தொடர்ந்து அறிவிப்புகளை குவிக்கும் விஜய் ஆண்டனி

இசையமைப்பாளரும் நடிகருமான விஜய் ஆண்டனி தற்போது கிரைம் திரில்லர் வகை படமொன்றில் நடித்துள்ளார். இந்த படத்திற்கு 'கொலை' என்று பெயரிடப்பட்டுள்ளது. இந்த படத்தை 'விடியும் முன்' புகழ் இயக்குனர் பாலாஜி குமார் இயக்கியுள்ளார். 'கொலை' படத்தை இன்பினிட்டி & லோட்டஸ் புரொடக்ஷன்ஸ் தயாரித்துள்ளது.

கொலை

இந்த படத்தில் விஜய் ஆண்டனிக்கு ஜோடியாக நடிகை ரித்திகா சிங் நடித்துள்ளார். மேலும் மீனாட்சி சவுத்ரி, ராதிகா சரத்குமார், முரளி சர்மா, அர்ஜுன் சிதம்பரம் உள்ளிட்ட பலர் இந்த படத்தில் நடித்துள்ளனர். இந்த படத்திற்கு சிவகுமார் விஜயன் ஒளிப்பதிவு செய்துள்ளார். கிரீஷ் கோபாலகிருஷ்ணன் இசையமைத்துள்ளார்.

சமீபத்தில் வெளியான இந்த படத்தின் இரண்டாவது பாடல் 'பார்த்த நியாபகம் இல்லையோ' சமூக வலைதளத்தில் ஒரு மில்லியன் பார்வையாளர்களை கடந்து ட்ரெண்டாகி வருகிறது. இந்நிலையில், இப்படத்தின் புதிய அப்டேட் வெளியாகியுள்ளது.

அதன்படி, இப்படத்தின் தெலுங்கு பாடலான ' நீக்கு நியாபகம்' செப்டம்பர் 28-ஆம் தேதி வெளியாகும் என விஜய் ஆண்டனி போஸ்டர் ஒன்றை வெளியிட்டு அறிவித்துள்ளார். கொலை திரைப்படம் 'ஹட்யா' என்ற தலைப்பில் தெலுங்கில் உருவாகியுள்ளது குறிப்பிடத்தக்கது.