மார்க் ஆண்டனி உலகிற்கு வரவேற்கிறேன்.. கவனம் ஈர்க்கும் விஷால் பட போஸ்டர்..

லத்தி படத்தை தொடர்ந்து தற்போது விஷாலின் 33வது திரைப்படத்தை திரிஷா இல்லனா நயன்தாரா, அன்பானவன் அசராதவன் அடங்காதவன் போன்ற படங்களை இயக்கிய ஆதிக் ரவிச்சந்திரன் இயக்குகிறார். இப்படத்திற்கு மார்க் ஆண்டனி என்று பெயரிடப்பட்டுள்ளது. இப்படத்தின் நாயகியாக ரித்து வர்மா நடித்து வருகிறார். மேலும் இயக்குனரும் நடிகருமான எஸ்.ஜே.சூர்யா நடிக்கிறார். இப்படத்திற்கு ஜி.வி பிரகாஷ் இசையமைக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.

மார்க் ஆண்டனி பர்ஸ்ட் லுக் போஸ்டர்

இதையடுத்து இப்படத்தின் ஃபர்ஸ்ட் லுக் போஸ்டர் நடிகர் விஷாலின் பிறந்த நாளான இன்று (29.08.2022) வெளியிடப்படும் என படக்குழு அறிவித்திருந்தது. அதன்படி, மார்க் ஆண்டனி படத்தின் ஃபர்ஸ்ட் லுக் போஸ்டர் வெளியாகியுள்ளது. சாமியார் கெட்டப்பில் விஷால் கையில் துப்பாக்கியுடன் இருக்கும் இந்த போஸ்டர் தற்போது சமூக வலைதளத்தில் ரசிகர்களின் கவனம் ஈர்த்து வருகிறது.