தோழியின் கணவரை திருமணம் செய்யும் ஹன்சிகா..? வைரலாகும் வீடியோ..

தமிழில் எங்கேயும் காதல், மாப்பிள்ளை, வேலாயுதம், சிங்கம் 2, பிரியாணி, அரண்மனை உள்ளிட்ட பல படங்களில் நடித்துள்ள ஹன்சிகா தெலுங்கிலும் முன்னணி கதாநாயகியாக வலம் வந்தார். தற்போது தமிழில் 4 படங்கள், தெலுங்கில் 2 படங்கள் கைவசம் வைத்து நடித்து வருகிறார்.

ஹன்சிகா - சோகேல்

இவர் சமீபத்தில் தன்னுடைய நெருங்கிய நண்பரும் தொழிலதிபருமான சோகேலை திருமணம் செய்யவுள்ளதை சமூக வலைதளத்தில் புகைப்படங்களை வெளியிட்டு உறுதிப்படுத்தியிருந்தார். மேலும், இவர்களது திருமணம் வருகிற டிசம்பர் மாதம் 04-ம் தேதி நடைபெறவுள்ளதாக கூறப்பட்டது.

சோகேல் திருமணத்தில் ஹன்சிகா

இந்நிலையில், சோகேலுக்கும் ஹன்சிகாவின் தோழிக்கும் ஏற்கனவே திருமணமாகியுள்ளதாக தகவல் வெளியாகியுள்ளது. அதாவது, தொழிலதிபர் சோகேல் கடந்த 2016-ஆம் ஆண்டு ஹன்சிகாவின் தோழி ரிங்கு என்பவரை திருமணம் செய்ததாகவும் பின்னர் கருத்து வேறுபாடு காரணமாக இருவரும் விவாகரத்து பெற்றதாகவும் செய்தி பரவி வருகிறது. அதுமட்டுமல்லாமல் இவர்களின் திருமண நிகழ்ச்சியில் நடிகை ஹன்சிகா பங்கேற்றுள்ளார். இது தொடர்பான வீடியோ சமூக வலைதளத்தில் வைரலாகி வருகிறது.