இணையத்தில் வைரலாகும் அயலான் படத்தின் 2-வது பாடல்

ஆர். ரவிகுமார் இயக்கத்தில் சிவகார்த்திகேயன் நடித்துள்ள திரைப்படம் 'அயலான்'. ஏ.ஆர். ரகுமான் இசையில், ரகுல் பிரீத் சிங், யோகி பாபு, கருணாகரன் உள்ளிட்ட பலர் இப்படத்தில் முக்கிய கதாபாத்திரத்தில் நடித்துள்ளனர்.

இந்த படத்தை 24 ஏ.எம். ஸ்டுடியோஸ் மற்றும் கே.ஜே.ஆர். ஸ்டுடியோஸ் நிறுவனம் இணைந்து தயாரித்துள்ளன. இப்படத்தின் டீசர் சமீபத்தில் வெளியாகி வரவேற்பை பெற்றது. 2024 பொங்கல் பண்டிகையை ஒட்டி ஜனவரி 12-ம் தேதி அயலான் படம் ரிலீசாக இருக்கிறது.

இந்த நிலையில், 'அயலான்' படத்தின் இரண்டாவது பாடலை படக்குழு வெளியிட்டுள்ளது. அயலா அயலா என துவங்கும் இந்த பாடலை விவேக் எழுத, நரேஷ் ஐயர் மற்றும் ரிடே பாடியுள்ளனர்.