வாழ்நாளும் போனாலும் உன்னோடுதான் - ப்ளடி பெக்கர் படத்தின் பொன்மாயமே பாடல் வெளியீடு

இயக்குனர் நெல்சன் தயாரிப்பில் கவின் `ப்ளடி பெக்கர்' படத்தில் கதாநாயகனாக நடித்துள்ளார். இப்படத்தை அறிமுக இயக்குனரான சிவபாலன் முத்துகுமார் இயக்கியுள்ளார். இவர் இதற்கு முன் நெல்சன் திலிப்குமாரிடம் உதவி இயக்குனராக பணியாற்றியுள்ளார்.

திரைப்படம் வரும் அக்டோபர் 31 ஆம் தேதி தீபாவளியை முன்னிட்டு வெளியாகவுள்ளது. இப்படத்திற்கு ஜென் மார்டின் இசையமைத்துள்ளார்.

இப்படத்தில் கவினுடன் ரெடின் கிங்ஸ்லி, மாருதி பிரகாஷ்ராஜ், சுனில் சுகாதா, அக்ஷயா ஹரிஹரன் மற்றும் பலர் நடித்துள்ளனர். படத்தின் டிரைலர் அண்மையில் வெளியாகி மக்களிடையே நல்ல வரவேற்பை பெற்றது.

படத்தின் ப்ரோமோஷன் பணிகள் தீவிரமாக நடைப்பெற்று வருகிறது. படத்திற்கு தணிக்கை குழு யூ/ஏ சான்றிதழை வழங்கியுள்ளது. படத்தின் நீளம் 2 மணி நேரம் 30 நிமிடங்களாகும்.

படத்தின் ப்ரோமோ பாடலான பெக்கர் வாலா பாடல் சில நாட்களுக்கு முன் வெளியானது . திரைப்படம் வெளியாக இன்னும் 4 நாட்களே உள்ளன. இந்நிலையில் படத்தின் அடுத்த பாடலான பொன்மாயமே ப்பாடலின் லிரிக் வீடியோ வெளியாகியுள்ளது.

பாடலின் வரிகளை விவேக் மற்றும் விஷ்ணு எடாவன் எழுத சத்ய நாரயணன் பாடியுள்ளார். இப்பாடல் மிகவும் மெலடியாக, எமோஷனலாக உள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.