நீங்கள் தேடியது "Video viral"

உத்தரகாண்ட் மாநிலத்தில் உள்ள பித்தோராகரில் 133 பிராந்திய பணியிடங்களுக்கு நடைபெற்ற தேர்வில் கலந்துகொள்ள உத்தரப்பிரதேசம், ஒடிசா, ஜார்கண்ட், மகாராஷ்டிரா மற்றும் ராஜஸ்தான் உள்ளிட்ட மாநிலங்களில் இருந்து 18,000க்கும் மேற்பட்ட இளைஞர்கள் குவிந்தனர்.

போதிய தங்குமிடம், போக்குவரத்து வசதிகள் இல்லாமல் பலர் தெருக்களிலும் மலைகளிலும் இரவு முழுவதும் தூங்கினர். சிலர் பஸ்ஸின் டிரங்கில் பயணம் செய்தனர். இதனால் அப்பகுதியில் பெரும் பரபரப்பு ஏற்பட்டது.

மதுரை:

நவநாகரீக வாழ்வில் டிஜிட்டல் மயம் தவிர்க்க முடியாததாகி விட்டது. கடிதங்களில் தொடங்கிய தகவல் தொடர்பு இன்று கையடக்கத்திற்கு வந்து விட்டது. செல்போன் இல்லாத கரங்களே இல்லை, அதற்கு குழந்தைகளும் விதிவிலக்கல்ல என்பது போல் எங்கு பார்த்தாலும், எந்த நேரமும் ஒவ்வொருவரும் கைகளில் ஏந்தி நிற்கும் செல்போன்களால் குற்றங்களும் கணக்கில் அடங்காமல் போய்விட்டது.

தும்பை விட்டு வாலை பிடித்த கதையாக எத்தனையோ விழிப்புணர்வுகள் ஏற்படுத்தப்பட்டாலும், துளியும் பிரயோஜனமில்லை என்பதற்கு சான்றாக அடுத்தடுத்து நடக்கும் சம்பவங்களே சாட்சி. அதிலும் பருவம் தவறும் மாற்றங்களால் பாலியல் உள்ளிட்ட பிரச்சனைகளும் இந்த சமூகத்தில் புரையோடிப் போன ஒன்றாகவே இருக்கிறது.

அதிலும் திசைமாறிச் செல்லும் இளைஞர்களின் காதல் காவியம் பலரை பாதிப்படைய செய்துள்ளது. கண்டதும் காதல், ஈர்க்கும் வசீகரத்தால் இளம்பெண்களை தன்பால் இழுக்கும் மாய வித்தைகளை கற்றுக் கொண்டு அவர்கள் செய்யும் அட்டூழியங்களால் பெண் பிள்ளைகளை பெற்றவர்கள் வயிற்றில் நெருப்பை கட்டிக் கொண்டு நாட்களை காலத்திற்கு தள்ளப்பட்டு உள்ளனர்.

இதில் காலத்தின் கட்டாயத்தாலும், குடும்ப சூழ்நிலை காரணமாகவும் வேலைக்கு செல்லும் இளம்பெண்கள் தங்களையும், குடும்பத்தையும் இழந்து பின்னர் நிற்கதியாக நிற்கும் சம்பவங்களை படித்தும், பார்த்தும், அறிந்தும் மாற்றம் மட்டும் வரவேயில்லை. பாலியல் கவர்ச்சி என்பது கொடூர கொலையில் முடிந்த சம்பவங்கள் ஏராளமாக அரங்கேறியுள்ளன.

சென்னை கல்லூரியில் 2-ம் ஆண்டு படித்த மாணவி சத்யா (20), பரங்கி மலை ரெயில் நிலையத்தில் ஓடும் ரெயிலில் தள்ளிக் கொல்லப்பட்டது தமிழகத்தையே உறைய வைத்தது. தன்னைக் காதலிக்க மறுத்த சத்யாவை ஒருதலையாக காதலித்த சதீஷ் (23) என்ற போலீஸ் குடும்பத்தை சேர்ந்தவர் முதலில் காதலிக்க வற்புறுத்தி, பின்னர் சரமாரியாக தாக்கியும் உடன்படாததால் ஓடும் ரெயிலில் இருந்து தள்ளி கொலை செய்தார்.

கடந்த 2016-ம் ஆண்டு ஜூன் 24-ந்தேதி தன்னைக் காதலிக்க மறுத்த சாப்ட்வேர் என்ஜினீயராக சுவாதியை நுங்கம்பாக்கம் ரெயில் நிலையத்தில் வைத்து அவரை, ஒருதலையாக காதலித்த ராம்குமார் என்பவர் வெட்டிக்கொன்றார். பின்னர் அவரும் தற்கொலை செய்துகொண்டார். இதேபோல் தன்னை காதலிக்க மறுத்தார் என்ற ஒரே காரணத்துக்காக விழுப்புரத்தை அடுத்த வ.பாளையத்தில் சிறுமி நவீனாவை, செந்தில் என்ற வாலிபர் தீ வைத்து எரித்துக் கொலை செய்தார்.

விருத்தாசலம் அருகே கறிவேப்பிலைக்குறிச்சியில் கல்லூரி மாணவி திலகவதி தன்னை காதலிக்க மறுத்ததால் கடந்த 2019-ம் ஆண்டு ஆகாஷ் என்பவர் கத்தியால் குத்திக்கொலை செய்தார். 2021-ல் காதலிக்க மறுத்த கல்லூரி மாணவி சுவேதாவை தாம்பரம் ரெயில் நிலையத்தில் வைத்து ராமசந்திரன் என்ற வாலிபர் குத்திக்கொலை செய்தார். 2022-ல் காதலிக்க மறுத்த உறவுக்கார பெண்ணும், கல்லூரி மாணவியுமான கீர்த்தனாவை, புதுச்சேரி சந்நியாசிக்குப்பத்தில் முகேஷ் என்ற வாலிபர் வெட்டிக் கொன்றார்.

கரூரில் உள்ள தனியார் பொறியியல் கல்லூரியில் மூன்றாம் ஆண்டு படித்து வந்த மாணவி சோனாலியை அவரது வகுப்பறையில் வைத்து, அதே கல்லூரியில் பயின்ற மாணவர் உதயகுமார் என்பவர் மரக்கட்டையால் அடித்தே கொலை செய்தார். இதற்கு காரணமும் தன்னை காதலிக்க மறுத்ததுதான்.

சற்றே இதுபோன்ற விரும்பத்ததாக சம்பவங்கள் நினைவில் இருந்து மறைந்த நிலையில் நேற்று தஞ்சை மாவட்டம் பட்டுக்கோட்டையை அடுத்த மல்லிப்பட்டிணம் அரசு பள்ளியில் ஆசிரியை ரமணியை, அவரை ஒருதலையாக காதலித்து வந்த மதன்குமார் என்பவர் கத்தியால் குத்தி கொலை செய்தார். பள்ளியில் நடந்த இந்த சம்பவம் தமிழகம் முழுவதும் பெரும் அதிர்வலையை ஏற்படுத்திய நிலையில் நேற்று இரவு மதுரையிலும் ஒரு சம்பவம் நடந்துள்ளது. அதுபற்றிய விபரம் வருமாறு:-

மதுரை ஒத்தக்கடை அருகே உள்ள சக்கரா நகரில், தனியார் ஒருவர் நடத்தி வரும் ஜெராக்ஸ் கடையில் அதே பகுதியைச் சேர்ந்த லாவண்யா என்பவர் வேலைபார்த்து வந்தார். குடும்ப வறுமையால் கல்லூரி படிப்பை தொடர முடியாத சூழலுக்கு தள்ளப்பட்ட லாவண்யா கடந்த நான்கு வருடமாக பணிபுரிந்து வருகிறார்.

இந்தநிலையில் லாவண்யா வேலைக்கு வரும்போதும், பணி முடிந்து வீடு திரும்பும்போது மதுரை ஒத்தக்கடை பகுதியைச் சேர்ந்த சித்திக் ராஜா (வயது 25 ) என்பவர் பின்தொடர்ந்து சென்று தொல்லை கொடுத்து வந்துள்ளார். பல சமயங்களில் லாவண்யாவை வழிமறித்து தன்னை காதலிக்க வற்புறுத்தி உள்ளார்.

ஆனால் அதனை தட்டிக் கழித்த லாவண்யா தனது குடும்ப நிலை குறித்து பக்குவமாக எடுத்துக்கூறியும் அதனை துச்சமாக நினைத்த சித்திக்ராஜா எனக்கு நீதான்... என்ற வசனங்களும் பேசி மயக்க முயன்றுள்ளார். எப்பேற்பட்ட நிலையிலும் உன்னை திருமணம் செய்து கொள்ள முடியாது என்று லாவண்யா தனது முடிவில் தெளிவாக இருந்தார்.

இந்தநிலையில் சம்பவத்தன்று லாவண்யா வேலை பார்க்கும் ஜெராக்ஸ் கடைக்கு நேரில் சென்று லாவண்யாவிடம் நீண்ட நேரமாக பேச்சுக் கொடுத்தவாறு இருந்தார். ஆனால் அவர் மசியாததால் ஆத்திரம் அடைந்த சித்திக் ராஜா, சேரில் அமர்ந்திருந்த லாவண்யாவை கைகளால் காட்டுமிராட்டித்தனமாக தாக்கினார்.

இதில் நிலைகுலைந்த லாவண்யா இருக்கையில் இருந்து பின்புறமாக கீழே விழுந்தார். அப்போது குனிந்தவாறு சித்திக்ராஜா தாக்கினார். லாவண்யாவின் அலறல் சத்தம் கேட்டு அக்கம்பக்கத்தினர் ஓடி வந்தனர். உடனே சித்திக் ராஜா அங்கிருந்து தப்பி ஓடிவிட்டார்.

இதில் பலத்த காயம் அடைந்த லாவண்யா மயக்கம் அடைந்தார். உடனடியாக அக்கம் பக்கத்தில் உள்ளவர்கள் அவரை மீட்டு அரசு ராஜாஜி மருத்துவமனையில் சிகிச்சைக்காக சேர்த்தனர். இதுகுறித்து ஒத்தக்கடை போலீசார் வழக்கு பதிவு செய்து விசாரணை நடத்தி வருகின்றனர்.

இது தொடர்பான காட்சிகள் அந்த ஜெராக்ஸ் கடையில் பொருத்தப்பட்டிருந்த சி.சி.டி.வி. கேமராவில் பதிவாகி உள்ளது. தற்போது அந்த வீடியோ வைரலாகி உள்ளது.

காதல் திருமணம் என்பது இருபாலரும் ஒருவரையொருவர் முழுமையாகப் புரிந்து கொண்டு முறையான வாழ்க்கையை அமைத்துக் கொள்வது. பாலியல் கவர்ச்சியால் ஏற்படும் காதல், விரைவிலேயே கசந்துவிடும் என்பதை இளைஞர்கள் உணர வேண்டும் என்பதே ஒட்டு மொத்த பெண் பிள்ளைகளை பெற்றவர்களின் எதிர்பார்ப்பு. 

சமூக ஊடகங்களில் வெளியாகும் வீடியோக்களில் சில நகைச்சுவையாகவும், சில விமர்சனத்திற்குள்ளாவதையும் காணமுடிகிறது. அந்த வகையில் தான் தற்போது சமூக வலைத்தளங்களில் வைரலாகும் திருமண ஊர்வலத்தின் வீடியோ ஒன்று...

வைரலாகும் வீடியோ உத்தரபிரதேச மாநிலம் சித்தார்த்நகரில் எடுக்கப்பட்டுள்ளது. வீடியோவில், திருமண ஊர்வலத்தின் போது ரூ.100, ரூ.200 மற்றும் 500 ரூபாய் நோட்டுகளை வீசுகின்றனர். மணமகன் ஊர்வலத்தின் போது அங்கு கூடியிருந்த விருந்தினர்கள் பணத்தை வீசுகின்றனர். காற்றில் பறக்கும் ரூபாய் நோட்டுகளை அங்கு கூடியிருந்த மக்கள் எடுத்து செல்கின்றனர். இந்த வைரலான வீடியோ அப்சல் மற்றும் அர்மானின் திருமணத்திலிருந்து எடுக்கப்பட்டதாக கூறப்படுகிறது.

சமூக வலைத்தளங்களில் வைரலான வீடியோவை பார்த்த பயனர்கள் பலரும் தங்களது கருத்துகளை தெரிவித்து வருகின்றனர். அதில் ஒரு பயனரோ, "சகோதரரே, பணத்தை ஏழைகளுக்குப் பகிர்ந்தளிக்கவும்" என்றும் மற்றொருவரோ "இவ்வளவு பணம் இருந்தால், நான்கு ஏழைப் பெண்களுக்குத் திருமணம் செய்திருக்கலாம்" என்றும் கூறுகின்றனர்.

வடமாநிலங்களில் ஒவ்வொரு ஆண்டும் அக்டோபர் மாதம் பனிப்பொழிவு ஏற்படும். அதேபோல் தற்போதும் வடமாநிலங்களில் கடும் பனிப்பொழிவு நிலவி வருகிறது. இதனால் காலை வேளையில் பொதுமக்கள் வீட்டை விட்டு வெளிய வரவே சிரமப்படுகின்றனர்.

இதனிடையே டெல்லியில் காற்று மாசுபாடுடன் பனிப்பொழிவும் சேர்வதால் மக்கள் பெரும் அவதிக்குள்ளாகி உள்ளனர். இதனால் டெல்லியில் பல்வேறு கட்டுப்பாடுகள் விதிக்கப்பட்டுள்ளது-

இந்த நிலையில், ஜம்மு காஷ்மீர் மாநிலம் குரேஸ், துலைல் மற்றும் கன்சல்வான் ஆகிய எல்லைப் பகுதிகள் உட்பட, பந்திபோராவின் மேல் பகுதிகள் பனிப்பொழிவால் வெள்ளைப் பனியால் மூடப்பட்டிருக்கும் காட்சிகள் சமூக வலைத்தளங்களில் வைரலாகி வருகிறது.

சிறுத்தைகள், புலிகள் போன்றவையும், யானைகளும்கூட ஊருக்குள், தோட்ட பகுதியில் புகுந்து அட்டகாசம் செய்வதை கேள்விப்பட்டு இருப்போம். தாவர உண்ணி விலங்குகளான காண்டாமிருகம் பெரும்பாலும் ஊர்ப்புறத்தில் நுழைவது இல்லை. ஆனால் ஆக்ரோஷமான அவை ஊருக்குள் நுழைந்தால் என்ன நடக்கும் என்பதை சமூக வலைத்தளத்தில் வெளியாகி உள்ள ஒரு வீடியோ படம்பிடித்து காட்டுகிறது.

கிராம மக்கள் பீதி கிளம்ப ஓடுவதை வீடியோவில் பார்க்க முடிகிறது. இந்த சம்பவம், அசாம் மாநிலம் கம்ரூப் மாவட்ட பகுதியில் நடந்ததாக கூறப்படுகிறது. சிறிய ஊரை ஒட்டிய தோட்ட பகுதிக்குள் இருந்து அந்த காண்டாமிருகம் சாலைக்கு ஏறி வருகிறது. எதிரே ஒரு மனிதரை கண்டதும் அது ஆக்ரோஷம் அடைந்து அவரை தாக்க ஓடுகிறது.

இதனால் பீதி அடைந்த அந்த நபர் மோட்டார் சைக்கிளை போட்டுவிட்டு தப்பித்து ஓடுகிறார். காண்டாமிருகம் தொடர்ந்து வெறிகொண்டு ஓடியபடி கண்ணில் கண்டவர்களையெல்லாம் துரத்துகிறது. மக்கள் பீதியில் கூச்சலிடுவதும் வீடியோவில் பதிவாகி உள்ளது. கேமராவில் படம் பிடித்தவரும் காண்டாமிருகத்திற்கு போக்கு காட்டியே வீடியோவை பதிவு செய்து உள்ளார். 2 நாட்களில் இந்த வீடியோ 2 கோடியே 67 லட்சம் தடவை ரசிக்கப்பட்டு உள்ளது.

நடன வீடியோக்கள் அடிக்கடி வைரலாகின்றன. சில நேரங்களில் நடிகர்களை விஞ்சும் அளவுக்கு சிலரின் நடனம் பார்வையாளர்களை கவர்ந்துவிடும். அந்த வகையில் குடும்பப் பெண்மணி ஒருவர், வாலிபத்தில் மட்டுமே துள்ளாட்டம் வரும் என்பதை பொய்யாக்கி, நடனத்தால் பலரையும் ஈர்த்து உள்ளார்.

அவரது ஆட்டத்தை குறுகிய காலத்தில் சுமார் 2½ கோடி பேர் ரசித்து உள்ளனர். அவர் ஓடும் காரில் இருந்து இறங்கி அதன் கதவை பிடித்தபடி நடனமாடுகிறார். கார் மெதுவான வேகத்தில் நகர்கிறது. பின்னணியில் இசை ஒலிக்கிறது. இளஞ்சிவப்பு நிற புடவை, கருப்பு கண்ணாடி அணிந்து மிடுக்காக தோன்றும் அவர், இடுப்பை அசைத்து சுழன்று ஆடி பார்ப்பவர்களை கவர்ந்துவிடுகிறார்.

அவரது ஆட்டத்திற்கு பல லட்சம் பேர் விருப்பம் தெரிவித்து உள்ளனர். 5 ஆயிரத்துக்கும் மேற்பட்டவர்கள் கருத்து பதிவிட்டு உள்ளனர். நெடுஞ்சாலையில் இப்படி நடனமாடுவது, அதுவும் ஓடும் காரின் கதவை பிடித்து நடனமாடுவது ஆபத்தானது என்று சிலர் கருத்து கூறி உள்ளனர்.

ஜப்பானை சேர்ந்த இளம்பெண் கீகி சென். சமூக வலைத்தள பிரபலமான இவர் வெளிநாடுகளுக்கு சுற்றுலா சென்று வீடியோ பதிவிடுவதை வாடிக்கையாக கொண்டுள்ளார். இவரை லட்சக்கணக்கானோர் பின்தொடர்ந்து வருகிறார்கள்.

இந்தநிலையில் கீசி சென் இந்தியாவை சுற்றி பார்ப்பதற்காக விமானம் மூலம் பெங்களூரு விமான நிலையத்திற்கு வந்திருந்தார். அப்போது அவர் பெங்களூரு விமான நிலையத்தின் உள்கட்டமைப்பு வசதிகளை பார்த்து மிகவும் ஆச்சரியமடைந்தார். விமான நிலையத்தின் ஓய்வறை, காத்திருப்புப் பகுதிகள் மற்றும் உணவு அங்காடிகள் உள்ளிட்டவை முழுவதும் மூங்கில் கட்டைகளால் கட்டப்பட்டுள்ளதை கண்டு வியந்தார்.

மேலும் அதனை வீடியோவாக பதிவிட்டு சமூக வலைத்தளத்தில் வெளியிட்டார். 'இந்தியா விமானநிலையத்தை கண்டு வியப்பு' என்ற தலைப்புடன் பதிவிடப்பட்டுள்ள இந்த வீடியோ பதிவு பார்வைகளை குவித்து வைரலாகி வருகிறது.

அமெரிக்கா ஜனாதிபதி தேர்தலில் வெற்றி பெற்று அந்த நாட்டின் ஜனாதிபதியாக டிரம்ப் மீண்டும் பதவியேற்க உள்ளார். ஜனாதிபதி ஜோ பைடனை வெள்ளை மாளிகைக்கு சென்று டிரம்ப் சந்தித்துள்ளார்.

இந்தநிலையில் அரசியல் எதிரிகளாக கருதப்படும் இவர்கள் நண்பர்களாக இருந்து விடுமுறையை இணைந்து கொண்டாடுவது தொடர்பான வீடியோ வெளியாகி உள்ளது. வீடியோவில், வெள்ளை மாளிகையில் டிரம்ப் மற்றும் ஜோ பைடன் உணவு சாப்பிட்டப்படியே நடந்து முடிந்த தேர்தல் குறித்து நீண்டநாள் நண்பர்கள்போல சகஜமாக பேசுகிறார்கள்.

பின்னர் நாம் ஒருவேளை இந்த இடத்தில் இல்லாமல் இருந்தால் என யோசிக்கிறார்கள். அப்போது அவர்கள் இருவரும் விடுமுறையை கொண்டாடி ஐஸ்கிரீம் சுவைப்பது, குதிரை சவாரி செய்வது, கோல்ப் விளையாடுவது, இருசக்கர வாகனம் ஓட்டுவது, ஆற்றில் மீன்பிடிப்பது, பாட்டு பாடுவது, நடனம் ஆடுவது என ஈடுபடுகிறார்கள்.

ஏ.ஐ தொழில்நுட்பத்துடன் உருவாக்கப்பட்டுள்ள இந்த வீடியோ சமூக வலைத்தளத்தில் வெளியாகி ஒருநாள் கூட ஆகாதநிலையில் 60 லட்சத்திற்கும் மேற்பட்ட பார்வைகளை பெற்று வைரலாகி வருகிறது.

தமிழ்நாடு அரசு பேருந்துகளில் தினமும் லட்சக்கணக்கானோர் பயணம் மேற்கொள்கின்றனர். பண்டிகை காலங்களில் முன்பதிவு செய்தும் பயணத்தை மேற்கொள்கின்றனர். இப்படி லட்சக்கணக்கானோர் பயணிக்கும் பேருந்துகளை சிலர் சுத்தம் செய்து இயக்குவர். சிலர் அப்படியே இயக்குவர்.

இந்த நிலையில், அரசு பேருந்தில் சேர்ந்த குப்பைகளை பெண் பயணி ஒருவர் சுத்தம் செய்யும் வீடியோ காட்சிகள் சமூக வலைத்தளங்களில் வைரலாகி வருகிறது.

நெல்லை மாவட்டத்தில் கடந்த 25 நாட்களாக குப்பை கூளங்களுடன் அரசு பேருந்து ஒன்று பயணம் மேற்கொண்டு வந்தது. இந்த குப்பைகளை காண பொறுக்காமல் தனது வீடு போல நினைத்து பயணி மாஞ்சோலை தமிழரசி சுத்தம் செய்தார். இதுதொடர்பான வீடியோ காட்சிகள் சமூக வலைத்தளங்களில் வைரலானதை தொடர்ந்து அவருக்கு பாராட்டுகள் குவிந்து வருகின்றன.

இன்றைய காலகட்டத்தில் சமூக வலைத்தளங்களில் பரவும் வீடியோக்களில் சிலவற்றை பார்க்கும் போது நகைச்சுவையாகவும், அதிர்ச்சியூட்டு வகையிலும் இருக்கும்.

ஆனால் தற்போது சமூக வலைத்தளங்களில் பரவும் வீடியோவை பார்க்கும் போது நமக்கு எங்கு தான் பாதுகாப்பு உள்ளது என்ற கேள்வியை எழுப்புகிறது.

22 வினாடிகளே ஓடும் வீடியோவில், 4 ஆண்கள் ஒன்று கூடி வேலை நிமித்தமாக பேசிக்கொண்டு இருக்கிறார்கள். பெண் ஒருவர் நடந்து செல்கிறார். அப்போது திடீரென மேல் இருந்து கண்ணாடி கதவுகள் உடைந்து விழுந்த உடனே காரும் விழுகிறது. இதில் அதிர்ஷ்டவசமாக அனைவரும் உயிர் தப்பினர்.

யூ ஆர் நாட் சேஃப் எனிவேர் என்ற தலைப்பிடப்பட்டு வெளியிடப்பட்ட வீடியோ ஒரு சூப்பர் மார்க்கெட்டில் எடுக்கப்பட்டதாகவும், டிரைவரின் கட்டுப்பாட்டை இழந்ததால் கார் விபத்துக்குள்ளானதாக தகவல் வெளியாகி உள்ளது.

பண்டிகை காலங்களில் நெரிசல் மிகுந்த ரெயிலில் பயணம் செய்வது மிகவும் வேதனையான அனுபவங்களில் ஒன்றாகும். நெரிசலான ரெயில்களில் ஒருவரையொருவர் இருக்கைக்காக தள்ளிக்கொண்டு ஏறுவது, சண்டையிட்டு கொள்வது போன்ற வீடியோ காட்சிகள் சமூக வலைத்தளங்களில் வைரலாகும். ஆனால் தற்போது வைரலாகும் வீடியோ அவ்விதமான பிரச்சனைகளுக்கு தீர்வு காணும் வகையில் அமைந்துள்ளது.

14 வினாடிகளே ஓடும் வீடியோவில், பயணி ஒருவர் தற்காலிகமாக தூங்குவதற்காக கயிற்ற கட்டிலை உருவாக்குகிறார். அதாவது, ஒரு கயிற்றைப் பயன்படுத்தி இரண்டு படுக்கைகளுக்கு இடையில் ஒரு கட்டிலை உருவாக்குகிறார். இதனை அந்த பயணி உருவாக்கிய போது சக பயணிகள் வேடிக்கை பார்த்துக் கொண்டிருக்கிறார்கள். சிலர் அந்த பயணியின் செயலை தங்கள் செல்போன்களில் வீடியோ எடுத்து சமூக வலைத்தளங்களில் வெளியிட்டுள்ளனர்.

சமூக வலைத்தளங்களில் வெளியான வீடியோவிற்கு "நவீன பிரச்சனைகளுக்கு நவீன தீர்வுகள் தேவை" என தலைப்பிடப்பட்டு இருந்தது. வீடியோவை பார்த்த பயனர்கள் பலரும் தங்களது கருத்துகளை பதிவிட்டு வருகின்றனர். அதில் பெரும்பாலும் ரெயில்களில் பயணிப்பதில் உள்ள சவால்கள் பற்றிய உரையாடல்களே காண முடிந்தது. மேலும் அந்த பயணியின் திறமையை பலர் பாராட்டினாலும், மற்றவர்கள் இது சக பயணிகளுக்கு இடையூறாக இருக்கும் என்று தெரிவித்தனர். 

நீலகிரி மாவட்டம் பந்தலூர் அருகே இரவு நேரத்தில் வீட்டிற்குள் புகுந்த திருடன் முதியவரை பிடித்து வைத்துக்கொண்டு கொலை செய்துவிடுவதாக அக்கம் பக்கத்தினரை மிரட்டும் வீடியோ வெளியாகி அதிர்ச்சியை ஏற்படுத்தி உள்ளது.

நீலகிரி மாவட்டம் கூடலூரை அடுத்துள்ள கிராமத்தில் ஐயாமுத்து என்ற 86 வயதுடைய முதியவர், அவருடைய மனைவி லட்சுமி இருவரும் தனியாக வசித்து வருகின்றனர்.

திடீரென நேற்று இரவு அதேபகுதியை சேர்ந்த சந்திரன் என்பவர் வீட்டிற்குள் நுழைந்து திருட முயற்சித்துள்ளார். இதைக்கண்டு வீட்டில் இருந்தவர்கள் கூச்சலிட்டனர். அப்போது வயதானவரை தாக்கி மிரட்டல் விடுத்துள்ளார்.

உடனே அக்கம் பக்கத்தில் உள்ளவர்கள் வந்ததும் முதியவரை காப்பாற்றுவது போல் நடித்துள்ளர். அருகில் உள்ள பொருட்களை எடுத்து வீசியும், முதியவரின் கழுத்த பிடித்து இறுக்கியும் மிரட்டல் விடுத்தார்.

அருகில் இருந்தவர்கள் போலீசுக்கு தகவல் தெரிவித்ததும் சந்திரன் அங்கிருந்து தப்பி ஓடிவிட்டார். அவரை போலீசார் தேடி வருகின்றனர். தற்போது பலத்த காயம் அடைந்த முதியவர் பந்தலூர் அரசு ஆஸ்பத்திரியில் அனுமதிக்கப்பட்டுள்ளார்.