நம்ம பக்கத்து ஸ்டேட் தான.. இங்கிலீஸ் எதுக்கு தமிழ்ல பேசுறேன் - வைரலாகும் தனுஷ் வீடியோ

தெலுங்கு இயக்குனர் வெங்கி அட்லூரி இயக்கத்தில், தனுஷ் நடிப்பில் உருவாகி வரும் திரைப்படம் 'வாத்தி'. சம்யுக்தா மேனன் கதாநாயகியாக நடித்திருக்கிறார். இப்படம் நேரடியாக தெலுங்கிலும் வெளியாகவுள்ளது. இப்படத்திற்கு தெலுங்கில் 'சார்' என்று தலைப்பு வைக்கப்பட்டிருக்கிறது.

வாத்தி டிரைலர் வெளியீட்டு விழா

'வாத்தி' திரைப்படம் வருகிற 17-ஆம் தேதி திரையரங்குகளில் வெளியாகவுள்ள நிலையில், ரசிகர்களால் மிகவும் எதிர்பார்க்கப்பட்ட இப்படத்தின் டிரைலர் நேற்று வெளியானது. மிரட்டலாக வந்திருக்கும் இந்த டிரைலரை ரசிகர்கள் வைரலாக்கி வருகின்றனர். இதையடுத்து ஹைதராபாத்தில் நடைபெற்ற இப்படத்தின் டிரைலர் வெளியீட்டு விழாவில் நடிகர் தனுஷ், எனக்கு தெலுங்கு அவ்வளவா பேச வராது புரியும். நீங்க என் பக்கத்து ஸ்டேட் தான இங்கிலீஸ்ல எதுக்கு பேசனும் தமிழ்ல பேசுறேன் புரியும்ல என்று கேட்டதற்கு ரசிகர்கள் சம்மதம் தெரிவித்தனர்.

வாத்தி டிரைலர் வெளியீட்டு விழா

சிறிது நேரம் தமிழில் பேசிய பின்னர் ரசிகர்கள் சிலர் புரியவில்லை என்று கூறியதால் ஆங்கிலத்தில் தனுஷ் பேசினார். இறுதியாக தனுஷ் பேசி முடிக்கும் போது ரசிகர்கள் அவரை விஐபி படத்திலிருந்து அமுல் பேபி வசனத்தை பேச சொல்ல அதற்கு தமிழில் தான் வரும் என்று கூறிவிட்டு அந்த வசனத்தை பேசினார். இதனால் உற்சாகமடைந்த ரசிகர்கள் கைத்தட்டி ஆரவாரம் செய்தனர். இந்த வீடியோ சமூக வலைதளத்தில் வைரலாகி வருகிறது.