போக்கிரி படத்தின் வங்காள ரீமேக் காட்சிகள் வைரல்: கலாய்த்து தள்ளும் ரசிகர்கள்

தற்போது சூப்பர் ஹிட் படங்கள் அனைத்தும் ரீலீஸ் செய்யப்படுவது ட்ரெண்டாகி வருகிறது. ரஜினி, கமல், விஜய், அஜித், உள்ளிட்ட முன்னணி நட்சத்திரங்களின் மாபெரும் வெற்றி பெற்ற படங்களை ரீ ரிலீஸ் செய்யப்படுவதால் ரசிகர்கள் அதனை ஆவலோடு ரசித்து கொண்டாடி வருகின்றனர். இப்படி ஏகப்பட்ட படங்கள் ரீரிலீஸ் ஆன போதும் கூட கில்லிதான் ரீரிலீஸ் வசூலில் சாதனை படைத்தது.

அந்த வகையில் நடிகர் விஜயின் 50 வது பிறந்த நாளை முன்னிட்டு, விஜய் நடிப்பில் உருவான போக்கிரி திரைப்படம் ஜூன் 21ஆம் தேதி உலகம் முழுவதும் ரீ ரிலீஸ் செய்யப்படவுள்ளது. ஜூன் 22ம் தேதி விஜய்யின் பிறந்த நாளாகும்.

விஜய் நடிப்பில், இயக்குநர் பிரபு தேவா இயக்கத்தில், கடந்த 2007 ஆம் ஆண்டு பொங்கலன்று போக்கிரி திரைப்படம் ரிலீஸ் ஆனது. இதில் விஜய், அசின், வடிவேலு, நாசர், பிரகாஷ்ராஜ், நெப்போலியன், ஆனந்த்ராஜ், உள்ளிட்ட முன்னணி நட்சத்திரங்கள் நடித்துள்ளனர்.

இந்நிலையில் 'போக்கிரி' படத்தை தழுவி, வங்காள மொழியில் 2011ல் எடுக்கப்பட்ட 'மோனெர் ஜாலா' திரைப்படத்தின் காட்சிகள் இணையத்தில் வைரலாகி வருகின்றன. இந்த காட்சிகளை பகிர்ந்து நெட்டிசன்கள் கலாய்த்து வருகின்றனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.