பரிய நெல் ரகங்கள் நோய் எதிர்ப்பு சக்தி கொண்டவை.

இவை சர்க்கரை நோய், புற்றுநோய், வயிற்றுப்புண், நரம்பு சம்பந்தமான நோய்களை தடுக்கும் திறன் கொண்டது. பாரம்பரிய நெல் ரகங்கள் இயற்கையான மற்றும் விஷமில்லாத உணவாக பயன்படுகிறது.

விவசாயிகள் ஒருங்கிணைந்த பூச்சி மற்றும் நோய் கட்டுப்பாடு தொழில்நுட்பங்களையும் தெரிந்து கொள்ள வேண்டும் என்றார்.

இயற்கை உரம் நிகழ்ச்சியில் இயற்கை உழவர் இயக்கத்தின் செயலாளர் முருகையன் பேசும்போது, 'விவசாயிகள் அனைவரும் செயற்கை உரங்களை பயன்படுத்தாமல் இயற்கை உரங்களை மட்டுமே பயன்படுத்தி சாகுபடி செய்வதால் பூச்சி மற்றும் நோய்கள் தாக்குதல் இன்றி பயிர் நன்றாக வளர்ந்து நஞ்சில்லாத மற்றும் தரமான உணவை உற்பத்தி செய்ய முடியும்' என்றார்.

நிகழ்ச்சியில் பாரம்பரிய நெல் ரகங்களான மாப்பிள்ளை சம்பா, சீரகச் சம்பா, காட்டுயாணம், கருப்புக் கவுனி, சிவப்பு கவுனி, ஆத்தூர் கிச்சடி சம்பா, தேங்காய் பூ சம்பா, கந்தசாலா, கிச்சடி சம்பா போன்ற ரகங்களின் பண்புகள், குணாதிசயங்கள் மற்றும் சாகுபடி முறை குறித்தும், இயற்கை உயிர் உரங்களை பயன்படுத்தி மண்வளத்தை பாதுகாக்கும் முறைகள் குறித்தும் விளக்கம் அளிக்கப்பட்டது.

இதில் அட்மா திட்ட வட்டார தொழில் நுட்ப மேலாளர் சுரேஷ், உதவி தொழில் நுட்ப மேலாளர் தமிழழகன் மற்றும் ஏராளமான விவசாயிகள் கலந்து கொண்டனர்.

பயிற்சிக்கான ஏற்பாடுகளை வேளாண்மை உதவி அலுவலர் பிரதீபா, அட்மா திட்ட உதவி தொழில் நுட்ப மேலாளர் நெடுஞ்செழியன் ஆகியோர் செய்திருந்தனர்.