ஜிகர்தண்டா படத்தின் இரண்டாம் பாகம் அறிவிப்பு.. வைரலாகும் வீடியோ

கார்த்திக் சுப்பராஜ் இயக்கத்தில் 2014-ம் ஆண்டு மதுரையை களமாக கொண்டு உருவாகிய படம் ஜிகர்தண்டா. சித்தார்த் கதாநாயகனாக நடித்த இந்த படத்தில் லட்சுமி மேனன் அவருக்கு ஜோடியாக நடித்தார். இப்படத்தின் முக்கிய கதாபாத்திரத்தில் பாபி சிம்ஹா நடித்திருந்தார். அந்த படத்துக்காக 2014-ம் ஆண்டின் தேசிய விருதை பாபி சிம்ஹா பெற்றார்.

பலரின் பாராட்டுக்களையும் பெற்று நல்ல வரவேற்பை பெற்ற ஜிகர்தண்டா திரைப்படம் வெளியாகி இன்றுடன் 8 வருடங்களை நிறைவு செய்துள்ளது. இதனை நினைவு கூறும் வகையில் இயக்குனர் கார்த்திக் சுப்பராஜ் சமூக வலைத்தளத்தில் வீடியோ பதிவை வெளியிட்டு ரசிகர்களுக்கு இன்ப அதிர்ச்சி கொடுத்துள்ளார்.

அதன்படி பல ஆண்டுகளாக எதிர்ப்பார்த்து முணுமுணுத்துக் கொண்டிருந்த ஜிகர்தண்டா படத்தின் இரண்டாம் பாகம் குறித்த அறிவிப்பை கார்த்திக் சுப்பராஜ் வெளியிட்டுள்ளார்.

இப்படத்தின் இரண்டாம் பாகம் விரைவில் தொடங்கவுள்ளதாக அந்த வீடியோ பதிவில் தெரிவிக்கப்பட்டுள்ளது. தற்போது இந்த வீடியோ சமூக வலைத்தளத்தில் வைரலாகி வருகிறது.